| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
၆. ပာဋိဒေသနီယကဏ္ဍံ
6. Pāṭidesanīyakaṇḍaṃ
၁. ပဌမပာဋိဒေသနီယသိက္ခာပဒဝဏ္ဏနာ
1. Paṭhamapāṭidesanīyasikkhāpadavaṇṇanā
၅၅၃. ပာဋိဒေသနီယေသု ပဌမေ ပဋိဒေသေတဗ္ဗာကာရဒသ္သနန္တိ ဧဝံ အာပတ္တိံ နဝကသ္သ သန္တိကေ ဒေသေတဗ္ဗာကာရဒသ္သနံ။ ဣမိနာ လက္ခဏေန သမ္ဗဟုလာနံ အာပတ္တီနမ္ပိ ဝုဍ္ဎသ္သ သန္တိကေ စ ဒေသေတဗ္ဗာကာရော သက္ကာ ဝိညာတုန္တိ။ တတ္ရာယံ နယော – ‘‘ဂာရယ္ဟေ, အာဝုသော, ဓမ္မေ အာပဇ္ဇိံ အသပ္ပာယေ ပာဋိဒေသနီယေ’’တိ ဧဝံ သမ္ဗဟုလာသု။ ဝုဍ္ဎသ္သ ပန သန္တိကေ ‘‘ဂာရယ္ဟံ, ဘန္တေ, ဓမ္မံ။ပေ.။ ဂာရယ္ဟေ, ဘန္တေ, ဓမ္မေ’’တိ ယောဇနာ ဝေဒိတဗ္ဗာ။ တတ္ထ အသပ္ပာယန္တိ သဂ္ဂမောက္ခန္တရာယကရန္တိ အတ္ထော။ အညာတိကာယ ဘိက္ခုနိယာ အန္တရဃရေ ဌိတာယ ဟတ္ထတော သဟတ္ထာ ယာဝကာလိကဂ္ဂဟဏံ, အဇ္ဈောဟရဏန္တိ ဒ္ဝေ အင္ဂာနိ။
553. Pāṭidesanīyesu paṭhame paṭidesetabbākāradassananti evaṃ āpattiṃ navakassa santike desetabbākāradassanaṃ. Iminā lakkhaṇena sambahulānaṃ āpattīnampi vuḍḍhassa santike ca desetabbākāro sakkā viññātunti. Tatrāyaṃ nayo – ‘‘gārayhe, āvuso, dhamme āpajjiṃ asappāye pāṭidesanīye’’ti evaṃ sambahulāsu. Vuḍḍhassa pana santike ‘‘gārayhaṃ, bhante, dhammaṃ…pe… gārayhe, bhante, dhamme’’ti yojanā veditabbā. Tattha asappāyanti saggamokkhantarāyakaranti attho. Aññātikāya bhikkhuniyā antaraghare ṭhitāya hatthato sahatthā yāvakālikaggahaṇaṃ, ajjhoharaṇanti dve aṅgāni.
ပဌမပာဋိဒေသနီယသိက္ခာပဒဝဏ္ဏနာ နိဋ္ဌိတာ။
Paṭhamapāṭidesanīyasikkhāpadavaṇṇanā niṭṭhitā.
၅၅၈. ဒုတိယေ ပရိပုဏ္ဏူပသမ္ပန္နာယ အနနုညာတာကာရေန ဝောသာသနာ, အနိဝာရေတ္ဝာ ဘောဇနဇ္ဈောဟာရောတိ ဒ္ဝေ အင္ဂာနိ။
558. Dutiye paripuṇṇūpasampannāya ananuññātākārena vosāsanā, anivāretvā bhojanajjhohāroti dve aṅgāni.
၅၆၃. တတိယေ သေက္ခသမ္မတတာ, ဃရူပစာရေ အနိမန္တိတတာ, ဂိလာနသ္သ အနိစ္စဘတ္တာဒိံ ဂဟေတ္ဝာ ဘုဉ္ဇနန္တိ တီဏိ အင္ဂာနိ။
563. Tatiye sekkhasammatatā, gharūpacāre animantitatā, gilānassa aniccabhattādiṃ gahetvā bhuñjananti tīṇi aṅgāni.
၅၇၀. စတုတ္ထေ သာသင္ကာရညသေနာသနတာ, အနနုညာတံ ယာဝကာလိကံ အပ္ပဋိသံဝိဒိတံ အဇ္ဈာရာမေ ပဋိဂ္ဂဟေတ္ဝာ အဂိလာနသ္သ အဇ္ဈောဟရဏန္တိ ဒ္ဝေ အင္ဂာနိ။ သေသံ ဥတ္တာနမေဝ။
570. Catutthe sāsaṅkāraññasenāsanatā, ananuññātaṃ yāvakālikaṃ appaṭisaṃviditaṃ ajjhārāme paṭiggahetvā agilānassa ajjhoharaṇanti dve aṅgāni. Sesaṃ uttānameva.
ပာဋိဒေသနီယဝဏ္ဏနာနယော နိဋ္ဌိတော။
Pāṭidesanīyavaṇṇanānayo niṭṭhito.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga
၁. ပဌမပာဋိဒေသနီယသိက္ခာပဒံ • 1. Paṭhamapāṭidesanīyasikkhāpadaṃ
၂. ဒုတိယပာဋိဒေသနီယသိက္ခာပဒံ • 2. Dutiyapāṭidesanīyasikkhāpadaṃ
၃. တတိယပာဋိဒေသနီယသိက္ခာပဒံ • 3. Tatiyapāṭidesanīyasikkhāpadaṃ
၄. စတုတ္ထပာဋိဒေသနီယသိက္ခာပဒံ • 4. Catutthapāṭidesanīyasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā
၁. ပဌမပာဋိဒေသနီယသိက္ခာပဒဝဏ္ဏနာ • 1. Paṭhamapāṭidesanīyasikkhāpadavaṇṇanā
၂. ဒုတိယပာဋိဒေသနီယသိက္ခာပဒဝဏ္ဏနာ • 2. Dutiyapāṭidesanīyasikkhāpadavaṇṇanā
၄. စတုတ္ထပာဋိဒေသနီယသိက္ခာပဒဝဏ္ဏနာ • 4. Catutthapāṭidesanīyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ပာဋိဒေသနီယသိက္ခာပဒဝဏ္ဏနာ • Pāṭidesanīyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā
၁. ပဌမပာဋိဒေသနီယသိက္ခာပဒဝဏ္ဏနာ • 1. Paṭhamapāṭidesanīyasikkhāpadavaṇṇanā
၂. ဒုတိယပာဋိဒေသနီယသိက္ခာပဒဝဏ္ဏနာ • 2. Dutiyapāṭidesanīyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi
၁. ပဌမပာဋိဒေသနီယသိက္ခာပဒ-အတ္ထယောဇနာ • 1. Paṭhamapāṭidesanīyasikkhāpada-atthayojanā
၂. ဒုတိယပာဋိဒေသနီယသိက္ခာပဒံ • 2. Dutiyapāṭidesanīyasikkhāpadaṃ
၄. စတုတ္ထပာဋိဒေသနီယသိက္ခာပဒံ • 4. Catutthapāṭidesanīyasikkhāpadaṃ
