| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
ਪਾਟਿਦੇਸਨੀਯਕਣ੍ਡਂ
Pāṭidesanīyakaṇḍaṃ
੧. ਪਠਮਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ
1. Paṭhamapāṭidesanīyasikkhāpadavaṇṇanā
ਅਨ੍ਤਰਘਰਂ ਪવਿਟ੍ਠਾਯਾਤਿ ਰਥਿਕਂ ਬ੍ਯੂਹਂ ਸਿਙ੍ਘਾਟਕਂ ਘਰਂ ਪવਿਟ੍ਠਾਯ। ਅਸਪ੍ਪਾਯਨ੍ਤਿ ਸਗ੍ਗਮੋਕ੍ਖਾਨਂ ਅਹਿਤਂ ਅਨਨੁਕੂਲਂ। ਭਿਕ੍ਖੁਨਿਯਾ ਅਨ੍ਤਰਘਰੇ ਠਤ੍વਾ ਦਦਮਾਨਾਯ વਸੇਨੇਤ੍ਥ ਆਪਤ੍ਤਿ વੇਦਿਤਬ੍ਬਾ, ਭਿਕ੍ਖੁਸ੍ਸ ਠਿਤਟ੍ਠਾਨਂ ਪਨ ਅਪ੍ਪਮਾਣਂ। ਤੇਨਾਹ ‘‘ਅਨ੍ਤਰਘਰਂ ਪવਿਟ੍ਠਾਯਾਤਿ વਚਨਤੋ’’ਤਿਆਦਿ। ਅਨ੍ਤਰਾਰਾਮਾਦੀਸੂਤਿ ਅਨ੍ਤਰਾਰਾਮਭਿਕ੍ਖੁਨੁਪਸ੍ਸਯਤਿਤ੍ਥਿਯਸੇਯ੍ਯਾਪਟਿਕ੍ਕਮਨੇਸੁ। ਰਥਿਯਾਬ੍ਯੂਹਸਿਙ੍ਘਾਟਕਘਰਾਨਨ੍ਤਿ ਏਤ੍ਥ ਰਥਿਯਾਤਿ ਰਚ੍ਛਾ। ਬ੍ਯੂਹਨ੍ਤਿ ਅਨਿਬ੍ਬਿਜ੍ਝਿਤ੍વਾ ਠਿਤਾ ਗਤਪਚ੍ਚਾਗਤਰਚ੍ਛਾ। ਸਿਙ੍ਘਾਟਕਨ੍ਤਿ ਚਤੁਕ੍ਕੋਣਂ વਾ ਤਿਕੋਣਂ વਾ ਮਗ੍ਗਸਮੋਧਾਨਟ੍ਠਾਨਂ। ਘਰਨ੍ਤਿ ਕੁਲਘਰਂ। ਯਥਾ ਚ ਰਥਿਯਾਦੀਸੁ ਠਤ੍વਾ ਦਦਮਾਨਾਯ ਗਣ੍ਹਤੋ ਆਪਤ੍ਤਿ, ਏવਂ ਹਤ੍ਥਿਸਾਲਾਦੀਸੁਪਿ ਦਟ੍ਠਬ੍ਬਂ।
Antaragharaṃpaviṭṭhāyāti rathikaṃ byūhaṃ siṅghāṭakaṃ gharaṃ paviṭṭhāya. Asappāyanti saggamokkhānaṃ ahitaṃ ananukūlaṃ. Bhikkhuniyā antaraghare ṭhatvā dadamānāya vasenettha āpatti veditabbā, bhikkhussa ṭhitaṭṭhānaṃ pana appamāṇaṃ. Tenāha ‘‘antaragharaṃ paviṭṭhāyāti vacanato’’tiādi. Antarārāmādīsūti antarārāmabhikkhunupassayatitthiyaseyyāpaṭikkamanesu. Rathiyābyūhasiṅghāṭakagharānanti ettha rathiyāti racchā. Byūhanti anibbijjhitvā ṭhitā gatapaccāgataracchā. Siṅghāṭakanti catukkoṇaṃ vā tikoṇaṃ vā maggasamodhānaṭṭhānaṃ. Gharanti kulagharaṃ. Yathā ca rathiyādīsu ṭhatvā dadamānāya gaṇhato āpatti, evaṃ hatthisālādīsupi daṭṭhabbaṃ.
‘‘ਯਾਮਕਾਲਿਕਾਦੀਸੁ ਪਟਿਗ੍ਗਹਣੇਪਿ ਅਜ੍ਝੋਹਰਣੇਪਿ ਦੁਕ੍ਕਟ’’ਨ੍ਤਿ ਇਦਂ ਆਮਿਸੇਨ ਅਸਮ੍ਭਿਨ੍ਨਂ ਸਨ੍ਧਾਯ વੁਤ੍ਤਂ, ਸਮ੍ਭਿਨ੍ਨੇ ਪਨ ਏਕਰਸੇ ਪਾਟਿਦੇਸਨੀਯਮੇવ। ਏਕਤੋ ਉਪਸਮ੍ਪਨ੍ਨਾਯਾਤਿ ਭਿਕ੍ਖੁਨੀਨਂ ਸਨ੍ਤਿਕੇ ਉਪਸਮ੍ਪਨ੍ਨਾਯ, ਭਿਕ੍ਖੂਨਂ ਸਨ੍ਤਿਕੇ ਉਪਸਮ੍ਪਨ੍ਨਾਯ ਪਨ ਯਥਾવਤ੍ਥੁਕਮੇવ।
‘‘Yāmakālikādīsu paṭiggahaṇepi ajjhoharaṇepi dukkaṭa’’nti idaṃ āmisena asambhinnaṃ sandhāya vuttaṃ, sambhinne pana ekarase pāṭidesanīyameva. Ekato upasampannāyāti bhikkhunīnaṃ santike upasampannāya, bhikkhūnaṃ santike upasampannāya pana yathāvatthukameva.
ਞਾਤਿਕਾਯ વਾ ਦਾਪੇਨ੍ਤਿਯਾਤਿ ਸਯਂ ਅਦਤ੍વਾ ਯਾਯ ਕਾਯਚਿ ਞਾਤਿਕਾਯ ਦਾਪੇਨ੍ਤਿਯਾ, ਅਞ੍ਞਾਤਿਕਾਯਾਤਿ ਅਤ੍ਥੋ। ਉਪਨਿਕ੍ਖਿਪਿਤ੍વਾ વਾ ਦਦਮਾਨਾਯਾਤਿ ਭੂਮਿਯਂ ਠਪੇਤ੍વਾ ‘‘ਇਦਂ, ਅਯ੍ਯ, ਤੁਮ੍ਹਾਕਂ ਦਮ੍ਮੀ’’ਤਿ ਦਦਮਾਨਾਯ। ਏવਂ ਦਿਨ੍ਨਂ ‘‘ਸਾਧੁ, ਭਗਿਨੀ’’ਤਿ ਸਮ੍ਪਟਿਚ੍ਛਿਤ੍વਾ ਤਾਯ ਏવ વਾ ਭਿਕ੍ਖੁਨਿਯਾ, ਅਞ੍ਞੇਨ વਾ ਕੇਨਚਿ ਪਟਿਗ੍ਗਹਾਪੇਤ੍વਾ ਇਦਂ ਭੁਞ੍ਜਿਤੁਂ વਟ੍ਟਤਿ।
Ñātikāya vā dāpentiyāti sayaṃ adatvā yāya kāyaci ñātikāya dāpentiyā, aññātikāyāti attho. Upanikkhipitvā vā dadamānāyāti bhūmiyaṃ ṭhapetvā ‘‘idaṃ, ayya, tumhākaṃ dammī’’ti dadamānāya. Evaṃ dinnaṃ ‘‘sādhu, bhaginī’’ti sampaṭicchitvā tāya eva vā bhikkhuniyā, aññena vā kenaci paṭiggahāpetvā idaṃ bhuñjituṃ vaṭṭati.
ਪਠਮਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Paṭhamapāṭidesanīyasikkhāpadavaṇṇanā niṭṭhitā.
