| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
๖. ปาฎิเทสนียกณฺฑํ
6. Pāṭidesanīyakaṇḍaṃ
๑. ปฐมปาฎิเทสนียสิกฺขาปทวณฺณนา
1. Paṭhamapāṭidesanīyasikkhāpadavaṇṇanā
๕๕๓. ปาฎิเทสนีเยสุ ปฐเม ปฎิเทเสตพฺพาการทสฺสนนฺติ เอวํ อาปตฺติํ นวกสฺส สนฺติเก เทเสตพฺพาการทสฺสนํฯ อิมินา ลกฺขเณน สมฺพหุลานํ อาปตฺตีนมฺปิ วุฑฺฒสฺส สนฺติเก จ เทเสตพฺพากาโร สกฺกา วิญฺญาตุนฺติฯ ตตฺรายํ นโย – ‘‘คารเยฺห, อาวุโส, ธเมฺม อาปชฺชิํ อสปฺปาเย ปาฎิเทสนีเย’’ติ เอวํ สมฺพหุลาสุฯ วุฑฺฒสฺส ปน สนฺติเก ‘‘คารยฺหํ, ภเนฺต, ธมฺมํ…เป.… คารเยฺห, ภเนฺต, ธเมฺม’’ติ โยชนา เวทิตพฺพาฯ ตตฺถ อสปฺปายนฺติ สคฺคโมกฺขนฺตรายกรนฺติ อโตฺถฯ อญฺญาติกาย ภิกฺขุนิยา อนฺตรฆเร ฐิตาย หตฺถโต สหตฺถา ยาวกาลิกคฺคหณํ, อโชฺฌหรณนฺติ เทฺว องฺคานิฯ
553. Pāṭidesanīyesu paṭhame paṭidesetabbākāradassananti evaṃ āpattiṃ navakassa santike desetabbākāradassanaṃ. Iminā lakkhaṇena sambahulānaṃ āpattīnampi vuḍḍhassa santike ca desetabbākāro sakkā viññātunti. Tatrāyaṃ nayo – ‘‘gārayhe, āvuso, dhamme āpajjiṃ asappāye pāṭidesanīye’’ti evaṃ sambahulāsu. Vuḍḍhassa pana santike ‘‘gārayhaṃ, bhante, dhammaṃ…pe… gārayhe, bhante, dhamme’’ti yojanā veditabbā. Tattha asappāyanti saggamokkhantarāyakaranti attho. Aññātikāya bhikkhuniyā antaraghare ṭhitāya hatthato sahatthā yāvakālikaggahaṇaṃ, ajjhoharaṇanti dve aṅgāni.
ปฐมปาฎิเทสนียสิกฺขาปทวณฺณนา นิฎฺฐิตาฯ
Paṭhamapāṭidesanīyasikkhāpadavaṇṇanā niṭṭhitā.
๕๕๘. ทุติเย ปริปุณฺณูปสมฺปนฺนาย อนนุญฺญาตากาเรน โวสาสนา, อนิวาเรตฺวา โภชนโชฺฌหาโรติ เทฺว องฺคานิฯ
558. Dutiye paripuṇṇūpasampannāya ananuññātākārena vosāsanā, anivāretvā bhojanajjhohāroti dve aṅgāni.
๕๖๓. ตติเย เสกฺขสมฺมตตา, ฆรูปจาเร อนิมนฺติตตา, คิลานสฺส อนิจฺจภตฺตาทิํ คเหตฺวา ภุญฺชนนฺติ ตีณิ องฺคานิฯ
563. Tatiye sekkhasammatatā, gharūpacāre animantitatā, gilānassa aniccabhattādiṃ gahetvā bhuñjananti tīṇi aṅgāni.
๕๗๐. จตุเตฺถ สาสงฺการญฺญเสนาสนตา, อนนุญฺญาตํ ยาวกาลิกํ อปฺปฎิสํวิทิตํ อชฺฌาราเม ปฎิคฺคเหตฺวา อคิลานสฺส อโชฺฌหรณนฺติ เทฺว องฺคานิฯ เสสํ อุตฺตานเมวฯ
570. Catutthe sāsaṅkāraññasenāsanatā, ananuññātaṃ yāvakālikaṃ appaṭisaṃviditaṃ ajjhārāme paṭiggahetvā agilānassa ajjhoharaṇanti dve aṅgāni. Sesaṃ uttānameva.
ปาฎิเทสนียวณฺณนานโย นิฎฺฐิโตฯ
Pāṭidesanīyavaṇṇanānayo niṭṭhito.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga
๑. ปฐมปาฎิเทสนียสิกฺขาปทํ • 1. Paṭhamapāṭidesanīyasikkhāpadaṃ
๒. ทุติยปาฎิเทสนียสิกฺขาปทํ • 2. Dutiyapāṭidesanīyasikkhāpadaṃ
๓. ตติยปาฎิเทสนียสิกฺขาปทํ • 3. Tatiyapāṭidesanīyasikkhāpadaṃ
๔. จตุตฺถปาฎิเทสนียสิกฺขาปทํ • 4. Catutthapāṭidesanīyasikkhāpadaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā
๑. ปฐมปาฎิเทสนียสิกฺขาปทวณฺณนา • 1. Paṭhamapāṭidesanīyasikkhāpadavaṇṇanā
๒. ทุติยปาฎิเทสนียสิกฺขาปทวณฺณนา • 2. Dutiyapāṭidesanīyasikkhāpadavaṇṇanā
๔. จตุตฺถปาฎิเทสนียสิกฺขาปทวณฺณนา • 4. Catutthapāṭidesanīyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ปาฎิเทสนียสิกฺขาปทวณฺณนา • Pāṭidesanīyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā
๑. ปฐมปาฎิเทสนียสิกฺขาปทวณฺณนา • 1. Paṭhamapāṭidesanīyasikkhāpadavaṇṇanā
๒. ทุติยปาฎิเทสนียสิกฺขาปทวณฺณนา • 2. Dutiyapāṭidesanīyasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi
๑. ปฐมปาฎิเทสนียสิกฺขาปท-อตฺถโยชนา • 1. Paṭhamapāṭidesanīyasikkhāpada-atthayojanā
๒. ทุติยปาฎิเทสนียสิกฺขาปทํ • 2. Dutiyapāṭidesanīyasikkhāpadaṃ
๔. จตุตฺถปาฎิเทสนียสิกฺขาปทํ • 4. Catutthapāṭidesanīyasikkhāpadaṃ
