| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. батамабад̇т̇анаасуд̇д̇ам̣
5. Paṭhamapatthanāsuttaṃ
135. ‘‘бан̃жахи, бхигкавз, ан̇г̇зхи саманнааг̇ад̇о ран̃н̃о кад̇д̇ияасса муд̣̇д̇хаавасид̇д̇асса ж̇здто буд̇д̇о раж̇ж̇ам̣ бад̇т̇зд̇и. гад̇амзхи бан̃жахи? ид̇ха, бхигкавз, ран̃н̃о кад̇д̇ияасса муд̣̇д̇хаавасид̇д̇асса ж̇здто буд̇д̇о убхад̇о суж̇аад̇о ход̇и маад̇ид̇о жа бид̇ид̇о жа, сам̣суд̣̇д̇хаг̇ахан̣иго, яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна; абхируубо ход̇и д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о; маад̇аабид̇уунам̣ бияо ход̇и манаабо; нзг̇амаж̇аанабад̣̇асса бияо ход̇и манаабо; яаани д̇аани ран̃н̃ам̣ кад̇д̇ияаанам̣ муд̣̇д̇хаавасид̇д̇аанам̣ сиббадтаанаани хад̇т̇исмим̣ ваа ассасмим̣ ваа рат̇асмим̣ ваа д̇ханусмим̣ ваа т̇арусмим̣ ваа д̇ад̇т̇а сигкид̇о ход̇и анаваяо.
135. ‘‘Pañcahi, bhikkhave, aṅgehi samannāgato rañño khattiyassa muddhāvasittassa jeṭṭho putto rajjaṃ pattheti. Katamehi pañcahi? Idha, bhikkhave, rañño khattiyassa muddhāvasittassa jeṭṭho putto ubhato sujāto hoti mātito ca pitito ca, saṃsuddhagahaṇiko, yāva sattamā pitāmahayugā akkhitto anupakkuṭṭho jātivādena; abhirūpo hoti dassanīyo pāsādiko paramāya vaṇṇapokkharatāya samannāgato; mātāpitūnaṃ piyo hoti manāpo; negamajānapadassa piyo hoti manāpo; yāni tāni raññaṃ khattiyānaṃ muddhāvasittānaṃ sippaṭṭhānāni hatthismiṃ vā assasmiṃ vā rathasmiṃ vā dhanusmiṃ vā tharusmiṃ vā tattha sikkhito hoti anavayo.
‘‘д̇асса звам̣ ход̇и – ‘ахам̣ комхи убхад̇о суж̇аад̇о маад̇ид̇о жа бид̇ид̇о жа, сам̣суд̣̇д̇хаг̇ахан̣иго, яаава сад̇д̇амаа бид̇аамахаяуг̇аа агкид̇д̇о анубаггудто ж̇аад̇иваад̣̇зна. гасмаахам̣ раж̇ж̇ам̣ на бад̇т̇зяяам̣! ахам̣ комхи абхируубо д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о. гасмаахам̣ раж̇ж̇ам̣ на бад̇т̇зяяам̣! ахам̣ комхи маад̇аабид̇уунам̣ бияо манаабо. гасмаахам̣ раж̇ж̇ам̣ на бад̇т̇зяяам̣! ахам̣ комхи нзг̇амаж̇аанабад̣̇асса бияо манаабо. гасмаахам̣ раж̇ж̇ам̣ на бад̇т̇зяяам̣! ахам̣ комхи яаани д̇аани ран̃н̃ам̣ кад̇д̇ияаанам̣ муд̣̇д̇хаавасид̇д̇аанам̣ сиббадтаанаани хад̇т̇исмим̣ ваа ассасмим̣ ваа рат̇асмим̣ ваа д̇ханусмим̣ ваа т̇арусмим̣ ваа, д̇ад̇т̇а 1 сигкид̇о анаваяо. гасмаахам̣ раж̇ж̇ам̣ на бад̇т̇зяяа’нд̇и! имзхи ко, бхигкавз, бан̃жахи ан̇г̇зхи саманнааг̇ад̇о ран̃н̃о кад̇д̇ияасса муд̣̇д̇хаавасид̇д̇асса ж̇здто буд̇д̇о раж̇ж̇ам̣ бад̇т̇зд̇и.
‘‘Tassa evaṃ hoti – ‘ahaṃ khomhi ubhato sujāto mātito ca pitito ca, saṃsuddhagahaṇiko, yāva sattamā pitāmahayugā akkhitto anupakkuṭṭho jātivādena. Kasmāhaṃ rajjaṃ na pattheyyaṃ! Ahaṃ khomhi abhirūpo dassanīyo pāsādiko paramāya vaṇṇapokkharatāya samannāgato. Kasmāhaṃ rajjaṃ na pattheyyaṃ! Ahaṃ khomhi mātāpitūnaṃ piyo manāpo. Kasmāhaṃ rajjaṃ na pattheyyaṃ! Ahaṃ khomhi negamajānapadassa piyo manāpo. Kasmāhaṃ rajjaṃ na pattheyyaṃ! Ahaṃ khomhi yāni tāni raññaṃ khattiyānaṃ muddhāvasittānaṃ sippaṭṭhānāni hatthismiṃ vā assasmiṃ vā rathasmiṃ vā dhanusmiṃ vā tharusmiṃ vā, tattha 2 sikkhito anavayo. Kasmāhaṃ rajjaṃ na pattheyya’nti! Imehi kho, bhikkhave, pañcahi aṅgehi samannāgato rañño khattiyassa muddhāvasittassa jeṭṭho putto rajjaṃ pattheti.
‘‘звамзвам̣ ко, бхигкавз, бан̃жахи д̇хаммзхи саманнааг̇ад̇о бхигку аасаваанам̣ каяам̣ бад̇т̇зд̇и. гад̇амзхи бан̃жахи? ид̇ха, бхигкавз, бхигку сад̣̇д̇хо ход̇и, сад̣̇д̣̇ахад̇и д̇ат̇ааг̇ад̇асса б̣од̇хим̣ – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. аббааб̣аад̇хо ход̇и аббаад̇ан̇го, самавзбаагинияаа г̇ахан̣ияаа саманнааг̇ад̇о наад̇исийд̇ааяа наажжун̣хааяа маж̇жхимааяа бад̇хаанагкамааяа; асато ход̇и амааяаавий, яат̇аабхууд̇ам̣ ад̇д̇аанам̣ аавигад̇д̇аа сад̇т̇ари ваа вин̃н̃уусу ваа саб̣рахмажаарийсу; аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу; бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа.
‘‘Evamevaṃ kho, bhikkhave, pañcahi dhammehi samannāgato bhikkhu āsavānaṃ khayaṃ pattheti. Katamehi pañcahi? Idha, bhikkhave, bhikkhu saddho hoti, saddahati tathāgatassa bodhiṃ – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. Appābādho hoti appātaṅko, samavepākiniyā gahaṇiyā samannāgato nātisītāya nāccuṇhāya majjhimāya padhānakkhamāya; asaṭho hoti amāyāvī, yathābhūtaṃ attānaṃ āvikattā satthari vā viññūsu vā sabrahmacārīsu; āraddhavīriyo viharati akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu; paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.
‘‘д̇асса звам̣ ход̇и – ‘ахам̣ комхи сад̣̇д̇хо, сад̣̇д̣̇ахаами д̇ат̇ааг̇ад̇асса б̣од̇хим̣ – ид̇иби со бхаг̇аваа арахам̣ саммаасамб̣уд̣̇д̇хо…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. ‘гасмаахам̣ аасаваанам̣ каяам̣ на бад̇т̇зяяам̣! ахам̣ комхи аббааб̣аад̇хо аббаад̇ан̇го самавзбаагинияаа г̇ахан̣ияаа саманнааг̇ад̇о наад̇исийд̇ааяа наажжун̣хааяа маж̇жхимааяа бад̇хаанагкамааяа. гасмаахам̣ аасаваанам̣ каяам̣ на бад̇т̇зяяам̣! ахам̣ комхи асато амааяаавий яат̇аабхууд̇ам̣ ад̇д̇аанам̣ аавигад̇д̇аа сад̇т̇ари ваа вин̃н̃уусу ваа саб̣рахмажаарийсу. гасмаахам̣ аасаваанам̣ каяам̣ на бад̇т̇зяяам̣! ахам̣ комхи аарад̣̇д̇хавийрияо вихараами агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу. гасмаахам̣ аасаваанам̣ каяам̣ на бад̇т̇зяяам̣! ахам̣ комхи бан̃н̃аваа уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа. гасмаахам̣ аасаваанам̣ каяам̣ на бад̇т̇зяяа’нд̇и! имзхи ко, бхигкавз, бан̃жахи д̇хаммзхи саманнааг̇ад̇о бхигку аасаваанам̣ каяам̣ бад̇т̇зд̇ий’’д̇и. бан̃жамам̣.
‘‘Tassa evaṃ hoti – ‘ahaṃ khomhi saddho, saddahāmi tathāgatassa bodhiṃ – itipi so bhagavā arahaṃ sammāsambuddho…pe… satthā devamanussānaṃ buddho bhagavā’ti. ‘Kasmāhaṃ āsavānaṃ khayaṃ na pattheyyaṃ! Ahaṃ khomhi appābādho appātaṅko samavepākiniyā gahaṇiyā samannāgato nātisītāya nāccuṇhāya majjhimāya padhānakkhamāya. Kasmāhaṃ āsavānaṃ khayaṃ na pattheyyaṃ! Ahaṃ khomhi asaṭho amāyāvī yathābhūtaṃ attānaṃ āvikattā satthari vā viññūsu vā sabrahmacārīsu. Kasmāhaṃ āsavānaṃ khayaṃ na pattheyyaṃ! Ahaṃ khomhi āraddhavīriyo viharāmi akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu. Kasmāhaṃ āsavānaṃ khayaṃ na pattheyyaṃ! Ahaṃ khomhi paññavā udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. Kasmāhaṃ āsavānaṃ khayaṃ na pattheyya’nti! Imehi kho, bhikkhave, pañcahi dhammehi samannāgato bhikkhu āsavānaṃ khayaṃ patthetī’’ti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5-6. бад̇т̇анаасуд̇д̇ад̣̇ваяаван̣н̣анаа • 5-6. Patthanāsuttadvayavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-9. бад̇т̇анаасуд̇д̇аад̣̇иван̣н̣анаа • 5-9. Patthanāsuttādivaṇṇanā
