| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੬. ਪਾਟਿਦੇਸਨੀਯਕਣ੍ਡਂ
6. Pāṭidesanīyakaṇḍaṃ
੧. ਪਠਮਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ
1. Paṭhamapāṭidesanīyasikkhāpadavaṇṇanā
੫੫੩. ਪਾਟਿਦੇਸਨੀਯੇਸੁ ਪਠਮੇ ਪਟਿਦੇਸੇਤਬ੍ਬਾਕਾਰਦਸ੍ਸਨਨ੍ਤਿ ਏવਂ ਆਪਤ੍ਤਿਂ ਨવਕਸ੍ਸ ਸਨ੍ਤਿਕੇ ਦੇਸੇਤਬ੍ਬਾਕਾਰਦਸ੍ਸਨਂ। ਇਮਿਨਾ ਲਕ੍ਖਣੇਨ ਸਮ੍ਬਹੁਲਾਨਂ ਆਪਤ੍ਤੀਨਮ੍ਪਿ વੁਡ੍ਢਸ੍ਸ ਸਨ੍ਤਿਕੇ ਚ ਦੇਸੇਤਬ੍ਬਾਕਾਰੋ ਸਕ੍ਕਾ વਿਞ੍ਞਾਤੁਨ੍ਤਿ। ਤਤ੍ਰਾਯਂ ਨਯੋ – ‘‘ਗਾਰਯ੍ਹੇ, ਆવੁਸੋ, ਧਮ੍ਮੇ ਆਪਜ੍ਜਿਂ ਅਸਪ੍ਪਾਯੇ ਪਾਟਿਦੇਸਨੀਯੇ’’ਤਿ ਏવਂ ਸਮ੍ਬਹੁਲਾਸੁ। વੁਡ੍ਢਸ੍ਸ ਪਨ ਸਨ੍ਤਿਕੇ ‘‘ਗਾਰਯ੍ਹਂ, ਭਨ੍ਤੇ, ਧਮ੍ਮਂ…ਪੇ॰… ਗਾਰਯ੍ਹੇ, ਭਨ੍ਤੇ, ਧਮ੍ਮੇ’’ਤਿ ਯੋਜਨਾ વੇਦਿਤਬ੍ਬਾ। ਤਤ੍ਥ ਅਸਪ੍ਪਾਯਨ੍ਤਿ ਸਗ੍ਗਮੋਕ੍ਖਨ੍ਤਰਾਯਕਰਨ੍ਤਿ ਅਤ੍ਥੋ। ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਅਨ੍ਤਰਘਰੇ ਠਿਤਾਯ ਹਤ੍ਥਤੋ ਸਹਤ੍ਥਾ ਯਾવਕਾਲਿਕਗ੍ਗਹਣਂ, ਅਜ੍ਝੋਹਰਣਨ੍ਤਿ ਦ੍વੇ ਅਙ੍ਗਾਨਿ।
553. Pāṭidesanīyesu paṭhame paṭidesetabbākāradassananti evaṃ āpattiṃ navakassa santike desetabbākāradassanaṃ. Iminā lakkhaṇena sambahulānaṃ āpattīnampi vuḍḍhassa santike ca desetabbākāro sakkā viññātunti. Tatrāyaṃ nayo – ‘‘gārayhe, āvuso, dhamme āpajjiṃ asappāye pāṭidesanīye’’ti evaṃ sambahulāsu. Vuḍḍhassa pana santike ‘‘gārayhaṃ, bhante, dhammaṃ…pe… gārayhe, bhante, dhamme’’ti yojanā veditabbā. Tattha asappāyanti saggamokkhantarāyakaranti attho. Aññātikāya bhikkhuniyā antaraghare ṭhitāya hatthato sahatthā yāvakālikaggahaṇaṃ, ajjhoharaṇanti dve aṅgāni.
ਪਠਮਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Paṭhamapāṭidesanīyasikkhāpadavaṇṇanā niṭṭhitā.
੫੫੮. ਦੁਤਿਯੇ ਪਰਿਪੁਣ੍ਣੂਪਸਮ੍ਪਨ੍ਨਾਯ ਅਨਨੁਞ੍ਞਾਤਾਕਾਰੇਨ વੋਸਾਸਨਾ, ਅਨਿવਾਰੇਤ੍વਾ ਭੋਜਨਜ੍ਝੋਹਾਰੋਤਿ ਦ੍વੇ ਅਙ੍ਗਾਨਿ।
558. Dutiye paripuṇṇūpasampannāya ananuññātākārena vosāsanā, anivāretvā bhojanajjhohāroti dve aṅgāni.
੫੬੩. ਤਤਿਯੇ ਸੇਕ੍ਖਸਮ੍ਮਤਤਾ, ਘਰੂਪਚਾਰੇ ਅਨਿਮਨ੍ਤਿਤਤਾ, ਗਿਲਾਨਸ੍ਸ ਅਨਿਚ੍ਚਭਤ੍ਤਾਦਿਂ ਗਹੇਤ੍વਾ ਭੁਞ੍ਜਨਨ੍ਤਿ ਤੀਣਿ ਅਙ੍ਗਾਨਿ।
563. Tatiye sekkhasammatatā, gharūpacāre animantitatā, gilānassa aniccabhattādiṃ gahetvā bhuñjananti tīṇi aṅgāni.
੫੭੦. ਚਤੁਤ੍ਥੇ ਸਾਸਙ੍ਕਾਰਞ੍ਞਸੇਨਾਸਨਤਾ, ਅਨਨੁਞ੍ਞਾਤਂ ਯਾવਕਾਲਿਕਂ ਅਪ੍ਪਟਿਸਂવਿਦਿਤਂ ਅਜ੍ਝਾਰਾਮੇ ਪਟਿਗ੍ਗਹੇਤ੍વਾ ਅਗਿਲਾਨਸ੍ਸ ਅਜ੍ਝੋਹਰਣਨ੍ਤਿ ਦ੍વੇ ਅਙ੍ਗਾਨਿ। ਸੇਸਂ ਉਤ੍ਤਾਨਮੇવ।
570. Catutthe sāsaṅkāraññasenāsanatā, ananuññātaṃ yāvakālikaṃ appaṭisaṃviditaṃ ajjhārāme paṭiggahetvā agilānassa ajjhoharaṇanti dve aṅgāni. Sesaṃ uttānameva.
ਪਾਟਿਦੇਸਨੀਯવਣ੍ਣਨਾਨਯੋ ਨਿਟ੍ਠਿਤੋ।
Pāṭidesanīyavaṇṇanānayo niṭṭhito.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga
੧. ਪਠਮਪਾਟਿਦੇਸਨੀਯਸਿਕ੍ਖਾਪਦਂ • 1. Paṭhamapāṭidesanīyasikkhāpadaṃ
੨. ਦੁਤਿਯਪਾਟਿਦੇਸਨੀਯਸਿਕ੍ਖਾਪਦਂ • 2. Dutiyapāṭidesanīyasikkhāpadaṃ
੩. ਤਤਿਯਪਾਟਿਦੇਸਨੀਯਸਿਕ੍ਖਾਪਦਂ • 3. Tatiyapāṭidesanīyasikkhāpadaṃ
੪. ਚਤੁਤ੍ਥਪਾਟਿਦੇਸਨੀਯਸਿਕ੍ਖਾਪਦਂ • 4. Catutthapāṭidesanīyasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā
੧. ਪਠਮਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 1. Paṭhamapāṭidesanīyasikkhāpadavaṇṇanā
੨. ਦੁਤਿਯਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 2. Dutiyapāṭidesanīyasikkhāpadavaṇṇanā
੪. ਚਤੁਤ੍ਥਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 4. Catutthapāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • Pāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā
੧. ਪਠਮਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 1. Paṭhamapāṭidesanīyasikkhāpadavaṇṇanā
੨. ਦੁਤਿਯਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 2. Dutiyapāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi
੧. ਪਠਮਪਾਟਿਦੇਸਨੀਯਸਿਕ੍ਖਾਪਦ-ਅਤ੍ਥਯੋਜਨਾ • 1. Paṭhamapāṭidesanīyasikkhāpada-atthayojanā
੨. ਦੁਤਿਯਪਾਟਿਦੇਸਨੀਯਸਿਕ੍ਖਾਪਦਂ • 2. Dutiyapāṭidesanīyasikkhāpadaṃ
੪. ਚਤੁਤ੍ਥਪਾਟਿਦੇਸਨੀਯਸਿਕ੍ਖਾਪਦਂ • 4. Catutthapāṭidesanīyasikkhāpadaṃ
