| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੬. ਪਾਟਿਦੇਸਨੀਯਕਣ੍ਡਂ
6. Pāṭidesanīyakaṇḍaṃ
੧. ਪਠਮਪਾਟਿਦੇਸਨੀਯਸਿਕ੍ਖਾਪਦ-ਅਤ੍ਥਯੋਜਨਾ
1. Paṭhamapāṭidesanīyasikkhāpada-atthayojanā
ਖੁਦ੍ਦਕਾਨਂ ਅਨਨ੍ਤਰਾ ਪਾਟਿਦੇਸਨੀਯਾ ਯੇ ਧਮ੍ਮਾ ਸਙ੍ਗੀਤਿਕਾਰੇਹਿ ਠਪਿਤਾ, ਇਦਾਨਿ ਤੇਸਂ ਧਮ੍ਮਾਨਂ ਅਯਂ વਣ੍ਣਨਾ ਭવਤੀਤਿ ਯੋਜਨਾ।
Khuddakānaṃ anantarā pāṭidesanīyā ye dhammā saṅgītikārehi ṭhapitā, idāni tesaṃ dhammānaṃ ayaṃ vaṇṇanā bhavatīti yojanā.
੫੫੨. ਪਠਮਪਾਟਿਦੇਸਨੀਯੇ ਤਾવ ਅਤ੍ਥੋ ਏવਂ વੇਦਿਤਬ੍ਬੋਤਿ ਯੋਜਨਾ। ਪਟਿਆਗਮਨਕਾਲੇਤਿ ਪਿਣ੍ਡਾਯ ਚਰਣਟ੍ਠਾਨਤੋ ਪਕ੍ਕਮਿਤ੍વਾ, ਪਟਿਨਿવਤ੍ਤਿਤ੍વਾ વਾ ਆਗਮਨਕਾਲੇ। ਸਬ੍ਬੇવਾਤਿ ਏਤ੍ਥ ਨਿਗ੍ਗਹੀਤਲੋਪવਸੇਨ ਸਨ੍ਧਿ ਹੋਤੀਤਿ ਆਹ ‘‘ਸਬ੍ਬਮੇવਾ’’ਤਿ। ‘‘ਕਮ੍ਪਮਾਨਾ’’ਤਿ ਇਮਿਨਾ ਪਪੁਬ੍ਬવਿਧਧਾਤੁਯਾ ਕਮ੍ਪਨਤ੍ਥਂ ਦਸ੍ਸੇਤਿ। ਅਪੇਹੀਤਿ ਏਤ੍ਥ ਅਪਪੁਬ੍ਬਇਧਾਤੁ ਗਤ੍ਯਤ੍ਥੋਤਿ ਆਹ ‘‘ਅਪਗਚ੍ਛਾ’’ਤਿ।
552. Paṭhamapāṭidesanīye tāva attho evaṃ veditabboti yojanā. Paṭiāgamanakāleti piṇḍāya caraṇaṭṭhānato pakkamitvā, paṭinivattitvā vā āgamanakāle. Sabbevāti ettha niggahītalopavasena sandhi hotīti āha ‘‘sabbamevā’’ti. ‘‘Kampamānā’’ti iminā papubbavidhadhātuyā kampanatthaṃ dasseti. Apehīti ettha apapubbaidhātu gatyatthoti āha ‘‘apagacchā’’ti.
੫੫੩. ਪਟਿਦੇਸੇਤਬ੍ਬਾਕਾਰਂ ਦਸ੍ਸੇਤਿ ਅਨੇਨਾਤਿ ਪਟਿਦੇਸੇਤਬ੍ਬਾਕਾਰਦਸ੍ਸਨਂ। ਦ੍વਿਨ੍ਨਂ ਸਦ੍ਦਾਨਂ ਪਰਿਯਾਯਭਾવਂ ਦਸ੍ਸੇਤੁਂ વੁਤ੍ਤਂ ‘‘ਰਥਿਕਾਤਿ ਰਚ੍ਛਾ’’ਤਿ। ਰਥਸ੍ਸ ਹਿਤਾ ਰਥਿਕਾ। ਣ੍ਯਪਚ੍ਚਯੇ ਕਤੇ ‘‘ਰਚ੍ਛਾ’’ਤਿ (ਮੋਗ੍ਗਲ੍ਲਾਨੇ ੪.੭੨ ਸੁਤ੍ਤੇ) વੁਚ੍ਚਤਿ। ਰਚ੍ਛਨ੍ਤਰੇਨ ਅਨਿਬ੍ਬਿਦ੍ਧਾ ਰਚ੍ਛਾ ਬ੍ਯੂਹੋ ਨਾਮਾਤਿ ਆਹ ‘‘ਅਨਿਬ੍ਬਿਜ੍ਝਿਤ੍વਾ’’ਤਿਆਦਿ। ਬ੍ਯੂਹੇਤਿ ਸਮ੍ਪਿਣ੍ਡੇਤਿ ਜਨੇ ਅਞ੍ਞਤ੍ਥ ਗਨ੍ਤੁਮਪਦਾਨવਸੇਨਾਤਿ ਬ੍ਯੂਹੋ। ਸਿਙ੍ਘਾਟਕਂ ਨਾਮ ਮਗ੍ਗਸਨ੍ਧੀਤਿ ਆਹ ‘‘ਮਗ੍ਗਸਮੋਧਾਨਟ੍ਠਾਨ’’ਨ੍ਤਿ। ਸਿਙ੍ਘਤਿ ਮਗ੍ਗਸਮੋਧਾਨਂ ਕਰੋਤਿ ਏਤ੍ਥਾਤਿ ਸਿਙ੍ਘਾਟਕਂ। ਏਤੇਸੂਤਿ ਰਥਿਕਾਦੀਸੁ। ਏਸੇવ ਨਯੋਤਿ ਦੁਕ੍ਕਟਪਾਟਿਦੇਸਨੀਯੇ ਅਤਿਦਿਸਤਿ। ਹੀਤਿ ਸਚ੍ਚਂ। ‘‘વਚਨਤੋ’’ਤਿ ਪਦਂ ‘‘વੇਦਿਤਬ੍ਬੋ’’ਤਿ ਪਦੇ ਞਾਪਕਹੇਤੁ। ਦਦਮਾਨਾਯ ਭਿਕ੍ਖੁਨਿਯਾ વਸੇਨਾਤਿ ਯੋਜਨਾ। ਏਤ੍ਥਾਤਿ ਸਿਕ੍ਖਾਪਦੇ। ਤਸ੍ਮਾਤਿ ਯਸ੍ਮਾ ਅਪਮਾਣਂ, ਤਸ੍ਮਾ।
553. Paṭidesetabbākāraṃ dasseti anenāti paṭidesetabbākāradassanaṃ. Dvinnaṃ saddānaṃ pariyāyabhāvaṃ dassetuṃ vuttaṃ ‘‘rathikāti racchā’’ti. Rathassa hitā rathikā. Ṇyapaccaye kate ‘‘racchā’’ti (moggallāne 4.72 sutte) vuccati. Racchantarena anibbiddhā racchā byūho nāmāti āha ‘‘anibbijjhitvā’’tiādi. Byūheti sampiṇḍeti jane aññattha gantumapadānavasenāti byūho. Siṅghāṭakaṃ nāma maggasandhīti āha ‘‘maggasamodhānaṭṭhāna’’nti. Siṅghati maggasamodhānaṃ karoti etthāti siṅghāṭakaṃ. Etesūti rathikādīsu. Eseva nayoti dukkaṭapāṭidesanīye atidisati. Hīti saccaṃ. ‘‘Vacanato’’ti padaṃ ‘‘veditabbo’’ti pade ñāpakahetu. Dadamānāya bhikkhuniyā vasenāti yojanā. Etthāti sikkhāpade. Tasmāti yasmā apamāṇaṃ, tasmā.
ਇਦਨ੍ਤਿ વਚਨਂ વੁਤ੍ਤਨ੍ਤਿ ਸਮ੍ਬਨ੍ਧੋ। ਸਮ੍ਭਿਨ੍ਨੇ ਏਕਰਸੇ ਕਾਲਿਕਤ੍ਤਯੇਤਿ ਯੋਜਨਾ।
Idanti vacanaṃ vuttanti sambandho. Sambhinne ekarase kālikattayeti yojanā.
੫੫੬. ‘‘ਦਾਪੇਤੀ’’ਤਿ ਹੇਤੁਤ੍ਥਕਿਰਿਯਾਯ ਕਾਰਿਤਕਤ੍ਤੁਕਾਰਿਤਕਮ੍ਮਾਨਿ ਦਸ੍ਸੇਤੁਂ વੁਤ੍ਤਂ ‘‘ਅਞ੍ਞਾਤਿਕਾਯ ਅਞ੍ਞੇਨ ਕੇਨਚੀ’’ਤਿ। ਅਞ੍ਞੇਨਾਤਿ ਅਤ੍ਤਨਾ ਅਞ੍ਞੇਨ। ‘‘ਤਾਯ ਏવ વਾ ਭਿਕ੍ਖੁਨਿਯਾ ਅਞ੍ਞੇਨ વਾ ਕੇਨਚੀ’’ਤਿ ਪਦਾਨਿ ‘‘ਪਟਿਗ੍ਗਹਾਪੇਤ੍વਾ’’ਤਿਪਦੇ ਕਾਰਿਤਕਮ੍ਮਾਨੀਤਿ। ਪਠਮਂ।
556. ‘‘Dāpetī’’ti hetutthakiriyāya kāritakattukāritakammāni dassetuṃ vuttaṃ ‘‘aññātikāya aññena kenacī’’ti. Aññenāti attanā aññena. ‘‘Tāya eva vā bhikkhuniyā aññena vā kenacī’’ti padāni ‘‘paṭiggahāpetvā’’tipade kāritakammānīti. Paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧. ਪਠਮਪਾਟਿਦੇਸਨੀਯਸਿਕ੍ਖਾਪਦਂ • 1. Paṭhamapāṭidesanīyasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੧. ਪਠਮਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 1. Paṭhamapāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • Pāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧. ਪਠਮਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 1. Paṭhamapāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 1. Paṭhamapāṭidesanīyasikkhāpadavaṇṇanā
