| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
6. баадид̣̇зсанийяаган̣д̣ам̣
6. Pāṭidesanīyakaṇḍaṃ
1. батамабаадид̣̇зсанийяасигкаабад̣̇ам̣
1. Paṭhamapāṭidesanīyasikkhāpadaṃ
имз ко банааяасманд̇о жад̇д̇ааро баадид̣̇зсанийяаа
Ime kho panāyasmanto cattāro pāṭidesanīyā
д̇хаммаа уд̣̇д̣̇зсам̣ ааг̇ажчанд̇и.
Dhammā uddesaṃ āgacchanti.
552. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇араа бхигкуний саавад̇т̇ияам̣ бин̣д̣ааяа жарид̇ваа бадиггаманагаалз ан̃н̃ад̇арам̣ бхигкум̣ бассид̇ваа зд̇ад̣̇авожа – ‘‘ханд̣̇ааяяа, бхигкам̣ бадиг̇г̇ан̣хаа’’д̇и. ‘‘судту, бхаг̇иний’’д̇и саб̣б̣зва аг̇г̇ахзси. саа убагадтз гаалз наасагки бин̣д̣ааяа жарид̇ум̣, чиннабхад̇д̇аа ахоси. ат̇а ко саа бхигкуний д̣̇уд̇ияамби д̣̇ивасам̣…бз… д̇ад̇ияамби д̣̇ивасам̣ саавад̇т̇ияам̣ бин̣д̣ааяа жарид̇ваа бадиггаманагаалз д̇ам̣ бхигкум̣ бассид̇ваа зд̇ад̣̇авожа – ‘‘ханд̣̇ааяяа, бхигкам̣ бадиг̇г̇ан̣хаа’’д̇и. ‘‘судту, бхаг̇иний’’д̇и саб̣б̣зва аг̇г̇ахзси. саа убагадтз гаалз наасагки бин̣д̣ааяа жарид̇ум̣, чиннабхад̇д̇аа ахоси. ат̇а ко саа бхигкуний жад̇уд̇т̇з д̣̇ивасз рат̇игааяа бавзд̇хзнд̇ий г̇ажчад̇и. сздти г̇ахабад̇и рат̇зна бадибат̇ам̣ ааг̇ажчанд̇о д̇ам̣ бхигкуним̣ зд̇ад̣̇авожа – ‘‘абзхааяяз’’д̇и. саа воггаманд̇ий д̇ад̇т̇зва барибад̇и. сздти г̇ахабад̇и д̇ам̣ бхигкуним̣ камаабзси – ‘‘камаахааяяз, маяааси баад̇ид̇аа’’д̇и. ‘‘наахам̣, г̇ахабад̇и, д̇аяаа баад̇ид̇аа. абижа, ахамзва д̣̇уб̣б̣алаа’’д̇и. ‘‘гисса бана д̇вам̣, аяяз, д̣̇уб̣б̣алаа’’д̇и? ат̇а ко саа бхигкуний сздтисса г̇ахабад̇исса зд̇амад̇т̇ам̣ аарожзси. сздти г̇ахабад̇и д̇ам̣ бхигкуним̣ гхарам̣ нзд̇ваа бхож̇зд̇ваа уж̇жхааяад̇и кияяад̇и вибаажзд̇и – ‘‘гат̇ан̃хи наама бхад̣̇анд̇аа бхигкунияаа хад̇т̇ад̇о аамисам̣ бадиг̇г̇ахзссанд̇и! гижчалаабхо маад̇уг̇аамо’’д̇и!
552. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarā bhikkhunī sāvatthiyaṃ piṇḍāya caritvā paṭikkamanakāle aññataraṃ bhikkhuṃ passitvā etadavoca – ‘‘handāyya, bhikkhaṃ paṭiggaṇhā’’ti. ‘‘Suṭṭhu, bhaginī’’ti sabbeva aggahesi. Sā upakaṭṭhe kāle nāsakkhi piṇḍāya carituṃ, chinnabhattā ahosi. Atha kho sā bhikkhunī dutiyampi divasaṃ…pe… tatiyampi divasaṃ sāvatthiyaṃ piṇḍāya caritvā paṭikkamanakāle taṃ bhikkhuṃ passitvā etadavoca – ‘‘handāyya, bhikkhaṃ paṭiggaṇhā’’ti. ‘‘Suṭṭhu, bhaginī’’ti sabbeva aggahesi. Sā upakaṭṭhe kāle nāsakkhi piṇḍāya carituṃ, chinnabhattā ahosi. Atha kho sā bhikkhunī catutthe divase rathikāya pavedhentī gacchati. Seṭṭhi gahapati rathena paṭipathaṃ āgacchanto taṃ bhikkhuniṃ etadavoca – ‘‘apehāyye’’ti. Sā vokkamantī tattheva paripati. Seṭṭhi gahapati taṃ bhikkhuniṃ khamāpesi – ‘‘khamāhāyye, mayāsi pātitā’’ti. ‘‘Nāhaṃ, gahapati, tayā pātitā. Apica, ahameva dubbalā’’ti. ‘‘Kissa pana tvaṃ, ayye, dubbalā’’ti? Atha kho sā bhikkhunī seṭṭhissa gahapatissa etamatthaṃ ārocesi. Seṭṭhi gahapati taṃ bhikkhuniṃ gharaṃ netvā bhojetvā ujjhāyati khiyyati vipāceti – ‘‘kathañhi nāma bhadantā bhikkhuniyā hatthato āmisaṃ paṭiggahessanti! Kicchalābho mātugāmo’’ti!
ассосум̣ ко бхигкуу д̇асса сздтисса г̇ахабад̇исса уж̇жхааяанд̇асса кияяанд̇асса вибаажзнд̇асса. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигку бхигкунияаа хад̇т̇ад̇о аамисам̣ бадиг̇г̇ахзссад̇ий’’д̇и …бз… сажжам̣ гира д̇вам̣, бхигку, бхигкунияаа хад̇т̇ад̇о аамисам̣ бадиг̇г̇ахзсийд̇и ? ‘‘сажжам̣, бхаг̇аваа’’д̇и. ‘‘н̃аад̇игаа д̇з, бхигку, ан̃н̃аад̇игаа’’д̇и? ‘‘ан̃н̃аад̇игаа, бхаг̇аваа’’д̇и. ‘‘ан̃н̃аад̇аго, могхабуриса, ан̃н̃аад̇игааяа на ж̇аанаад̇и бад̇ируубам̣ ваа аббад̇ируубам̣ ваа санд̇ам̣ ваа асанд̇ам̣ ваа. гат̇ан̃хи наама д̇вам̣, могхабуриса, ан̃н̃аад̇игааяа бхигкунияаа хад̇т̇ад̇о аамисам̣ бадиг̇г̇ахзссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Assosuṃ kho bhikkhū tassa seṭṭhissa gahapatissa ujjhāyantassa khiyyantassa vipācentassa. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhu bhikkhuniyā hatthato āmisaṃ paṭiggahessatī’’ti …pe… saccaṃ kira tvaṃ, bhikkhu, bhikkhuniyā hatthato āmisaṃ paṭiggahesīti ? ‘‘Saccaṃ, bhagavā’’ti. ‘‘Ñātikā te, bhikkhu, aññātikā’’ti? ‘‘Aññātikā, bhagavā’’ti. ‘‘Aññātako, moghapurisa, aññātikāya na jānāti patirūpaṃ vā appatirūpaṃ vā santaṃ vā asantaṃ vā. Kathañhi nāma tvaṃ, moghapurisa, aññātikāya bhikkhuniyā hatthato āmisaṃ paṭiggahessasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
553. ‘‘яо бана бхигку ан̃н̃аад̇игааяа бхигкунияаа анд̇арагхарам̣ бавидтааяа хад̇т̇ад̇о каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇зяяа ваа бхун̃ж̇зяяа ваа, бадид̣̇зсзд̇аб̣б̣ам̣ д̇зна бхигкунаа – ‘г̇аараяхам̣, аавусо, д̇хаммам̣ аабаж̇ж̇им̣ асаббааяам̣ баадид̣̇зсанийяам̣, д̇ам̣ бадид̣̇зсзмий’’’д̇и.
553.‘‘Yo pana bhikkhu aññātikāya bhikkhuniyā antaragharaṃ paviṭṭhāya hatthato khādanīyaṃ vā bhojanīyaṃ vā sahatthā paṭiggahetvā khādeyya vā bhuñjeyya vā, paṭidesetabbaṃ tena bhikkhunā – ‘gārayhaṃ, āvuso, dhammaṃ āpajjiṃ asappāyaṃ pāṭidesanīyaṃ, taṃ paṭidesemī’’’ti.
554. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
554.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ан̃н̃аад̇игаа наама маад̇ид̇о ваа . бид̇ид̇о ваа яаава сад̇д̇амаа бид̇аамахаяуг̇аа асамб̣ад̣̇д̇хаа.
Aññātikā nāma mātito vā . Pitito vā yāva sattamā pitāmahayugā asambaddhā.
бхигкуний наама убхад̇осан̇гхз убасамбаннаа.
Bhikkhunī nāma ubhatosaṅghe upasampannā.
анд̇арагхарам̣ наама рат̇игаа б̣яуухам̣ син̇гхаадагам̣ гхарам̣.
Antaragharaṃ nāma rathikā byūhaṃ siṅghāṭakaṃ gharaṃ.
каад̣̇анийяам̣ наама бан̃жа бхож̇анаани – яаамагаалигам̣ сад̇д̇аахагаалигам̣ яааваж̇ийвигам̣ табзд̇ваа авасзсам̣ каад̣̇анийяам̣ наама.
Khādanīyaṃ nāma pañca bhojanāni – yāmakālikaṃ sattāhakālikaṃ yāvajīvikaṃ ṭhapetvā avasesaṃ khādanīyaṃ nāma.
бхож̇анийяам̣ наама бан̃жа бхож̇анаани – од̣̇ано, гуммаасо, сад̇д̇у, мажчо, мам̣сам̣. ‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и баадид̣̇зсанийяасса.
Bhojanīyaṃ nāma pañca bhojanāni – odano, kummāso, sattu, maccho, maṃsaṃ. ‘‘Khādissāmi bhuñjissāmī’’ti paṭiggaṇhāti, āpatti dukkaṭassa. Ajjhohāre ajjhohāre āpatti pāṭidesanīyassa.
555. ан̃н̃аад̇игааяа ан̃н̃аад̇игасан̃н̃ий анд̇арагхарам̣ бавидтааяа хад̇т̇ад̇о каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇ад̇и ваа бхун̃ж̇ад̇и ваа, аабад̇д̇и баадид̣̇зсанийяасса. ан̃н̃аад̇игааяа взмад̇иго анд̇арагхарам̣ бавидтааяа хад̇т̇ад̇о каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇ад̇и ваа бхун̃ж̇ад̇и ваа, аабад̇д̇и баадид̣̇зсанийяасса. ан̃н̃аад̇игааяа н̃аад̇игасан̃н̃ий анд̇арагхарам̣ бавидтааяа хад̇т̇ад̇о каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇ад̇и ваа бхун̃ж̇ад̇и ваа, аабад̇д̇и баадид̣̇зсанийяасса.
555. Aññātikāya aññātikasaññī antaragharaṃ paviṭṭhāya hatthato khādanīyaṃ vā bhojanīyaṃ vā sahatthā paṭiggahetvā khādati vā bhuñjati vā, āpatti pāṭidesanīyassa. Aññātikāya vematiko antaragharaṃ paviṭṭhāya hatthato khādanīyaṃ vā bhojanīyaṃ vā sahatthā paṭiggahetvā khādati vā bhuñjati vā, āpatti pāṭidesanīyassa. Aññātikāya ñātikasaññī antaragharaṃ paviṭṭhāya hatthato khādanīyaṃ vā bhojanīyaṃ vā sahatthā paṭiggahetvā khādati vā bhuñjati vā, āpatti pāṭidesanīyassa.
яаамагаалигам̣ сад̇д̇аахагаалигам̣ яааваж̇ийвигам̣ аахаарад̇т̇ааяа бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и д̣̇уггадасса. згад̇оубасамбаннааяа хад̇т̇ад̇о каад̣̇анийяам̣ ваа бхож̇анийяам̣ ваа – ‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и д̣̇уггадасса. н̃аад̇игааяа ан̃н̃аад̇игасан̃н̃ий, аабад̇д̇и д̣̇уггадасса. н̃аад̇игааяа взмад̇иго, аабад̇д̇и д̣̇уггадасса. н̃аад̇игааяа н̃аад̇игасан̃н̃ий, анаабад̇д̇и.
Yāmakālikaṃ sattāhakālikaṃ yāvajīvikaṃ āhāratthāya paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassa. Ekatoupasampannāya hatthato khādanīyaṃ vā bhojanīyaṃ vā – ‘‘khādissāmi bhuñjissāmī’’ti paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassa. Ñātikāya aññātikasaññī, āpatti dukkaṭassa. Ñātikāya vematiko, āpatti dukkaṭassa. Ñātikāya ñātikasaññī, anāpatti.
556. анаабад̇д̇и н̃аад̇игааяа, д̣̇аабзд̇и на д̣̇зд̇и, убанигкибид̇ваа д̣̇зд̇и анд̇араараамз, бхигкунубассаяз, д̇ид̇т̇ияасзяяааяа, бадиггаманз , г̇аамад̇о нийхарид̇ваа д̣̇зд̇и, яаамагаалигам̣ сад̇д̇аахагаалигам̣ яааваж̇ийвигам̣ ‘‘сад̇и бажжаяз барибхун̃ж̇аа’’д̇и д̣̇зд̇и, сигкамаанааяа, сааман̣зрияаа, уммад̇д̇агасса, аад̣̇игаммигассаад̇и.
556. Anāpatti ñātikāya, dāpeti na deti, upanikkhipitvā deti antarārāme, bhikkhunupassaye, titthiyaseyyāya, paṭikkamane , gāmato nīharitvā deti, yāmakālikaṃ sattāhakālikaṃ yāvajīvikaṃ ‘‘sati paccaye paribhuñjā’’ti deti, sikkhamānāya, sāmaṇeriyā, ummattakassa, ādikammikassāti.
батамабаадид̣̇зсанийяасигкаабад̣̇ам̣ нидтид̇ам̣.
Paṭhamapāṭidesanīyasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаадид̣̇зсанийяасигкаабад̣̇аван̣н̣анаа • 1. Paṭhamapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баадид̣̇зсанийяасигкаабад̣̇аван̣н̣анаа • Pāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. батамабаадид̣̇зсанийяасигкаабад̣̇аван̣н̣анаа • 1. Paṭhamapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамабаадид̣̇зсанийяасигкаабад̣̇аван̣н̣анаа • 1. Paṭhamapāṭidesanīyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. батамабаадид̣̇зсанийяасигкаабад̣̇а-ад̇т̇аяож̇анаа • 1. Paṭhamapāṭidesanīyasikkhāpada-atthayojanā
