| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
5. батамабавааран̣аасигкаабад̣̇аван̣н̣анаа
5. Paṭhamapavāraṇāsikkhāpadavaṇṇanā
бхуд̇д̇аваад̇и гад̇абхад̇д̇агижжо. саасабамад̇д̇амби аж̇жхохарид̇анд̇и звам̣ барид̇д̇амби бхож̇анам̣ сан̇каад̣̇ид̇ваа ваа асан̇каад̣̇ид̇ваа ваа г̇илид̇ам̣. баваарид̇од̇и бадигкзбид̇о. яо хи бхун̃ж̇анд̇о баривзсагзна убанийд̇ам̣ бхож̇анам̣ анижчанд̇о бадигкибад̇и, со д̇зна баваарид̇о бадигкибид̇о наама ход̇и. б̣яан̃ж̇анам̣ бана анаад̣̇ияид̇ваа ад̇т̇амад̇д̇амзва д̣̇ассзд̇ум̣ ‘‘гад̇аббавааран̣о гад̇аббадигкзбод̇и ад̇т̇о’’д̇и вуд̇д̇ам̣. соби жа бадигкзбо яасмаа на бадигкзбамад̇д̇зна, ат̇а ко бан̃жан̇г̇авасзна. д̇знасса бад̣̇абхааж̇анз ‘‘асанам̣ бан̃н̃ааяад̇ий’’д̇иаад̣̇и (баажи. 239) вуд̇д̇ам̣.
Bhuttavāti katabhattakicco. Sāsapamattampi ajjhoharitanti evaṃ parittampi bhojanaṃ saṅkhāditvā vā asaṅkhāditvā vā gilitaṃ. Pavāritoti paṭikkhepito. Yo hi bhuñjanto parivesakena upanītaṃ bhojanaṃ anicchanto paṭikkhipati, so tena pavārito paṭikkhipito nāma hoti. Byañjanaṃ pana anādiyitvā atthamattameva dassetuṃ ‘‘katappavāraṇo katappaṭikkhepoti attho’’ti vuttaṃ. Sopi ca paṭikkhepo yasmā na paṭikkhepamattena, atha kho pañcaṅgavasena. Tenassa padabhājane ‘‘asanaṃ paññāyatī’’tiādi (pāci. 239) vuttaṃ.
бхож̇анам̣ бан̃н̃ааяад̇ийд̇и бан̃жаннам̣ бхож̇анаанам̣ ан̃н̃ад̇арам̣ бад̇д̇аад̣̇ийсу д̣̇иссад̇и. д̇знааха ‘‘бавааран̣аббахонагам̣ жз бхож̇ана’’нд̇иаад̣̇и. саалийд̇и (баажи. адта. 238-239) анд̇амасо нийваарам̣ убаад̣̇ааяа саб̣б̣ааби саалиж̇аад̇и. вийхийд̇и саб̣б̣ааби вийхиж̇аад̇и. яаваг̇од̇хумзсу бхзд̣̇о над̇т̇и. ган̇г̇ууд̇и сзд̇арад̇д̇агаал̣абхзд̣̇аа саб̣б̣ааби ган̇г̇уж̇аад̇и. варагод̇и анд̇амасо варагажорагам̣ убаад̣̇ааяа саб̣б̣ааби сзд̇аван̣н̣аа варагаж̇аад̇и. гуд̣̇руусагод̇и гаал̣агод̣̇раво жзва саамаагаад̣̇ибхзд̣̇аа жа саб̣б̣ааби д̇ин̣ад̇хан̃н̃аж̇аад̇и.
Bhojanaṃpaññāyatīti pañcannaṃ bhojanānaṃ aññataraṃ pattādīsu dissati. Tenāha ‘‘pavāraṇappahonakaṃ ce bhojana’’ntiādi. Sālīti (pāci. aṭṭha. 238-239) antamaso nīvāraṃ upādāya sabbāpi sālijāti. Vīhīti sabbāpi vīhijāti. Yavagodhumesu bhedo natthi. Kaṅgūti setarattakāḷabhedā sabbāpi kaṅgujāti. Varakoti antamaso varakacorakaṃ upādāya sabbāpi setavaṇṇā varakajāti. Kudrūsakoti kāḷakodravo ceva sāmākādibhedā ca sabbāpi tiṇadhaññajāti.
нийваараварагажорагаа жзд̇т̇а ‘‘д̇хан̃н̃аануломаа’’д̇и вад̣̇анд̇и. яааг̇унд̇и амб̣илаяааг̇укийраяааг̇уаад̣̇ибхзд̣̇ам̣ яам̣ гин̃жи яааг̇ум̣. иминаава бааяаасассааби г̇ахид̇ад̇д̇аа ‘‘амб̣илабааяаасаад̣̇ийсу ан̃н̃ад̇арам̣ бажаамаад̇и ваа’’д̇и на вуд̇д̇ам̣. бавааран̣ам̣ ж̇анзд̇ийд̇и анад̇ирид̇д̇абхож̇анаабад̇д̇иниб̣анд̇ханам̣ бадигкзбам̣ саад̇хзд̇и. сажз бана од̇хи на бан̃н̃ааяад̇и, яааг̇усан̇г̇ахам̣ г̇ажчад̇и, бавааран̣ам̣ на ж̇анзд̇и. буна бавааран̣ам̣ ж̇анзд̇и гханабхааваг̇аманад̇о бадтааяа бхож̇анасан̇г̇ахид̇ад̇д̇аад̇и ад̇хиббааяо.
Nīvāravarakacorakā cettha ‘‘dhaññānulomā’’ti vadanti. Yāgunti ambilayāgukhīrayāguādibhedaṃ yaṃ kiñci yāguṃ. Imināva pāyāsassāpi gahitattā ‘‘ambilapāyāsādīsu aññataraṃ pacāmāti vā’’ti na vuttaṃ. Pavāraṇaṃ janetīti anatirittabhojanāpattinibandhanaṃ paṭikkhepaṃ sādheti. Sace pana odhi na paññāyati, yāgusaṅgahaṃ gacchati, pavāraṇaṃ na janeti. Puna pavāraṇaṃ janeti ghanabhāvagamanato paṭṭhāya bhojanasaṅgahitattāti adhippāyo.
уд̣̇агаган̃ж̇игакийраад̣̇ийни аагирид̇ваад̇и уд̣̇аган̃жзва ган̃ж̇иган̃жа кийраад̣̇ийни жа аагирид̇ваа д̇зхи сад̣̇д̇хим̣ амад̣̇д̣̇ид̇ваа бхад̇д̇амиссагз гад̇ваа. д̇знааха ‘‘яааг̇ум̣ г̇ан̣хат̇аа’’д̇иаад̣̇и. сажз бана бхад̇д̇з уд̣̇агаган̃ж̇игакийраад̣̇ийни аагирид̇ваа мад̣̇д̣̇ид̇ваа ‘‘яааг̇ум̣ г̇ан̣хат̇аа’’д̇и д̣̇знд̇и, бавааран̣аа на ход̇и. яааг̇уяаабийд̇и звам̣ яааг̇усан̇г̇ахам̣ г̇ад̇ааяа ваа ан̃н̃ааяа ваа яааг̇уяааби. суд̣̇д̇харасаго, бана расагаяааг̇у ваа на ж̇анзд̇и.
Udakakañjikakhīrādīni ākiritvāti udakañceva kañjikañca khīrādīni ca ākiritvā tehi saddhiṃ amadditvā bhattamissake katvā. Tenāha ‘‘yāguṃ gaṇhathā’’tiādi. Sace pana bhatte udakakañjikakhīrādīni ākiritvā madditvā ‘‘yāguṃ gaṇhathā’’ti denti, pavāraṇā na hoti. Yāguyāpīti evaṃ yāgusaṅgahaṃ gatāya vā aññāya vā yāguyāpi. Suddharasako, pana rasakayāgu vā na janeti.
бан̃жаннам̣ бхож̇анаанам̣ ан̃н̃ад̇аравасзна виббагад̇абхож̇анабхаавасса убажчиннад̇д̇аа ‘‘д̣̇взби каад̣̇ид̇аани хонд̇и…бз… на баваарзд̇ий’’д̇и вуд̇д̇ам̣. агаббияамам̣сам̣ (баажи. адта. 238-239), агаббияабхож̇анан̃жа б̣уд̣̇д̇хабадигудтам̣ бадигкибад̇о бавааран̣ааяа авад̇т̇уд̇ааяа на бавааран̣аа ход̇ийд̇и ааха ‘‘яо банаа’’д̇иаад̣̇и. яан̃хи бхигкуно каад̣̇ид̇ум̣ ваддад̇и, д̇ам̣ зва бадигкибад̇о бавааран̣аа ход̇и. ид̣̇ам̣ бана ж̇аананд̇о агаббияад̇д̇аа бадигкибад̇и. аж̇аананд̇оби бадигкибид̇аб̣б̣адтаанз тид̇амзва бадигкибад̇и наама, д̇асмаа на баваарзд̇и. сажз бана агаббияамам̣сам̣ каад̣̇анд̇о габбияамам̣сам̣ ваа бхож̇анам̣ ваа бадигкибад̇и, баваарзд̇и. гасмаа? вад̇т̇уд̇ааяа. яан̃хи д̇зна бадигкид̇д̇ам̣, д̇ам̣ бавааран̣ааяа вад̇т̇у. яам̣ бана каад̣̇ад̇и, д̇ам̣ гин̃жааби бадигкибид̇аб̣б̣адтаанз тид̇ам̣, каад̣̇ияамаанам̣ бана мам̣сабхаавам̣ на ж̇ахад̇и, д̇асмаа баваарзд̇и. го бана ваад̣̇о габбияамам̣сам̣ каад̣̇ад̇о габбияамам̣сабхож̇анаббадигкзбз. зса наяо агаббияабхож̇анам̣ каад̣̇ад̇о габбияабхож̇анаббадигкзбз.
Pañcannaṃ bhojanānaṃ aññataravasena vippakatabhojanabhāvassa upacchinnattā ‘‘dvepi khāditāni honti…pe… na pavāretī’’ti vuttaṃ. Akappiyamaṃsaṃ (pāci. aṭṭha. 238-239), akappiyabhojanañca buddhapaṭikuṭṭhaṃ paṭikkhipato pavāraṇāya avatthutāya na pavāraṇā hotīti āha ‘‘yo panā’’tiādi. Yañhi bhikkhuno khādituṃ vaṭṭati, taṃ eva paṭikkhipato pavāraṇā hoti. Idaṃ pana jānanto akappiyattā paṭikkhipati. Ajānantopi paṭikkhipitabbaṭṭhāne ṭhitameva paṭikkhipati nāma, tasmā na pavāreti. Sace pana akappiyamaṃsaṃ khādanto kappiyamaṃsaṃ vā bhojanaṃ vā paṭikkhipati, pavāreti. Kasmā? Vatthutāya. Yañhi tena paṭikkhittaṃ, taṃ pavāraṇāya vatthu. Yaṃ pana khādati, taṃ kiñcāpi paṭikkhipitabbaṭṭhāne ṭhitaṃ, khādiyamānaṃ pana maṃsabhāvaṃ na jahati, tasmā pavāreti. Ko pana vādo kappiyamaṃsaṃ khādato kappiyamaṃsabhojanappaṭikkhepe. Esa nayo akappiyabhojanaṃ khādato kappiyabhojanappaṭikkhepe.
бхож̇анз сад̇ийд̇и бан̃жасу бхож̇анзсу згасмимби бхож̇анз сад̇и. ан̃н̃ам̣ вуд̇д̇алагкан̣ам̣ бхож̇ананд̇и бад̇д̇аад̣̇иг̇ад̇ад̇о ан̃н̃ам̣ вуд̇д̇алагкан̣ам̣ бан̃жасу бхож̇анзсу згамби бхож̇анам̣. ‘‘нирабзгко ход̇ий’’д̇и зд̇ассзва виваран̣ам̣ ‘‘яам̣ бад̇д̇аад̣̇ийсуу’’д̇иаад̣̇и. на гзвалам̣ нирабзгко ваад̇и ааха ‘‘ан̃н̃ад̇ра ваа’’д̇иаад̣̇и. со бадигкибанд̇оби на баваарзд̇ийд̇и д̇асмим̣ жз анд̇арз ан̃н̃ам̣ бхож̇анам̣ абхихадам̣, д̇ам̣ со бадигкибанд̇оби на баваарзд̇и. гасмаа? виббагад̇абхож̇анабхаавасса убажчиннад̇д̇аа.
Bhojane satīti pañcasu bhojanesu ekasmimpi bhojane sati. Aññaṃ vuttalakkhaṇaṃ bhojananti pattādigatato aññaṃ vuttalakkhaṇaṃ pañcasu bhojanesu ekampi bhojanaṃ. ‘‘Nirapekkho hotī’’ti etasseva vivaraṇaṃ ‘‘yaṃ pattādīsū’’tiādi. Na kevalaṃ nirapekkho vāti āha ‘‘aññatra vā’’tiādi. So paṭikkhipantopi na pavāretīti tasmiṃ ce antare aññaṃ bhojanaṃ abhihaṭaṃ, taṃ so paṭikkhipantopi na pavāreti. Kasmā? Vippakatabhojanabhāvassa upacchinnattā.
‘‘убанаамзд̇ий’’д̇и (баажи. адта. 238-239) иминаа гааяаабхихаарам̣ д̣̇ассзд̇и. хад̇т̇з ваа аад̇хаарагз ваад̇и зд̇т̇а ваа-сад̣̇д̣̇о авуд̇д̇авигаббад̇т̇о, д̇зна ‘‘ууруусу ваа’’д̇и вигаббзд̇и. д̣̇уурз нисиннасса д̣̇ахарабхигкусса бад̇д̇ам̣ бзсзд̇ваа ‘‘ид̇о од̣̇анам̣ г̇ан̣хаахий’’д̇и вад̣̇ад̇и, г̇ан̣хид̇ваа бана г̇ад̇о д̇ун̣хий д̇идтад̇и, д̇амби бадигкибад̇о зсзва наяо. гасмаа? бхигкусса д̣̇уурабхаавад̇о, д̣̇ууд̇асса жа анабхихаран̣ад̇о. сажз бана г̇ахзд̇ваа ааг̇ад̇о бхигку ‘‘имам̣ бхад̇д̇ам̣ г̇ан̣хаа’’д̇и вад̣̇ад̇и, д̇ам̣ бадигкибад̇о бавааран̣аа ход̇и. звам̣ вуд̇д̇збийд̇и ‘‘бхад̇д̇ам̣ г̇ан̣хаа’’д̇и вуд̇д̇зби.
‘‘Upanāmetī’’ti (pāci. aṭṭha. 238-239) iminā kāyābhihāraṃ dasseti. Hatthe vā ādhārake vāti ettha vā-saddo avuttavikappattho, tena ‘‘ūrūsu vā’’ti vikappeti. Dūre nisinnassa daharabhikkhussa pattaṃ pesetvā ‘‘ito odanaṃ gaṇhāhī’’ti vadati, gaṇhitvā pana gato tuṇhī tiṭṭhati, tampi paṭikkhipato eseva nayo. Kasmā? Bhikkhussa dūrabhāvato, dūtassa ca anabhiharaṇato. Sace pana gahetvā āgato bhikkhu ‘‘imaṃ bhattaṃ gaṇhā’’ti vadati, taṃ paṭikkhipato pavāraṇā hoti. Evaṃ vuttepīti ‘‘bhattaṃ gaṇhā’’ti vuttepi.
бхад̇д̇абажчим̣ г̇ахзд̇ваа баривисанд̇ассаад̇и згзна хад̇т̇зна бхад̇д̇абажчим̣ г̇ахзд̇ваа згзна хад̇т̇зна гадажчум̣ г̇ахзд̇ваа баривисанд̇асса. ан̃н̃о ‘‘ахам̣ д̇хаарзссаамий’’д̇и г̇ахид̇амад̇д̇агамзва гарод̇ийд̇и ан̃н̃о ааг̇анд̇ваа ‘‘ахам̣ бажчим̣ д̇хаарзссаами, д̇вам̣ од̣̇анам̣ д̣̇зхий’’д̇и вад̇ваа г̇ахид̇амад̇д̇агамзва гарод̇и. абхихадаава ход̇ийд̇и баривзсагзнзва абхихадаава ход̇и. ид̣̇аани асад̇и д̇асса д̣̇аад̇угаамаабхихаарз г̇ахан̣асамаязби бадигкибад̇о на ход̇ийд̇и д̣̇ассзд̇ум̣ ‘‘сажз банаа’’д̇иаад̣̇и вуд̇д̇ам̣. уд̣̇д̇хадзд̇и уд̣̇д̇хадз бхад̇д̇з. гадажчуабхихаароязва хи д̇асса абхихаарод̇и ад̇хиббааяо. ананд̇арасса д̣̇ияяамаанзд̇и ананд̇арасса бхигкуно бхад̇д̇з д̣̇ияяамаанз. гааяавигаарзнаад̇и ‘‘ан̇г̇улим̣ ваа хад̇т̇ам̣ ваа мажчигаб̣ийж̇аним̣ ваа жийвараган̣н̣ам̣ ваа жаалзд̇и, бхамугааяа ваа аагаарам̣ гарод̇и, гуд̣̇д̇хо ваа ологзд̇ий’’д̇и (баажи. адта. 238-239) звам̣ вуд̇д̇зна ан̇г̇улижаланаад̣̇инаа гааяавигаарзна. ‘‘алам̣ маа д̣̇зхий’’д̇иаад̣̇инаа важийвигаарзнаад̇и ‘‘ала’’нд̇и ваа ‘‘на г̇ан̣хаамий’’д̇и ваа ‘‘маа аагираа’’д̇и ваа ‘‘абаг̇ажчаа’’д̇и ваа звам̣ язна гзнажи важийвигаарзна.
Bhattapacchiṃ gahetvā parivisantassāti ekena hatthena bhattapacchiṃ gahetvā ekena hatthena kaṭacchuṃ gahetvā parivisantassa. Añño ‘‘ahaṃ dhāressāmī’’ti gahitamattakameva karotīti añño āgantvā ‘‘ahaṃ pacchiṃ dhāressāmi, tvaṃ odanaṃ dehī’’ti vatvā gahitamattakameva karoti. Abhihaṭāva hotīti parivesakeneva abhihaṭāva hoti. Idāni asati tassa dātukāmābhihāre gahaṇasamayepi paṭikkhipato na hotīti dassetuṃ ‘‘sace panā’’tiādi vuttaṃ. Uddhaṭeti uddhaṭe bhatte. Kaṭacchuabhihāroyeva hi tassa abhihāroti adhippāyo. Anantarassa diyyamāneti anantarassa bhikkhuno bhatte diyyamāne. Kāyavikārenāti ‘‘aṅguliṃ vā hatthaṃ vā macchikabījaniṃ vā cīvarakaṇṇaṃ vā cāleti, bhamukāya vā ākāraṃ karoti, kuddho vā oloketī’’ti (pāci. aṭṭha. 238-239) evaṃ vuttena aṅgulicalanādinā kāyavikārena. ‘‘Alaṃ mā dehī’’tiādinā vacīvikārenāti ‘‘ala’’nti vā ‘‘na gaṇhāmī’’ti vā ‘‘mā ākirā’’ti vā ‘‘apagacchā’’ti vā evaṃ yena kenaci vacīvikārena.
абхихадз бана бхад̇д̇з бавааран̣ааяа бхийд̇о хад̇т̇з абанзд̇ваа бунаббунам̣ бад̇д̇з од̣̇анам̣ аагиранд̇ам̣ ‘‘аагира аагира, годдзд̇ваа буурзхий’’д̇и вад̣̇ад̇о бавааран̣аа на ход̇и. зса наяо бхад̇д̇ам̣ абхихаранд̇ам̣ бхигкум̣ саллагкзд̇ваа ‘‘гим̣, аавусо, ид̇оби гин̃жи г̇ан̣хиссаси, д̣̇амми д̇з гин̃жий’’д̇и вад̣̇ад̇оби.
Abhihaṭe pana bhatte pavāraṇāya bhīto hatthe apanetvā punappunaṃ patte odanaṃ ākirantaṃ ‘‘ākira ākira, koṭṭetvā pūrehī’’ti vadato pavāraṇā na hoti. Esa nayo bhattaṃ abhiharantaṃ bhikkhuṃ sallakkhetvā ‘‘kiṃ, āvuso, itopi kiñci gaṇhissasi, dammi te kiñcī’’ti vadatopi.
‘‘расам̣ бадиг̇г̇ан̣хат̇аа’’д̇и аббавааран̣ааж̇анагасса наамам̣ г̇ахзд̇ваа вуд̇д̇ад̇д̇аа ‘‘д̇ам̣ суд̇ваа бадигкибад̇о бавааран̣аа над̇т̇ий’’д̇и вуд̇д̇ам̣. мам̣сарасанд̇и зд̇т̇а бана на гзвалам̣ мам̣сасса расам̣ ‘‘мам̣сараса’’мижжзва вин̃н̃ааяад̇и, ат̇а ко мам̣сан̃жа расан̃жа мам̣сарасанд̇и звам̣ бавааран̣ааж̇анаганаамавасзнааби. д̇асмаа д̇ам̣ бадигкибад̇о бавааран̣аава ход̇ийд̇и ааха ‘‘мам̣сарасанд̇и вуд̇д̇з бана бадигкибад̇о бавааран̣аа ход̇ий’’д̇и. барад̇о мажчамам̣сам̣ б̣яан̃ж̇ананд̇и зд̇т̇ааби зсзва наяо. яасмим̣ ирияаабат̇з баваарзд̇и, д̇ам̣ авигобзнд̇знзва бхун̃ж̇ид̇аб̣б̣анд̇и яо г̇ажчанд̇о (баажи. адта. 238-239) баваарзд̇и, д̇зна г̇ажчанд̇знзва бхун̃ж̇ид̇аб̣б̣ам̣. гад̣̇д̣̇амам̣ ваа уд̣̇агам̣ ваа бад̇ваа тид̇зна ад̇ирид̇д̇ам̣ гаарзд̇аб̣б̣ам̣. сажз анд̇араа над̣̇ий буураа ход̇и, над̣̇ид̇ийрз г̇умб̣ам̣ анубарияааяанд̇зна бхун̃ж̇ид̇аб̣б̣ам̣. ат̇а нааваа ваа сзд̇у ваа ад̇т̇и, д̇ам̣ абхирухид̇вааби жан̇гаманд̇знзва бхун̃ж̇ид̇аб̣б̣ам̣, г̇аманам̣ на убажчинд̣̇ид̇аб̣б̣ам̣. зса наяо ид̇араирияаабат̇зсуби. д̇ам̣ д̇ам̣ ирияаабат̇ам̣ гобзнд̇зна ад̇ирид̇д̇ам̣ гаарзд̇аб̣б̣ам̣. яо уггудигова нисийд̣̇ид̇ваа баваарзд̇и, д̇зна уггудигзнзва бхун̃ж̇ид̇аб̣б̣ам̣. д̇асса бана хздтаа балаалабийтам̣ ваа гин̃жи ваа нисийд̣̇анам̣ д̣̇аад̇аб̣б̣ам̣. бийтагз нисийд̣̇ид̇ваа баваарид̇зна бана аасанам̣ ажаалзд̇ваава жад̇ассо д̣̇исаа баривад̇д̇анд̇зна бхун̃ж̇ид̇ум̣ лаб̣бхад̇и. ман̃жз нисийд̣̇ид̇ваа баваарид̇зна ид̇о ваа зд̇д̇о ваа сам̣сарид̇ум̣ на лаб̣бхад̇и. сажз бана саха ман̃жзна угкибид̇ваа ан̃н̃ад̇ра нзнд̇и, ваддад̇и. нибаж̇ж̇ид̇ваа баваарид̇знааби нибаннзнзва бхун̃ж̇ид̇аб̣б̣ам̣. баривад̇д̇анд̇зна язна бассзна нибанно, д̇асса таанам̣ наад̇иггамзд̇аб̣б̣ам̣.
‘‘Rasaṃ paṭiggaṇhathā’’ti appavāraṇājanakassa nāmaṃ gahetvā vuttattā ‘‘taṃ sutvā paṭikkhipato pavāraṇā natthī’’ti vuttaṃ. Maṃsarasanti ettha pana na kevalaṃ maṃsassa rasaṃ ‘‘maṃsarasa’’micceva viññāyati, atha kho maṃsañca rasañca maṃsarasanti evaṃ pavāraṇājanakanāmavasenāpi. Tasmā taṃ paṭikkhipato pavāraṇāva hotīti āha ‘‘maṃsarasanti vutte pana paṭikkhipato pavāraṇā hotī’’ti. Parato macchamaṃsaṃ byañjananti etthāpi eseva nayo. Yasmiṃ iriyāpathe pavāreti, taṃ avikopenteneva bhuñjitabbanti yo gacchanto (pāci. aṭṭha. 238-239) pavāreti, tena gacchanteneva bhuñjitabbaṃ. Kaddamaṃ vā udakaṃ vā patvā ṭhitena atirittaṃ kāretabbaṃ. Sace antarā nadī pūrā hoti, naditīre gumbaṃ anupariyāyantena bhuñjitabbaṃ. Atha nāvā vā setu vā atthi, taṃ abhiruhitvāpi caṅkamanteneva bhuñjitabbaṃ, gamanaṃ na upacchinditabbaṃ. Esa nayo itarairiyāpathesupi. Taṃ taṃ iriyāpathaṃ kopentena atirittaṃ kāretabbaṃ. Yo ukkuṭikova nisīditvā pavāreti, tena ukkuṭikeneva bhuñjitabbaṃ. Tassa pana heṭṭhā palālapīṭhaṃ vā kiñci vā nisīdanaṃ dātabbaṃ. Pīṭhake nisīditvā pavāritena pana āsanaṃ acāletvāva catasso disā parivattantena bhuñjituṃ labbhati. Mañce nisīditvā pavāritena ito vā etto vā saṃsarituṃ na labbhati. Sace pana saha mañcena ukkhipitvā aññatra nenti, vaṭṭati. Nipajjitvā pavāritenāpi nipanneneva bhuñjitabbaṃ. Parivattantena yena passena nipanno, tassa ṭhānaṃ nātikkametabbaṃ.
аламзд̇ам̣ саб̣б̣анд̇и зд̇ам̣ саб̣б̣ам̣ алам̣ барияад̇д̇ам̣, ид̣̇амби д̇з ад̇хигам̣, ид̇о ан̃н̃ам̣ на лажчасийд̇и ад̇хиббааяо. яо ад̇ирид̇д̇ам̣ гарод̇ийд̇и яо ‘‘аламзд̇ам̣ саб̣б̣а’’нд̇и ад̇ирид̇д̇ам̣ гарод̇и. бадибагканаязнаад̇и ‘‘габбияагад̇ам̣, бадиг̇г̇ахид̇агад̇ам̣, ужжаарид̇агад̇ам̣, хад̇т̇абаасз гад̇ам̣, бхуд̇д̇аавинаа гад̇ам̣, бхуд̇д̇аавинаа баваарид̇зна аасанаа авудтид̇зна гад̇ам̣ ‘аламзд̇ам̣ саб̣б̣а’нд̇и вуд̇д̇а’’нд̇и (баажи. 239) имзхи сад̇д̇ахи винаяагаммаагаарзхи яам̣ ад̇ирид̇д̇ам̣ габбияам̣ гад̇ам̣, яан̃жа г̇илаанаад̇ирид̇д̇ам̣, д̇ад̣̇убхаяамби ад̇ирид̇д̇анд̇и звам̣ д̇ассзва бадибагканаязна. зд̇т̇а жа ‘‘аламзд̇ам̣ саб̣б̣а’’нд̇и д̇игкад̇д̇ум̣ вад̇д̇аб̣б̣ам̣, аяам̣ гира аажин̣н̣о. винаяад̇хараа бана ‘‘сагим̣ зва вад̇д̇аб̣б̣а’’нд̇и вад̣̇анд̇и.
Alametaṃ sabbanti etaṃ sabbaṃ alaṃ pariyattaṃ, idampi te adhikaṃ, ito aññaṃ na lacchasīti adhippāyo. Yo atirittaṃ karotīti yo ‘‘alametaṃ sabba’’nti atirittaṃ karoti. Paṭipakkhanayenāti ‘‘kappiyakataṃ, paṭiggahitakataṃ, uccāritakataṃ, hatthapāse kataṃ, bhuttāvinā kataṃ, bhuttāvinā pavāritena āsanā avuṭṭhitena kataṃ ‘alametaṃ sabba’nti vutta’’nti (pāci. 239) imehi sattahi vinayakammākārehi yaṃ atirittaṃ kappiyaṃ kataṃ, yañca gilānātirittaṃ, tadubhayampi atirittanti evaṃ tasseva paṭipakkhanayena. Ettha ca ‘‘alametaṃ sabba’’nti tikkhattuṃ vattabbaṃ, ayaṃ kira āciṇṇo. Vinayadharā pana ‘‘sakiṃ eva vattabba’’nti vadanti.
гасмаа д̇ам̣ со буна гаад̇ум̣ на лабхад̇ийд̇и ааха ‘‘яан̃хий’’д̇иаад̣̇и. д̇ад̇т̇а яан̃хи агад̇анд̇и язна батамам̣ габбияам̣ гад̇ам̣, д̇зна яам̣ агад̇ам̣, д̇ам̣ гаад̇аб̣б̣ам̣. батамабхааж̇анз бана гаад̇ум̣ на лаб̣бхад̇и. язна жа агад̇анд̇и ан̃н̃зна бхигкунаа язна батамам̣ на гад̇ам̣, д̇зна жа гаад̇аб̣б̣анд̇и ад̇т̇о. вуд̇д̇анд̇и сийхал̣адтагат̇аасу вуд̇д̇ам̣. ан̃н̃асмим̣ бана бхааж̇анзд̇и яасмим̣ бана бхааж̇анз батамам̣ гад̇ам̣, д̇ад̇о ан̃н̃асмим̣ бад̇д̇з ваа гун̣д̣з ваа бажчияам̣ ваа яад̇т̇а гад̇т̇ажи бурад̇о табзд̇ваа онаамид̇абхааж̇анз.
Kasmā taṃ so puna kātuṃ na labhatīti āha ‘‘yañhī’’tiādi. Tattha yañhi akatanti yena paṭhamaṃ kappiyaṃ kataṃ, tena yaṃ akataṃ, taṃ kātabbaṃ. Paṭhamabhājane pana kātuṃ na labbhati. Yena ca akatanti aññena bhikkhunā yena paṭhamaṃ na kataṃ, tena ca kātabbanti attho. Vuttanti sīhaḷaṭṭhakathāsu vuttaṃ. Aññasmiṃ pana bhājaneti yasmiṃ pana bhājane paṭhamaṃ kataṃ, tato aññasmiṃ patte vā kuṇḍe vā pacchiyaṃ vā yattha katthaci purato ṭhapetvā onāmitabhājane.
ан̃н̃ад̇ра бхун̃ж̇анавад̇т̇усминд̇и бхуд̇д̇аавинаа баваарид̇зна худ̇ваа ан̃н̃ад̇ра бхун̃ж̇анавад̇т̇усмим̣. д̇игабаажид̇д̇ияанд̇и анад̇ирид̇д̇з анад̇ирид̇д̇асан̃н̃ивзмад̇игаад̇ирид̇д̇асан̃н̃ийнам̣ васзна д̇ийн̣и баажид̇д̇ияаани. аж̇жхохарад̇о жа д̣̇уггаданд̇и аж̇жхохарад̇о аж̇жхохаарз аж̇жхохаарз д̣̇уггадам̣. сажз бана аамисасам̣садтаани хонд̇и, аахаарад̇т̇ааяаби анаахаарад̇т̇ааяаби бадиг̇г̇ахзд̇ваа аж̇жхохаранд̇асса баажид̇д̇ияамзва. д̇зсам̣ анун̃н̃аад̇абарибхог̇авасзнаад̇и яаамагаалигаад̣̇ийнам̣ анун̃н̃аад̇абарибхог̇авасзна, яаамагаалигам̣ бибаасааяа сад̇и бибаасажчзд̣̇анад̇т̇ам̣, сад̇д̇аахагаалигам̣ яааваж̇ийвиган̃жа д̇зна д̇зна убасамзд̇аб̣б̣агз ааб̣аад̇хз сад̇и д̇асса убасаманад̇т̇анд̇и вуд̇д̇ам̣ ход̇и. ид̣̇амби аж̇жхохаран̣ад̇о гааяагаммам̣, ваажааяа ‘‘ад̇ирид̇д̇ам̣ гарот̇а бханд̇з’’д̇и агаараабанзна важийгамманд̇и ааха ‘‘самудтаанаад̣̇ийни батамагат̇инасад̣̇исаанзваа’’д̇и. гирияаагирияанд̇и зд̇т̇а бадигкибид̇ваа бхун̃ж̇анам̣ гирияам̣. ад̇ирид̇д̇асса агаран̣ам̣ агирияанд̇и взд̣̇ид̇аб̣б̣ам̣.
Aññatra bhuñjanavatthusminti bhuttāvinā pavāritena hutvā aññatra bhuñjanavatthusmiṃ. Tikapācittiyanti anatiritte anatirittasaññivematikaatirittasaññīnaṃ vasena tīṇi pācittiyāni. Ajjhoharato ca dukkaṭanti ajjhoharato ajjhohāre ajjhohāre dukkaṭaṃ. Sace pana āmisasaṃsaṭṭhāni honti, āhāratthāyapi anāhāratthāyapi paṭiggahetvā ajjhoharantassa pācittiyameva. Tesaṃ anuññātaparibhogavasenāti yāmakālikādīnaṃ anuññātaparibhogavasena, yāmakālikaṃ pipāsāya sati pipāsacchedanatthaṃ, sattāhakālikaṃ yāvajīvikañca tena tena upasametabbake ābādhe sati tassa upasamanatthanti vuttaṃ hoti. Idampi ajjhoharaṇato kāyakammaṃ, vācāya ‘‘atirittaṃ karotha bhante’’ti akārāpanena vacīkammanti āha ‘‘samuṭṭhānādīni paṭhamakathinasadisānevā’’ti. Kiriyākiriyanti ettha paṭikkhipitvā bhuñjanaṃ kiriyaṃ. Atirittassa akaraṇaṃ akiriyanti veditabbaṃ.
батамабавааран̣аасигкаабад̣̇аван̣н̣анаа нидтид̇аа.
Paṭhamapavāraṇāsikkhāpadavaṇṇanā niṭṭhitā.
