| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
5. батамабавааран̣асигкаабад̣̇аван̣н̣анаа
5. Paṭhamapavāraṇasikkhāpadavaṇṇanā
236. бан̃жамасигкаабад̣̇з – бхигкуу бхуд̇д̇аавий баваарид̇аад̇и б̣раахман̣зна ‘‘г̇ан̣хат̇а, бханд̇з, яаава ижчат̇аа’’д̇и звам̣ яаавад̣̇ад̇т̇абавааран̣ааяа, саяан̃жа ‘‘алам̣, аавусо, т̇огам̣ т̇огам̣ д̣̇зхий’’д̇и звам̣ бадигкзбабавааран̣ааяа баваарид̇аа. бадивиссагзд̇и сааманд̇агхараваасигз.
236. Pañcamasikkhāpade – bhikkhū bhuttāvī pavāritāti brāhmaṇena ‘‘gaṇhatha, bhante, yāva icchathā’’ti evaṃ yāvadatthapavāraṇāya, sayañca ‘‘alaṃ, āvuso, thokaṃ thokaṃ dehī’’ti evaṃ paṭikkhepapavāraṇāya pavāritā. Paṭivissaketi sāmantagharavāsike.
237. гаагоравасад̣̇д̣̇анд̇и гаагаанам̣ оравасад̣̇д̣̇ам̣; саннибад̇ид̇ваа вираванд̇аанам̣ сад̣̇д̣̇ам̣. аламзд̇ам̣ саб̣б̣анд̇и зд̇т̇а д̇игаарам̣ авад̇ваава ‘‘аламзд̇ам̣ саб̣б̣ам̣’’ зд̇д̇агам̣ вад̇д̇ум̣ ваддад̇и.
237.Kākoravasaddanti kākānaṃ oravasaddaṃ; sannipatitvā viravantānaṃ saddaṃ. Alametaṃ sabbanti ettha tikāraṃ avatvāva ‘‘alametaṃ sabbaṃ’’ ettakaṃ vattuṃ vaṭṭati.
238-9. бхуд̇д̇аавийд̇и бхуд̇д̇аваа. д̇ад̇т̇а жа яасмаа язна згамби сид̇т̇ам̣ сан̇каад̣̇ид̇ваа ваа асан̇каад̣̇ид̇ваа ваа аж̇жхохарид̇ам̣ ход̇и, со ‘‘бхуд̇д̇аавий’’д̇и сан̇кяам̣ г̇ажчад̇и, д̇знасса бад̣̇абхааж̇анз ‘‘бхуд̇д̇аавий наама бан̃жаннам̣ бхож̇анаана’’нд̇иаад̣̇и вуд̇д̇ам̣. баваарид̇од̇и гад̇абавааран̣о, гад̇абадигкзбо. соби жа яасмаа на бадигкзбамад̇д̇зна, ат̇а ко бан̃жан̇г̇авасзна, д̇знасса бад̣̇абхааж̇анз ‘‘баваарид̇о наама асанам̣ бан̃н̃ааяад̇ий’’д̇иаад̣̇и вуд̇д̇ам̣. д̇ад̇т̇а яасмаа ‘‘асанам̣ бан̃н̃ааяад̇ий’’д̇и иминаа виббагад̇абхож̇ано, ‘‘баваарид̇о’’д̇и вуд̇д̇о. яо жа виббагад̇абхож̇ано, д̇зна гин̃жи бхуд̇д̇ам̣, гин̃жи абхуд̇д̇ам̣, яан̃жа бхуд̇д̇ам̣; д̇ам̣ санд̇хааяа ‘‘бхуд̇д̇аавий’’д̇иби сан̇кяам̣ г̇ажчад̇и, д̇асмаа бхуд̇д̇аавийважанзна висум̣ ган̃жи ад̇т̇асид̣̇д̇хим̣ на бассаама. ‘‘д̣̇ирад̇д̇ад̇ирад̇д̇ам̣, чаббан̃жаваажаахий’’д̇иаад̣̇ийсу (баажи. 61-62) бана д̣̇ирад̇д̇аад̣̇иважанам̣ вияа баваарид̇абад̣̇асса бариваарагабхаавзна б̣яан̃ж̇анасилидтад̇ааяа жзд̇ам̣ вуд̇д̇анд̇и взд̣̇ид̇аб̣б̣ам̣.
238-9.Bhuttāvīti bhuttavā. Tattha ca yasmā yena ekampi sitthaṃ saṅkhāditvā vā asaṅkhāditvā vā ajjhoharitaṃ hoti, so ‘‘bhuttāvī’’ti saṅkhyaṃ gacchati, tenassa padabhājane ‘‘bhuttāvī nāma pañcannaṃ bhojanāna’’ntiādi vuttaṃ. Pavāritoti katapavāraṇo, katapaṭikkhepo. Sopi ca yasmā na paṭikkhepamattena, atha kho pañcaṅgavasena, tenassa padabhājane ‘‘pavārito nāma asanaṃ paññāyatī’’tiādi vuttaṃ. Tattha yasmā ‘‘asanaṃ paññāyatī’’ti iminā vippakatabhojano, ‘‘pavārito’’ti vutto. Yo ca vippakatabhojano, tena kiñci bhuttaṃ, kiñci abhuttaṃ, yañca bhuttaṃ; taṃ sandhāya ‘‘bhuttāvī’’tipi saṅkhyaṃ gacchati, tasmā bhuttāvīvacanena visuṃ kañci atthasiddhiṃ na passāma. ‘‘Dirattatirattaṃ, chappañcavācāhī’’tiādīsu (pāci. 61-62) pana dirattādivacanaṃ viya pavāritapadassa parivārakabhāvena byañjanasiliṭṭhatāya cetaṃ vuttanti veditabbaṃ.
асанам̣ бан̃н̃ааяад̇ийд̇иаад̣̇ийсу виббагад̇абхож̇анам̣ д̣̇иссад̇и, бхун̃ж̇амаано жзсо буг̇г̇ало ход̇ийд̇и ад̇т̇о. бхож̇анам̣ бан̃н̃ааяад̇ийд̇и бавааран̣аббахонагабхож̇анам̣ д̣̇иссад̇и. од̣̇анаад̣̇ийнам̣ жз ан̃н̃ад̇арам̣ бадигкибид̇аб̣б̣ам̣ бхож̇анам̣ ход̇ийд̇и ад̇т̇о. хад̇т̇абаасз тид̇од̇и бавааран̣аббахонагам̣ бхож̇анам̣ г̇ан̣хид̇ваа д̣̇ааяаго ад̣дхад̇зяяахад̇т̇аббамаан̣з огаасз ход̇ийд̇и ад̇т̇о. абхихарад̇ийд̇и со жз д̣̇ааяаго д̇асса д̇ам̣ бхад̇д̇ам̣ гааязна абхихарад̇ийд̇и ад̇т̇о. бадигкзбо бан̃н̃ааяад̇ийд̇и бадигкзбо д̣̇иссад̇и; д̇ан̃жз абхихадам̣ со бхигку гааязна ваа ваажааяа ваа бадигкибад̇ийд̇и ад̇т̇о. звам̣ бан̃жаннам̣ ан̇г̇аанам̣ васзна баваарид̇о наама ход̇ийд̇и. вуд̇д̇амби жзд̇ам̣ –
Asanaṃ paññāyatītiādīsu vippakatabhojanaṃ dissati, bhuñjamāno ceso puggalo hotīti attho. Bhojanaṃ paññāyatīti pavāraṇappahonakabhojanaṃ dissati. Odanādīnaṃ ce aññataraṃ paṭikkhipitabbaṃ bhojanaṃ hotīti attho. Hatthapāse ṭhitoti pavāraṇappahonakaṃ bhojanaṃ gaṇhitvā dāyako aḍḍhateyyahatthappamāṇe okāse hotīti attho. Abhiharatīti so ce dāyako tassa taṃ bhattaṃ kāyena abhiharatīti attho. Paṭikkhepo paññāyatīti paṭikkhepo dissati; tañce abhihaṭaṃ so bhikkhu kāyena vā vācāya vā paṭikkhipatīti attho. Evaṃ pañcannaṃ aṅgānaṃ vasena pavārito nāma hotīti. Vuttampi cetaṃ –
‘‘бан̃жахи убаали аагаарзхи бавааран̣аа бан̃н̃ааяад̇и – асанам̣ бан̃н̃ааяад̇и, бхож̇анам̣ бан̃н̃ааяад̇и, хад̇т̇абаасз тид̇о, абхихарад̇и, бадигкзбо бан̃н̃ааяад̇ий’’д̇и (бари. 428).
‘‘Pañcahi upāli ākārehi pavāraṇā paññāyati – asanaṃ paññāyati, bhojanaṃ paññāyati, hatthapāse ṭhito, abhiharati, paṭikkhepo paññāyatī’’ti (pari. 428).
д̇ад̇рааяам̣ винижчаяо – ‘‘асана’’нд̇иаад̣̇ийсу д̇аава яан̃жа аснаад̇и яан̃жа бхож̇анам̣ хад̇т̇абаасз тид̇зна абхихадам̣ бадигкибад̇и, д̇ам̣ ‘‘од̣̇ано, гуммаасо, сад̇д̇у, мажчо, мам̣са’’нд̇и имзсам̣ ан̃н̃ад̇арамзва взд̣̇ид̇аб̣б̣ам̣. д̇ад̇т̇а од̣̇ано наама – саали, вийхи, яаво, г̇од̇хумо, ган̇г̇у, вараго, гуд̣̇руусагод̇и сад̇д̇аннам̣ д̇хан̃н̃аанам̣ д̇ан̣д̣улзхи ниб̣б̣ад̇д̇о. д̇ад̇т̇а ‘‘саалий’’д̇и анд̇амасо нийваарам̣ убаад̣̇ааяа саб̣б̣ааби саалиж̇аад̇и. ‘‘вийхий’’д̇и саб̣б̣ааби вийхиж̇аад̇и. ‘‘яаваг̇од̇хумзсу’’ бхзд̣̇о над̇т̇и. ‘‘ган̇г̇уу’’д̇и сзд̇арад̇д̇агаал̣абхзд̣̇аа саб̣б̣ааби ган̇г̇уж̇аад̇и. ‘‘вараго’’д̇и анд̇амасо варагажорагам̣ убаад̣̇ааяа саб̣б̣аа сзд̇аван̣н̣аа варагаж̇аад̇и. ‘‘гуд̣̇руусаго’’д̇и гаал̣аго д̣̇раво жзва саамаагаад̣̇ибхзд̣̇аа жа саб̣б̣ааби д̇ин̣ад̇хан̃н̃аж̇аад̇и.
Tatrāyaṃ vinicchayo – ‘‘asana’’ntiādīsu tāva yañca asnāti yañca bhojanaṃ hatthapāse ṭhitena abhihaṭaṃ paṭikkhipati, taṃ ‘‘odano, kummāso, sattu, maccho, maṃsa’’nti imesaṃ aññatarameva veditabbaṃ. Tattha odano nāma – sāli, vīhi, yavo, godhumo, kaṅgu, varako, kudrūsakoti sattannaṃ dhaññānaṃ taṇḍulehi nibbatto. Tattha ‘‘sālī’’ti antamaso nīvāraṃ upādāya sabbāpi sālijāti. ‘‘Vīhī’’ti sabbāpi vīhijāti. ‘‘Yavagodhumesu’’ bhedo natthi. ‘‘Kaṅgū’’ti setarattakāḷabhedā sabbāpi kaṅgujāti. ‘‘Varako’’ti antamaso varakacorakaṃ upādāya sabbā setavaṇṇā varakajāti. ‘‘Kudrūsako’’ti kāḷako dravo ceva sāmākādibhedā ca sabbāpi tiṇadhaññajāti.
нийваараварагажорагаа жзд̇т̇а ‘‘д̇хан̃н̃аануломаа’’д̇и вад̣̇анд̇и. д̇хан̃н̃аани ваа хонд̇у д̇хан̃н̃аануломаани ваа, зд̇зсам̣ вуд̇д̇аббабхзд̣̇аанам̣ сад̇д̇аннам̣ д̇хан̃н̃аанам̣ д̇ан̣д̣улз г̇ахзд̇ваа ‘‘бхад̇д̇ам̣ бажиссаамаа’’д̇и ваа ‘‘яааг̇ум̣ бажиссаамаа’’д̇и ваа ‘‘амб̣илабааяаасаад̣̇ийсу ан̃н̃ад̇арам̣ бажиссаамаа’’д̇и ваа яам̣гин̃жи санд̇хааяа бажанд̇у, сажз ун̣хам̣ сийд̇алам̣ ваа бхун̃ж̇анд̇аанам̣ бхож̇анагаалз г̇ахид̇аг̇ахид̇адтаанз од̇хи бан̃н̃ааяад̇и, од̣̇анасан̇г̇ахамзва г̇ажчад̇и, бавааран̣ам̣ ж̇анзд̇и. сажз од̇хи на бан̃н̃ааяад̇и, яааг̇усан̇г̇ахам̣ г̇ажчад̇и, бавааран̣ам̣ на ж̇анзд̇и.
Nīvāravarakacorakā cettha ‘‘dhaññānulomā’’ti vadanti. Dhaññāni vā hontu dhaññānulomāni vā, etesaṃ vuttappabhedānaṃ sattannaṃ dhaññānaṃ taṇḍule gahetvā ‘‘bhattaṃ pacissāmā’’ti vā ‘‘yāguṃ pacissāmā’’ti vā ‘‘ambilapāyāsādīsu aññataraṃ pacissāmā’’ti vā yaṃkiñci sandhāya pacantu, sace uṇhaṃ sītalaṃ vā bhuñjantānaṃ bhojanakāle gahitagahitaṭṭhāne odhi paññāyati, odanasaṅgahameva gacchati, pavāraṇaṃ janeti. Sace odhi na paññāyati, yāgusaṅgahaṃ gacchati, pavāraṇaṃ na janeti.
яоби бааяаасо ваа бан̣н̣апалагал̣ийрамиссагаа амб̣илаяааг̇у ваа уд̣̇д̇ханад̇о од̇аарид̇амад̇д̇аа аб̣бхун̣хаа ход̇и, ааваж̇ж̇ид̇ваа бивид̇ум̣ саггаа, хад̇т̇зна г̇ахид̇огаасзби од̇хим̣ на д̣̇ассзд̇и, бавааран̣ам̣ на ж̇анзд̇и. сажз бана усумааяа виг̇ад̇ааяа сийд̇алийбхууд̇аа гханабхаавам̣ г̇ажчад̇и, од̇хим̣ д̣̇ассзд̇и, буна бавааран̣ам̣ ж̇анзд̇и. буб̣б̣з д̇анубхааво на рагкад̇и. сажзби д̣̇ад̇хид̇аггаад̣̇ийни ааробзд̇ваа б̣ахубан̣н̣апалагал̣ийрз багкибид̇ваа мудтимад̇д̇ааби д̇ан̣д̣улаа багкид̇д̇аа хонд̇и, бхож̇анагаалз жз од̇хи бан̃н̃ааяад̇и, бавааран̣ам̣ ж̇анзд̇и. аяааг̇угз ниманд̇анз ‘‘яааг̇ум̣ д̣̇ассаамаа’’д̇и бхад̇д̇з уд̣̇агаган̃ж̇игакийраад̣̇ийни аагирид̇ваа ‘‘яааг̇ум̣ г̇ан̣хат̇аа’’д̇и д̣̇знд̇и. гин̃жааби д̇анугаа хонд̇и, бавааран̣ам̣ ж̇анзд̇иязва . сажз бана баггут̇ид̇зсу уд̣̇агаад̣̇ийсу багкибид̇ваа бажид̇ваа д̣̇знд̇и, яааг̇усан̇г̇ахамзва г̇ажчад̇и. яааг̇усан̇г̇ахам̣ г̇ад̇зби д̇асмим̣ ваа ан̃н̃асмим̣ ваа яад̇т̇а мажчамам̣сам̣ багкибанд̇и, сажз саасабамад̇д̇амби мажчамам̣сакан̣д̣ам̣ ваа нхаару ваа бан̃н̃ааяад̇и, бавааран̣ам̣ ж̇анзд̇и.
Yopi pāyāso vā paṇṇaphalakaḷīramissakā ambilayāgu vā uddhanato otāritamattā abbhuṇhā hoti, āvajjitvā pivituṃ sakkā, hatthena gahitokāsepi odhiṃ na dasseti, pavāraṇaṃ na janeti. Sace pana usumāya vigatāya sītalībhūtā ghanabhāvaṃ gacchati, odhiṃ dasseti, puna pavāraṇaṃ janeti. Pubbe tanubhāvo na rakkhati. Sacepi dadhitakkādīni āropetvā bahupaṇṇaphalakaḷīre pakkhipitvā muṭṭhimattāpi taṇḍulā pakkhittā honti, bhojanakāle ce odhi paññāyati, pavāraṇaṃ janeti. Ayāguke nimantane ‘‘yāguṃ dassāmā’’ti bhatte udakakañjikakhīrādīni ākiritvā ‘‘yāguṃ gaṇhathā’’ti denti. Kiñcāpi tanukā honti, pavāraṇaṃ janetiyeva . Sace pana pakkuthitesu udakādīsu pakkhipitvā pacitvā denti, yāgusaṅgahameva gacchati. Yāgusaṅgahaṃ gatepi tasmiṃ vā aññasmiṃ vā yattha macchamaṃsaṃ pakkhipanti, sace sāsapamattampi macchamaṃsakhaṇḍaṃ vā nhāru vā paññāyati, pavāraṇaṃ janeti.
суд̣̇д̇харасаго бана расагаяааг̇у ваа на ж̇анзд̇и. табзд̇ваа вуд̇д̇ад̇хан̃н̃аанам̣ д̇ан̣д̣улз ан̃н̃зхи взн̣уд̇ан̣д̣улаад̣̇ийхи ваа ганд̣̇амуулапалзхи ваа язхи гзхижи гад̇ам̣ бхад̇д̇амби бавааран̣ам̣ на ж̇анзд̇и, баг̇зва гханаяааг̇у. сажз банзд̇т̇а мажчамам̣сам̣ багкибанд̇и, ж̇анзд̇и. махаабажжарияам̣ ‘‘бубпаад̇т̇ааяа бхад̇д̇амби бавааран̣ам̣ ж̇анзд̇ий’’д̇и вуд̇д̇ам̣. бубпиад̇т̇ааяа бхад̇д̇ам̣ наама бубпикаж̇ж̇агад̇т̇ааяа гут̇ид̇ад̇ууд̣̇агз багкибид̇ваа сзд̣̇ид̇ад̇ан̣д̣улаа вужжанд̇и. сажз бана д̇з д̇ан̣д̣улз сугкаабзд̇ваа каад̣̇анд̇и, ваддад̇и; нзва сад̇д̇усан̇кяам̣ на бхад̇д̇асан̇кяам̣ г̇ажчанд̇и. буна д̇зхи гад̇абхад̇д̇ам̣ баваарзд̇иязва. д̇з д̇ан̣д̣улз саббид̇злаад̣̇ийсу ваа бажанд̇и, буувам̣ ваа гаронд̇и, на баваарзнд̇и. бут̇угаа ваа д̇аахи гад̇асад̇д̇убхад̇д̇аад̣̇ийни ваа на баваарзнд̇и.
Suddharasako pana rasakayāgu vā na janeti. Ṭhapetvā vuttadhaññānaṃ taṇḍule aññehi veṇutaṇḍulādīhi vā kandamūlaphalehi vā yehi kehici kataṃ bhattampi pavāraṇaṃ na janeti, pageva ghanayāgu. Sace panettha macchamaṃsaṃ pakkhipanti, janeti. Mahāpaccariyaṃ ‘‘pupphaatthāya bhattampi pavāraṇaṃ janetī’’ti vuttaṃ. Pupphiatthāya bhattaṃ nāma pupphikhajjakatthāya kuthitatūdake pakkhipitvā seditataṇḍulā vuccanti. Sace pana te taṇḍule sukkhāpetvā khādanti, vaṭṭati; neva sattusaṅkhyaṃ na bhattasaṅkhyaṃ gacchanti. Puna tehi katabhattaṃ pavāretiyeva. Te taṇḍule sappitelādīsu vā pacanti, pūvaṃ vā karonti, na pavārenti. Puthukā vā tāhi katasattubhattādīni vā na pavārenti.
гуммаасо наама яавзхи гад̇агуммаасо. ан̃н̃зхи бана муг̇г̇аад̣̇ийхи гад̇агуммаасо бавааран̣ам̣ на ж̇анзд̇и. сад̇д̇у наама сааливийхияавзхи гад̇асад̇д̇у. ган̇г̇уварагагуд̣̇руусагасийсааниби бхаж̇ж̇ид̇ваа ийсагам̣ годдзд̇ваа т̇усз балаабзд̇ваа буна д̣̇ал̣хам̣ годдзд̇ваа жун̣н̣ам̣ гаронд̇и. сажзби д̇ам̣ аллад̇д̇аа згааб̣ад̣̇д̇хам̣ ход̇и, сад̇д̇усан̇г̇ахамзва г̇ажчад̇и. карабаагабхаж̇ж̇ид̇аанам̣ вийхийнам̣ д̇ан̣д̣улз годдзд̇ваа д̣̇знд̇и, д̇амби жун̣н̣ам̣ сад̇д̇усан̇г̇ахамзва г̇ажчад̇и. самабаагабхаж̇ж̇ид̇аанам̣ бана вийхийнам̣ ваа вийхибалаабаанам̣ ваа д̇ан̣д̣улаа бхаж̇ж̇ид̇ад̇ан̣д̣улаа зва ваа на баваарзнд̇и. д̇зсам̣ бана д̇ан̣д̣улаад̣̇ийнам̣ жун̣н̣ам̣ баваарзд̇и. карабаагабхаж̇ж̇ид̇аанам̣ вийхийнам̣ гун̣д̣агамби баваарзд̇и. самабаагабхаж̇ж̇ид̇аанам̣ бана аад̇абасугкаанам̣ ваа гун̣д̣агам̣ на баваарзд̇и. лааж̇аа ваа д̇зхи гад̇абхад̇д̇асад̇д̇уаад̣̇ийни ваа на баваарзнд̇и. бхаж̇ж̇ид̇абидтам̣ ваа яам̣гин̃жи суд̣̇д̇хакаж̇ж̇агам̣ ваа на баваарзд̇и. мажчамам̣сабуурид̇акаж̇ж̇агам̣ бана сад̇д̇умод̣̇аго ваа баваарзд̇и. мажчо мам̣сан̃жа баагадамзва. аяам̣ бана висзсо – сажзби яааг̇ум̣ биванд̇асса яааг̇усид̇т̇амад̇д̇аанзва д̣̇вз мажчакан̣д̣аани ваа мам̣сакан̣д̣аани ваа згабхааж̇анз ваа наанаабхааж̇анз ваа д̣̇знд̇и, д̇аани жз акаад̣̇анд̇о ан̃н̃ам̣ яам̣гин̃жи бавааран̣аббахонагам̣ бадигкибад̇и , на баваарзд̇и. д̇ад̇о згам̣ каад̣̇ид̇ам̣, згам̣ хад̇т̇з ваа бад̇д̇з ваа ход̇и, со жз ан̃н̃ам̣ бадигкибад̇и, баваарзд̇и. д̣̇взби каад̣̇ид̇аани хонд̇и, мукз саасабамад̇д̇амби авасидтам̣ над̇т̇и, сажзби ан̃н̃ам̣ бадигкибад̇и, на баваарзд̇и.
Kummāso nāma yavehi katakummāso. Aññehi pana muggādīhi katakummāso pavāraṇaṃ na janeti. Sattu nāma sālivīhiyavehi katasattu. Kaṅguvarakakudrūsakasīsānipi bhajjitvā īsakaṃ koṭṭetvā thuse palāpetvā puna daḷhaṃ koṭṭetvā cuṇṇaṃ karonti. Sacepi taṃ allattā ekābaddhaṃ hoti, sattusaṅgahameva gacchati. Kharapākabhajjitānaṃ vīhīnaṃ taṇḍule koṭṭetvā denti, tampi cuṇṇaṃ sattusaṅgahameva gacchati. Samapākabhajjitānaṃ pana vīhīnaṃ vā vīhipalāpānaṃ vā taṇḍulā bhajjitataṇḍulā eva vā na pavārenti. Tesaṃ pana taṇḍulādīnaṃ cuṇṇaṃ pavāreti. Kharapākabhajjitānaṃ vīhīnaṃ kuṇḍakampi pavāreti. Samapākabhajjitānaṃ pana ātapasukkhānaṃ vā kuṇḍakaṃ na pavāreti. Lājā vā tehi katabhattasattuādīni vā na pavārenti. Bhajjitapiṭṭhaṃ vā yaṃkiñci suddhakhajjakaṃ vā na pavāreti. Macchamaṃsapūritakhajjakaṃ pana sattumodako vā pavāreti. Maccho maṃsañca pākaṭameva. Ayaṃ pana viseso – sacepi yāguṃ pivantassa yāgusitthamattāneva dve macchakhaṇḍāni vā maṃsakhaṇḍāni vā ekabhājane vā nānābhājane vā denti, tāni ce akhādanto aññaṃ yaṃkiñci pavāraṇappahonakaṃ paṭikkhipati , na pavāreti. Tato ekaṃ khāditaṃ, ekaṃ hatthe vā patte vā hoti, so ce aññaṃ paṭikkhipati, pavāreti. Dvepi khāditāni honti, mukhe sāsapamattampi avasiṭṭhaṃ natthi, sacepi aññaṃ paṭikkhipati, na pavāreti.
габбияамам̣сам̣ каад̣̇анд̇о габбияамам̣сам̣ бадигкибад̇и, баваарзд̇и. габбияамам̣сам̣ каад̣̇анд̇о агаббияамам̣сам̣ бадигкибад̇и, на баваарзд̇и. гасмаа? авад̇т̇уд̇ааяа. яан̃хи бхигкуно каад̣̇ид̇ум̣ ваддад̇и, д̇ам̣язва бадигкибад̇о бавааран̣аа ход̇и. ид̣̇ам̣ бана ж̇аананд̇о агаббияад̇д̇аа бадигкибад̇и, аж̇аананд̇оби бадигкибид̇аб̣б̣адтаанз тид̇амзва бадигкибад̇и наама, д̇асмаа на баваарзд̇и. сажз бана агаббияамам̣сам̣ каад̣̇анд̇о габбияамам̣сам̣ бадигкибад̇и, баваарзд̇и. гасмаа? вад̇т̇уд̇ааяа. яан̃хи д̇зна бадигкид̇д̇ам̣, д̇ам̣ бавааран̣ааяа вад̇т̇у. яам̣ бана каад̣̇ад̇и, д̇ам̣ гин̃жааби бадигкибид̇аб̣б̣адтаанз тид̇ам̣, каад̣̇ияамаанам̣ бана мам̣сабхаавам̣ на ж̇ахад̇и, д̇асмаа баваарзд̇и. агаббияамам̣сам̣ каад̣̇анд̇о агаббияамам̣сам̣ бадигкибад̇и, буриманаязнзва на баваарзд̇и. габбияамам̣сам̣ ваа агаббияамам̣сам̣ ваа каад̣̇анд̇о бан̃жаннам̣ бхож̇анаанам̣ яам̣гин̃жи габбияабхож̇анам̣ бадигкибад̇и, баваарзд̇и. гулад̣̇уусагавзж̇ж̇агаммауд̇д̇аримануссад̇хаммаарожанасаад̣̇ид̇аруубияаад̣̇ийхи ниб̣б̣ад̇д̇ам̣ б̣уд̣̇д̇хабадигудтам̣ анзсанааяа уббаннам̣ агаббияабхож̇анам̣ бадигкибад̇и, на баваарзд̇и. габбияабхож̇анам̣ ваа агаббияабхож̇анам̣ ваа бхун̃ж̇анд̇оби габбияабхож̇анам̣ бадигкибад̇и, баваарзд̇и. агаббияабхож̇анам̣ бадигкибад̇и, на баваарзд̇ийд̇и саб̣б̣ад̇т̇а вуд̇д̇анаязнзва гааран̣ам̣ взд̣̇ид̇аб̣б̣ам̣.
Kappiyamaṃsaṃ khādanto kappiyamaṃsaṃ paṭikkhipati, pavāreti. Kappiyamaṃsaṃ khādanto akappiyamaṃsaṃ paṭikkhipati, na pavāreti. Kasmā? Avatthutāya. Yañhi bhikkhuno khādituṃ vaṭṭati, taṃyeva paṭikkhipato pavāraṇā hoti. Idaṃ pana jānanto akappiyattā paṭikkhipati, ajānantopi paṭikkhipitabbaṭṭhāne ṭhitameva paṭikkhipati nāma, tasmā na pavāreti. Sace pana akappiyamaṃsaṃ khādanto kappiyamaṃsaṃ paṭikkhipati, pavāreti. Kasmā? Vatthutāya. Yañhi tena paṭikkhittaṃ, taṃ pavāraṇāya vatthu. Yaṃ pana khādati, taṃ kiñcāpi paṭikkhipitabbaṭṭhāne ṭhitaṃ, khādiyamānaṃ pana maṃsabhāvaṃ na jahati, tasmā pavāreti. Akappiyamaṃsaṃ khādanto akappiyamaṃsaṃ paṭikkhipati, purimanayeneva na pavāreti. Kappiyamaṃsaṃ vā akappiyamaṃsaṃ vā khādanto pañcannaṃ bhojanānaṃ yaṃkiñci kappiyabhojanaṃ paṭikkhipati, pavāreti. Kuladūsakavejjakammauttarimanussadhammārocanasāditarūpiyādīhi nibbattaṃ buddhapaṭikuṭṭhaṃ anesanāya uppannaṃ akappiyabhojanaṃ paṭikkhipati, na pavāreti. Kappiyabhojanaṃ vā akappiyabhojanaṃ vā bhuñjantopi kappiyabhojanaṃ paṭikkhipati, pavāreti. Akappiyabhojanaṃ paṭikkhipati, na pavāretīti sabbattha vuttanayeneva kāraṇaṃ veditabbaṃ.
звам̣ ‘‘асана’’нд̇иаад̣̇ийсу яан̃жа аснаад̇и, яан̃жа бхож̇анам̣ хад̇т̇абаасз тид̇зна абхихадам̣ бадигкибанд̇о бавааран̣ам̣ аабаж̇ж̇ад̇и, д̇ам̣ н̃ад̇ваа ид̣̇аани яат̇аа аабаж̇ж̇ад̇и, д̇асса ж̇аананад̇т̇ам̣ аяам̣ винижчаяо – ‘‘‘асанам̣ бхож̇ана’нд̇и зд̇т̇а д̇аава язна згасид̇т̇амби аж̇жхохадам̣ ход̇и, со сажз бад̇д̇амукахад̇т̇аанам̣ яад̇т̇а гад̇т̇ажи бан̃жасу бхож̇анзсу згасмимби сад̇и ан̃н̃ам̣ бан̃жасу бхож̇анзсу згамби бадигкибад̇и, баваарзд̇и. гад̇т̇ажи бхож̇анам̣ над̇т̇и, аамисаг̇анд̇хамад̇д̇ам̣ бан̃н̃ааяад̇и, на баваарзд̇и. мукз жа хад̇т̇з жа бхож̇анам̣ над̇т̇и, бад̇д̇з ад̇т̇и, д̇асмим̣ бана аасанз на бхун̃ж̇ид̇угаамо, вихаарам̣ бависид̇ваа бхун̃ж̇ид̇угаамо, ан̃н̃асса ваа д̣̇аад̇угаамо, д̇асмим̣ жз анд̇арз бхож̇анам̣ бадигкибад̇и, на баваарзд̇и. гасмаа? виббагад̇абхож̇анабхаавасса убажчиннад̇д̇аа. яоби ан̃н̃ад̇ра г̇анд̇ваа бхун̃ж̇ид̇угаамо мукз бхад̇д̇ам̣ г̇илид̇ваа сзсам̣ аад̣̇ааяа г̇ажчанд̇о анд̇араамаг̇г̇з ан̃н̃ам̣ бхож̇анам̣ бадигкибад̇и, д̇ассааби бавааран̣аа на ход̇ий’’д̇и махаабажжарияам̣ вуд̇д̇ам̣. яат̇аа жа бад̇д̇з; звам̣ хад̇т̇зби. мукзби ваа виж̇ж̇амаанабхож̇анам̣ сажз анаж̇жхохарид̇угаамо ход̇и, д̇асмин̃жа кан̣з ан̃н̃ам̣ бадигкибад̇и, на баваарзд̇и. згасмин̃хи бад̣̇з вуд̇д̇алагкан̣ам̣ саб̣б̣ад̇т̇а взд̣̇ид̇аб̣б̣ам̣ ход̇и. абижа гурунд̣̇ияам̣ зса наяо д̣̇ассид̇оязва. вуд̇д̇ан̃хи д̇ад̇т̇а ‘‘мукз бхад̇д̇ам̣ г̇илид̇ам̣, хад̇т̇з бхад̇д̇ам̣ вигхаасаад̣̇асса д̣̇аад̇угаамо, бад̇д̇з бхад̇д̇ам̣ бхигкусса д̣̇аад̇угаамо, сажз д̇асмим̣ кан̣з бадигкибад̇и, на баваарзд̇ий’’д̇и. хад̇т̇абаасз тид̇од̇и зд̇т̇а бана сажз бхигку нисинно ход̇и, аасанасса бажчиманд̇ад̇о бадтааяа, сажз тид̇о, бан̣хианд̇ад̇о бадтааяа, сажз нибанно, язна бассзна нибанно, д̇асса баариманд̇ад̇о бадтааяа, д̣̇ааяагасса нисиннасса ваа тид̇асса ваа нибаннасса ваа табзд̇ваа басаарид̇ахад̇т̇ам̣ яам̣ аасаннад̇арам̣ ан̇г̇ам̣, д̇асса ориманд̇зна барижчинд̣̇ид̇ваа ад̣дхад̇зяяахад̇т̇о ‘‘хад̇т̇абаасо’’д̇и взд̣̇ид̇аб̣б̣о. д̇асмим̣ тад̇ваа абхихадам̣ бадигкибанд̇ассзва бавааран̣аа ход̇и, на д̇ад̇о барам̣.
Evaṃ ‘‘asana’’ntiādīsu yañca asnāti, yañca bhojanaṃ hatthapāse ṭhitena abhihaṭaṃ paṭikkhipanto pavāraṇaṃ āpajjati, taṃ ñatvā idāni yathā āpajjati, tassa jānanatthaṃ ayaṃ vinicchayo – ‘‘‘asanaṃ bhojana’nti ettha tāva yena ekasitthampi ajjhohaṭaṃ hoti, so sace pattamukhahatthānaṃ yattha katthaci pañcasu bhojanesu ekasmimpi sati aññaṃ pañcasu bhojanesu ekampi paṭikkhipati, pavāreti. Katthaci bhojanaṃ natthi, āmisagandhamattaṃ paññāyati, na pavāreti. Mukhe ca hatthe ca bhojanaṃ natthi, patte atthi, tasmiṃ pana āsane na bhuñjitukāmo, vihāraṃ pavisitvā bhuñjitukāmo, aññassa vā dātukāmo, tasmiṃ ce antare bhojanaṃ paṭikkhipati, na pavāreti. Kasmā? Vippakatabhojanabhāvassa upacchinnattā. Yopi aññatra gantvā bhuñjitukāmo mukhe bhattaṃ gilitvā sesaṃ ādāya gacchanto antarāmagge aññaṃ bhojanaṃ paṭikkhipati, tassāpi pavāraṇā na hotī’’ti mahāpaccariyaṃ vuttaṃ. Yathā ca patte; evaṃ hatthepi. Mukhepi vā vijjamānabhojanaṃ sace anajjhoharitukāmo hoti, tasmiñca khaṇe aññaṃ paṭikkhipati, na pavāreti. Ekasmiñhi pade vuttalakkhaṇaṃ sabbattha veditabbaṃ hoti. Apica kurundiyaṃ esa nayo dassitoyeva. Vuttañhi tattha ‘‘mukhe bhattaṃ gilitaṃ, hatthe bhattaṃ vighāsādassa dātukāmo, patte bhattaṃ bhikkhussa dātukāmo, sace tasmiṃ khaṇe paṭikkhipati, na pavāretī’’ti. Hatthapāse ṭhitoti ettha pana sace bhikkhu nisinno hoti, āsanassa pacchimantato paṭṭhāya, sace ṭhito, paṇhiantato paṭṭhāya, sace nipanno, yena passena nipanno, tassa pārimantato paṭṭhāya, dāyakassa nisinnassa vā ṭhitassa vā nipannassa vā ṭhapetvā pasāritahatthaṃ yaṃ āsannataraṃ aṅgaṃ, tassa orimantena paricchinditvā aḍḍhateyyahattho ‘‘hatthapāso’’ti veditabbo. Tasmiṃ ṭhatvā abhihaṭaṃ paṭikkhipantasseva pavāraṇā hoti, na tato paraṃ.
абхихарад̇ийд̇и хад̇т̇абаасаб̣бханд̇арз тид̇о г̇ахан̣ад̇т̇ам̣ убанаамзд̇и. сажз бана ананд̇аранисинноби бхигку хад̇т̇з ваа ууруусу ваа аад̇хаарагз ваа тид̇абад̇д̇ам̣ анабхихарид̇ваава ‘‘бхад̇д̇ам̣ г̇ан̣хаа’’д̇и вад̣̇ад̇и, д̇ам̣ бадигкибад̇о бавааран̣аа над̇т̇и. бхад̇д̇абажчим̣ аанзд̇ваа бурад̇о бхуумияам̣ табзд̇ваа ‘‘г̇ан̣хаахий’’д̇и вуд̇д̇зби зсзва наяо. ийсагам̣ бана уд̣̇д̇харид̇ваа ваа абанаамзд̇ваа ваа ‘‘г̇ан̣хат̇аа’’д̇и вуд̇д̇з бадигкибад̇о бавааран̣аа ход̇и. т̇зраасанз нисинно т̇зро д̣̇уурз нисиннасса д̣̇ахарабхигкусса бад̇д̇ам̣ бзсзд̇ваа ‘‘ид̇о од̣̇анам̣ г̇ан̣хаахий’’д̇и вад̣̇ад̇и, г̇ан̣хид̇ваа бана г̇ад̇о д̇ун̣хий д̇идтад̇и, д̣̇ахаро ‘‘алам̣ маяха’’нд̇и бадигкибад̇и, на баваарзд̇и. гасмаа? т̇зрасса д̣̇уурабхаавад̇о д̣̇ууд̇асса жа анабхихаран̣ад̇од̇и. сажз бана г̇ахзд̇ваа ааг̇ад̇о бхигку ‘‘ид̣̇ам̣ бхад̇д̇ам̣ г̇ан̣хаа’’д̇и вад̣̇ад̇и, д̇ам̣ бадигкибад̇о бавааран̣аа ход̇и.
Abhiharatīti hatthapāsabbhantare ṭhito gahaṇatthaṃ upanāmeti. Sace pana anantaranisinnopi bhikkhu hatthe vā ūrūsu vā ādhārake vā ṭhitapattaṃ anabhiharitvāva ‘‘bhattaṃ gaṇhā’’ti vadati, taṃ paṭikkhipato pavāraṇā natthi. Bhattapacchiṃ ānetvā purato bhūmiyaṃ ṭhapetvā ‘‘gaṇhāhī’’ti vuttepi eseva nayo. Īsakaṃ pana uddharitvā vā apanāmetvā vā ‘‘gaṇhathā’’ti vutte paṭikkhipato pavāraṇā hoti. Therāsane nisinno thero dūre nisinnassa daharabhikkhussa pattaṃ pesetvā ‘‘ito odanaṃ gaṇhāhī’’ti vadati, gaṇhitvā pana gato tuṇhī tiṭṭhati, daharo ‘‘alaṃ mayha’’nti paṭikkhipati, na pavāreti. Kasmā? Therassa dūrabhāvato dūtassa ca anabhiharaṇatoti. Sace pana gahetvā āgato bhikkhu ‘‘idaṃ bhattaṃ gaṇhā’’ti vadati, taṃ paṭikkhipato pavāraṇā hoti.
баривзсанааяа зго згзна хад̇т̇зна од̣̇анабажчим̣ згзна гадажчум̣ г̇ахзд̇ваа бхигкуу баривисад̇и, д̇ад̇ра жз ан̃н̃о ааг̇анд̇ваа ‘‘ахам̣ бажчим̣ д̇хаарзссаами, д̇вам̣ од̣̇анам̣ д̣̇зхий’’д̇и вад̇ваа г̇ахид̇амад̇д̇агамзва гарод̇и, баривзсаго зва бана д̇ам̣ д̇хаарзд̇и, д̇асмаа саа абхихадаава ход̇и. д̇ад̇о д̣̇аад̇угаамад̇ааяа г̇ан̣ханд̇ам̣ бадигкибанд̇асса бавааран̣аа ход̇и. сажз бана баривисагзна пудтамад̇д̇аава ход̇и, ид̇арова нам̣ д̇хаарзд̇и, д̇ад̇о д̣̇аад̇угаамад̇ааяа г̇ан̣ханд̇ам̣ бадигкибанд̇асса бавааран̣аа на ход̇и. гадажчунаа уд̣̇д̇хадабхад̇д̇з бана ход̇и. гадажчуабхихаароязва хи д̇асса абхихааро. д̣̇виннам̣ самабхаарзби бадигкибанд̇о баваарзд̇иязваад̇и махаабажжарияам̣ вуд̇д̇ам̣. ананд̇арасса бхигкуно бхад̇д̇з д̣̇ияяамаанз ид̇аро бад̇д̇ам̣ хад̇т̇зхи бид̣̇ахад̇и, бавааран̣аа над̇т̇и. гасмаа? ан̃н̃асса абхихадз бадигкид̇д̇ад̇д̇аа.
Parivesanāya eko ekena hatthena odanapacchiṃ ekena kaṭacchuṃ gahetvā bhikkhū parivisati, tatra ce añño āgantvā ‘‘ahaṃ pacchiṃ dhāressāmi, tvaṃ odanaṃ dehī’’ti vatvā gahitamattakameva karoti, parivesako eva pana taṃ dhāreti, tasmā sā abhihaṭāva hoti. Tato dātukāmatāya gaṇhantaṃ paṭikkhipantassa pavāraṇā hoti. Sace pana parivisakena phuṭṭhamattāva hoti, itarova naṃ dhāreti, tato dātukāmatāya gaṇhantaṃ paṭikkhipantassa pavāraṇā na hoti. Kaṭacchunā uddhaṭabhatte pana hoti. Kaṭacchuabhihāroyeva hi tassa abhihāro. Dvinnaṃ samabhārepi paṭikkhipanto pavāretiyevāti mahāpaccariyaṃ vuttaṃ. Anantarassa bhikkhuno bhatte diyyamāne itaro pattaṃ hatthehi pidahati, pavāraṇā natthi. Kasmā? Aññassa abhihaṭe paṭikkhittattā.
бадигкзбо бан̃н̃ааяад̇ийд̇и зд̇т̇а ваажааяа абхихадам̣ бадигкибад̇о бавааран̣аа над̇т̇и. гааязна абхихадам̣ бана гааязна ваа ваажааяа ваа бадигкибанд̇асса бавааран̣аа ход̇ийд̇и взд̣̇ид̇аб̣б̣о.
Paṭikkhepo paññāyatīti ettha vācāya abhihaṭaṃ paṭikkhipato pavāraṇā natthi. Kāyena abhihaṭaṃ pana kāyena vā vācāya vā paṭikkhipantassa pavāraṇā hotīti veditabbo.
д̇ад̇т̇а гааязна бадигкзбо наама ан̇г̇улим̣ ваа хад̇т̇ам̣ ваа мажчигаб̣ийж̇аним̣ ваа жийвараган̣н̣ам̣ ваа жаалзд̇и, бхамугааяа ваа аагаарам̣ гарод̇и, гуд̣̇д̇хо ваа ологзд̇и, ваажааяа бадигкзбо наама ‘‘ала’’нд̇и ваа, ‘‘на г̇ан̣хаамий’’д̇и ваа, ‘‘маа аагираа’’д̇и ваа, ‘‘абаг̇ажчаа’’д̇и ваа вад̣̇ад̇и; звам̣ язна гзнажи аагаарзна гааязна ваа ваажааяа ваа бадигкид̇д̇з бавааран̣аа ход̇и.
Tattha kāyena paṭikkhepo nāma aṅguliṃ vā hatthaṃ vā macchikabījaniṃ vā cīvarakaṇṇaṃ vā cāleti, bhamukāya vā ākāraṃ karoti, kuddho vā oloketi, vācāya paṭikkhepo nāma ‘‘ala’’nti vā, ‘‘na gaṇhāmī’’ti vā, ‘‘mā ākirā’’ti vā, ‘‘apagacchā’’ti vā vadati; evaṃ yena kenaci ākārena kāyena vā vācāya vā paṭikkhitte pavāraṇā hoti.
зго абхихадз бхад̇д̇з бавааран̣ааяа бхийд̇о хад̇т̇а абанзд̇ваа бунаббунам̣ бад̇д̇з од̣̇анам̣ аагиранд̇ам̣ ‘‘аагира аагира годдзд̇ваа буурзхий’’д̇и вад̣̇ад̇и, зд̇т̇а гат̇анд̇и? махаасумад̇т̇зро д̇аава ‘‘анаагиран̣ад̇т̇ааяа вуд̇д̇ад̇д̇аа бавааран̣аа ход̇ий’’д̇и ааха. махаабад̣̇умад̇т̇зро бана ‘‘‘аагира буурзхий’д̇и вад̣̇анд̇асса наама ‘гассажи бавааран̣аа ад̇т̇ий’д̇и вад̇ваа ‘на баваарзд̇ий’’’д̇и ааха. абаро бхад̇д̇ам̣ абхихаранд̇ам̣ бхигкум̣ саллагкзд̇ваа ‘‘гим̣ аавусо ид̇оби гин̃жи г̇ан̣хиссаси, д̣̇амми д̇з гин̃жий’’д̇и ааха. д̇ад̇рааби ‘‘‘звам̣ нааг̇амиссад̇ий’д̇и вуд̇д̇ад̇д̇аа ‘бавааран̣аа ход̇ий’’’д̇и махаасумад̇т̇зро ааха. махаабад̣̇умад̇т̇зро бана ‘‘‘г̇ан̣хиссасий’д̇и вад̣̇анд̇асса наама ‘гассажи бавааран̣аа ад̇т̇ий’д̇и вад̇ваа ‘на баваарзд̇ий’’’д̇и ааха.
Eko abhihaṭe bhatte pavāraṇāya bhīto hattha apanetvā punappunaṃ patte odanaṃ ākirantaṃ ‘‘ākira ākira koṭṭetvā pūrehī’’ti vadati, ettha kathanti? Mahāsumatthero tāva ‘‘anākiraṇatthāya vuttattā pavāraṇā hotī’’ti āha. Mahāpadumatthero pana ‘‘‘ākira pūrehī’ti vadantassa nāma ‘kassaci pavāraṇā atthī’ti vatvā ‘na pavāretī’’’ti āha. Aparo bhattaṃ abhiharantaṃ bhikkhuṃ sallakkhetvā ‘‘kiṃ āvuso itopi kiñci gaṇhissasi, dammi te kiñcī’’ti āha. Tatrāpi ‘‘‘evaṃ nāgamissatī’ti vuttattā ‘pavāraṇā hotī’’’ti mahāsumatthero āha. Mahāpadumatthero pana ‘‘‘gaṇhissasī’ti vadantassa nāma ‘kassaci pavāraṇā atthī’ti vatvā ‘na pavāretī’’’ti āha.
зго самам̣сагам̣ расам̣ абхихарид̇ваа ‘‘расам̣ г̇ан̣хат̇аа’’д̇и вад̣̇ад̇и, д̇ам̣ суд̇ваа бадигкибад̇о бавааран̣аа над̇т̇и. ‘‘мажчарасам̣ мам̣сараса’’нд̇и вуд̇д̇з бадигкибад̇о ход̇и, ‘‘ид̣̇ам̣ г̇ан̣хат̇аа’’д̇и вуд̇д̇зби ход̇иязва. мам̣сам̣ висум̣ гад̇ваа ‘‘мам̣сарасам̣ г̇ан̣хат̇аа’’д̇и вад̣̇ад̇и, д̇ад̇т̇а жз саасабамад̇д̇амби мам̣сакан̣д̣ам̣ ад̇т̇и , д̇ам̣ бадигкибад̇о бавааран̣аа ход̇и. сажз бана бариссаавид̇о ход̇и, ‘‘ваддад̇ий’’д̇и абхаяад̇т̇зро ааха.
Eko samaṃsakaṃ rasaṃ abhiharitvā ‘‘rasaṃ gaṇhathā’’ti vadati, taṃ sutvā paṭikkhipato pavāraṇā natthi. ‘‘Maccharasaṃ maṃsarasa’’nti vutte paṭikkhipato hoti, ‘‘idaṃ gaṇhathā’’ti vuttepi hotiyeva. Maṃsaṃ visuṃ katvā ‘‘maṃsarasaṃ gaṇhathā’’ti vadati, tattha ce sāsapamattampi maṃsakhaṇḍaṃ atthi , taṃ paṭikkhipato pavāraṇā hoti. Sace pana parissāvito hoti, ‘‘vaṭṭatī’’ti abhayatthero āha.
мам̣сарасзна аабужчанд̇ам̣ махаат̇зро ‘‘мухуд̇д̇ам̣ ааг̇амзхий’’д̇и вад̇ваа ‘‘т̇аалагам̣ аавусо аахараа’’д̇и ааха. зд̇т̇а гат̇анд̇и? махаасумад̇т̇зро д̇аава ‘‘абхихаарагасса г̇аманам̣ батамам̣ убажчиннам̣, д̇асмаа баваарзд̇ий’’д̇и ааха. махаабад̣̇умад̇т̇зро бана ‘‘аяам̣ гухим̣ г̇ажчад̇и, гийд̣̇исам̣ зд̇асса г̇аманам̣, г̇ан̣ханд̇ассааби наама бавааран̣аа ад̇т̇ий’’д̇и вад̇ваа ‘‘на баваарзд̇ий’’д̇и ааха. гал̣ийрабанасаад̣̇ийхи миссзд̇ваа мам̣сам̣ бажанд̇и, д̇ам̣ г̇ахзд̇ваа ‘‘гал̣ийрасуубам̣ г̇ан̣хат̇а, банасаб̣яан̃ж̇анам̣ г̇ан̣хат̇аа’’д̇и вад̣̇анд̇и, звамби на баваарзд̇и. гасмаа? абавааран̣аарахасса наамзна вуд̇д̇ад̇д̇аа. сажз бана ‘‘мажчасуубам̣ мам̣сасууба’’нд̇и ваа ‘‘имам̣ г̇ан̣хат̇аа’’д̇и ваа вад̣̇анд̇и, баваарзд̇и. мам̣сагарамб̣аго наама ход̇и, д̇ам̣ д̣̇аад̇угаамоби ‘‘гарамб̣агам̣ г̇ан̣хат̇аа’’д̇и вад̣̇ад̇и, ваддад̇и; на баваарзд̇и. ‘‘мам̣сагарамб̣ага’’нд̇и ваа ‘‘ид̣̇а’’нд̇и ваа вуд̇д̇з бана баваарзд̇и. зсзва наяо саб̣б̣зсу мажчамам̣самиссагзсу.
Maṃsarasena āpucchantaṃ mahāthero ‘‘muhuttaṃ āgamehī’’ti vatvā ‘‘thālakaṃ āvuso āharā’’ti āha. Ettha kathanti? Mahāsumatthero tāva ‘‘abhihārakassa gamanaṃ paṭhamaṃ upacchinnaṃ, tasmā pavāretī’’ti āha. Mahāpadumatthero pana ‘‘ayaṃ kuhiṃ gacchati, kīdisaṃ etassa gamanaṃ, gaṇhantassāpi nāma pavāraṇā atthī’’ti vatvā ‘‘na pavāretī’’ti āha. Kaḷīrapanasādīhi missetvā maṃsaṃ pacanti, taṃ gahetvā ‘‘kaḷīrasūpaṃ gaṇhatha, panasabyañjanaṃ gaṇhathā’’ti vadanti, evampi na pavāreti. Kasmā? Apavāraṇārahassa nāmena vuttattā. Sace pana ‘‘macchasūpaṃ maṃsasūpa’’nti vā ‘‘imaṃ gaṇhathā’’ti vā vadanti, pavāreti. Maṃsakarambako nāma hoti, taṃ dātukāmopi ‘‘karambakaṃ gaṇhathā’’ti vadati, vaṭṭati; na pavāreti. ‘‘Maṃsakarambaka’’nti vā ‘‘ida’’nti vā vutte pana pavāreti. Eseva nayo sabbesu macchamaṃsamissakesu.
яо бана ниманд̇анз бхун̃ж̇амаано мам̣сам̣ абхихадам̣ ‘‘уд̣̇д̣̇исса гад̇а’’нд̇и ман̃н̃амаано бадигкибад̇и, баваарид̇ова ход̇ийд̇и махаабажжарияам̣ вуд̇д̇ам̣. миссагагат̇аа бана гурунд̣̇ияам̣ судту вуд̇д̇аа. зван̃хи д̇ад̇т̇а вуд̇д̇ам̣ – бин̣д̣абаад̇ажаариго бхигку бхад̇д̇амиссагам̣ яааг̇ум̣ аахарид̇ваа ‘‘яааг̇ум̣ г̇ан̣хат̇аа’’д̇и вад̣̇ад̇и, на баваарзд̇и. ‘‘бхад̇д̇ам̣ г̇ан̣хат̇аа’’д̇и вуд̇д̇з баваарзд̇и. гасмаа? язнаабужчид̇о, д̇асса ад̇т̇ид̇ааяа. аяамзд̇т̇а ад̇хиббааяо – ‘‘яааг̇умиссагам̣ г̇ан̣хат̇аа’’д̇и вад̣̇ад̇и, д̇ад̇ра жз яааг̇у б̣ахуд̇араа ваа ход̇и самасамаа ваа, на баваарзд̇и. яааг̇у манд̣̇аа, бхад̇д̇ам̣ б̣ахуд̇арам̣, баваарзд̇и. ид̣̇ан̃жа саб̣б̣аадтагат̇аасу вуд̇д̇ад̇д̇аа на саггаа бадигкибид̇ум̣, гааран̣ам̣ банзд̇т̇а д̣̇уд̣̇д̣̇асам̣. ‘‘бхад̇д̇амиссагам̣ г̇ан̣хат̇аа’’д̇и вад̣̇ад̇и, бхад̇д̇ам̣ б̣ахугам̣ ваа самам̣ ваа аббад̇арам̣ ваа ход̇и, баваарзд̇иязва. бхад̇д̇ам̣ ваа яааг̇ум̣ ваа анаамасид̇ваа ‘‘миссагам̣ г̇ан̣хат̇аа’’д̇и вад̣̇ад̇и, д̇ад̇ра жз бхад̇д̇ам̣ б̣ахуд̇арам̣ ваа самагам̣ ваа ход̇и, баваарзд̇и. аббад̇арам̣ на баваарзд̇и. ид̣̇ан̃жа гарамб̣агзна на самаанзд̇аб̣б̣ам̣. гарамб̣аго хи мам̣самиссагоби ход̇и амам̣самиссагоби, д̇асмаа ‘‘гарамб̣ага’’нд̇и вуд̇д̇з бавааран̣аа над̇т̇и. ид̣̇ам̣ бана бхад̇д̇амиссагамзва. зд̇т̇а вуд̇д̇анаязнзва бавааран̣аа ход̇и. б̣ахурасз бхад̇д̇з расам̣, б̣ахукийрз кийрам̣ б̣ахусаббимхи жа бааяаасз саббим̣ г̇ан̣хат̇аад̇и висум̣ гад̇ваа д̣̇зд̇и, д̇ам̣ бадигкибад̇о бавааран̣аа над̇т̇и.
Yo pana nimantane bhuñjamāno maṃsaṃ abhihaṭaṃ ‘‘uddissa kata’’nti maññamāno paṭikkhipati, pavāritova hotīti mahāpaccariyaṃ vuttaṃ. Missakakathā pana kurundiyaṃ suṭṭhu vuttā. Evañhi tattha vuttaṃ – piṇḍapātacāriko bhikkhu bhattamissakaṃ yāguṃ āharitvā ‘‘yāguṃ gaṇhathā’’ti vadati, na pavāreti. ‘‘Bhattaṃ gaṇhathā’’ti vutte pavāreti. Kasmā? Yenāpucchito, tassa atthitāya. Ayamettha adhippāyo – ‘‘yāgumissakaṃ gaṇhathā’’ti vadati, tatra ce yāgu bahutarā vā hoti samasamā vā, na pavāreti. Yāgu mandā, bhattaṃ bahutaraṃ, pavāreti. Idañca sabbaaṭṭhakathāsu vuttattā na sakkā paṭikkhipituṃ, kāraṇaṃ panettha duddasaṃ. ‘‘Bhattamissakaṃ gaṇhathā’’ti vadati, bhattaṃ bahukaṃ vā samaṃ vā appataraṃ vā hoti, pavāretiyeva. Bhattaṃ vā yāguṃ vā anāmasitvā ‘‘missakaṃ gaṇhathā’’ti vadati, tatra ce bhattaṃ bahutaraṃ vā samakaṃ vā hoti, pavāreti. Appataraṃ na pavāreti. Idañca karambakena na samānetabbaṃ. Karambako hi maṃsamissakopi hoti amaṃsamissakopi, tasmā ‘‘karambaka’’nti vutte pavāraṇā natthi. Idaṃ pana bhattamissakameva. Ettha vuttanayeneva pavāraṇā hoti. Bahurase bhatte rasaṃ, bahukhīre khīraṃ bahusappimhi ca pāyāse sappiṃ gaṇhathāti visuṃ katvā deti, taṃ paṭikkhipato pavāraṇā natthi.
яо бана г̇ажчанд̇о баваарзд̇и, со г̇ажчанд̇ова бхун̃ж̇ид̇ум̣ лабхад̇и. гад̣̇д̣̇амам̣ ваа уд̣̇агам̣ ваа бад̇ваа тид̇зна ад̇ирид̇д̇ам̣ гаарзд̇аб̣б̣ам̣. сажз анд̇араа над̣̇ий буураа ход̇и, над̣̇ийд̇ийрз г̇умб̣ам̣ анубарияааяанд̇зна бхун̃ж̇ид̇аб̣б̣ам̣. ат̇а нааваа ваа сзд̇у ваа ад̇т̇и, д̇ам̣ абхирухид̇вааби жан̇гаманд̇знава бхун̃ж̇ид̇аб̣б̣ам̣, г̇аманам̣ на убажчинд̣̇ид̇аб̣б̣ам̣. яаанз ваа хад̇т̇иассабидтз ваа жанд̣̇аман̣д̣алз ваа суурияаман̣д̣алз ваа нисийд̣̇ид̇ваа баваарид̇зна яаава маж̇жханхигам̣, д̇аава д̇зсу г̇ажчанд̇зсуби нисиннзнзва бхун̃ж̇ид̇аб̣б̣ам̣. яо тид̇о баваарзд̇и, тид̇знзва, яо нисинно баваарзд̇и, нисиннзнзва бхун̃ж̇ид̇аб̣б̣ам̣. д̇ам̣ д̇ам̣ ирияаабат̇ам̣ гобзнд̇зна ад̇ирид̇д̇ам̣ гаарзд̇аб̣б̣ам̣. яо уггудиго нисийд̣̇ид̇ваа баваарзд̇и, д̇зна уггудигзнзва бхун̃ж̇ид̇аб̣б̣ам̣. д̇асса бана хздтаа балаалабийтам̣ ваа гин̃жи ваа нисийд̣̇анагам̣ д̣̇аад̇аб̣б̣ам̣. бийтагз нисийд̣̇ид̇ваа баваарид̇зна аасанам̣ ажаалзд̇ваава жад̇ассо д̣̇исаа баривад̇д̇анд̇зна бхун̃ж̇ид̇ум̣ лаб̣бхад̇и. ман̃жз нисийд̣̇ид̇ваа баваарид̇зна ид̇о ваа зд̇д̇о ваа сам̣сарид̇ум̣ на лаб̣бхад̇и. сажз бана нам̣ саха ман̃жзна угкибид̇ваа ан̃н̃ад̇ра нзнд̇и, ваддад̇и. нибаж̇ж̇ид̇ваа баваарид̇зна нибаннзнзва бхун̃ж̇ид̇аб̣б̣ам̣. баривад̇д̇анд̇зна язна бассзна нибанно, д̇асса таанам̣ наад̇иггамзд̇аб̣б̣ам̣.
Yo pana gacchanto pavāreti, so gacchantova bhuñjituṃ labhati. Kaddamaṃ vā udakaṃ vā patvā ṭhitena atirittaṃ kāretabbaṃ. Sace antarā nadī pūrā hoti, nadītīre gumbaṃ anupariyāyantena bhuñjitabbaṃ. Atha nāvā vā setu vā atthi, taṃ abhiruhitvāpi caṅkamantenava bhuñjitabbaṃ, gamanaṃ na upacchinditabbaṃ. Yāne vā hatthiassapiṭṭhe vā candamaṇḍale vā sūriyamaṇḍale vā nisīditvā pavāritena yāva majjhanhikaṃ, tāva tesu gacchantesupi nisinneneva bhuñjitabbaṃ. Yo ṭhito pavāreti, ṭhiteneva, yo nisinno pavāreti, nisinneneva bhuñjitabbaṃ. Taṃ taṃ iriyāpathaṃ kopentena atirittaṃ kāretabbaṃ. Yo ukkuṭiko nisīditvā pavāreti, tena ukkuṭikeneva bhuñjitabbaṃ. Tassa pana heṭṭhā palālapīṭhaṃ vā kiñci vā nisīdanakaṃ dātabbaṃ. Pīṭhake nisīditvā pavāritena āsanaṃ acāletvāva catasso disā parivattantena bhuñjituṃ labbhati. Mañce nisīditvā pavāritena ito vā etto vā saṃsarituṃ na labbhati. Sace pana naṃ saha mañcena ukkhipitvā aññatra nenti, vaṭṭati. Nipajjitvā pavāritena nipanneneva bhuñjitabbaṃ. Parivattantena yena passena nipanno, tassa ṭhānaṃ nātikkametabbaṃ.
анад̇ирид̇д̇анд̇и на ад̇ирид̇д̇ам̣; на ад̇хиганд̇и ад̇т̇о. д̇ам̣ бана яасмаа габбияагад̇аад̣̇ийхи сад̇д̇ахи винаяагаммаагаарзхи агад̇ам̣ ваа г̇илаанасса анад̇хигам̣ ваа ход̇и, д̇асмаа бад̣̇абхааж̇анз ‘‘агаббияагад̇а’’нд̇иаад̣̇и вуд̇д̇ам̣. д̇ад̇т̇а агаббияагад̇анд̇и яам̣ д̇ад̇т̇а палам̣ ваа ганд̣̇амуулаад̣̇и ваа бан̃жахи саман̣агаббзхи габбияам̣ агад̇ам̣; яан̃жа агаббияамам̣сам̣ ваа агаббияабхож̇анам̣ ваа, зд̇ам̣ агаббияам̣ наама. д̇ам̣ агаббияам̣ ‘‘аламзд̇ам̣ саб̣б̣а’’нд̇и звам̣ ад̇ирид̇д̇ам̣ гад̇амби агаббияагад̇анд̇и взд̣̇ид̇аб̣б̣ам̣. аббадиг̇г̇ахид̇агад̇анд̇и бхигкунаа аббадиг̇г̇ахид̇ам̣язва буриманаязнзва ад̇ирид̇д̇ам̣ гад̇ам̣. анужжаарид̇агад̇анд̇и габбияам̣ гаараабзд̇ум̣ ааг̇ад̇зна бхигкунаа ийсагамби анугкид̇д̇ам̣ ваа анабанаамид̇ам̣ ваа гад̇ам̣. ахад̇т̇абаасз гад̇анд̇и габбияам̣ гаараабзд̇ум̣ ааг̇ад̇асса хад̇т̇абаасад̇о б̣ахи тид̇зна гад̇ам̣. абхуд̇д̇аавинаа гад̇анд̇и яо ‘‘аламзд̇ам̣ саб̣б̣а’’нд̇и ад̇ирид̇д̇ам̣ гарод̇и, д̇зна бавааран̣аббахонагам̣ бхож̇анам̣ абхуд̇д̇зна гад̇ам̣. бхуд̇д̇аавинаа баваарид̇зна аасанаа вудтид̇зна гад̇анд̇и ид̣̇ам̣ уд̇д̇аанамзва. аламзд̇ам̣ саб̣б̣анд̇и авуд̇д̇анд̇и важийбхзд̣̇ам̣ гад̇ваа звам̣ авуд̇д̇ам̣ ход̇и. ид̇и имзхи сад̇д̇ахи винаяагаммаагаарзхи яам̣ ад̇ирид̇д̇ам̣ габбияам̣ агад̇ам̣, яан̃жа на г̇илаанаад̇ирид̇д̇ам̣, д̇ад̣̇убхаяамби анад̇ирид̇д̇анд̇и взд̣̇ид̇аб̣б̣ам̣.
Anatirittanti na atirittaṃ; na adhikanti attho. Taṃ pana yasmā kappiyakatādīhi sattahi vinayakammākārehi akataṃ vā gilānassa anadhikaṃ vā hoti, tasmā padabhājane ‘‘akappiyakata’’ntiādi vuttaṃ. Tattha akappiyakatanti yaṃ tattha phalaṃ vā kandamūlādi vā pañcahi samaṇakappehi kappiyaṃ akataṃ; yañca akappiyamaṃsaṃ vā akappiyabhojanaṃ vā, etaṃ akappiyaṃ nāma. Taṃ akappiyaṃ ‘‘alametaṃ sabba’’nti evaṃ atirittaṃ katampi akappiyakatanti veditabbaṃ. Appaṭiggahitakatanti bhikkhunā appaṭiggahitaṃyeva purimanayeneva atirittaṃ kataṃ. Anuccāritakatanti kappiyaṃ kārāpetuṃ āgatena bhikkhunā īsakampi anukkhittaṃ vā anapanāmitaṃ vā kataṃ. Ahatthapāse katanti kappiyaṃ kārāpetuṃ āgatassa hatthapāsato bahi ṭhitena kataṃ. Abhuttāvinā katanti yo ‘‘alametaṃ sabba’’nti atirittaṃ karoti, tena pavāraṇappahonakaṃ bhojanaṃ abhuttena kataṃ. Bhuttāvinā pavāritena āsanā vuṭṭhitena katanti idaṃ uttānameva. Alametaṃ sabbanti avuttanti vacībhedaṃ katvā evaṃ avuttaṃ hoti. Iti imehi sattahi vinayakammākārehi yaṃ atirittaṃ kappiyaṃ akataṃ, yañca na gilānātirittaṃ, tadubhayampi anatirittanti veditabbaṃ.
ад̇ирид̇д̇ам̣ бана д̇ассзва бадибагканаязна взд̣̇ид̇аб̣б̣ам̣. абижзд̇т̇а бхуд̇д̇аавинаа гад̇ам̣ ход̇ийд̇и ананд̇арз нисиннасса сабхааг̇асса бхигкуно бад̇д̇ад̇о згамби сид̇т̇ам̣ ваа мам̣сахийрам̣ ваа каад̣̇ид̇ваа гад̇амби бхуд̇д̇аавинаава гад̇ам̣ ход̇ийд̇и взд̣̇ид̇аб̣б̣ам̣. аасанаа авудтид̇знаад̇и зд̇т̇а бана асаммохад̇т̇ам̣ аяам̣ винижчаяо – д̣̇вз бхигкуу баад̇ова бхун̃ж̇амаанаа баваарид̇аа хонд̇и – згзна д̇ад̇т̇зва нисийд̣̇ид̇аб̣б̣ам̣, ид̇арзна нижжабхад̇д̇ам̣ ваа салаагабхад̇д̇ам̣ ваа аанзд̇ваа убад̣дхам̣ д̇асса бхигкуно бад̇д̇з аагирид̇ваа хад̇т̇ам̣ д̇ховид̇ваа сзсам̣ д̇зна бхигкунаа габбияам̣ гаараабзд̇ваа бхун̃ж̇ид̇аб̣б̣ам̣. гасмаа? яан̃хи д̇асса хад̇т̇з лаг̇г̇ам̣, д̇ам̣ агаббияам̣ ход̇и. сажз бана батамам̣ нисинно бхигку саяамзва д̇асса бад̇д̇ад̇о хад̇т̇зна г̇ан̣хаад̇и, хад̇т̇ад̇хованагижжам̣ над̇т̇и. сажз бана звам̣ габбияам̣ гаараабзд̇ваа бхун̃ж̇анд̇асса буна гин̃жи б̣яан̃ж̇анам̣ ваа каад̣̇анийяам̣ ваа бад̇д̇з аагиранд̇и, язна батамам̣ габбияам̣ гад̇ам̣, со буна гаад̇ум̣ на лабхад̇и. язна агад̇ам̣, д̇зна гаад̇аб̣б̣ам̣. яан̃жа агад̇ам̣, д̇ам̣ гаад̇аб̣б̣ам̣. ‘‘язна агад̇а’’нд̇и ан̃н̃зна бхигкунаа язна батамам̣ на гад̇ам̣, д̇зна гаад̇аб̣б̣ам̣. ‘‘яан̃жа агад̇а’’нд̇и язна батамам̣ габбияам̣ гад̇ам̣, д̇знааби яам̣ агад̇ам̣ д̇ам̣ гаад̇аб̣б̣ам̣. батамабхааж̇анз бана гаад̇ум̣ на лаб̣бхад̇и. д̇ад̇т̇а хи гарияамаанам̣ батамам̣ гад̇зна сад̣̇д̇хим̣ гад̇ам̣ ход̇и, д̇асмаа ан̃н̃асмим̣ бхааж̇анз гаад̇ум̣ ваддад̇ийд̇и ад̇хиббааяо. звам̣ гад̇ам̣ бана д̇зна бхигкунаа батамам̣ гад̇зна сад̣̇д̇хим̣ бхун̃ж̇ид̇ум̣ ваддад̇и.
Atirittaṃ pana tasseva paṭipakkhanayena veditabbaṃ. Apicettha bhuttāvinā kataṃ hotīti anantare nisinnassa sabhāgassa bhikkhuno pattato ekampi sitthaṃ vā maṃsahīraṃ vā khāditvā katampi bhuttāvināva kataṃ hotīti veditabbaṃ. Āsanā avuṭṭhitenāti ettha pana asammohatthaṃ ayaṃ vinicchayo – dve bhikkhū pātova bhuñjamānā pavāritā honti – ekena tattheva nisīditabbaṃ, itarena niccabhattaṃ vā salākabhattaṃ vā ānetvā upaḍḍhaṃ tassa bhikkhuno patte ākiritvā hatthaṃ dhovitvā sesaṃ tena bhikkhunā kappiyaṃ kārāpetvā bhuñjitabbaṃ. Kasmā? Yañhi tassa hatthe laggaṃ, taṃ akappiyaṃ hoti. Sace pana paṭhamaṃ nisinno bhikkhu sayameva tassa pattato hatthena gaṇhāti, hatthadhovanakiccaṃ natthi. Sace pana evaṃ kappiyaṃ kārāpetvā bhuñjantassa puna kiñci byañjanaṃ vā khādanīyaṃ vā patte ākiranti, yena paṭhamaṃ kappiyaṃ kataṃ, so puna kātuṃ na labhati. Yena akataṃ, tena kātabbaṃ. Yañca akataṃ, taṃ kātabbaṃ. ‘‘Yena akata’’nti aññena bhikkhunā yena paṭhamaṃ na kataṃ, tena kātabbaṃ. ‘‘Yañca akata’’nti yena paṭhamaṃ kappiyaṃ kataṃ, tenāpi yaṃ akataṃ taṃ kātabbaṃ. Paṭhamabhājane pana kātuṃ na labbhati. Tattha hi kariyamānaṃ paṭhamaṃ katena saddhiṃ kataṃ hoti, tasmā aññasmiṃ bhājane kātuṃ vaṭṭatīti adhippāyo. Evaṃ kataṃ pana tena bhikkhunā paṭhamaṃ katena saddhiṃ bhuñjituṃ vaṭṭati.
габбияам̣ гаронд̇зна жа на гзвалам̣ бад̇д̇зязва, гун̣д̣зби бажчияамби яад̇т̇а гад̇т̇ажи бурад̇о табзд̇ваа онаамид̇абхааж̇анз гаад̇аб̣б̣ам̣. д̇ам̣ сажзби бхигкусад̇ам̣ баваарид̇ам̣ ход̇и, саб̣б̣зсам̣ бхун̃ж̇ид̇ум̣ ваддад̇и, аббаваарид̇аанамби ваддад̇и. язна бана габбияам̣ гад̇ам̣, д̇асса на ваддад̇и. сажзби баваарзд̇ваа бин̣д̣ааяа бавидтам̣ бхигкум̣ бад̇д̇ам̣ г̇ахзд̇ваа авассам̣ бхун̃ж̇анагз ман̇г̇аланиманд̇анз нисийд̣̇аабзнд̇и, ад̇ирид̇д̇ам̣ гаарзд̇ваава бхун̃ж̇ид̇аб̣б̣ам̣. сажз д̇ад̇т̇а ан̃н̃о бхигку над̇т̇и, аасанасаалам̣ ваа вихаарам̣ ваа бад̇д̇ам̣ бзсзд̇ваа гаарзд̇аб̣б̣ам̣. габбияам̣ гаронд̇зна бана анубасамбаннасса хад̇т̇з тид̇ам̣ на гаад̇аб̣б̣ам̣. сажз аасанасаалааяам̣ аб̣яад̇д̇о бхигку ход̇и, саяам̣ г̇анд̇ваа габбияам̣ гаараабзд̇ваа аанзд̇ваа бхун̃ж̇ид̇аб̣б̣ам̣.
Kappiyaṃ karontena ca na kevalaṃ patteyeva, kuṇḍepi pacchiyampi yattha katthaci purato ṭhapetvā onāmitabhājane kātabbaṃ. Taṃ sacepi bhikkhusataṃ pavāritaṃ hoti, sabbesaṃ bhuñjituṃ vaṭṭati, appavāritānampi vaṭṭati. Yena pana kappiyaṃ kataṃ, tassa na vaṭṭati. Sacepi pavāretvā piṇḍāya paviṭṭhaṃ bhikkhuṃ pattaṃ gahetvā avassaṃ bhuñjanake maṅgalanimantane nisīdāpenti, atirittaṃ kāretvāva bhuñjitabbaṃ. Sace tattha añño bhikkhu natthi, āsanasālaṃ vā vihāraṃ vā pattaṃ pesetvā kāretabbaṃ. Kappiyaṃ karontena pana anupasampannassa hatthe ṭhitaṃ na kātabbaṃ. Sace āsanasālāyaṃ abyatto bhikkhu hoti, sayaṃ gantvā kappiyaṃ kārāpetvā ānetvā bhuñjitabbaṃ.
г̇илаанаад̇ирид̇д̇анд̇и зд̇т̇а на гзвалам̣ яам̣ г̇илаанасса бхуд̇д̇аавасзсам̣ ход̇и, д̇ам̣ г̇илаанаад̇ирид̇д̇ам̣; ат̇а ко яам̣гин̃жи г̇илаанам̣ уд̣̇д̣̇исса аж̇ж̇а ваа свз ваа яад̣̇аа ваа ижчад̇и, д̇ад̣̇аа каад̣̇иссад̇ийд̇и аахадам̣, д̇ам̣ саб̣б̣ам̣ ‘‘г̇илаанаад̇ирид̇д̇а’’нд̇и взд̣̇ид̇аб̣б̣ам̣. яам̣ яаамагаалигаад̣̇ийсу аж̇жхохаарз аж̇жхохаарз д̣̇уггадам̣, д̇ам̣ асам̣садтавасзна вуд̇д̇ам̣. сажз бана аамисасам̣садтаани хонд̇и, аахаарад̇т̇ааяаби анаахаарад̇т̇ааяаби бадиг̇г̇ахзд̇ваа аж̇жхохаранд̇асса баажид̇д̇ияамзва.
Gilānātirittanti ettha na kevalaṃ yaṃ gilānassa bhuttāvasesaṃ hoti, taṃ gilānātirittaṃ; atha kho yaṃkiñci gilānaṃ uddissa ajja vā sve vā yadā vā icchati, tadā khādissatīti āhaṭaṃ, taṃ sabbaṃ ‘‘gilānātiritta’’nti veditabbaṃ. Yaṃ yāmakālikādīsu ajjhohāre ajjhohāre dukkaṭaṃ, taṃ asaṃsaṭṭhavasena vuttaṃ. Sace pana āmisasaṃsaṭṭhāni honti, āhāratthāyapi anāhāratthāyapi paṭiggahetvā ajjhoharantassa pācittiyameva.
241. сад̇и бажжаязд̇и яаамагаалигам̣ бибаасааяа сад̇и бибаасажчзд̣̇анад̇т̇ам̣, сад̇д̇аахагаалигам̣ яааваж̇ийвиган̃жа д̇зна д̇зна убасамзд̇аб̣б̣агз ааб̣аад̇хз сад̇и д̇асса убасаманад̇т̇ам̣ барибхун̃ж̇ад̇о анаабад̇д̇и. сзсамзд̇т̇а уд̇д̇аанамзва.
241.Sati paccayeti yāmakālikaṃ pipāsāya sati pipāsacchedanatthaṃ, sattāhakālikaṃ yāvajīvikañca tena tena upasametabbake ābādhe sati tassa upasamanatthaṃ paribhuñjato anāpatti. Sesamettha uttānameva.
гат̇инасамудтаанам̣ – гааяаваажад̇о гааяаваажаажид̇д̇ад̇о жа самудтаад̇и, гирияаагирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Kathinasamuṭṭhānaṃ – kāyavācato kāyavācācittato ca samuṭṭhāti, kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
батамабавааран̣асигкаабад̣̇ам̣ бан̃жамам̣.
Paṭhamapavāraṇasikkhāpadaṃ pañcamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. батамабавааран̣аасигкаабад̣̇аван̣н̣анаа • 5. Paṭhamapavāraṇāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. батамабавааран̣асигкаабад̣̇аван̣н̣анаа • 5. Paṭhamapavāraṇasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. батамабавааран̣аасигкаабад̣̇аван̣н̣анаа • 5. Paṭhamapavāraṇāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. батамабавааран̣асигкаабад̣̇ам̣ • 5. Paṭhamapavāraṇasikkhāpadaṃ
