| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੬. ਪਾਟਿਦੇਸਨੀਯਕਣ੍ਡਂ
6. Pāṭidesanīyakaṇḍaṃ
੧. ਪਠਮਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ
1. Paṭhamapāṭidesanīyasikkhāpadavaṇṇanā
ਪਾਟਿਦੇਸਨੀਯਾ ਧਮ੍ਮਾ, ਖੁਦ੍ਦਕਾਨਂ ਅਨਨ੍ਤਰਾ।
Pāṭidesanīyā dhammā, khuddakānaṃ anantarā;
ਠਪਿਤਾ ਯੇ ਅਯਂ ਦਾਨਿ, ਤੇਸਂ ਭવਤਿ વਣ੍ਣਨਾ॥
Ṭhapitā ye ayaṃ dāni, tesaṃ bhavati vaṇṇanā.
੫੫੨. ਪਠਮਪਾਟਿਦੇਸਨੀਯੇ ਤਾવ ਪਟਿਕ੍ਕਮਨਕਾਲੇਤਿ ਪਿਣ੍ਡਾਯ ਚਰਿਤ੍વਾ ਪਟਿਆਗਮਨਕਾਲੇ। ਸਬ੍ਬੇવ ਅਗ੍ਗਹੇਸੀਤਿ ਸਬ੍ਬਮੇવ ਅਗ੍ਗਹੇਸਿ। ਪવੇਧੇਨ੍ਤੀਤਿ ਕਮ੍ਪਮਾਨਾ। ਅਪੇਹੀਤਿ ਅਪਗਚ੍ਛ।
552. Paṭhamapāṭidesanīye tāva paṭikkamanakāleti piṇḍāya caritvā paṭiāgamanakāle. Sabbeva aggahesīti sabbameva aggahesi. Pavedhentīti kampamānā. Apehīti apagaccha.
੫੫੩-੫. ਗਾਰਯ੍ਹਂ ਆવੁਸੋਤਿਆਦਿ ਪਟਿਦੇਸੇਤਬ੍ਬਾਕਾਰਦਸ੍ਸਨਂ। ਰਥਿਕਾਤਿ ਰਚ੍ਛਾ। ਬ੍ਯੂਹਨ੍ਤਿ ਅਨਿਬ੍ਬਿਜ੍ਝਿਤ੍વਾ ਠਿਤਾ ਗਤਪਚ੍ਚਾਗਤਰਚ੍ਛਾ। ਸਿਙ੍ਘਾਟਕਨ੍ਤਿ ਚਤੁਕ੍ਕੋਣਂ વਾ ਤਿਕੋਣਂ વਾ ਮਗ੍ਗਸਮੋਧਾਨਟ੍ਠਾਨਂ। ਘਰਨ੍ਤਿ ਕੁਲਘਰਂ। ਏਤੇਸੁ ਯਤ੍ਥ ਕਤ੍ਥਚਿ ਠਤ੍વਾ ਗਣ੍ਹਨ੍ਤਸ੍ਸ ਗਹਣੇ ਦੁਕ੍ਕਟਂ, ਅਜ੍ਝੋਹਾਰੇ ਅਜ੍ਝੋਹਾਰਗਣਨਾਯ ਪਾਟਿਦੇਸਨੀਯਂ। ਹਤ੍ਥਿਸਾਲਾਦੀਸੁ ਗਣ੍ਹਨ੍ਤਸ੍ਸਾਪਿ ਏਸੇવ ਨਯੋ। ਭਿਕ੍ਖੁਨੀ ਰਥਿਕਾਯ ਠਤ੍વਾ ਦੇਤਿ, ਭਿਕ੍ਖੁ ਸਚੇਪਿ ਅਨ੍ਤਰਾਰਾਮਾਦੀਸੁ ਠਤ੍વਾ ਗਣ੍ਹਾਤਿ, ਆਪਤ੍ਤਿਯੇવ। ‘‘ਅਨ੍ਤਰਘਰਂ ਪવਿਟ੍ਠਾਯਾ’’ਤਿ ਹਿ વਚਨਤੋ ਭਿਕ੍ਖੁਨਿਯਾ ਅਨ੍ਤਰਘਰੇ ਠਤ੍વਾ ਦਦਮਾਨਾਯ વਸੇਨੇਤ੍ਥ ਆਪਤ੍ਤਿ વੇਦਿਤਬ੍ਬਾ, ਭਿਕ੍ਖੁਸ੍ਸ ਠਿਤਟ੍ਠਾਨਂ ਪਨ ਅਪ੍ਪਮਾਣਂ। ਤਸ੍ਮਾ ਸਚੇਪਿ વੀਥਿਆਦੀਸੁ ਠਿਤੋ ਭਿਕ੍ਖੁ ਅਨ੍ਤਰਾਰਾਮਾਦੀਸੁ ਠਤ੍વਾ ਦਦਮਾਨਾਯ ਭਿਕ੍ਖੁਨਿਯਾ ਗਣ੍ਹਾਤਿ, ਅਨਾਪਤ੍ਤਿਯੇવ।
553-5.Gārayhaṃ āvusotiādi paṭidesetabbākāradassanaṃ. Rathikāti racchā. Byūhanti anibbijjhitvā ṭhitā gatapaccāgataracchā. Siṅghāṭakanti catukkoṇaṃ vā tikoṇaṃ vā maggasamodhānaṭṭhānaṃ. Gharanti kulagharaṃ. Etesu yattha katthaci ṭhatvā gaṇhantassa gahaṇe dukkaṭaṃ, ajjhohāre ajjhohāragaṇanāya pāṭidesanīyaṃ. Hatthisālādīsu gaṇhantassāpi eseva nayo. Bhikkhunī rathikāya ṭhatvā deti, bhikkhu sacepi antarārāmādīsu ṭhatvā gaṇhāti, āpattiyeva. ‘‘Antaragharaṃ paviṭṭhāyā’’ti hi vacanato bhikkhuniyā antaraghare ṭhatvā dadamānāya vasenettha āpatti veditabbā, bhikkhussa ṭhitaṭṭhānaṃ pana appamāṇaṃ. Tasmā sacepi vīthiādīsu ṭhito bhikkhu antarārāmādīsu ṭhatvā dadamānāya bhikkhuniyā gaṇhāti, anāpattiyeva.
ਯਾਮਕਾਲਿਕਂ ਸਤ੍ਤਾਹਕਾਲਿਕਂ ਯਾવਜੀવਿਕਂ ਆਹਾਰਤ੍ਥਾਯ ਪਟਿਗ੍ਗਣ੍ਹਾਤਿ, ਆਪਤ੍ਤਿ ਦੁਕ੍ਕਟਸ੍ਸ। ਅਜ੍ਝੋਹਾਰੇ ਅਜ੍ਝੋਹਾਰੇ ਆਪਤ੍ਤਿ ਦੁਕ੍ਕਟਸ੍ਸਾਤਿ ਇਦਂ ਆਮਿਸੇਨ ਅਸਮ੍ਭਿਨ੍ਨਂ ਸਨ੍ਧਾਯ વੁਤ੍ਤਂ, ਸਮ੍ਭਿਨ੍ਨੇ ਪਨ ਏਕਰਸੇ ਪਾਟਿਦੇਸਨੀਯਮੇવ। ਏਕਤੋ ਉਪਸਮ੍ਪਨ੍ਨਾਯਾਤਿ ਭਿਕ੍ਖੁਨੀਨਂ ਸਨ੍ਤਿਕੇ ਉਪਸਮ੍ਪਨ੍ਨਾਯ। ਭਿਕ੍ਖੂਨਂ ਸਨ੍ਤਿਕੇ ਉਪਸਮ੍ਪਨ੍ਨਾਯ ਪਨ ਯਥਾવਤ੍ਥੁਕਮੇવ।
Yāmakālikaṃ sattāhakālikaṃ yāvajīvikaṃ āhāratthāya paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassāti idaṃ āmisena asambhinnaṃ sandhāya vuttaṃ, sambhinne pana ekarase pāṭidesanīyameva. Ekato upasampannāyāti bhikkhunīnaṃ santike upasampannāya. Bhikkhūnaṃ santike upasampannāya pana yathāvatthukameva.
੫੫੬. ਦਾਪੇਤਿ ਨ ਦੇਤੀਤਿ ਅਞ੍ਞਾਤਿਕਾ ਅਞ੍ਞੇਨ ਕੇਨਚਿ ਦਾਪੇਤਿ ਤਂ ਗਣ੍ਹਨ੍ਤਸ੍ਸ ਅਨਾਪਤ੍ਤਿ। ਉਪਨਿਕ੍ਖਿਪਿਤ੍વਾ ਦੇਤੀਤਿ ਭੂਮਿਯਂ ਠਪੇਤ੍વਾ ‘‘ਇਦਂ ਅਯ੍ਯ ਤੁਮ੍ਹਾਕਂ ਦਮ੍ਮੀ’’ਤਿ ਦੇਤਿ, ਏવਂ ਦਿਨ੍ਨਂ ‘‘ਸਾਧੁ ਭਗਿਨੀ’’ਤਿ ਸਮ੍ਪਟਿਚ੍ਛਿਤ੍વਾ ਤਾਯ ਏવ વਾ ਭਿਕ੍ਖੁਨਿਯਾ ਅਞ੍ਞੇਨ વਾ ਕੇਨਚਿ ਪਟਿਗ੍ਗਹਾਪੇਤ੍વਾ ਭੁਞ੍ਜਿਤੁਂ વਟ੍ਟਤਿ। ਸਿਕ੍ਖਮਾਨਾਯ ਸਾਮਣੇਰਿਯਾਤਿ ਏਤਾਸਂ ਦਦਮਾਨਾਨਂ ਗਣ੍ਹਨ੍ਤਸ੍ਸ ਅਨਾਪਤ੍ਤਿ। ਸੇਸਮੇਤ੍ਥ ਉਤ੍ਤਾਨਮੇવ।
556.Dāpeti na detīti aññātikā aññena kenaci dāpeti taṃ gaṇhantassa anāpatti. Upanikkhipitvā detīti bhūmiyaṃ ṭhapetvā ‘‘idaṃ ayya tumhākaṃ dammī’’ti deti, evaṃ dinnaṃ ‘‘sādhu bhaginī’’ti sampaṭicchitvā tāya eva vā bhikkhuniyā aññena vā kenaci paṭiggahāpetvā bhuñjituṃ vaṭṭati. Sikkhamānāya sāmaṇeriyāti etāsaṃ dadamānānaṃ gaṇhantassa anāpatti. Sesamettha uttānameva.
ਏਲ਼ਕਲੋਮਸਮੁਟ੍ਠਾਨਂ – ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
ਪਠਮਪਾਟਿਦੇਸਨੀਯਂ।
Paṭhamapāṭidesanīyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧. ਪਠਮਪਾਟਿਦੇਸਨੀਯਸਿਕ੍ਖਾਪਦਂ • 1. Paṭhamapāṭidesanīyasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • Pāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧. ਪਠਮਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 1. Paṭhamapāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 1. Paṭhamapāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧. ਪਠਮਪਾਟਿਦੇਸਨੀਯਸਿਕ੍ਖਾਪਦ-ਅਤ੍ਥਯੋਜਨਾ • 1. Paṭhamapāṭidesanīyasikkhāpada-atthayojanā
