| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੫. ਪਠਮਪવਾਰਣਸਿਕ੍ਖਾਪਦਂ
5. Paṭhamapavāraṇasikkhāpadaṃ
੨੩੬. ਪਞ੍ਚਮੇ ਪવਾਰਿਤਾਤਿ ਏਤ੍ਥ વਸ੍ਸਂવੁਤ੍ਥਪવਾਰਣਾ, ਪਚ੍ਚਯਪવਾਰਣਾ, ਪਟਿਕ੍ਖੇਪਪવਾਰਣਾ, ਯਾવਦਤ੍ਥਪવਾਰਣਾ ਚਾਤਿ ਚਤੁਬ੍ਬਿਧਾਸੁ ਪવਾਰਣਾਸੁ ਯਾવਦਤ੍ਥਪવਾਰਣਾ ਚ ਪਟਿਕ੍ਖੇਪਪવਾਰਣਾ ਚਾਤਿ ਦ੍વੇ ਪવਾਰਣਾ ਅਧਿਪ੍ਪੇਤਾਤਿ ਦਸ੍ਸੇਨ੍ਤੋ ਆਹ ‘‘ਬ੍ਰਾਹ੍ਮਣੇਨਾ’’ਤਿਆਦਿ। ਬ੍ਰਾਹ੍ਮਣੇਨ ਪવਾਰਿਤਾਤਿ ਸਮ੍ਬਨ੍ਧੋ। ਸਯਨ੍ਤਿ ਤਤਿਯਨ੍ਤਨਿਪਾਤੋ ‘‘ਪવਾਰਿਤਾ’’ਤਿਪਦੇਨ ਸਮ੍ਬਨ੍ਧੋ। ਚਸਦ੍ਦੋ ਅਞ੍ਞਤ੍ਥ ਯੋਜੇਤਬ੍ਬੋ ਯਾવਦਤ੍ਥਪવਾਰਣਾਯ ਚ ਪਟਿਕ੍ਖੇਪਪવਾਰਣਾਯ ਚਾਤਿ। ਪਟਿਮੁਖਂ ਅਤ੍ਤਨੋ ਗੇਹਂ વਿਸਨ੍ਤਿ ਪવਿਸਨ੍ਤੀਤਿ ਪਟਿવਿਸ੍ਸਕਾਤਿ વੁਤ੍ਤੇ ਆਸਨ੍ਨਗੇਹવਾਸਿਕਾ ਗਹੇਤਬ੍ਬਾਤਿ ਆਹ ‘‘ਸਾਮਨ੍ਤਘਰવਾਸਿਕੇ’’ਤਿ।
236. Pañcame pavāritāti ettha vassaṃvutthapavāraṇā, paccayapavāraṇā, paṭikkhepapavāraṇā, yāvadatthapavāraṇā cāti catubbidhāsu pavāraṇāsu yāvadatthapavāraṇā ca paṭikkhepapavāraṇā cāti dve pavāraṇā adhippetāti dassento āha ‘‘brāhmaṇenā’’tiādi. Brāhmaṇena pavāritāti sambandho. Sayanti tatiyantanipāto ‘‘pavāritā’’tipadena sambandho. Casaddo aññattha yojetabbo yāvadatthapavāraṇāya ca paṭikkhepapavāraṇāya cāti. Paṭimukhaṃ attano gehaṃ visanti pavisantīti paṭivissakāti vutte āsannagehavāsikā gahetabbāti āha ‘‘sāmantagharavāsike’’ti.
੨੩੭. ਉਦ੍ਧਙ੍ਗਮੋ ਰવੋ ਓਰવੋ, ਸੋਯੇવ ਸਦ੍ਦੋ ਓਰવਸਦ੍ਦੋ, ਕਾਕਾਨਂ ਓਰવਸਦ੍ਦੋ ਕਕੋਰવਸਦ੍ਦੋਤਿ ਦਸ੍ਸੇਨ੍ਤੋ ਆਹ ‘‘ਕਾਕਾਨ’’ਨ੍ਤਿਆਦਿ।
237. Uddhaṅgamo ravo oravo, soyeva saddo oravasaddo, kākānaṃ oravasaddo kakoravasaddoti dassento āha ‘‘kākāna’’ntiādi.
੨੩੯. ਤવਨ੍ਤੁਪਚ੍ਚਯਸ੍ਸ ਅਤੀਤਤ੍ਥਭਾવਂ ਦਸ੍ਸੇਤੁਂ વੁਤ੍ਤਂ ‘‘ਤਤ੍ਥ ਚਾ’’ਤਿਆਦਿ। ਤਤ੍ਥਾਤਿ ‘‘ਭੁਤ੍ਤવਾ’’ਤਿਪਦੇ। ਯਸ੍ਮਾ ਯੇਨ ਭਿਕ੍ਖੁਨਾ ਅਜ੍ਝੋਹਰਿਤਂ ਹੋਤਿ, ਤਸ੍ਮਾ ਸੋ ‘‘ਭੁਤ੍ਤਾવੀ’’ਤਿ ਸਙ੍ਖ੍ਯਂ ਗਚ੍ਛਤੀਤਿ ਯੋਜਨਾ। ਸਙ੍ਖਾਦਿਤ੍વਾਤਿ ਦਨ੍ਤੇਹਿ ਚੁਣ੍ਣਂ ਕਤ੍વਾ। ਤੇਨਾਤਿ ਤੇਨ ਹੇਤੁਨਾ। ਅਸ੍ਸਾਤਿ ‘‘ਭੁਤ੍ਤਾવੀ’’ਤਿਪਦਸ੍ਸ। ਪવਾਰੇਤਿ ਪਟਿਕ੍ਖਿਪਤੀਤਿ ਪવਾਰਿਤੋ ਭਿਕ੍ਖੂਤਿ ਦਸ੍ਸੇਨ੍ਤੋ ਆਹ ‘‘ਕਤਪવਾਰਣੋ’’ਤਿ। ਸੋਪਿ ਚਾਤਿ ਸੋ ਪਟਿਕ੍ਖੇਪੋ ਚ ਹੋਤੀਤਿ ਸਮ੍ਬਨ੍ਧੋ। ਅਸ੍ਸਾਤਿ ‘‘ਪવਾਰਿਤੋ’’ਤਿਪਦਸ੍ਸ। ਤਤ੍ਥਾਤਿ ‘‘ਅਸਨਂ ਪਞ੍ਞਾਯਤੀ’’ਤਿਆਦਿવਚਨੇ। ਯਸ੍ਮਾ ਭੁਤ੍ਤਾવੀਤਿਪਿ ਸਙ੍ਖ੍ਯਂ ਗਚ੍ਛਤਿ, ਤਸ੍ਮਾ ਨ ਪਸ੍ਸਾਮਾਤਿ ਯੋਜਨਾ। ‘‘ਅਸਨਂ ਪਞ੍ਞਾਯਤੀ’’ਤਿ ਪਦਭਾਜਨਿਯਾ ‘‘ਭੁਤ੍ਤਾવੀ’’ਤਿ ਮਾਤਿਕਾਪਦਸ੍ਸ ਅਸਂਸਨ੍ਦਨਭਾવਂ ਦਸ੍ਸੇਤੁਂ વੁਤ੍ਤਂ ‘‘ਅਸਨਂ ਪਞ੍ਞਾਯਤੀਤਿ ਇਮਿਨਾ’’ਤਿਆਦਿ। ਯਞ੍ਚਾਤਿ ਯਞ੍ਚ ਭੋਜਨਂ। ਦਿਰਤ੍ਤਾਦੀਤਿ ਏਤ੍ਥ ਆਦਿਸਦ੍ਦੇਨ ਪਞ੍ਚਾਦਿવਚਨਂ ਸਙ੍ਗਣ੍ਹਾਤਿ। ਏਤਨ੍ਤਿ ‘‘ਭੁਤ੍ਤਾવੀ’’ਤਿਪਦਂ।
239. Tavantupaccayassa atītatthabhāvaṃ dassetuṃ vuttaṃ ‘‘tattha cā’’tiādi. Tatthāti ‘‘bhuttavā’’tipade. Yasmā yena bhikkhunā ajjhoharitaṃ hoti, tasmā so ‘‘bhuttāvī’’ti saṅkhyaṃ gacchatīti yojanā. Saṅkhāditvāti dantehi cuṇṇaṃ katvā. Tenāti tena hetunā. Assāti ‘‘bhuttāvī’’tipadassa. Pavāreti paṭikkhipatīti pavārito bhikkhūti dassento āha ‘‘katapavāraṇo’’ti. Sopi cāti so paṭikkhepo ca hotīti sambandho. Assāti ‘‘pavārito’’tipadassa. Tatthāti ‘‘asanaṃ paññāyatī’’tiādivacane. Yasmā bhuttāvītipi saṅkhyaṃ gacchati, tasmā na passāmāti yojanā. ‘‘Asanaṃ paññāyatī’’ti padabhājaniyā ‘‘bhuttāvī’’ti mātikāpadassa asaṃsandanabhāvaṃ dassetuṃ vuttaṃ ‘‘asanaṃ paññāyatīti iminā’’tiādi. Yañcāti yañca bhojanaṃ. Dirattādīti ettha ādisaddena pañcādivacanaṃ saṅgaṇhāti. Etanti ‘‘bhuttāvī’’tipadaṃ.
‘‘ਅਸਨਂ ਪਞ੍ਞਾਯਤੀ’’ਤਿਆਦੀਸੁ વਿਨਿਚ੍ਛਯੋ ਏવਂ વੇਦਿਤਬ੍ਬੋਤਿ ਸਮ੍ਬਨ੍ਧੋ। ‘‘ਪਞ੍ਞਾਯਤੀ’’ਤਿ ਏਤ੍ਥ ਞਾਧਾਤੁਯਾ ਖਾਯਨਤ੍ਥਂ ਦਸ੍ਸੇਤੁਂ વੁਤ੍ਤਂ ‘‘ਦਿਸ੍ਸਤੀ’’ਤਿ। ‘‘ਹਤ੍ਥਪਾਸੇ’’ਤਿਪਦਸ੍ਸ ਦ੍વਾਦਸਹਤ੍ਥਪ੍ਪਮਾਣੋ ਹਤ੍ਥਪਾਸੋ ਨਾਧਿਪ੍ਪੇਤੋਤਿ ਆਹ ‘‘ਅਡ੍ਢਤੇਯ੍ਯਹਤ੍ਥਪ੍ਪਮਾਣੇ’’ਤਿ। વਾਚਾਯ ਅਭਿਹਰਣਂ ਨਾਧਿਪ੍ਪੇਤਂ। ਤੇਨਾਹ ‘‘ਕਾਯੇਨਾ’’ਤਿ। ਅਭਿਹਰਤੀਤਿ ਅਭਿਮੁਖਂ ਹਰਤਿ। ਤਨ੍ਤਿ ਭੋਜਨਂ। ਏਤਨ੍ਤਿ ਪਞ੍ਚਙ੍ਗਭਾવਂ, ‘‘ਪਞ੍ਚਹਿ…ਪੇ॰… ਪਞ੍ਞਾਯਤੀ’’ਤਿ વਚਨਂ વਾ।
‘‘Asanaṃ paññāyatī’’tiādīsu vinicchayo evaṃ veditabboti sambandho. ‘‘Paññāyatī’’ti ettha ñādhātuyā khāyanatthaṃ dassetuṃ vuttaṃ ‘‘dissatī’’ti. ‘‘Hatthapāse’’tipadassa dvādasahatthappamāṇo hatthapāso nādhippetoti āha ‘‘aḍḍhateyyahatthappamāṇe’’ti. Vācāya abhiharaṇaṃ nādhippetaṃ. Tenāha ‘‘kāyenā’’ti. Abhiharatīti abhimukhaṃ harati. Tanti bhojanaṃ. Etanti pañcaṅgabhāvaṃ, ‘‘pañcahi…pe… paññāyatī’’ti vacanaṃ vā.
ਤਤ੍ਰਾਤਿ ‘‘ਅਸਨਂ ਪਞ੍ਞਾਯਤੀ’’ਤਿਆਦਿવਚਨੇ। ਅਸ੍ਨਾਤੀਤਿ ਕੀਯਾਦਿਗਣਤ੍ਤਾ, ਤਸ੍ਸ ਚ ਏਕਕ੍ਖਰਧਾਤੁਤ੍ਤਾ ਸਕਾਰਨਕਾਰਾਨਂ ਸਂਯੋਗੋ ਦਟ੍ਠਬ੍ਬੋ। ਤਨ੍ਤਿ ਭੋਜਨਂ। ਉਨ੍ਦਤਿ ਪਸવਤਿ ਭੁਞ੍ਜਨ੍ਤਾਨਂ ਆਯੁਬਲਂ ਜਨੇਤੀਤਿ ਓਦਨੋ। ਯવਾਦਯੋ ਪੂਤਿਂ ਕਤ੍વਾ ਕਤਤ੍ਤਾ ਕੁਚ੍ਛਿਤੇਨ ਮਸੀਯਤਿ ਆਮਸੀਯਤੀਤਿ ਕੁਮਾਸੋ। ਸਚਤਿ ਸਮવਾਯੋ ਹੁਤ੍વਾ ਭવਤੀਤਿ ਸਤ੍ਤੁ। ਬ੍ਯਞ੍ਜਨਤ੍ਥਾਯ ਮਾਰੇਤਬ੍ਬੋਤਿ ਮਚ੍ਛੋ। ਮਾਨੀਯਤਿ ਭੁਞ੍ਜਨ੍ਤੇਹੀਤਿ ਮਂਸਂ। ਤਤ੍ਥਾਤਿ ਓਦਨਾਦੀਸੁ ਪਞ੍ਚਸੁ ਭੋਜਨੇਸੁ। ਸਾਰੋ ਅਸ੍ਸਤ੍ਥਿ ਅਞ੍ਞੇਸਂ ਧਞ੍ਞਾਨਨ੍ਤਿ ਸਾਲੀ। વਹਤਿ ਭੁਞ੍ਜਨ੍ਤਾਨਂ ਜੀવਿਤਨ੍ਤਿ વੀਹਿ। ਯવਤਿ ਅਮਿਸ੍ਸਿਤੋਪਿ ਮਿਸ੍ਸਿਤੋ વਿਯ ਭવਤੀਤਿ ਯવੋ। ਗੁਧਤਿ ਪਰਿવੇਠਤਿ ਮਿਲਕ੍ਖਭੋਜਨਤ੍ਤਾਤਿ ਗੋਧੁਮੋ। ਸੋਭਨਸੀਸਤ੍ਤਾ ਕਮਨੀਯਭਾવਂ ਗਚ੍ਛਤੀਤਿ ਕਙ੍ਗੁ। ਮਹਨ੍ਤਸੀਸਤ੍ਤਾ, ਮਧੁਰਰਸਨਾਲ਼ਤ੍ਤਾ ਚ વਰੀਯਤਿ ਪਤ੍ਥੀਯਤਿ ਜਨੇਹੀਤਿ વਰਕੋ। ਕੋਰਂ ਰੁਧਿਰਂ ਦੂਸਤਿ ਭੁਞ੍ਜਨ੍ਤਾਨਨ੍ਤਿ ਕੁਦ੍ਰੂਸਕੋ। ਨਿਬ੍ਬਤ੍ਤੋ ਓਦਨੋ ਨਾਮਾਤਿ ਸਮ੍ਬਨ੍ਧੋ। ਤਤ੍ਥਾਤਿ ਸਤ੍ਤਸੁ ਧਞ੍ਞੇਸੁ। ਸਾਲੀਤੀਤਿ ਏਤ੍ਥ ਇਤਿਸਦ੍ਦੋ ਨਾਮਪਰਿਯਾਯੋ। ਸਾਲੀ ਨਾਮਾਤਿ ਅਤ੍ਥੋ। ਏਸੇવ ਨਯੋ ‘‘વੀਹੀਤੀ’’ਤਿਆਦੀਸੁਪਿ।
Tatrāti ‘‘asanaṃ paññāyatī’’tiādivacane. Asnātīti kīyādigaṇattā, tassa ca ekakkharadhātuttā sakāranakārānaṃ saṃyogo daṭṭhabbo. Tanti bhojanaṃ. Undati pasavati bhuñjantānaṃ āyubalaṃ janetīti odano. Yavādayo pūtiṃ katvā katattā kucchitena masīyati āmasīyatīti kumāso. Sacati samavāyo hutvā bhavatīti sattu. Byañjanatthāya māretabboti maccho. Mānīyati bhuñjantehīti maṃsaṃ. Tatthāti odanādīsu pañcasu bhojanesu. Sāro assatthi aññesaṃ dhaññānanti sālī. Vahati bhuñjantānaṃ jīvitanti vīhi. Yavati amissitopi missito viya bhavatīti yavo. Gudhati pariveṭhati milakkhabhojanattāti godhumo. Sobhanasīsattā kamanīyabhāvaṃ gacchatīti kaṅgu. Mahantasīsattā, madhurarasanāḷattā ca varīyati patthīyati janehīti varako. Koraṃ rudhiraṃ dūsati bhuñjantānanti kudrūsako. Nibbatto odano nāmāti sambandho. Tatthāti sattasu dhaññesu. Sālītīti ettha itisaddo nāmapariyāyo. Sālī nāmāti attho. Eseva nayo ‘‘vīhītī’’tiādīsupi.
ਏਤ੍ਥਾਤਿ ਤਿਣਧਞ੍ਞਜਾਤੀਸੁ। ਨੀવਾਰੋ ਸਾਲਿਯਾ ਅਨੁਲੋਮੋ, વਰਕਚੋਰਕੋ વਰਕਸ੍ਸ ਅਨੁਲੋਮੋ। ਅਮ੍ਬਿਲਪਾਯਾਸਾਦੀਸੂਤਿ ਏਤ੍ਥ ਆਦਿਸਦ੍ਦੇਨ ਖੀਰਭਤ੍ਤਾਦਯੋ ਸਙ੍ਗਣ੍ਹਨ੍ਤਿ। ਓਧੀਤਿ ਅવਧਿ, ਮਰਿਯਾਦੋਤਿ ਅਤ੍ਥੋ। ਸੋ ਹਿ ਅવਹੀਯਤਿ ਚਜੀਯਤਿ ਅਸ੍ਮਾਤਿ ਓਧੀਤਿ વੁਚ੍ਚਤਿ।
Etthāti tiṇadhaññajātīsu. Nīvāro sāliyā anulomo, varakacorako varakassa anulomo. Ambilapāyāsādīsūti ettha ādisaddena khīrabhattādayo saṅgaṇhanti. Odhīti avadhi, mariyādoti attho. So hi avahīyati cajīyati asmāti odhīti vuccati.
ਯੋਪਿ ਪਾਯਾਸੋ વਾ ਯਾਪਿ ਅਮ੍ਬਿਲਯਾਗੁ વਾ ਓਧਿਂ ਨ ਦਸ੍ਸੇਤਿ, ਸੋ ਪવਾਰਣਂ ਨ ਜਨੇਤੀਤਿ ਯੋਜਨਾ। ਪਯੇਨ ਖੀਰੇਨ ਕਤਤ੍ਤਾ ਪਾਯਾਸੋ। ਪਾਤਬ੍ਬਸ੍ਸ, ਅਸਿਤਬ੍ਬਸ੍ਸ ਚਾਤਿ ਦ੍વਿਨ੍ਨਂ ਬ੍ਯੁਪ੍ਪਤ੍ਤਿਨਿਮਿਤ੍ਤਾਨਂ ਸਮ੍ਭવਤੋ વਾ ਪਾਯਾਸੋਤਿ વੁਚ੍ਚਤਿ। ਉਦ੍ਧਨਤੋਤਿ ਚੁਲ੍ਲਿਤੋ। ਸਾ ਹਿ ਉਪਰਿ ਧੀਯਨ੍ਤਿ ਠਪਿਯਨ੍ਤਿ ਥਾਲ੍ਯਾਦਯੋ ਏਤ੍ਥਾਤਿ ਉਦ੍ਧਨਨ੍ਤਿ વੁਚ੍ਚਤਿ। ਆવਜ੍ਜਿਤ੍વਾਤਿ ਪਰਿਣਾਮੇਤ੍વਾ। ਘਨਭਾવਨ੍ਤਿ ਕਥਿਨਭਾવਂ। ਏਤ੍ਥਾਪਿ વਾਕ੍ਯੇ ‘‘ਯੋ ਸੋ’’ਤਿ ਪਦਾਨਿ ਯੋਜੇਤਬ੍ਬਾਨਿ। ਪੁਬ੍ਬੇਤਿ ਅਬ੍ਭੁਣ੍ਹਕਾਲੇ। ਨਿਮਨ੍ਤਨੇਤਿ ਨਿਮਨ੍ਤਨਟ੍ਠਾਨੇ। ਭਤ੍ਤੇ ਆਕਿਰਿਤ੍વਾ ਦੇਨ੍ਤੀਤਿ ਸਮ੍ਬਨ੍ਧੋ। ਯਾਪਨਂ ਗਚ੍ਛਤਿ ਇਮਾਯਾਤਿ ਯਾਗੁ। ਕਿਞ੍ਚਾਪਿ ਤਨੁਕਾ ਹੋਤਿ, ਤਥਾਪੀਤਿ ਯੋਜਨਾ। ਉਦਕਾਦੀਸੂਤਿਆਦਿਸਦ੍ਦੇਨ ਕਿਞ੍ਜਿਕਖੀਰਾਦਯੋ ਸਙ੍ਗਯ੍ਹਨ੍ਤਿ। ਯਾਗੁਸਙ੍ਗਹਮੇવ ਗਚ੍ਛਤਿ, ਕਸ੍ਮਾ? ਉਦਕਾਦੀਨਂ ਪਕ੍ਕੁਥਿਤਤ੍ਤਾਤਿ ਅਧਿਪ੍ਪਾਯੋ। ਤਸ੍ਮਿਂ વਾਤਿ ਸਭਤ੍ਤੇ, ਪਕ੍ਕੁਥਿਤਉਦਕਾਦਿਕੇ વਾ। ਅਞ੍ਞਸ੍ਮਿਂ વਾਤਿ ਪਕ੍ਕੁਥਿਤਉਦਕਾਦਿਤੋ ਅਞ੍ਞਸ੍ਮਿਂ ਉਦਕਾਦਿਕੇ વਾ। ਯਤ੍ਥ ਯਸ੍ਮਿਂ ਉਦਕਾਦਿਕੇ ਪਕ੍ਖਿਪਨ੍ਤਿ, ਤਂ ਪવਾਰਣਂ ਜਨੇਤੀਤਿ ਯੋਜਨਾ।
Yopi pāyāso vā yāpi ambilayāgu vā odhiṃ na dasseti, so pavāraṇaṃ na janetīti yojanā. Payena khīrena katattā pāyāso. Pātabbassa, asitabbassa cāti dvinnaṃ byuppattinimittānaṃ sambhavato vā pāyāsoti vuccati. Uddhanatoti cullito. Sā hi upari dhīyanti ṭhapiyanti thālyādayo etthāti uddhananti vuccati. Āvajjitvāti pariṇāmetvā. Ghanabhāvanti kathinabhāvaṃ. Etthāpi vākye ‘‘yo so’’ti padāni yojetabbāni. Pubbeti abbhuṇhakāle. Nimantaneti nimantanaṭṭhāne. Bhatte ākiritvā dentīti sambandho. Yāpanaṃ gacchati imāyāti yāgu. Kiñcāpi tanukā hoti, tathāpīti yojanā. Udakādīsūtiādisaddena kiñjikakhīrādayo saṅgayhanti. Yāgusaṅgahameva gacchati, kasmā? Udakādīnaṃ pakkuthitattāti adhippāyo. Tasmiṃ vāti sabhatte, pakkuthitaudakādike vā. Aññasmiṃ vāti pakkuthitaudakādito aññasmiṃ udakādike vā. Yattha yasmiṃ udakādike pakkhipanti, taṃ pavāraṇaṃ janetīti yojanā.
ਸੁਦ੍ਧਰਸਕੋਤਿ ਮਚ੍ਛਮਂਸਖਣ੍ਡਨ੍ਹਾਰੂਹਿ ਅਮਿਸ੍ਸੋ ਸੁਦ੍ਧੋ ਮਚ੍ਛਾਦਿਰਸਕੋ। ਰਸਕਯਾਗੂਤਿ ਰਸਕਭੂਤਾ ਦ੍ਰવਭੂਤਾ ਯਾਗੁ। ਘਨਯਾਗੂਤਿ ਕਥਿਨਯਾਗੁ। ਏਤ੍ਥਾਤਿ ਘਨਯਾਗੁਯਂ। ਪੁਪ੍ਫਿਅਤ੍ਥਾਯਾਤਿ ਪੁਪ੍ਫਂ ਫੁਲ੍ਲਂ ਇਮਸ੍ਸ ਖਜ੍ਜਕਸ੍ਸਾਤਿ ਪੁਪ੍ਫੀ, ਪੁਪ੍ਫਿਨੋ ਅਤ੍ਥੋ ਪਯੋਜਨਂ ਪੁਪ੍ਫਿਅਤ੍ਥੋ, ਤਦਤ੍ਥਾਯ ਕਤਨ੍ਤਿ ਸਮ੍ਬਨ੍ਧੋ। ਤੇ ਤਣ੍ਡੁਲੇਤਿ ਤੇ ਸੇਦਿਤਤਣ੍ਡੁਲੇ। ਅਚੁਣ੍ਣਤ੍ਤਾ ਨੇવ ਸਤ੍ਤੁਸਙ੍ਖ੍ਯਂ, ਅਪਕ੍ਕਤ੍ਤਾ ਨ ਭਤ੍ਤਸਙ੍ਖ੍ਯਂ ਗਚ੍ਛਨ੍ਤਿ। ਤੇਹੀਤਿ ਸੇਦਿਤਤਣ੍ਡੁਲੇਹਿ। ਤੇ ਤਣ੍ਡੁਲੇ ਪਚਨ੍ਤਿ, ਕਰੋਨ੍ਤੀਤਿ ਸਮ੍ਬਨ੍ਧੋ।
Suddharasakoti macchamaṃsakhaṇḍanhārūhi amisso suddho macchādirasako. Rasakayāgūti rasakabhūtā dravabhūtā yāgu. Ghanayāgūti kathinayāgu. Etthāti ghanayāguyaṃ. Pupphiatthāyāti pupphaṃ phullaṃ imassa khajjakassāti pupphī, pupphino attho payojanaṃ pupphiattho, tadatthāya katanti sambandho. Te taṇḍuleti te seditataṇḍule. Acuṇṇattā neva sattusaṅkhyaṃ, apakkattā na bhattasaṅkhyaṃ gacchanti. Tehīti seditataṇḍulehi. Te taṇḍule pacanti, karontīti sambandho.
‘‘ਯવੇਹੀ’’ਤਿ ਬਹੁવਚਨੇਨ ਸਤ੍ਤ ਧਞ੍ਞਾਨਿਪਿ ਗਹਿਤਾਨਿ। ਏਸ ਨਯੋ ਸਾਲਿવੀਹਿਯવੇਹੀਤਿ ਏਤ੍ਥਾਪਿ। ਥੁਸੇਤਿ ਧਞ੍ਞਤਚੇ। ਪਲਾਪੇਤ੍વਾਤਿ ਪਟਿਕ੍ਕਮਾਪੇਤ੍વਾ । ਤਨ੍ਤਿ ਚੁਣ੍ਣਂ ਗਚ੍ਛਤੀਤਿ ਸਮ੍ਬਨ੍ਧੋ। ਖਰਪਾਕਭਜ੍ਜਿਤਾਨਨ੍ਤਿ ਖਰੋ ਪਾਕੋ ਖਰਪਾਕੋ, ਖਰਪਾਕੇਨ ਭਜ੍ਜਿਤਾ ਖਰਪਾਕਭਜ੍ਜਿਤਾ, ਤੇਸਂ। ਨ ਪવਾਰੇਨ੍ਤਿ ਅਸਤ੍ਤੁਸਙ੍ਗਹਤ੍ਤਾਤਿ ਅਧਿਪ੍ਪਾਯੋ। ਕੁਣ੍ਡਕਮ੍ਪੀਤਿ ਕਣਮ੍ਪਿ। ਪવਾਰੇਤਿ ਸਤ੍ਤੁਸਙ੍ਗਹਤ੍ਤਾਤਿ ਅਧਿਪ੍ਪਾਯੋ। ਤੇਹੀਤਿ ਲਾਜੇਹਿ। ਸੁਦ੍ਧਖਜ੍ਜਕਨ੍ਤਿ ਪਿਟ੍ਠੇਹਿ ਅਮਿਸ੍ਸਿਤਂ ਸੁਦ੍ਧਂ ਫਲਾਫਲਾਦਿਖਜ੍ਜਕਂ। ਯਾਗੁਂ ਪਿવਨ੍ਤਸ੍ਸ ਦੇਨ੍ਤੀਤਿ ਯੋਜਨਾ। ਤਾਨੀਤਿ ਦ੍વੇ ਮਚ੍ਛਮਂਸਖਣ੍ਡਾਨਿ। ਨ ਪવਾਰੇਤਿ ਦ੍વਿਨ੍ਨਂ ਮਚ੍ਛਮਂਸਖਣ੍ਡਾਨਂ ਅਖਾਦਿਤਤ੍ਤਾਤਿ ਅਧਿਪ੍ਪਾਯੋ। ਤਤੋਤਿ ਦ੍વੇਮਚ੍ਛਮਂਸਖਣ੍ਡਤੋ ਨੀਹਰਿਤ੍વਾ ਏਕਨ੍ਤਿ ਸਮ੍ਬਨ੍ਧੋ, ਤੇਸੁ વਾ। ਸੋਤਿ ਖਾਦਕੋ ਭਿਕ੍ਖੁ। ਅਞ੍ਞਨ੍ਤਿ ਦ੍વੀਹਿ ਮਚ੍ਛਮਂਸਖਣ੍ਡੇਹਿ ਅਞ੍ਞਂ ਪવਾਰਣਪਹੋਨਕਂ ਭੋਜਨਂ।
‘‘Yavehī’’ti bahuvacanena satta dhaññānipi gahitāni. Esa nayo sālivīhiyavehīti etthāpi. Thuseti dhaññatace. Palāpetvāti paṭikkamāpetvā . Tanti cuṇṇaṃ gacchatīti sambandho. Kharapākabhajjitānanti kharo pāko kharapāko, kharapākena bhajjitā kharapākabhajjitā, tesaṃ. Na pavārenti asattusaṅgahattāti adhippāyo. Kuṇḍakampīti kaṇampi. Pavāreti sattusaṅgahattāti adhippāyo. Tehīti lājehi. Suddhakhajjakanti piṭṭhehi amissitaṃ suddhaṃ phalāphalādikhajjakaṃ. Yāguṃ pivantassa dentīti yojanā. Tānīti dve macchamaṃsakhaṇḍāni. Na pavāreti dvinnaṃ macchamaṃsakhaṇḍānaṃ akhāditattāti adhippāyo. Tatoti dvemacchamaṃsakhaṇḍato nīharitvā ekanti sambandho, tesu vā. Soti khādako bhikkhu. Aññanti dvīhi macchamaṃsakhaṇḍehi aññaṃ pavāraṇapahonakaṃ bhojanaṃ.
ਅવਤ੍ਥੁਤਾਯਾਤਿ ਪવਾਰਣਾਯ ਅવਤ੍ਥੁਭਾવਤੋ। ਤਂ વਿਤ੍ਥਾਰੇਨ੍ਤੋ ਆਹ ‘‘ਯਂ ਹੀ’’ਤਿ। ਹਿਸਦ੍ਦੋ વਿਤ੍ਥਾਰਜੋਤਕੋ। ਯਨ੍ਤਿ ਮਂਸਂ। ਇਦਂ ਪਨਾਤਿ ਇਦਂ ਮਂਸਂ ਪਨ। ਪਟਿਕ੍ਖਿਤ੍ਤਮਂਸਂ ਕਪ੍ਪਿਯਭਾવਤੋ ਅਪਟਿਕ੍ਖਿਪਿਤਬ੍ਬਟ੍ਠਾਨੇ ਠਿਤਤ੍ਤਾ ਪਟਿਕ੍ਖਿਤ੍ਤਮ੍ਪਿ ਮਂਸਭਾવਂ ਨ ਜਹਾਤਿ। ਨਨੁ ਖਾਦਿਤਮਂਸਂ ਪਨ ਅਕਪ੍ਪਿਯਭਾવਤੋ ਪਟਿਕ੍ਖਿਪਿਤਬ੍ਬਟ੍ਠਾਨੇ ਠਿਤਤ੍ਤਾ ਖਾਦਿਯਮਾਨਮ੍ਪਿ ਮਂਸਭਾવਂ ਜਹਾਤੀਤਿ ਆਹ ‘‘ਯਂ ਪਨਾ’’ਤਿਆਦਿ। ਕੁਲਦੂਸਕਕਮ੍ਮਞ੍ਚ વੇਜ੍ਜਕਮ੍ਮਞ੍ਚ ਉਤ੍ਤਰਿਮਨੁਸ੍ਸਧਮ੍ਮਾਰੋਚਨਞ੍ਚ ਸਾਦਿਤਰੂਪਿਯਞ੍ਚ ਕੁਲ…ਪੇ॰… ਰੂਪਿਯਾਨਿ, ਤਾਨਿ ਆਦੀਨਿ ਯੇਸਂ ਕੁਹਨਾਦੀਨਨ੍ਤਿ ਕੁਲ…ਪੇ॰… ਰੂਪਿਯਾਦਯੋ, ਤੇਹਿ। ਸਬ੍ਬਤ੍ਥਾਤਿ ਸਬ੍ਬੇਸੁ વਾਰੇਸੁ।
Avatthutāyāti pavāraṇāya avatthubhāvato. Taṃ vitthārento āha ‘‘yaṃ hī’’ti. Hisaddo vitthārajotako. Yanti maṃsaṃ. Idaṃ panāti idaṃ maṃsaṃ pana. Paṭikkhittamaṃsaṃ kappiyabhāvato apaṭikkhipitabbaṭṭhāne ṭhitattā paṭikkhittampi maṃsabhāvaṃ na jahāti. Nanu khāditamaṃsaṃ pana akappiyabhāvato paṭikkhipitabbaṭṭhāne ṭhitattā khādiyamānampi maṃsabhāvaṃ jahātīti āha ‘‘yaṃ panā’’tiādi. Kuladūsakakammañca vejjakammañca uttarimanussadhammārocanañca sāditarūpiyañca kula…pe… rūpiyāni, tāni ādīni yesaṃ kuhanādīnanti kula…pe… rūpiyādayo, tehi. Sabbatthāti sabbesu vāresu.
ਏવਨ੍ਤਿਆਦਿ ਨਿਗਮਨਨਿਦਸ੍ਸਨਂ। ਤਨ੍ਤਿ ਭੋਜਨਂ। ਯਥਾਤਿ ਯੇਨਾਕਾਰੇਨ। ਯੇਨ ਅਜ੍ਝੋਹਟਂ ਹੋਤਿ, ਸੋ ਪਟਿਕ੍ਖਿਪਤਿ ਪવਾਰੇਤੀਤਿ ਯੋਜਨਾ। ਕਤ੍ਥਚੀਤਿ ਕਿਸ੍ਮਿਞ੍ਚਿ ਪਤ੍ਤਾਦਿਕੇ। ਤਸ੍ਮਿਂ ਚੇ ਅਨ੍ਤਰੇਤਿ ਤਸ੍ਮਿਂ ਖਣੇ ਚੇ। ਅਞ੍ਞਤ੍ਰਾਤਿ ਅਞ੍ਞਸ੍ਮਿਂ ਠਾਨੇ। ਪਤ੍ਤੇ વਿਜ੍ਜਮਾਨਭੋਜਨਂ ਅਨਜ੍ਝੋਹਰਿਤੁਕਾਮੋ ਹੋਤਿ ਯਥਾ, ਏવਨ੍ਤਿ ਯੋਜਨਾ। ਹੀਤਿ ਸਚ੍ਚਂ। ਸਬ੍ਬਤ੍ਥਾਤਿ ਸਬ੍ਬੇਸੁ ਪਦੇਸੁ। ਤਤ੍ਥਾਤਿ ਕੁਰੁਨ੍ਦੀਯਂ। ਆਨਿਸਦਸ੍ਸਾਤਿ ਆਗਮ੍ਮ ਨਿਸੀਦਤਿ ਏਤੇਨਾਤਿ ਆਨਿਸਦੋ, ਤਸ੍ਸ ਪਚ੍ਛਿਮਨ੍ਤਤੋਤਿ ਸਮ੍ਬਨ੍ਧੋ। ਪਣ੍ਹਿਅਨ੍ਤਤੋਤਿ ਪਸਤਿ ਠਿਤਕਾਲੇ વਾ ਗਮਨਕਾਲੇ વਾ ਭੂਮਿਂ ਫੁਸਤੀਤਿ ਪਣ੍ਹੀ, ਤਸ੍ਸ ਅਨ੍ਤਤੋ। ‘‘ਦਾਯਕਸ੍ਸਾ’’ਤਿਪਦਂ ‘‘ਪਸਾਰਿਤਹਤ੍ਥ’’ਨ੍ਤਿ ਪਦੇਨ ਚ ‘‘ਅਙ੍ਗ’’ਨ੍ਤਿ ਪਦੇਨ ਚ ਅવਯવੀਸਮ੍ਬਨ੍ਧੋ। ਹਤ੍ਥਪਾਸੋਤਿ ਹਤ੍ਥਸ੍ਸ ਪਾਸੋ ਸਮੀਪੋ ਹਤ੍ਥਪਾਸੋ, ਹਤ੍ਥੋ ਪਸਤਿ ਫੁਸਤਿ ਅਸ੍ਮਿਂ ਠਾਨੇਤਿ વਾ ਹਤ੍ਥਪਾਸੋ, ਅਡ੍ਢਤੇਯ੍ਯਹਤ੍ਥੋ ਪਦੇਸੋ। ਤਸ੍ਮਿਨ੍ਤਿ ਹਤ੍ਥਪਾਸੇ।
Evantiādi nigamananidassanaṃ. Tanti bhojanaṃ. Yathāti yenākārena. Yena ajjhohaṭaṃ hoti, so paṭikkhipati pavāretīti yojanā. Katthacīti kismiñci pattādike. Tasmiṃ ce antareti tasmiṃ khaṇe ce. Aññatrāti aññasmiṃ ṭhāne. Patte vijjamānabhojanaṃ anajjhoharitukāmo hoti yathā, evanti yojanā. Hīti saccaṃ. Sabbatthāti sabbesu padesu. Tatthāti kurundīyaṃ. Ānisadassāti āgamma nisīdati etenāti ānisado, tassa pacchimantatoti sambandho. Paṇhiantatoti pasati ṭhitakāle vā gamanakāle vā bhūmiṃ phusatīti paṇhī, tassa antato. ‘‘Dāyakassā’’tipadaṃ ‘‘pasāritahattha’’nti padena ca ‘‘aṅga’’nti padena ca avayavīsambandho. Hatthapāsoti hatthassa pāso samīpo hatthapāso, hattho pasati phusati asmiṃ ṭhāneti vā hatthapāso, aḍḍhateyyahattho padeso. Tasminti hatthapāse.
ਉਪਨਾਮੇਤੀਤਿ ਸਮੀਪਂ ਨਾਮੇਤਿ। ਅਨਨ੍ਤਰਨਿਸਿਨ੍ਨੋਪੀਤਿ ਹਤ੍ਥਪਾਸਂ ਅવਿਜਹਿਤ੍વਾ ਅਨਨ੍ਤਰੇ ਠਾਨੇ ਨਿਸਿਨ੍ਨੋਪਿ ਭਿਕ੍ਖੁ વਦਤੀਤਿ ਯੋਜਨਾ। ਭਤ੍ਤਪਚ੍ਛਿਨ੍ਤਿ ਭਤ੍ਤੇਨ ਪਕ੍ਖਿਤ੍ਤਂ ਪਚ੍ਛਿਂ। ਈਸਕਨ੍ਤਿ ਭਾવਨਪੁਂਸਕਂ। ਉਦ੍ਧਰਿਤ੍વਾ વਾ ਅਪਨਾਮੇਤ੍વਾ વਾਤਿ ਸਮ੍ਬਨ੍ਧਿਤਬ੍ਬਂ। ਦੂਰੇਤਿ ਨવਾਸਨੇ। ਇਤੋਤਿ ਪਤ੍ਤਤੋ। ਗਤੋ ਦੂਤੋਤਿ ਸਮ੍ਬਨ੍ਧੋ।
Upanāmetīti samīpaṃ nāmeti. Anantaranisinnopīti hatthapāsaṃ avijahitvā anantare ṭhāne nisinnopi bhikkhu vadatīti yojanā. Bhattapacchinti bhattena pakkhittaṃ pacchiṃ. Īsakanti bhāvanapuṃsakaṃ. Uddharitvā vā apanāmetvā vāti sambandhitabbaṃ. Dūreti navāsane. Itoti pattato. Gato dūtoti sambandho.
ਪਰਿવੇਸਨਾਯਾਤਿ ਪਰਿવੇਸਨਤ੍ਥਾਯ, ਭਤ੍ਤਗ੍ਗੇ વਾ। ਤਤ੍ਰਾਤਿ ਅਸ੍ਮਿਂ ਪਰਿવੇਸਨੇ। ਤਨ੍ਤਿ ਭਤ੍ਤਪਚ੍ਛਿਂ। ਫੁਟ੍ਠਮਤ੍ਤਾવਾਤਿ ਫੁਸਿਯਮਤ੍ਤਾવ। ਕਟਚ੍ਛੁਨਾ ਉਦ੍ਧਟਭਤ੍ਤੇ ਪਨ ਪવਾਰਣਾ ਹੋਤੀਤਿ ਯੋਜਨਾ। ਹੀਤਿ ਸਚ੍ਚਂ, ਯਸ੍ਮਾ વਾ। ਤਸ੍ਸਾਤਿ ਪਰਿવੇਸਕਸ੍ਸ। ਅਭਿਹਟੇ ਪਟਿਕ੍ਖਿਤ੍ਤਤ੍ਤਾਤਿ ਅਭਿਹਟਸ੍ਸ ਭਤ੍ਤਸ੍ਸ ਪਟਿਕ੍ਖਿਤ੍ਤਭਾવਤੋ।
Parivesanāyāti parivesanatthāya, bhattagge vā. Tatrāti asmiṃ parivesane. Tanti bhattapacchiṃ. Phuṭṭhamattāvāti phusiyamattāva. Kaṭacchunā uddhaṭabhatte pana pavāraṇā hotīti yojanā. Hīti saccaṃ, yasmā vā. Tassāti parivesakassa. Abhihaṭe paṭikkhittattāti abhihaṭassa bhattassa paṭikkhittabhāvato.
‘‘ਕਾਯੇਨ વਾਚਾਯ વਾ ਪਟਿਕ੍ਖਿਪਨ੍ਤਸ੍ਸ ਪવਾਰਣਾ ਹੋਤੀ’’ਤਿ ਸਙ੍ਖੇਪੇਨ વੁਤ੍ਤਮਤ੍ਥਂ વਿਤ੍ਥਾਰੇਨ ਦਸ੍ਸੇਨ੍ਤੋ ਆਹ ‘‘ਤਤ੍ਥਾ’’ਤਿਆਦਿ। ਤਤ੍ਥਾਤਿ ਤੇਸੁ ਕਾਯવਾਚਾਪਟਿਕ੍ਖੇਪੇਸੁ। ਮਚ੍ਛਿਕਬੀਜਨਿਨ੍ਤਿ ਮਕ੍ਖਿਕਾਨਂ ਉਤ੍ਤਾਸਨਿਂ ਬੀਜਨਿਂ। ਖਕਾਰਸ੍ਸ ਹਿ ਛਕਾਰਂ ਕਤ੍વਾ ‘‘ਮਚ੍ਛਿਕਾ’’ਤਿ વੁਚ੍ਚਤਿ ‘‘ਸਚ੍ਛਿਕਤ੍વਾ’’ਤਿਆਦੀਸੁ વਿਯ (ਅ॰ ਨਿ॰ ੩.੧੦੩)। ਏਤ੍ਥ ਹਿ ‘‘ਸਕ੍ਖਿਕਤ੍વਾ’’ਤਿ વਤ੍ਤਬ੍ਬੇ ਖਕਾਰਸ੍ਸ ਛਕਾਰੋ ਹੋਤਿ।
‘‘Kāyena vācāya vā paṭikkhipantassa pavāraṇā hotī’’ti saṅkhepena vuttamatthaṃ vitthārena dassento āha ‘‘tatthā’’tiādi. Tatthāti tesu kāyavācāpaṭikkhepesu. Macchikabījaninti makkhikānaṃ uttāsaniṃ bījaniṃ. Khakārassa hi chakāraṃ katvā ‘‘macchikā’’ti vuccati ‘‘sacchikatvā’’tiādīsu viya (a. ni. 3.103). Ettha hi ‘‘sakkhikatvā’’ti vattabbe khakārassa chakāro hoti.
ਏਕੋ વਦਤੀਤਿ ਸਮ੍ਬਨ੍ਧੋ। ਅਪਨੇਤ੍વਾਤਿ ਪਤ੍ਤਤੋ ਅਪਨੇਤ੍વਾ। ਏਤ੍ਥਾਤਿ વਚਨੇ। ਕਥਨ੍ਤਿ ਕੇਨਾਕਾਰੇਨ ਹੋਤੀਤਿ ਯੋਜਨਾ। વਦਨ੍ਤਸ੍ਸ ਨਾਮਾਤਿ ਏਤ੍ਥ ਨਾਮਸਦ੍ਦੋ ਗਰਹਤ੍ਥੋ ‘‘ਅਤ੍ਥੀ’’ਤਿਪਦੇਨ ਯੋਜੇਤਬ੍ਬੋ। ਅਤ੍ਥਿ ਨਾਮਾਤਿ ਅਤ੍ਥੋ। ਇਤੋਪੀਤਿ ਪਤ੍ਤਤੋਪਿ। ਤਤ੍ਰਾਪੀਤਿ ਤਸ੍ਮਿਂ વਚਨੇਪਿ।
Eko vadatīti sambandho. Apanetvāti pattato apanetvā. Etthāti vacane. Kathanti kenākārena hotīti yojanā. Vadantassa nāmāti ettha nāmasaddo garahattho ‘‘atthī’’tipadena yojetabbo. Atthi nāmāti attho. Itopīti pattatopi. Tatrāpīti tasmiṃ vacanepi.
ਸਮਂਸਕਨ੍ਤਿ ਮਂਸੇਨ ਸਹ ਪવਤ੍ਤਂ। ਰਸਨ੍ਤਿ ਦ੍ਰવਂ। ਤਨ੍ਤਿ વਚਨਂ। ਪਟਿਕ੍ਖਿਪਤੋ ਹੋਤਿ। ਕਸ੍ਮਾ? ਮਚ੍ਛੋ ਚ ਰਸੋ ਚ ਮਚ੍ਛੇਨ ਮਿਸ੍ਸੋ ਰਸੋ ਚਾਤਿ ਅਤ੍ਥਸ੍ਸ ਸਮ੍ਭવਤੋ। ਇਦਨ੍ਤਿ વਤ੍ਥੁਂ। ਮਂਸਂ વਿਸੁਂ ਕਤ੍વਾਤਿ ‘‘ਮਂਸਸ੍ਸ ਰਸਂ ਮਂਸਰਸ’’ਨ੍ਤਿ ਮਂਸਪਦਤ੍ਥਸ੍ਸ ਪਧਾਨਭਾવਂ ਅਕਤ੍વਾ, ਰਸਪਦਤ੍ਥਸ੍ਸੇવ ਪਧਾਨਭਾવਂ ਕਤ੍વਾਤਿ ਅਤ੍ਥੋ।
Samaṃsakanti maṃsena saha pavattaṃ. Rasanti dravaṃ. Tanti vacanaṃ. Paṭikkhipato hoti. Kasmā? Maccho ca raso ca macchena misso raso cāti atthassa sambhavato. Idanti vatthuṃ. Maṃsaṃ visuṃ katvāti ‘‘maṃsassa rasaṃ maṃsarasa’’nti maṃsapadatthassa padhānabhāvaṃ akatvā, rasapadatthasseva padhānabhāvaṃ katvāti attho.
ਆਪੁਚ੍ਛਨ੍ਤਨ੍ਤਿ ‘‘ਮਂਸਰਸਂ ਗਣ੍ਹਥਾ’’ਤਿ ਆਪੁਚ੍ਛਨ੍ਤਂ। ਤਨ੍ਤਿ ਮਂਸਂ। ਕਰਮ੍ਬਕੋਤਿ ਮਿਸ੍ਸਕਾਧਿવਚਨਮੇਤਂ। ਯਞ੍ਹਿ ਅਞ੍ਞੇਨ ਅਞ੍ਞੇਨ ਮਿਸ੍ਸੇਤ੍વਾ ਕਰੋਨ੍ਤਿ, ਸੋ ‘‘ਕਰਮ੍ਬਕੋ’’ਤਿ વੁਚ੍ਚਤਿ। ਅਯਂ ਪਨੇਤ੍ਥ વਚਨਤ੍ਥੋ – ਕਰੋਤਿ ਸਮੂਹਂ ਅવਯવਿਨ੍ਤਿ ਕਰੋ, ਕਰੀਯਤਿ વਾ ਸਮੂਹੇਨ ਅવਯવਿਨਾਤਿ ਕਰੋ, ਅવਯવੋ, ਤਂ વਕਤਿ ਆਦਦਾਤੀਤਿ ਕਰਮ੍ਬਕੋ, ਸਮੂਹੋ। ‘‘ਕਦਮ੍ਬਕੋ’’ਤਿਪਿ ਪਾਠੋ, ਸੋਪਿ ਯੁਤ੍ਤੋਯੇવ ਅਨੁਮਤਤ੍ਤਾ ਪਣ੍ਡਿਤੇਹਿ। ਅਭਿਧਾਨੇਪਿ ਏવਮੇવ ਅਤ੍ਥੀ। ਅਤ੍ਥੋ ਪਨ ਅਞ੍ਞਥਾ ਚਿਨ੍ਤੇਤਬ੍ਬੋ। ਇਮਸ੍ਮਿਂ વਾ ਅਤ੍ਥੇ ਰਕਾਰਸ੍ਸ ਦਕਾਰੋ ਕਾਤਬ੍ਬੋ। ਮਂਸੇਨ ਮਿਸ੍ਸੋ, ਲਕ੍ਖਿਤੋ વਾ ਕਰਮ੍ਬਕੋ ਮਂਸਕਰਮ੍ਬਕੋ। ਨ ਪવਾਰੇਤੀਤਿ ਯੇਸਂ ਕੇਸਞ੍ਚਿ ਮਿਸ੍ਸਕਤ੍ਤਾ ਨ ਪવਾਰੇਤਿ। ਪવਾਰੇਤੀਤਿ ਮਂਸੇਨ ਮਿਸ੍ਸਿਤਤ੍ਤਾ ਪવਾਰੇਤਿ।
Āpucchantanti ‘‘maṃsarasaṃ gaṇhathā’’ti āpucchantaṃ. Tanti maṃsaṃ. Karambakoti missakādhivacanametaṃ. Yañhi aññena aññena missetvā karonti, so ‘‘karambako’’ti vuccati. Ayaṃ panettha vacanattho – karoti samūhaṃ avayavinti karo, karīyati vā samūhena avayavināti karo, avayavo, taṃ vakati ādadātīti karambako, samūho. ‘‘Kadambako’’tipi pāṭho, sopi yuttoyeva anumatattā paṇḍitehi. Abhidhānepi evameva atthī. Attho pana aññathā cintetabbo. Imasmiṃ vā atthe rakārassa dakāro kātabbo. Maṃsena misso, lakkhito vā karambako maṃsakarambako. Na pavāretīti yesaṃ kesañci missakattā na pavāreti. Pavāretīti maṃsena missitattā pavāreti.
ਯੋ ਪਨ ਪਟਿਕ੍ਖਿਪਤਿ, ਸੋ ਪવਾਰਿਤੋવ ਹੋਤੀਤਿ ਯੋਜਨਾ। ਨਿਮਨ੍ਤਨੇਤਿ ਨਿਮਨ੍ਤਨਟ੍ਠਾਨੇ। ਹੀਤਿ ਸਚ੍ਚਂ। ਤਤ੍ਥਾਤਿ ਕੁਰੁਨ੍ਦਿਯਂ। ਯੇਨਾਤਿ ਯੇਨ ਭਤ੍ਤੇਨ। ਏਤ੍ਥਾਤਿ ‘‘ਯਾਗੁਂ ਗਣ੍ਹਥਾ’’ਤਿਆਦਿવਚਨੇ। ਅਧਿਪ੍ਪਾਯੋਤਿ ਅਟ੍ਠਕਥਾਚਰਿਯਾਨਂ ਅਧਿਪ੍ਪਾਯੋ। ਏਤ੍ਥਾਤਿ ‘‘ਯਾਗੁਮਿਸ੍ਸਕਂ ਗਣ੍ਹਥਾ’’ਤਿਆਦਿવਚਨੇ। ਦੁਦ੍ਦਸਨ੍ਤਿ ਦੁਕ੍ਕਰਂ ਦਸ੍ਸਨਂ। ਇਦਞ੍ਚਾਤਿ ‘‘ਮਿਸ੍ਸਕਂ ਗਣ੍ਹਥਾ’’ਤਿવਚਨਞ੍ਚ। ਨ ਸਮਾਨੇਤਬ੍ਬਨ੍ਤਿ ਸਮਂ ਨ ਆਨੇਤਬ੍ਬਂ, ਸਮਾਨਂ વਾ ਨ ਕਾਤਬ੍ਬਂ। ਹੀਤਿ ਸਚ੍ਚਂ, ਯਸ੍ਮਾ વਾ। ਇਦਂ ਪਨਾਤਿ ਮਿਸ੍ਸਕਂ ਪਨ। ਏਤ੍ਥਾਤਿ ਮਿਸ੍ਸਕੇ। વਿਸੁਂ ਕਤ੍વਾਤਿ ਰਸਖੀਰਸਪ੍ਪੀਨਿ ਆવੇਣਿਂ ਕਤ੍વਾ। ਤਨ੍ਤਿ ਰਸਾਦਿਂ।
Yo pana paṭikkhipati, so pavāritova hotīti yojanā. Nimantaneti nimantanaṭṭhāne. Hīti saccaṃ. Tatthāti kurundiyaṃ. Yenāti yena bhattena. Etthāti ‘‘yāguṃ gaṇhathā’’tiādivacane. Adhippāyoti aṭṭhakathācariyānaṃ adhippāyo. Etthāti ‘‘yāgumissakaṃ gaṇhathā’’tiādivacane. Duddasanti dukkaraṃ dassanaṃ. Idañcāti ‘‘missakaṃ gaṇhathā’’tivacanañca. Na samānetabbanti samaṃ na ānetabbaṃ, samānaṃ vā na kātabbaṃ. Hīti saccaṃ, yasmā vā. Idaṃ panāti missakaṃ pana. Etthāti missake. Visuṃ katvāti rasakhīrasappīni āveṇiṃ katvā. Tanti rasādiṃ.
ਕਦ੍ਦੀਯਤਿ ਮਦ੍ਦੀਯਤੀਤਿ ਕਦ੍ਦਮੋ। ਉਨ੍ਦਤਿ ਪਸવਤਿ વਡ੍ਢਤੀਤਿ ਉਦਕਂ। ਉਨ੍ਦਤਿ વਾ ਕ੍ਲੇਦਨਂ ਕਰੋਤੀਤਿ ਉਦਕਂ, ਨਿਲੀਨੇ ਸਤ੍ਤੇ ਗੁਪਤਿ ਰਕ੍ਖਤੀਤਿ ਗੁਮ੍ਬੋ, ਗੁਹਤਿ ਸਂવਰਤੀਤਿ વਾ ਗੁਮ੍ਬੋ। ਅਨੁਪਰਿਯਾਯਨ੍ਤੇਨਾਤਿ ਅਨੁਕ੍ਕਮੇਨ ਪਰਿવਤ੍ਤਿਤ੍વਾ ਆਯਨ੍ਤੇਨ। ਤਨ੍ਤਿ ਨਾવਂ વਾ ਸੇਤੁਂ વਾ। ਮਜ੍ਝਨ੍ਹਿਕਨ੍ਤਿ ਅਹਸ੍ਸ ਮਜ੍ਝਂ ਮਜ੍ਝਨ੍ਹਂ, ਅਹਸਦ੍ਦਸ੍ਸ ਨ੍ਹਾਦੇਸੋ, ਮਜ੍ਝਨ੍ਹਂ ਏવ ਮਜ੍ਝਨ੍ਹਿਕਂ। ਪੋਤ੍ਥਕੇਸੁ ਪਨ ਮਜ੍ਝਨ੍ਤਿਕਨ੍ਤਿ ਪਾਠੋ ਅਤ੍ਥਿ, ਸੋ ਅਪਾਠੋਯੇવ। ਯੋ ਠਿਤੋ ਪવਾਰੇਤਿ, ਤੇਨ ਠਿਤੇਨੇવ ਭੁਞ੍ਜਿਤਬ੍ਬਨ੍ਤਿ ਯੋਜਨਾ। ਆਨਿਸਦਨ੍ਤਿ ਪੀਠੇ ਫੁਟ੍ਠਆਨਿਸਦਮਂਸਂ। ਅਚਾਲੇਤ੍વਾਤਿ ਅਚਾવੇਤ੍વਾ। ਅਯਮੇવ વਾ ਪਾਠੋ। ਉਪਰਿ ਚ ਪਸ੍ਸੇਸੁ ਚ ਅਮੋਚੇਤ੍વਾਤਿ વੁਤ੍ਤਂ ਹੋਤਿ। ਅਦਿਨ੍ਨਾਦਾਨੇ વਿਯ ਠਾਨਾਚਾવਨਂ ਨ વੇਦਿਤਬ੍ਬਂ। ਸਂਸਰਿਤੁਨ੍ਤਿ ਸਂਸਬ੍ਬਿਤੁਂ। ਨਨ੍ਤਿ ਭਿਕ੍ਖੁਂ।
Kaddīyati maddīyatīti kaddamo. Undati pasavati vaḍḍhatīti udakaṃ. Undati vā kledanaṃ karotīti udakaṃ, nilīne satte gupati rakkhatīti gumbo, guhati saṃvaratīti vā gumbo. Anupariyāyantenāti anukkamena parivattitvā āyantena. Tanti nāvaṃ vā setuṃ vā. Majjhanhikanti ahassa majjhaṃ majjhanhaṃ, ahasaddassa nhādeso, majjhanhaṃ eva majjhanhikaṃ. Potthakesu pana majjhantikanti pāṭho atthi, so apāṭhoyeva. Yo ṭhito pavāreti, tena ṭhiteneva bhuñjitabbanti yojanā. Ānisadanti pīṭhe phuṭṭhaānisadamaṃsaṃ. Acāletvāti acāvetvā. Ayameva vā pāṭho. Upari ca passesu ca amocetvāti vuttaṃ hoti. Adinnādāne viya ṭhānācāvanaṃ na veditabbaṃ. Saṃsaritunti saṃsabbituṃ. Nanti bhikkhuṃ.
ਅਤਿਰੇਕਂ ਰਿਚਤਿ ਗਚ੍ਛਤੀਤਿ ਅਤਿਰਿਤ੍ਤਂ, ਨ ਅਤਿਰਿਤ੍ਤਂ ਅਨਤਿਰਿਤ੍ਤਨ੍ਤਿ ਅਤ੍ਥਂ ਦਸ੍ਸੇਨ੍ਤੋ ਆਹ ‘‘ਨ ਅਤਿਰਿਤ੍ਤ’’ਨ੍ਤਿ। ‘‘ਅਧਿਕ’’ਨ੍ਤਿਇਮਿਨਾ ਅਤਿਰਿਤ੍ਤਸਦ੍ਦਸ੍ਸ ਅਤਿਸੁਞ੍ਞਤ੍ਥਂ ਨਿવਤ੍ਤੇਤਿ। ਅਧਿ ਹੁਤ੍વਾ ਏਤਿ ਪવਤ੍ਤਤੀਤਿ ਅਧਿਕਂ। ਤਂ ਪਨਾਤਿ ਅਨਤਿਰਿਤ੍ਤਂ ਪਨ ਹੋਤੀਤਿ ਸਮ੍ਬਨ੍ਧੋ। ਤਤ੍ਥਾਤਿ ‘‘ਅਕਪ੍ਪਿਯਕਤ’’ਨ੍ਤਿਆਦਿવਚਨੇ। વਿਤ੍ਥਾਰੋ ਏવਂ વੇਦਿਤਬ੍ਬੋਤਿ ਯੋਜਨਾ। ਤਤ੍ਥਾਤਿ ਅਤਿਰਿਤ੍ਤਂ ਕਾਤਬ੍ਬੇਸੁ વਤ੍ਥੂਸੁ। ਯਂ ਫਲਂ વਾ ਯਂ ਕਨ੍ਦਮੂਲਾਦਿ વਾ ਅਕਤਨ੍ਤਿ ਯੋਜਨਾ। ਅਕਪ੍ਪਿਯਭੋਜਨਂ વਾਤਿ ਕੁਲਦੂਸਕਕਮ੍ਮਾਦੀਹਿ ਨਿਬ੍ਬਤ੍ਤਂ ਅਕਪ੍ਪਿਯਭੋਜਨਂ વਾ ਅਤ੍ਥੀਤਿ ਸਮ੍ਬਨ੍ਧੋ। ਯੋਤਿ વਿਨਯਧਰੋ ਭਿਕ੍ਖੁ। ਤੇਨ ਕਤਨ੍ਤਿ ਯੋਜਨਾ। ‘‘ਭੁਤ੍ਤਾવਿਨਾ ਪવਾਰਿਤੇਨ ਆਸਨਾ વੁਟ੍ਠਿਤੇਨ ਕਤ’’ਨ੍ਤਿવਚਨਤੋ ਭੁਤ੍ਤਾવਿਨਾ ਅਪવਾਰਿਤੇਨ ਆਸਨਾ વੁਟ੍ਠਿਤੇਨ ਕਤ੍ਤਬ੍ਬਨ੍ਤਿ ਸਿਦ੍ਧਂ। ਤਸ੍ਮਾ ਪਾਤੋ ਅਦ੍ਧਾਨਂ ਗਚ੍ਛਨ੍ਤੇਸੁ ਦ੍વੀਸੁ ਏਕੋ ਪવਾਰਿਤੋ, ਤਸ੍ਸ ਇਤਰੋ ਪਿਣ੍ਡਾਯ ਚਰਿਤ੍વਾ ਲਦ੍ਧਂ ਭਿਕ੍ਖਂ ਅਤ੍ਤਨਾ ਅਭੁਤ੍વਾਪਿ ‘‘ਅਲਮੇਤਂ ਸਬ੍ਬ’’ਨ੍ਤਿ ਕਾਤੁਂ ਲਭਤਿ ਏવ। ਯਨ੍ਤਿ ਖਾਦਨੀਯਭੋਜਨੀਯਂ। ‘‘ਤਦੁਭਯਮ੍ਪੀ’’ਤਿਇਮਿਨਾ ਅਤਿਰਿਤ੍ਤਞ੍ਚ ਅਤਿਰਿਤ੍ਤਞ੍ਚ ਅਤਿਰਿਤ੍ਤਂ, ਨ ਅਤਿਰਿਤ੍ਤਂ ਅਨਤਿਰਿਤ੍ਤਨ੍ਤਿ ਅਤ੍ਥਂ ਦਸ੍ਸੇਤਿ।
Atirekaṃ ricati gacchatīti atirittaṃ, na atirittaṃ anatirittanti atthaṃ dassento āha ‘‘na atiritta’’nti. ‘‘Adhika’’ntiiminā atirittasaddassa atisuññatthaṃ nivatteti. Adhi hutvā eti pavattatīti adhikaṃ. Taṃ panāti anatirittaṃ pana hotīti sambandho. Tatthāti ‘‘akappiyakata’’ntiādivacane. Vitthāro evaṃ veditabboti yojanā. Tatthāti atirittaṃ kātabbesu vatthūsu. Yaṃ phalaṃ vā yaṃ kandamūlādi vā akatanti yojanā. Akappiyabhojanaṃ vāti kuladūsakakammādīhi nibbattaṃ akappiyabhojanaṃ vā atthīti sambandho. Yoti vinayadharo bhikkhu. Tena katanti yojanā. ‘‘Bhuttāvinā pavāritena āsanā vuṭṭhitena kata’’ntivacanato bhuttāvinā apavāritena āsanā vuṭṭhitena kattabbanti siddhaṃ. Tasmā pāto addhānaṃ gacchantesu dvīsu eko pavārito, tassa itaro piṇḍāya caritvā laddhaṃ bhikkhaṃ attanā abhutvāpi ‘‘alametaṃ sabba’’nti kātuṃ labhati eva. Yanti khādanīyabhojanīyaṃ. ‘‘Tadubhayampī’’tiiminā atirittañca atirittañca atirittaṃ, na atirittaṃ anatirittanti atthaṃ dasseti.
ਤਸ੍ਸੇવਾਤਿ ਅਨਤਿਰਿਤ੍ਤਸ੍ਸੇવ। ਏਤ੍ਥਾਤਿ ਅਨਤਿਰਿਤ੍ਤੇ, ‘‘ਕਪ੍ਪਿਯਕਤ’’ਨ੍ਤਿ ਆਦੀਸੁ ਸਤ੍ਤਸੁ વਿਨਯਕਮ੍ਮਾਕਾਰੇਸੁ વਾ। ਅਨਨ੍ਤਰੇਤਿ વਿਨਯਧਰਸ੍ਸ ਅਨਨ੍ਤਰੇ ਆਸਨੇ। ਪਤ੍ਤਤੋ ਨੀਹਰਿਤ੍વਾਤਿ ਸਮ੍ਬਨ੍ਧੋ। ਤਤ੍ਥੇવਾਤਿ ਭੁਞ੍ਜਨਟ੍ਠਾਨੇਯੇવ। ਤਸ੍ਸਾਤਿ ਨਿਸਿਨ੍ਨਸ੍ਸ। ਤੇਨਾਤਿ ਭਤ੍ਤਂ ਆਨੇਨ੍ਤੇਨ ਭਿਕ੍ਖੁਨਾ ਭੁਞ੍ਜਿਤਬ੍ਬਨ੍ਤਿ ਯੋਜਨਾ। ‘‘ਨਿਸਿਨ੍ਨੇਨ ਭਿਕ੍ਖੁਨਾ’’ਤਿ ਕਾਰਿਤਕਮ੍ਮਂ ਆਨੇਤਬ੍ਬਂ। ਕਸ੍ਮਾ ‘‘ਹਤ੍ਥਂ ਧੋવਿਤ੍વਾ’’ਤਿ વੁਤ੍ਤਨ੍ਤਿ ਪੁਚ੍ਛਨ੍ਤੋ ਆਹ ‘‘ਕਸ੍ਮਾ’’ਤਿ। ਹੀਤਿ ਕਾਰਣਂ। ਯਸ੍ਮਾ ਅਕਪ੍ਪਿਯਂ ਹੋਤਿ, ਤਸ੍ਮਾ ਹਤ੍ਥਂ ਧੋવਿਤ੍વਾਤਿ ਮਯਾ વੁਤ੍ਤਨ੍ਤਿ ਅਧਿਪ੍ਪਾਯੋ। ਤਸ੍ਸਾਤਿ ਭਤ੍ਤਂ ਆਨੇਨ੍ਤਸ੍ਸ। ਯੇਨਾਤਿ વਿਨਯਧਰੇਨ। ਪੁਨ ਯੇਨਾਤਿ ਏવਮੇવ। ਯਞ੍ਚਾਤਿ ਖਾਦਨੀਯਭੋਜਨੀਯਞ੍ਚ। ਯੇਨ વਿਨਯਧਰੇਨ ਪਠਮਂ ਅਕਤਂ, ਤੇਨੇવ ਕਤ੍ਤਬ੍ਬਂ। ਯਞ੍ਚ ਖਾਦਨੀਯਭੋਜਨੀਯਂ ਪਠਮਂ ਅਕਤਂ, ਤਞ੍ਞੇવ ਕਤ੍ਤਬ੍ਬਨ੍ਤਿ વੁਤ੍ਤਂ ਹੋਤਿ । ਤਤ੍ਥਾਤਿ ਪਠਮਭਾਜਨੇ। ਹੀਤਿ ਸਚ੍ਚਂ। ਪਠਮਭਾਜਨਂ ਸੁਦ੍ਧਂ ਧੋવਿਤ੍વਾ ਕਤਮ੍ਪਿ ਨਿਦ੍ਦੋਸਮੇવ। ਤੇਨ ਭਿਕ੍ਖੁਨਾਤਿ ਪવਾਰਿਤੇਨ ਭਿਕ੍ਖੁਨਾ।
Tassevāti anatirittasseva. Etthāti anatiritte, ‘‘kappiyakata’’nti ādīsu sattasu vinayakammākāresu vā. Anantareti vinayadharassa anantare āsane. Pattato nīharitvāti sambandho. Tatthevāti bhuñjanaṭṭhāneyeva. Tassāti nisinnassa. Tenāti bhattaṃ ānentena bhikkhunā bhuñjitabbanti yojanā. ‘‘Nisinnena bhikkhunā’’ti kāritakammaṃ ānetabbaṃ. Kasmā ‘‘hatthaṃ dhovitvā’’ti vuttanti pucchanto āha ‘‘kasmā’’ti. Hīti kāraṇaṃ. Yasmā akappiyaṃ hoti, tasmā hatthaṃ dhovitvāti mayā vuttanti adhippāyo. Tassāti bhattaṃ ānentassa. Yenāti vinayadharena. Puna yenāti evameva. Yañcāti khādanīyabhojanīyañca. Yena vinayadharena paṭhamaṃ akataṃ, teneva kattabbaṃ. Yañca khādanīyabhojanīyaṃ paṭhamaṃ akataṃ, taññeva kattabbanti vuttaṃ hoti . Tatthāti paṭhamabhājane. Hīti saccaṃ. Paṭhamabhājanaṃ suddhaṃ dhovitvā katampi niddosameva. Tena bhikkhunāti pavāritena bhikkhunā.
ਕੁਣ੍ਡੇਪੀਤਿ ਉਕ੍ਖਲਿਯਮ੍ਪਿ। ਸਾ ਹਿ ਕੁਡਤਿ ਓਦਨਾਦਿਂ ਦਾਹਂ ਕਰੋਤੀਤਿ ਕੁਣ੍ਡੋਤਿ વੁਚ੍ਚਤਿ। ਤਨ੍ਤਿ ਅਤਿਰਿਤ੍ਤਕਤਂ ਖਾਦਨੀਯਭੋਜਨੀਯਂ। ਯੇਨ ਪਨਾਤਿ વਿਨਯਧਰੇਨ ਪਨ। ਭਿਕ੍ਖੁਂ ਨਿਸੀਦਾਪੇਨ੍ਤੀਤਿ ਸਮ੍ਬਨ੍ਧੋ। ਮਙ੍ਗਲਨਿਮਨ੍ਤਨੇਤਿ ਮਙ੍ਗਲਤ੍ਥਾਯ ਨਿਮਨ੍ਤਨਟ੍ਠਾਨੇ। ਤਤ੍ਥਾਤਿ ਮਙ੍ਗਲਨਿਮਨ੍ਤਨੇ। ਕਰੋਨ੍ਤੇਨਾਤਿ ਕਰੋਨ੍ਤੇਨ વਿਨਯਧਰੇਨ।
Kuṇḍepīti ukkhaliyampi. Sā hi kuḍati odanādiṃ dāhaṃ karotīti kuṇḍoti vuccati. Tanti atirittakataṃ khādanīyabhojanīyaṃ. Yena panāti vinayadharena pana. Bhikkhuṃ nisīdāpentīti sambandho. Maṅgalanimantaneti maṅgalatthāya nimantanaṭṭhāne. Tatthāti maṅgalanimantane. Karontenāti karontena vinayadharena.
ਗਿਲਾਨੇਨ ਭੁਞ੍ਜਿਤਾવਸੇਸਮੇવ ਨ ਕੇવਲਂ ਗਿਲਾਨਾਤਿਰਿਤ੍ਤਂ ਨਾਮ, ਗਿਲਾਨਂ ਪਨ ਉਦ੍ਦਿਸ੍ਸ ਆਭਤਂ ਗਿਲਾਨਾਤਿਰਿਤ੍ਤਮੇવ ਨਾਮਾਤਿ ਦਸ੍ਸੇਨ੍ਤੋ ਆਹ ‘‘ਨ ਕੇવਲ’’ਨ੍ਤਿਆਦਿ। ਯਂਕਿਞ੍ਚਿ ਗਿਲਾਨਨ੍ਤਿ ਉਪਸਮ੍ਪਨ੍ਨਂ વਾ ਅਨੁਪਸਮ੍ਪਨ੍ਨਂ વਾ ਯਂਕਿਞ੍ਚਿ ਗਿਲਾਨਂ। ਯਂ ਦੁਕ੍ਕਟਂ વੁਤ੍ਤਂ, ਤਂ ਅਸਂਸਟ੍ਠવਸੇਨ વੁਤ੍ਤਨ੍ਤਿ ਯੋਜਨਾ। ਅਨਾਹਾਰਤ੍ਥਾਯਾਤਿ ਪਿਪਾਸਚ੍ਛੇਦਨਆਬਾਧવੂਪਸਮਤ੍ਥਾਯ।
Gilānena bhuñjitāvasesameva na kevalaṃ gilānātirittaṃ nāma, gilānaṃ pana uddissa ābhataṃ gilānātirittameva nāmāti dassento āha ‘‘na kevala’’ntiādi. Yaṃkiñci gilānanti upasampannaṃ vā anupasampannaṃ vā yaṃkiñci gilānaṃ. Yaṃ dukkaṭaṃ vuttaṃ, taṃ asaṃsaṭṭhavasena vuttanti yojanā. Anāhāratthāyāti pipāsacchedanaābādhavūpasamatthāya.
੨੪੧. ਸਤਿ ਪਚ੍ਚਯੇਤਿ ਏਤ੍ਥ ਪਚ੍ਚਯਸ੍ਸ ਸਰੂਪਂ ਦਸ੍ਸੇਤੁਂ ‘‘ਪਿਪਾਸਾਯ ਸਤੀ’’ਤਿ ਚ ‘‘ਆਬਾਧੇ ਸਤੀ’’ਤਿ ਚ વੁਤ੍ਤਂ। ਤੇਨ ਤੇਨਾਤਿ ਸਤ੍ਤਾਹਕਾਲਿਕੇਨ ਚ ਯਾવਜੀવਿਕੇਨ ਚ। ਤਸ੍ਸਾਤਿ ਆਬਾਧਸ੍ਸ। ਇਦਂ ਪਦਂ ‘‘ਉਪਸਮਨਤ੍ਥ’’ਨ੍ਤਿ ਏਤ੍ਥ ਸਮੁਧਾਤੁਯਾ ਸਮ੍ਬਨ੍ਧੇ ਸਮ੍ਬਨ੍ਧੋ, ਯੁਪਚ੍ਚਯੇਨ ਸਮ੍ਬਨ੍ਧੇ ਕਮ੍ਮਨ੍ਤਿ ਦਟ੍ਠਬ੍ਬਨ੍ਤਿ। ਪਞ੍ਚਮਂ।
241.Sati paccayeti ettha paccayassa sarūpaṃ dassetuṃ ‘‘pipāsāya satī’’ti ca ‘‘ābādhe satī’’ti ca vuttaṃ. Tena tenāti sattāhakālikena ca yāvajīvikena ca. Tassāti ābādhassa. Idaṃ padaṃ ‘‘upasamanattha’’nti ettha samudhātuyā sambandhe sambandho, yupaccayena sambandhe kammanti daṭṭhabbanti. Pañcamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. ਭੋਜਨવਗ੍ਗੋ • 4. Bhojanavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੫. ਪਠਮਪવਾਰਣਸਿਕ੍ਖਾਪਦવਣ੍ਣਨਾ • 5. Paṭhamapavāraṇasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੫. ਪਠਮਪવਾਰਣਾਸਿਕ੍ਖਾਪਦવਣ੍ਣਨਾ • 5. Paṭhamapavāraṇāsikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੫. ਪਠਮਪવਾਰਣਸਿਕ੍ਖਾਪਦવਣ੍ਣਨਾ • 5. Paṭhamapavāraṇasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੫. ਪਠਮਪવਾਰਣਾਸਿਕ੍ਖਾਪਦવਣ੍ਣਨਾ • 5. Paṭhamapavāraṇāsikkhāpadavaṇṇanā
