| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၇. ပဌမပဋိသမ္ဘိဒာသုတ္တဝဏ္ဏနာ
7. Paṭhamapaṭisambhidāsuttavaṇṇanā
၃၈. သတ္တမေ ဣဒံ မေ စေတသော လီနတ္တန္တိ ဥပ္ပန္နေ စေတသော လီနတ္တေ ‘‘ဣဒံ မေ စေတသော လီနတ္တ’’န္တိ ယထာသဘာဝတော ဇာနာတိ။ အဇ္ဈတ္တံ သံခိတ္တံ နာမ ထိနမိဒ္ဓာနုဂတံ။ ဗဟိဒ္ဓာ ဝိက္ခိတ္တံ နာမ ပဉ္စသု ကာမဂုဏေသု ဝိက္ခိတ္တံ။ ဝေဒနာတိအာဒီနိ ပပဉ္စမူလဝသေန ဂဟိတာနိ။ ဝေဒနာ ဟိ တဏ္ဟာယ မူလံ သုခဝသေန တဏ္ဟုပ္ပတ္တိတော, သညာ ဒိဋ္ဌိယာ မူလံ အဝိဘူတာရမ္မဏေ ဒိဋ္ဌိဥပ္ပတ္တိတော, ဝိတက္ကော မာနသ္သ မူလံ ဝိတက္ကဝသေန အသ္မီတိ မာနုပ္ပတ္တိတော။ သပ္ပာယာသပ္ပာယေသူတိ ဥပကာရာနုပကာရေသု။ နိမိတ္တန္တိ ကာရဏံ။ သေသံ သဗ္ဗတ္ထ ဥတ္တာနတ္ထမေဝာတိ။
38. Sattame idaṃ me cetaso līnattanti uppanne cetaso līnatte ‘‘idaṃ me cetaso līnatta’’nti yathāsabhāvato jānāti. Ajjhattaṃ saṃkhittaṃ nāma thinamiddhānugataṃ. Bahiddhā vikkhittaṃ nāma pañcasu kāmaguṇesu vikkhittaṃ. Vedanātiādīni papañcamūlavasena gahitāni. Vedanā hi taṇhāya mūlaṃ sukhavasena taṇhuppattito, saññā diṭṭhiyā mūlaṃ avibhūtārammaṇe diṭṭhiuppattito, vitakko mānassa mūlaṃ vitakkavasena asmīti mānuppattito. Sappāyāsappāyesūti upakārānupakāresu. Nimittanti kāraṇaṃ. Sesaṃ sabbattha uttānatthamevāti.
ဒေဝတာဝဂ္ဂော စတုတ္ထော။
Devatāvaggo catuttho.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၇. ပဌမပဋိသမ္ဘိဒာသုတ္တံ • 7. Paṭhamapaṭisambhidāsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၆-၁၁. ဒုတိယမိတ္တသုတ္တာဒိဝဏ္ဏနာ • 6-11. Dutiyamittasuttādivaṇṇanā
