| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
5. батамабавааран̣аасигкаабад̣̇аван̣н̣анаа
5. Paṭhamapavāraṇāsikkhāpadavaṇṇanā
бхуд̇д̇аавий бавааран̣ам̣ наама бан̃жан̇г̇игам̣. д̇зсу ‘‘асанам̣ бан̃н̃ааяад̇д̇ий’’д̇и зд̇знзва ‘‘бхуд̇д̇аавий’’д̇и зд̇асса сид̣̇д̇хад̇д̇аа висум̣ ад̇т̇асид̣̇д̇хи на д̣̇иссад̇и. д̣̇иссад̇и жз, ан̇г̇аанам̣ чаггад̇д̇ад̣̇ассананд̇и (важ̇ира. дий. баажид̇д̇ияа 238-239) ликид̇ам̣. ‘‘бхож̇анам̣ бан̃н̃ааяад̇ий’’д̇и абхихадам̣ санд̇хааяа вуд̇д̇ам̣.
Bhuttāvī pavāraṇaṃ nāma pañcaṅgikaṃ. Tesu ‘‘asanaṃ paññāyattī’’ti eteneva ‘‘bhuttāvī’’ti etassa siddhattā visuṃ atthasiddhi na dissati. Dissati ce, aṅgānaṃ chakkattadassananti (vajira. ṭī. pācittiya 238-239) likhitaṃ. ‘‘Bhojanaṃ paññāyatī’’ti abhihaṭaṃ sandhāya vuttaṃ.
годдзд̇ваа гад̇ажун̣н̣амбийд̇и би-гаарзна гун̣д̣агам̣ самбин̣д̣зд̇и. самабаагабхаж̇ж̇ид̇аанам̣ бана аад̇абасугкаанам̣ ваа гун̣д̣агам̣ ваа яз гзжи д̇ан̣д̣улаа ваад̇и зд̇д̇агамзва вуд̇д̇ад̇д̇аа самабаагабхаж̇ж̇ид̇аанам̣ вийхийнам̣, вийхибалаасаанам̣ ваа д̇ан̣д̣улажун̣н̣ам̣ баваарзд̇и. д̇ат̇аа карабаагабхаж̇ж̇ид̇аанам̣ гун̣д̣агамби баваарзд̇и. бхаж̇ж̇ид̇асад̇д̇уяо бин̣д̣зд̇ваа гад̇о абаггасад̇д̇умод̣̇агоби баваарзд̇ийд̇и ликид̇ам̣. сажз авасидтам̣ над̇т̇и, на баваарзд̇и. гасмаа? асанасан̇каад̇асса виббагад̇абхож̇анасса абхаавад̇о.
Koṭṭetvākatacuṇṇampīti pi-kārena kuṇḍakaṃ sampiṇḍeti. Samapākabhajjitānaṃ pana ātapasukkhānaṃ vā kuṇḍakaṃ vā ye keci taṇḍulā vāti ettakameva vuttattā samapākabhajjitānaṃ vīhīnaṃ, vīhipalāsānaṃ vā taṇḍulacuṇṇaṃ pavāreti. Tathā kharapākabhajjitānaṃ kuṇḍakampi pavāreti. Bhajjitasattuyo piṇḍetvā kato apakkasattumodakopi pavāretīti likhitaṃ. Sace avasiṭṭhaṃ natthi, na pavāreti. Kasmā? Asanasaṅkhātassa vippakatabhojanassa abhāvato.
агаббияамам̣сам̣ бана гин̃жааби бадигкибид̇аб̣б̣адтаанз тид̇ам̣, каад̣̇ияамаанам̣ бана мам̣сабхаавам̣ на ж̇ахаад̇и, д̇асмаа баваарзд̇и. бхож̇анасаалааяа бхун̃ж̇анд̇о жз ад̇д̇ано абаабун̣анагодтаасам̣ абхихадам̣ бадигкибад̇и, на баваарзд̇и. гаамам̣ бадигкибад̇и, бад̇д̇з бана аараамигаа аагиранд̇и, д̇ам̣ бхун̃ж̇ид̇ум̣ на ваддад̇и. ид̣̇ан̃хи б̣уд̣̇д̇хаббадигудтааяа анзсанааяа уббаннзязва сан̇кам̣ г̇ажчад̇и. яат̇аа хи сан̇гхад̇о лад̣̇д̇хам̣ бин̣д̣ам̣ д̣̇уссийло д̣̇зд̇и, д̇ан̃жз бадигкибад̇и, на баваарзд̇и, звам̣самбад̣̇амид̣̇анд̇и жа, вибхааг̇о лаж̇ж̇ий жз д̣̇зд̇и, д̇ам̣ со на аж̇жхохарид̇угаамад̇ааяа бадигкибад̇и, баваарзд̇ийд̇и жа, ‘‘самам̣сарасам̣ самажчараса’’нд̇и аабаж̇ж̇анад̇о ‘‘мам̣сараса’’нд̇и вуд̇д̇з бана бадигкибад̇о ход̇и, ‘‘мам̣сасса расам̣ мам̣сараса’’нд̇и аяам̣ виг̇г̇ахо наад̇хиббзд̇од̇и жа вуд̇д̇ам̣. бхад̇д̇амиссагам̣ яааг̇ум̣ аахарид̇ваа ‘‘яааг̇ум̣ г̇ан̣хат̇аа’’д̇и вад̣̇ад̇и, на баваарзд̇и. ‘‘бхад̇д̇ам̣ г̇ан̣хат̇аа’’д̇и вуд̇д̇з баваарзд̇и. гасмаа? язнаабужчид̇о, д̇асса ад̇т̇ид̇ааяа. зд̇т̇а бана ‘‘яааг̇умиссагам̣ г̇ан̣хат̇аа’’д̇и вад̣̇ад̇и, д̇ад̇ра жз яааг̇у б̣ахуд̇араа ваа ход̇и, самасамаа ваа. бхад̇д̇ам̣ манд̣̇ам̣, на баваарзд̇и. яааг̇у жз манд̣̇аа, бхад̇д̇ам̣ б̣ахуд̇арам̣, баваарзд̇и. ид̣̇ан̃жа саб̣б̣аадтагат̇аасу вуд̇д̇ад̇д̇аа на саггаа бадигкибид̇ум̣. гааран̣ам̣ банзд̇т̇а д̣̇уд̣̇д̣̇асам̣. ‘‘бхад̇д̇амиссагам̣ г̇ан̣хат̇аа’’д̇и вад̣̇ад̇и. д̇ад̇ра бхад̇д̇ам̣ б̣ахуд̇арам̣ ваа самагам̣ ваа аббад̇арам̣ ваа ход̇и, баваарзд̇и зва. бхад̇д̇ам̣ ваа яааг̇ум̣ ваа анаамасид̇ваа ‘‘миссагам̣ г̇ан̣хат̇аа’’д̇и вад̣̇ад̇и. д̇ад̇ра жз бхад̇д̇ам̣ б̣ахуд̇арам̣, самагам̣ ваа ход̇и, баваарзд̇и. аббад̇арам̣ на баваарзд̇и. д̇ам̣ саб̣б̣ам̣ виймам̣сид̇аб̣б̣анд̇и.
Akappiyamaṃsaṃ pana kiñcāpi paṭikkhipitabbaṭṭhāne ṭhitaṃ, khādiyamānaṃ pana maṃsabhāvaṃ na jahāti, tasmā pavāreti. Bhojanasālāya bhuñjanto ce attano apāpuṇanakoṭṭhāsaṃ abhihaṭaṃ paṭikkhipati, na pavāreti. Kāmaṃ paṭikkhipati, patte pana ārāmikā ākiranti, taṃ bhuñjituṃ na vaṭṭati. Idañhi buddhappaṭikuṭṭhāya anesanāya uppanneyeva saṅkhaṃ gacchati. Yathā hi saṅghato laddhaṃ piṇḍaṃ dussīlo deti, tañce paṭikkhipati, na pavāreti, evaṃsampadamidanti ca, vibhāgo lajjī ce deti, taṃ so na ajjhoharitukāmatāya paṭikkhipati, pavāretīti ca, ‘‘samaṃsarasaṃ samaccharasa’’nti āpajjanato ‘‘maṃsarasa’’nti vutte pana paṭikkhipato hoti, ‘‘maṃsassa rasaṃ maṃsarasa’’nti ayaṃ viggaho nādhippetoti ca vuttaṃ. Bhattamissakaṃ yāguṃ āharitvā ‘‘yāguṃ gaṇhathā’’ti vadati, na pavāreti. ‘‘Bhattaṃ gaṇhathā’’ti vutte pavāreti. Kasmā? Yenāpucchito, tassa atthitāya. Ettha pana ‘‘yāgumissakaṃ gaṇhathā’’ti vadati, tatra ce yāgu bahutarā vā hoti, samasamā vā. Bhattaṃ mandaṃ, na pavāreti. Yāgu ce mandā, bhattaṃ bahutaraṃ, pavāreti. Idañca sabbaaṭṭhakathāsu vuttattā na sakkā paṭikkhipituṃ. Kāraṇaṃ panettha duddasaṃ. ‘‘Bhattamissakaṃ gaṇhathā’’ti vadati. Tatra bhattaṃ bahutaraṃ vā samakaṃ vā appataraṃ vā hoti, pavāreti eva. Bhattaṃ vā yāguṃ vā anāmasitvā ‘‘missakaṃ gaṇhathā’’ti vadati. Tatra ce bhattaṃ bahutaraṃ, samakaṃ vā hoti, pavāreti. Appataraṃ na pavāreti. Taṃ sabbaṃ vīmaṃsitabbanti.
палам̣ ваа ганд̣̇амуулаад̣̇и ваа бан̃жахи саман̣агаббзхи габбияам̣ агад̇анд̇и зд̇т̇а габбияам̣ агаараабид̇зхи гад̣̇алипалаад̣̇ийхи сад̣̇д̇хим̣ ад̇ирид̇д̇ам̣ гаараабзд̇вааби д̇ам̣ гад̣̇алипалаад̣̇им̣ табзд̇ваа авасзсам̣ бхун̃ж̇ид̇ум̣ ваддад̇и. амиссагарасад̇д̇аа буна д̇аани габбияам̣ гаараабзд̇ваа ан̃н̃асмим̣ бхааж̇анз табзд̇ваа гаарзд̇ваа бхун̃ж̇ид̇ум̣ ваддад̇и. гасмаа? буб̣б̣з д̇зсу винаяагаммасса анаарул̣хад̇д̇аад̇и вад̣̇анд̇и.
Phalaṃvā kandamūlādi vā pañcahi samaṇakappehi kappiyaṃ akatanti ettha kappiyaṃ akārāpitehi kadaliphalādīhi saddhiṃ atirittaṃ kārāpetvāpi taṃ kadaliphalādiṃ ṭhapetvā avasesaṃ bhuñjituṃ vaṭṭati. Amissakarasattā puna tāni kappiyaṃ kārāpetvā aññasmiṃ bhājane ṭhapetvā kāretvā bhuñjituṃ vaṭṭati. Kasmā? Pubbe tesu vinayakammassa anāruḷhattāti vadanti.
бад̇д̇з раж̇ам̣ бад̇ид̇ам̣ аббадиг̇г̇ахид̇амзва ход̇и. д̇асмаа бадиг̇г̇ахзд̇ваава бхигкаа г̇ан̣хид̇аб̣б̣аа. ‘‘абадиг̇г̇ахзд̇ваа г̇ан̣хад̇о винаяад̣̇уггада’’нд̇и (баажи. адта. 265) вуд̇д̇ад̇д̇аа зд̇аман̃н̃зсамби на ваддад̇ийд̇и вад̣̇анд̇и. ‘‘д̇ам̣ бана буна бадиг̇г̇ахзд̇ваа бхун̃ж̇анд̇асса анаабад̇д̇ий’’д̇и зд̇т̇ааби звамзва. имасмим̣ бана ‘‘ад̇ирид̇д̇ам̣ гад̇ам̣ анад̇ирид̇д̇агад̇ам̣ ход̇ий’’д̇и зд̇т̇ааби звамзва. имасмим̣ бана ‘‘ад̇ирид̇д̇ам̣ гад̇ам̣, анад̇ирид̇д̇ам̣ гад̇ам̣ ход̇ий’’д̇иаад̣̇ийхи убабаригкид̇ваа винижчаяо взд̣̇ид̇аб̣б̣од̇и д̣̇ийбид̇ам̣. аламзд̇ам̣ саб̣б̣анд̇и ид̣̇амби д̇з ад̇хигам̣, ид̇о ан̃н̃ам̣ на лажчасийд̇и ад̇т̇о.
Patte rajaṃ patitaṃ appaṭiggahitameva hoti. Tasmā paṭiggahetvāva bhikkhā gaṇhitabbā. ‘‘Apaṭiggahetvā gaṇhato vinayadukkaṭa’’nti (pāci. aṭṭha. 265) vuttattā etamaññesampi na vaṭṭatīti vadanti. ‘‘Taṃ pana puna paṭiggahetvā bhuñjantassa anāpattī’’ti etthāpi evameva. Imasmiṃ pana ‘‘atirittaṃ kataṃ anatirittakataṃ hotī’’ti etthāpi evameva. Imasmiṃ pana ‘‘atirittaṃ kataṃ, anatirittaṃ kataṃ hotī’’tiādīhi upaparikkhitvā vinicchayo veditabboti dīpitaṃ. Alametaṃ sabbanti idampi te adhikaṃ, ito aññaṃ na lacchasīti attho.
аахаарад̇т̇ааяаад̇и вигаалз зваад̇и згз. ‘‘батамагат̇инасад̣̇исаани. ид̣̇ам̣ бана гирияаагирияа’’нд̇и баато. гааяагаммам̣ аж̇жхохаран̣ад̇о. важийгаммам̣ ваажааяа ‘‘ад̇ирид̇д̇ам̣ гарот̇а, бханд̇з’’д̇и агаараабанад̇од̇и взд̣̇ид̇аб̣б̣ам̣.
Āhāratthāyāti vikāle evāti eke. ‘‘Paṭhamakathinasadisāni. Idaṃ pana kiriyākiriya’’nti pāṭho. Kāyakammaṃ ajjhoharaṇato. Vacīkammaṃ vācāya ‘‘atirittaṃ karotha, bhante’’ti akārāpanatoti veditabbaṃ.
батамабавааран̣аасигкаабад̣̇аван̣н̣анаа нидтид̇аа.
Paṭhamapavāraṇāsikkhāpadavaṇṇanā niṭṭhitā.
