| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
5. батамабавааран̣аасигкаабад̣̇аван̣н̣анаа
5. Paṭhamapavāraṇāsikkhāpadavaṇṇanā
236. бан̃жамз бхуд̇д̇аавийд̇и бхуд̇д̇аавино бхуд̇д̇аванд̇о, гад̇абхад̇д̇агижжаад̇и вуд̇д̇ам̣ ход̇и. баваарид̇аад̇и зд̇т̇а жад̇уусу бавааран̣аасу яаавад̣̇ад̇т̇абавааран̣аа бадигкзбабавааран̣аа жа лаб̣бхад̇ийд̇и ааха ‘‘б̣раахман̣зна…бз… бадигкзбабавааран̣ааяа баваарид̇аа’’д̇и. жад̇уб̣б̣ид̇хаа хи бавааран̣аа вассам̣вуд̇т̇абавааран̣аа, бажжаяабавааран̣аа , бадигкзбабавааран̣аа, яаавад̣̇ад̇т̇абавааран̣аад̇и. д̇ад̇т̇а ‘‘ануж̇аанаами, бхигкавз, вассам̣вуд̇т̇аанам̣ бхигкуунам̣ д̇ийхи таанзхи баваарзд̇у’’нд̇и (махаава. 209) аяам̣ вассам̣вуд̇т̇абавааран̣аа. багаарзхи д̣̇идтаад̣̇ийхи ваарзд̇и сан̇гхаад̣̇игз бхаж̇аабзд̇и бхад̇д̇з гарод̇и зд̇ааяаад̇и бавааран̣аа, аабад̇д̇ивисод̇ханааяа ад̇д̇авоссаг̇г̇огаасад̣̇аанам̣. саа бана яасмаа язбхуяязна вассам̣вуд̇т̇зхи гаад̇аб̣б̣аа вуд̇д̇аа, д̇асмаа ‘‘вассам̣вуд̇т̇абавааран̣аа’’д̇и вужжад̇и. ‘‘ижчаамахам̣, бханд̇з, сан̇гхам̣ жаад̇умаасам̣ бхзсаж̇ж̇зна баваарзд̇у’’нд̇и (баажи. 303) жа, ‘‘ан̃н̃ад̇ра буна бавааран̣ааяа ан̃н̃ад̇ра нижжабавааран̣ааяаа’’д̇и (баажи. 306) жа аяам̣ бажжаяабавааран̣аа баваарзд̇и бажжаяз ижчаабзд̇и зд̇ааяаад̇и гад̇ваа, жийвараад̣̇ийхи убаниманд̇анааязд̇ам̣ ад̇хиважанам̣. ‘‘баваарид̇о наама асанам̣ бан̃н̃ааяад̇и, бхож̇анам̣ бан̃н̃ааяад̇и, хад̇т̇абаасз тид̇о абхихарад̇и, бадигкзбо бан̃н̃ааяад̇и, зсо баваарид̇о наамаа’’д̇и (баажи. 239) аяам̣ бадигкзбабавааран̣аа. виббагад̇абхож̇анад̇аад̣̇ибан̃жан̇г̇асахид̇о бхож̇анабадигкзбоязва хзд̇т̇а багаараяуд̇д̇аа вааран̣аад̇и бавааран̣аа. ‘‘бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзсий’’д̇и (ма. ни. 1.363) аяам̣ яаавад̣̇ад̇т̇абавааран̣аа. яаавад̣̇ад̇т̇ам̣ бхож̇анасса бавааран̣аа яаавад̣̇ад̇т̇абавааран̣аа.
236. Pañcame bhuttāvīti bhuttāvino bhuttavanto, katabhattakiccāti vuttaṃ hoti. Pavāritāti ettha catūsu pavāraṇāsu yāvadatthapavāraṇā paṭikkhepapavāraṇā ca labbhatīti āha ‘‘brāhmaṇena…pe… paṭikkhepapavāraṇāya pavāritā’’ti. Catubbidhā hi pavāraṇā vassaṃvutthapavāraṇā, paccayapavāraṇā , paṭikkhepapavāraṇā, yāvadatthapavāraṇāti. Tattha ‘‘anujānāmi, bhikkhave, vassaṃvutthānaṃ bhikkhūnaṃ tīhi ṭhānehi pavāretu’’nti (mahāva. 209) ayaṃ vassaṃvutthapavāraṇā. Pakārehi diṭṭhādīhi vāreti saṅghādike bhajāpeti bhatte karoti etāyāti pavāraṇā, āpattivisodhanāya attavossaggokāsadānaṃ. Sā pana yasmā yebhuyyena vassaṃvutthehi kātabbā vuttā, tasmā ‘‘vassaṃvutthapavāraṇā’’ti vuccati. ‘‘Icchāmahaṃ, bhante, saṅghaṃ cātumāsaṃ bhesajjena pavāretu’’nti (pāci. 303) ca, ‘‘aññatra puna pavāraṇāya aññatra niccapavāraṇāyā’’ti (pāci. 306) ca ayaṃ paccayapavāraṇā pavāreti paccaye icchāpeti etāyāti katvā, cīvarādīhi upanimantanāyetaṃ adhivacanaṃ. ‘‘Pavārito nāma asanaṃ paññāyati, bhojanaṃ paññāyati, hatthapāse ṭhito abhiharati, paṭikkhepo paññāyati, eso pavārito nāmā’’ti (pāci. 239) ayaṃ paṭikkhepapavāraṇā. Vippakatabhojanatādipañcaṅgasahito bhojanapaṭikkhepoyeva hettha pakārayuttā vāraṇāti pavāraṇā. ‘‘Paṇītena khādanīyena bhojanīyena sahatthā santappesi sampavāresī’’ti (ma. ni. 1.363) ayaṃ yāvadatthapavāraṇā. Yāvadatthaṃ bhojanassa pavāraṇā yāvadatthapavāraṇā.
237. д̇и-гаарам̣ авад̇ваа…бз… вад̇д̇ум̣ ваддад̇ийд̇и ид̣̇ам̣ вад̇д̇аб̣б̣аагаарад̣̇ассанад̇т̇ам̣ вуд̇д̇ам̣. ‘‘д̇и-гаарз бана вуд̇д̇зби агад̇ам̣ наама на ход̇ий’’д̇и д̇ийсуби г̇ан̣тибад̣̇зсу вуд̇д̇ам̣.
237.Ti-kāraṃ avatvā…pe… vattuṃ vaṭṭatīti idaṃ vattabbākāradassanatthaṃ vuttaṃ. ‘‘Ti-kāre pana vuttepi akataṃ nāma na hotī’’ti tīsupi gaṇṭhipadesu vuttaṃ.
238-239. баваарид̇од̇и бадигкзбид̇о. яо хи бхун̃ж̇анд̇о баривзсагзна убанийд̇ам̣ бхож̇анам̣ анижчанд̇о бадигкибад̇и, со д̇зна баваарид̇о бадигкзбид̇о наама ход̇и. б̣яан̃ж̇анам̣ бана анаад̣̇ияид̇ваа ад̇т̇амад̇д̇амзва д̣̇ассзд̇ум̣ ‘‘гад̇абавааран̣о гад̇абадигкзбо’’д̇и вуд̇д̇ам̣. яасмаа ‘‘асана’’нд̇и иминаава бад̣̇зна ‘‘бхуд̇д̇аавий’’д̇и имасса ад̇т̇о вуд̇д̇о, д̇асмаа на д̇асса гин̃жи баяож̇анам̣ висум̣ убалаб̣бхад̇и. яад̣̇и хи убалаб̣бхзяяа, бавааран̣аа чал̣ан̇г̇асаманнааг̇ад̇аа аабаж̇ж̇зяяаад̇и манаси гад̇ваа бан̃жасаманнааг̇ад̇ад̇д̇ам̣язва д̣̇ассзд̇ум̣ ‘‘вуд̇д̇амби жзд̇а’’нд̇иаад̣̇инаа баал̣им̣ аахарад̇и. гзжи бана ‘‘хад̇т̇абаасз тид̇о абхихарад̇ий’’д̇и згамзва ан̇г̇ам̣ гад̇ваа ‘‘жад̇уран̇г̇асаманнааг̇ад̇аа бавааран̣аа’’д̇иби вад̣̇анд̇и.
238-239.Pavāritoti paṭikkhepito. Yo hi bhuñjanto parivesakena upanītaṃ bhojanaṃ anicchanto paṭikkhipati, so tena pavārito paṭikkhepito nāma hoti. Byañjanaṃ pana anādiyitvā atthamattameva dassetuṃ ‘‘katapavāraṇo katapaṭikkhepo’’ti vuttaṃ. Yasmā ‘‘asana’’nti imināva padena ‘‘bhuttāvī’’ti imassa attho vutto, tasmā na tassa kiñci payojanaṃ visuṃ upalabbhati. Yadi hi upalabbheyya, pavāraṇā chaḷaṅgasamannāgatā āpajjeyyāti manasi katvā pañcasamannāgatattaṃyeva dassetuṃ ‘‘vuttampi ceta’’ntiādinā pāḷiṃ āharati. Keci pana ‘‘hatthapāse ṭhito abhiharatī’’ti ekameva aṅgaṃ katvā ‘‘caturaṅgasamannāgatā pavāraṇā’’tipi vadanti.
амб̣илабааяаасаад̣̇ийсууд̇и аад̣̇и-сад̣̇д̣̇зна кийрабааяаасаад̣̇им̣ сан̇г̇ан̣хаад̇и. д̇ад̇т̇а амб̣илабааяаасаг̇г̇ахан̣зна д̇аггаад̣̇иамб̣иласам̣яуд̇д̇аа гханаяааг̇у вуд̇д̇аа. кийрабааяаасаг̇г̇ахан̣зна кийрасам̣яуд̇д̇аа яааг̇у сан̇г̇аяхад̇и. бавааран̣ам̣ на ж̇анзд̇ийд̇и анад̇ирид̇д̇абхож̇анаабад̇д̇иниб̣анд̇ханам̣ бадигкзбам̣ на саад̇хзд̇и. гад̇оби бадигкзбо анад̇ирид̇д̇абхож̇анаабад̇д̇иниб̣анд̇хано на ход̇ийд̇и агад̇адтаанзязва д̇идтад̇ийд̇и ааха ‘‘бавааран̣ам̣ на ж̇анзд̇ий’’д̇и. ‘‘яааг̇у-сад̣̇д̣̇асса бавааран̣аж̇анагаяааг̇уяааби саад̇хааран̣ад̇д̇аа ‘яааг̇ум̣ г̇ан̣хат̇аа’д̇и вуд̇д̇зби бавааран̣аа ход̇ийд̇и бавааран̣ам̣ ж̇анзд̇иязваад̇и вуд̇д̇а’’нд̇и д̇ийсуби г̇ан̣тибад̣̇зсу вуд̇д̇ам̣, д̇ам̣ барад̇о д̇ад̇т̇зва ‘‘бхад̇д̇амиссагам̣ яааг̇ум̣ аахарид̇ваа’’д̇и зд̇т̇а вуд̇д̇агааран̣зна на самзд̇и. вуд̇д̇ан̃хи д̇ад̇т̇а ‘‘хздтаа аяааг̇угз ниманд̇анз уд̣̇агаган̃ж̇игакийраад̣̇ийхи сад̣̇д̇хим̣ мад̣̇д̣̇ид̇ам̣ бхад̇д̇амзва санд̇хааяа ‘яааг̇ум̣ г̇ан̣хат̇аа’д̇и вуд̇д̇ад̇д̇аа бавааран̣аа ход̇и, ‘бхад̇д̇амиссагам̣ яааг̇ум̣ аахарид̇ваа’д̇и зд̇т̇а бана висум̣ яааг̇уяаа виж̇ж̇амаанад̇д̇аа бавааран̣аа на ход̇ий’’д̇и. д̇асмаа д̇ад̇т̇а вуд̇д̇анаязнзва кийраад̣̇ийхи сам̣мад̣̇д̣̇ид̇ам̣ бхад̇д̇амзва санд̇хааяа ‘‘яааг̇ум̣ г̇ан̣хат̇аа’’д̇и вуд̇д̇ад̇д̇аа яааг̇уяаа жа д̇ад̇т̇а абхаавад̇о бавааран̣аа ход̇ийд̇и звамзд̇т̇а гааран̣ам̣ вад̇д̇аб̣б̣ам̣. зван̃хи сад̇и барад̇о ‘‘язнаабужчид̇о, д̇асса ад̇т̇ид̇ааяаа’’д̇и адтагат̇ааяам̣ вуд̇д̇агааран̣знаби сам̣санд̣̇ад̇и, ан̃н̃ат̇аа г̇ан̣тибад̣̇зсуязва буб̣б̣аабаравирод̇хо аабаж̇ж̇ад̇и. адтагат̇ааважанзна жа на самзд̇и. сажз…бз… бан̃н̃ааяад̇ийд̇и иминаа вуд̇д̇аббамаан̣асса мажчамам̣сакан̣д̣асса нахааруно ваа саб̣бхаавамад̇д̇ам̣ д̣̇ассзд̇и. д̇аахийд̇и бут̇угаахи.
Ambilapāyāsādīsūti ādi-saddena khīrapāyāsādiṃ saṅgaṇhāti. Tattha ambilapāyāsaggahaṇena takkādiambilasaṃyuttā ghanayāgu vuttā. Khīrapāyāsaggahaṇena khīrasaṃyuttā yāgu saṅgayhati. Pavāraṇaṃ na janetīti anatirittabhojanāpattinibandhanaṃ paṭikkhepaṃ na sādheti. Katopi paṭikkhepo anatirittabhojanāpattinibandhano na hotīti akataṭṭhāneyeva tiṭṭhatīti āha ‘‘pavāraṇaṃ na janetī’’ti. ‘‘Yāgu-saddassa pavāraṇajanakayāguyāpi sādhāraṇattā ‘yāguṃ gaṇhathā’ti vuttepi pavāraṇā hotīti pavāraṇaṃ janetiyevāti vutta’’nti tīsupi gaṇṭhipadesu vuttaṃ, taṃ parato tattheva ‘‘bhattamissakaṃ yāguṃ āharitvā’’ti ettha vuttakāraṇena na sameti. Vuttañhi tattha ‘‘heṭṭhā ayāguke nimantane udakakañjikakhīrādīhi saddhiṃ madditaṃ bhattameva sandhāya ‘yāguṃ gaṇhathā’ti vuttattā pavāraṇā hoti, ‘bhattamissakaṃ yāguṃ āharitvā’ti ettha pana visuṃ yāguyā vijjamānattā pavāraṇā na hotī’’ti. Tasmā tattha vuttanayeneva khīrādīhi saṃmadditaṃ bhattameva sandhāya ‘‘yāguṃ gaṇhathā’’ti vuttattā yāguyā ca tattha abhāvato pavāraṇā hotīti evamettha kāraṇaṃ vattabbaṃ. Evañhi sati parato ‘‘yenāpucchito, tassa atthitāyā’’ti aṭṭhakathāyaṃ vuttakāraṇenapi saṃsandati, aññathā gaṇṭhipadesuyeva pubbāparavirodho āpajjati. Aṭṭhakathāvacanena ca na sameti. Sace…pe… paññāyatīti iminā vuttappamāṇassa macchamaṃsakhaṇḍassa nahāruno vā sabbhāvamattaṃ dasseti. Tāhīti puthukāhi.
сааливийхияавзхи гад̇асад̇д̇ууд̇и язбхуяяанаязна вуд̇д̇ам̣, сад̇д̇а д̇хан̃н̃аани бана бхаж̇ж̇ид̇ваа гад̇оби сад̇д̇уязва. д̇знзвааха ‘‘ган̇г̇уварага…бз… сад̇д̇усан̇г̇ахамзва г̇ажчад̇ий’’д̇и. сад̇д̇умод̣̇агод̇и сад̇д̇уяо бин̣д̣зд̇ваа гад̇о абагго сад̇д̇уг̇ул̣о. бан̃жаннам̣ бхож̇анаанам̣ ан̃н̃ад̇аравасзна виббагад̇абхож̇анабхаавасса убажчиннад̇д̇аа ‘‘мукз саасабамад̇д̇амби…бз… на баваарзд̇ий’’д̇и вуд̇д̇ам̣. ‘‘агаббияамам̣сам̣ бадигкибад̇и, на баваарзд̇ий’’д̇и важанад̇о сажз сан̇гхигам̣ лаабхам̣ ад̇д̇ано абаабун̣анд̇ам̣ ж̇аанид̇ваа ваа аж̇аанид̇ваа ваа бадигкибад̇и, на баваарзд̇и бадигкибид̇аб̣б̣ассзва бадигкид̇д̇ад̇д̇аа. алаж̇ж̇исанд̇агам̣ бадигкибанд̇оби на баваарзд̇и. авад̇т̇уд̇ааяаад̇и анад̇ирид̇д̇аабад̇д̇исаад̇хигааяа бавааран̣ааяа авад̇т̇убхаавад̇о. зд̇зна бадигкибид̇аб̣б̣ассзва бадигкид̇д̇абхаавам̣ д̣̇ийбзд̇и . яан̃хи бадигкибид̇аб̣б̣ам̣ ход̇и, д̇асса бадигкзбо аабад̇д̇иан̇г̇ам̣ на ход̇ийд̇и д̇ам̣ ‘‘бавааран̣ааяа авад̇т̇уу’’д̇и вужжад̇и.
Sālivīhiyavehi katasattūti yebhuyyanayena vuttaṃ, satta dhaññāni pana bhajjitvā katopi sattuyeva. Tenevāha ‘‘kaṅguvaraka…pe… sattusaṅgahameva gacchatī’’ti. Sattumodakoti sattuyo piṇḍetvā kato apakko sattuguḷo. Pañcannaṃ bhojanānaṃ aññataravasena vippakatabhojanabhāvassa upacchinnattā ‘‘mukhe sāsapamattampi…pe… na pavāretī’’ti vuttaṃ. ‘‘Akappiyamaṃsaṃ paṭikkhipati, na pavāretī’’ti vacanato sace saṅghikaṃ lābhaṃ attano apāpuṇantaṃ jānitvā vā ajānitvā vā paṭikkhipati, na pavāreti paṭikkhipitabbasseva paṭikkhittattā. Alajjisantakaṃ paṭikkhipantopi na pavāreti. Avatthutāyāti anatirittāpattisādhikāya pavāraṇāya avatthubhāvato. Etena paṭikkhipitabbasseva paṭikkhittabhāvaṃ dīpeti . Yañhi paṭikkhipitabbaṃ hoti, tassa paṭikkhepo āpattiaṅgaṃ na hotīti taṃ ‘‘pavāraṇāya avatthū’’ti vuccati.
убанаамзд̇ийд̇и иминаа гааяаабхихаарам̣ д̣̇ассзд̇и. хад̇т̇абаасад̇о б̣ахи тид̇асса сад̇иби д̣̇аад̇угаамаабхихаарз бадигкибанд̇асса д̣̇уурабхаавзнзва бавааран̣ааяа абхаавад̇о т̇зрассаби д̣̇уурабхаавамад̇д̇ам̣ г̇ахзд̇ваа бавааран̣ааяа абхаавам̣ д̣̇ассзнд̇о ‘‘т̇зрасса д̣̇уурабхаавад̇о’’д̇и ааха, на бана т̇зрасса абхихаарасаб̣бхаавад̇о. сажзби г̇ахзд̇ваа г̇ад̇о хад̇т̇абаасз тид̇о ход̇и, гин̃жи бана авад̇ваа аад̇хаарагадтаанз тид̇ад̇д̇аа абхихааро наама на ход̇ийд̇и ‘‘д̣̇ууд̇асса жа анабхихаран̣ад̇о’’д̇и вуд̇д̇ам̣. ‘‘г̇ахзд̇ваа г̇ад̇зна ‘бхад̇д̇ам̣ г̇ан̣хат̇аа’д̇и вуд̇д̇з абхихааро наама ход̇ийд̇и ‘сажз бана г̇ахзд̇ваа ааг̇ад̇о бхигку…бз… бавааран̣аа ход̇ий’д̇и вуд̇д̇а’’нд̇и д̇ийсуби г̇ан̣тибад̣̇зсу вуд̇д̇ам̣. гзжи бана ‘‘бад̇д̇ам̣ гин̃жи убанаамзд̇ваа ‘имам̣ бхад̇д̇ам̣ г̇ан̣хат̇аа’д̇и вуд̇д̇анд̇и г̇ахзд̇аб̣б̣а’’нд̇и вад̣̇анд̇и, д̇ам̣ яуд̇д̇ам̣ вияа д̣̇иссад̇и ваажаабхихаарасса ид̇ха анад̇хиббзд̇ад̇д̇аа.
Upanāmetīti iminā kāyābhihāraṃ dasseti. Hatthapāsato bahi ṭhitassa satipi dātukāmābhihāre paṭikkhipantassa dūrabhāveneva pavāraṇāya abhāvato therassapi dūrabhāvamattaṃ gahetvā pavāraṇāya abhāvaṃ dassento ‘‘therassa dūrabhāvato’’ti āha, na pana therassa abhihārasabbhāvato. Sacepi gahetvā gato hatthapāse ṭhito hoti, kiñci pana avatvā ādhārakaṭṭhāne ṭhitattā abhihāro nāma na hotīti ‘‘dūtassa ca anabhiharaṇato’’ti vuttaṃ. ‘‘Gahetvā gatena ‘bhattaṃ gaṇhathā’ti vutte abhihāro nāma hotīti ‘sace pana gahetvā āgato bhikkhu…pe… pavāraṇā hotī’ti vutta’’nti tīsupi gaṇṭhipadesu vuttaṃ. Keci pana ‘‘pattaṃ kiñci upanāmetvā ‘imaṃ bhattaṃ gaṇhathā’ti vuttanti gahetabba’’nti vadanti, taṃ yuttaṃ viya dissati vācābhihārassa idha anadhippetattā.
баривзсанааяаад̇и бхад̇д̇аг̇г̇з. абхихадаава ход̇ийд̇и баривзсагзнзва абхихадаа ход̇и. д̇ад̇о д̣̇аад̇угаамад̇ааяа г̇ан̣ханд̇ам̣ бадигкибанд̇асса бавааран̣аа ход̇ийд̇и зд̇т̇а аг̇ан̣ханд̇амби бадигкибад̇о бавааран̣аа ход̇иязва. гасмаа? д̣̇аад̇угаамад̇ааяа абхихадад̇д̇аа. ‘‘д̇асмаа саа абхихадаава ход̇ий’’д̇и хи вуд̇д̇ам̣. д̇знзва д̇ийсуби г̇ан̣тибад̣̇зсу ‘‘д̣̇аад̇угаамаабхихаарз сад̇и гзвалам̣ ‘д̣̇ассаамий’д̇и г̇ахан̣амзва абхихааро наама на ход̇и, ‘д̣̇ассаамий’д̇и г̇ан̣ханд̇зби аг̇ан̣ханд̇зби д̣̇аад̇угаамаабхихаарова абхихааро наама ход̇и, д̇асмаа г̇ахан̣асамаяз ваа аг̇г̇ахан̣асамаяз ваа д̇ам̣ бадигкибад̇о бавааран̣аа ход̇ий’’д̇и вуд̇д̇ам̣. ид̣̇аани асад̇и д̇асса д̣̇аад̇угаамаабхихаарз г̇ахан̣асамаязби бадигкибад̇о бавааран̣аа на ход̇ийд̇и д̣̇ассзд̇ум̣ ‘‘сажз банаа’’д̇иаад̣̇и вуд̇д̇ам̣.
Parivesanāyāti bhattagge. Abhihaṭāva hotīti parivesakeneva abhihaṭā hoti. Tato dātukāmatāya gaṇhantaṃ paṭikkhipantassa pavāraṇā hotīti ettha agaṇhantampi paṭikkhipato pavāraṇā hotiyeva. Kasmā? Dātukāmatāya abhihaṭattā. ‘‘Tasmā sā abhihaṭāva hotī’’ti hi vuttaṃ. Teneva tīsupi gaṇṭhipadesu ‘‘dātukāmābhihāre sati kevalaṃ ‘dassāmī’ti gahaṇameva abhihāro nāma na hoti, ‘dassāmī’ti gaṇhantepi agaṇhantepi dātukāmābhihārova abhihāro nāma hoti, tasmā gahaṇasamaye vā aggahaṇasamaye vā taṃ paṭikkhipato pavāraṇā hotī’’ti vuttaṃ. Idāni asati tassa dātukāmābhihāre gahaṇasamayepi paṭikkhipato pavāraṇā na hotīti dassetuṃ ‘‘sace panā’’tiādi vuttaṃ.
‘‘расам̣ г̇ан̣хат̇аа’’д̇и абавааран̣аж̇анагасса наамам̣ г̇ахзд̇ваа вуд̇д̇ад̇д̇аа ‘‘д̇ам̣ суд̇ваа бадигкибад̇о бавааран̣аа над̇т̇ий’’д̇и вуд̇д̇ам̣. мажчарасам̣ мам̣сарасанд̇и зд̇т̇а бана на гзвалам̣ мажчасса расам̣ мажчарасамижжзва вин̃н̃ааяад̇и, ат̇а ко мажчо жа мажчарасан̃жа мажчарасанд̇и звам̣ бавааран̣аж̇анагасаад̇хааран̣анаамавасзнаби вин̃н̃ааяамаанад̇д̇аа д̇ам̣ бадигкибад̇о бавааран̣аава ход̇и. барад̇о мажчасуубанд̇и зд̇т̇ааби зсзва наяо. ‘‘ид̣̇ам̣ г̇ан̣хат̇аа’’д̇и вуд̇д̇збийд̇и зд̇т̇а звам̣ авад̇вааби бавааран̣абахонагам̣ яам̣гин̃жи абхихадам̣ бадигкибад̇о бавааран̣аа ход̇иязваад̇и д̣̇адтаб̣б̣ам̣. гарамб̣агод̇и миссагаад̇хиважанамзд̇ам̣. яан̃хи ан̃н̃знан̃н̃зна миссзд̇ваа гаронд̇и, со ‘‘гарамб̣аго’’д̇и вужжад̇и. со сажзби мам̣сзна миссзд̇ваа гад̇ова ход̇и, ‘‘гарамб̣агам̣ г̇ан̣хат̇аа’’д̇и абавааран̣аарахасса наамзна вуд̇д̇ад̇д̇аа бадигкибад̇о бавааран̣аа на ход̇и. ‘‘мам̣сагарамб̣агам̣ г̇ан̣хат̇аа’’д̇и вуд̇д̇з бана мам̣самиссагам̣ г̇ан̣хат̇аад̇и вуд̇д̇ам̣ ход̇и, д̇асмаа бавааран̣аава ход̇и.
‘‘Rasaṃ gaṇhathā’’ti apavāraṇajanakassa nāmaṃ gahetvā vuttattā ‘‘taṃ sutvā paṭikkhipato pavāraṇā natthī’’ti vuttaṃ. Maccharasaṃ maṃsarasanti ettha pana na kevalaṃ macchassa rasaṃ maccharasamicceva viññāyati, atha kho maccho ca maccharasañca maccharasanti evaṃ pavāraṇajanakasādhāraṇanāmavasenapi viññāyamānattā taṃ paṭikkhipato pavāraṇāva hoti. Parato macchasūpanti etthāpi eseva nayo. ‘‘Idaṃ gaṇhathā’’ti vuttepīti ettha evaṃ avatvāpi pavāraṇapahonakaṃ yaṃkiñci abhihaṭaṃ paṭikkhipato pavāraṇā hotiyevāti daṭṭhabbaṃ. Karambakoti missakādhivacanametaṃ. Yañhi aññenaññena missetvā karonti, so ‘‘karambako’’ti vuccati. So sacepi maṃsena missetvā katova hoti, ‘‘karambakaṃ gaṇhathā’’ti apavāraṇārahassa nāmena vuttattā paṭikkhipato pavāraṇā na hoti. ‘‘Maṃsakarambakaṃ gaṇhathā’’ti vutte pana maṃsamissakaṃ gaṇhathāti vuttaṃ hoti, tasmā pavāraṇāva hoti.
‘‘уд̣̇д̣̇иссагад̇а’’нд̇и ман̃н̃амаанод̇и зд̇т̇а ‘‘вад̇т̇уно габбияад̇д̇аа агаббияасан̃н̃ааяа бадигкибад̇оби ажид̇д̇агад̇д̇аа имасса сигкаабад̣̇асса бавааран̣аа ход̇ий’’д̇и вад̣̇анд̇и. ‘‘хздтаа аяааг̇угз ниманд̇анз уд̣̇агаган̃ж̇игакийраад̣̇ийхи сад̣̇д̇хим̣ мад̣̇д̣̇ид̇ам̣ бхад̇д̇амзва санд̇хааяа ‘яааг̇ум̣ г̇ан̣хат̇аа’д̇и вуд̇д̇ад̇д̇аа бавааран̣аа ход̇и, ‘бхад̇д̇амиссагам̣ яааг̇ум̣ аахарид̇ваа’д̇и зд̇т̇а бана висум̣ яааг̇уяаа виж̇ж̇амаанад̇д̇аа бавааран̣аа на ход̇ий’’д̇и вад̣̇анд̇и. аяамзд̇т̇а ад̇хиббааяод̇и ‘‘язнаабужчид̇о’’д̇иаад̣̇инаа вуд̇д̇амзвад̇т̇ам̣ санд̇хааяа вад̣̇ад̇и. гааран̣ам̣ банзд̇т̇а д̣̇уд̣̇д̣̇асанд̇и зд̇т̇а згз д̇аава вад̣̇анд̇и ‘‘яасмаа яааг̇умиссагам̣ наама бхад̇д̇амзва на ход̇и, кийраад̣̇игамби ход̇иязва, д̇асмаа гарамб̣агз вияа бавааран̣ааяа на бхавид̇аб̣б̣ам̣. зван̃жа сад̇и яааг̇у б̣ахуд̇араа ваа ход̇и самасамаа ваа, на баваарзд̇и. ‘яааг̇у манд̣̇аа, бхад̇д̇ам̣ б̣ахуд̇арам̣, баваарзд̇ий’д̇и зд̇т̇а гааран̣ам̣ д̣̇уд̣̇д̣̇аса’’нд̇и. гзжи бана вад̣̇анд̇и ‘‘яааг̇умиссагам̣ наама бхад̇д̇ам̣, д̇асмаа д̇ам̣ бадигкибад̇о бавааран̣ааяа зва бхавид̇аб̣б̣ам̣. зван̃жа сад̇и ‘ид̇ха бавааран̣аа ход̇и на ход̇ий’д̇и зд̇т̇а гааран̣ам̣ д̣̇уд̣̇д̣̇аса’’нд̇и.
‘‘Uddissakata’’nti maññamānoti ettha ‘‘vatthuno kappiyattā akappiyasaññāya paṭikkhipatopi acittakattā imassa sikkhāpadassa pavāraṇā hotī’’ti vadanti. ‘‘Heṭṭhā ayāguke nimantane udakakañjikakhīrādīhi saddhiṃ madditaṃ bhattameva sandhāya ‘yāguṃ gaṇhathā’ti vuttattā pavāraṇā hoti, ‘bhattamissakaṃ yāguṃ āharitvā’ti ettha pana visuṃ yāguyā vijjamānattā pavāraṇā na hotī’’ti vadanti. Ayamettha adhippāyoti ‘‘yenāpucchito’’tiādinā vuttamevatthaṃ sandhāya vadati. Kāraṇaṃ panettha duddasanti ettha eke tāva vadanti ‘‘yasmā yāgumissakaṃ nāma bhattameva na hoti, khīrādikampi hotiyeva, tasmā karambake viya pavāraṇāya na bhavitabbaṃ. Evañca sati yāgu bahutarā vā hoti samasamā vā, na pavāreti. ‘Yāgu mandā, bhattaṃ bahutaraṃ, pavāretī’ti ettha kāraṇaṃ duddasa’’nti. Keci pana vadanti ‘‘yāgumissakaṃ nāma bhattaṃ, tasmā taṃ paṭikkhipato pavāraṇāya eva bhavitabbaṃ. Evañca sati ‘idha pavāraṇā hoti na hotī’ti ettha kāraṇaṃ duddasa’’nti.
яат̇аа жзд̇т̇а гааран̣ам̣ д̣̇уд̣̇д̣̇асам̣, звам̣ барад̇о ‘‘миссагам̣ г̇ан̣хат̇аа’’д̇и зд̇т̇ааби гааран̣ам̣ д̣̇уд̣̇д̣̇асамзваад̇и взд̣̇ид̇аб̣б̣ам̣. на хи бавааран̣аббахонагасса аббаб̣ахубхааво бавааран̣ааяа бхааваабхааванимид̇д̇ам̣, гин̃жарахи бавааран̣аж̇анагасса наамаг̇г̇ахан̣амзвзд̇т̇а бамаан̣ам̣, д̇асмаа ‘‘ид̣̇ан̃жа гарамб̣агзна на самаанзд̇аб̣б̣а’’нд̇иаад̣̇инаа яамби гааран̣ам̣ вуд̇д̇ам̣, д̇амби буб̣б̣з вуд̇д̇зна сам̣санд̣̇ияамаанам̣ на самзд̇и. яад̣̇и хи ‘‘миссага’’нд̇и бхад̇д̇амиссагзязва рул̣хам̣ сияаа, звам̣ сад̇и яат̇аа ‘‘бхад̇д̇амиссагам̣ г̇ан̣хат̇аа’’д̇и вуд̇д̇з бхад̇д̇ам̣ б̣ахуд̇арам̣ ваа самам̣ ваа аббад̇арам̣ ваа ход̇и, баваарзд̇иязва, звам̣ ‘‘миссагам̣ г̇ан̣хат̇аа’’д̇и вуд̇д̇зби аббад̇арзби бхад̇д̇з бавааран̣ааяа бхавид̇аб̣б̣ам̣ миссаганд̇и бхад̇д̇амиссагзязва рул̣хад̇д̇аа. д̇ат̇аа хи ‘‘миссаганд̇и бхад̇д̇амиссагзязва рул̣хавохаарад̇д̇аа ид̣̇ам̣ бана ‘бхад̇д̇амиссагамзваа’д̇и вуд̇д̇а’’нд̇и д̇ийсуби г̇ан̣тибад̣̇зсу вуд̇д̇ам̣. ат̇а ‘‘миссага’’нд̇и бхад̇д̇амиссагз рул̣хам̣ на ход̇и, миссагабхад̇д̇ам̣ бана санд̇хааяа ‘‘миссагам̣ г̇ан̣хат̇аа’’д̇и вуд̇д̇анд̇и. звамби яат̇аа аяааг̇угз ниманд̇анз кийраад̣̇ийхи сад̣̇д̇хим̣ мад̣̇д̣̇ид̇ам̣ бхад̇д̇амзва санд̇хааяа ‘‘яааг̇ум̣ г̇ан̣хат̇аа’’д̇и вуд̇д̇з бавааран̣аа ход̇и, звамид̇хааби миссагабхад̇д̇амзва санд̇хааяа ‘‘миссагам̣ г̇ан̣хат̇аа’’д̇и вуд̇д̇з бхад̇д̇ам̣ аббам̣ ваа ход̇у б̣аху ваа, бавааран̣аа зва сияаа. д̇асмаа ‘‘миссага’’нд̇и бхад̇д̇амиссагз рул̣хам̣ ваа ход̇у санд̇хааяабхаасид̇ам̣ ваа, убхаяад̇т̇ааби буб̣б̣знаабарам̣ на самзд̇ийд̇и гимзд̇т̇а гааран̣ажинд̇ааяа, ийд̣̇исзсу бана таанзсу адтагат̇аабамаан̣знзва г̇анд̇аб̣б̣анд̇и аяам̣ амхаагам̣ канд̇и.
Yathā cettha kāraṇaṃ duddasaṃ, evaṃ parato ‘‘missakaṃ gaṇhathā’’ti etthāpi kāraṇaṃ duddasamevāti veditabbaṃ. Na hi pavāraṇappahonakassa appabahubhāvo pavāraṇāya bhāvābhāvanimittaṃ, kiñcarahi pavāraṇajanakassa nāmaggahaṇamevettha pamāṇaṃ, tasmā ‘‘idañca karambakena na samānetabba’’ntiādinā yampi kāraṇaṃ vuttaṃ, tampi pubbe vuttena saṃsandiyamānaṃ na sameti. Yadi hi ‘‘missaka’’nti bhattamissakeyeva ruḷhaṃ siyā, evaṃ sati yathā ‘‘bhattamissakaṃ gaṇhathā’’ti vutte bhattaṃ bahutaraṃ vā samaṃ vā appataraṃ vā hoti, pavāretiyeva, evaṃ ‘‘missakaṃ gaṇhathā’’ti vuttepi appatarepi bhatte pavāraṇāya bhavitabbaṃ missakanti bhattamissakeyeva ruḷhattā. Tathā hi ‘‘missakanti bhattamissakeyeva ruḷhavohārattā idaṃ pana ‘bhattamissakamevā’ti vutta’’nti tīsupi gaṇṭhipadesu vuttaṃ. Atha ‘‘missaka’’nti bhattamissake ruḷhaṃ na hoti, missakabhattaṃ pana sandhāya ‘‘missakaṃ gaṇhathā’’ti vuttanti. Evampi yathā ayāguke nimantane khīrādīhi saddhiṃ madditaṃ bhattameva sandhāya ‘‘yāguṃ gaṇhathā’’ti vutte pavāraṇā hoti, evamidhāpi missakabhattameva sandhāya ‘‘missakaṃ gaṇhathā’’ti vutte bhattaṃ appaṃ vā hotu bahu vā, pavāraṇā eva siyā. Tasmā ‘‘missaka’’nti bhattamissake ruḷhaṃ vā hotu sandhāyabhāsitaṃ vā, ubhayatthāpi pubbenāparaṃ na sametīti kimettha kāraṇacintāya, īdisesu pana ṭhānesu aṭṭhakathāpamāṇeneva gantabbanti ayaṃ amhākaṃ khanti.
‘‘висум̣ гад̇ваа д̣̇зд̇ийд̇и бхад̇д̇асса убари тид̇ам̣ расаад̣̇им̣ висум̣ г̇ахзд̇ваа д̣̇зд̇ий’’д̇и д̇ийсуби г̇ан̣тибад̣̇зсу вуд̇д̇ам̣. гзнажи бана ‘‘яат̇аа бхад̇д̇асид̇т̇ам̣ на бад̇ад̇и, д̇ат̇аа г̇аал̣хам̣ хад̇т̇зна бийл̣зд̇ваа бариссаавзд̇ваа д̣̇зд̇ий’’д̇и вуд̇д̇ам̣. д̇ат̇ааби гааран̣ам̣ на д̣̇иссад̇и. яат̇аа хи бхад̇д̇амиссагам̣ яааг̇ум̣ аахарид̇ваа ‘‘яааг̇ум̣ г̇ан̣хат̇аа’’д̇и вад̇ваа яааг̇умиссагам̣ бхад̇д̇амби д̣̇знд̇ам̣ бадигкибад̇о бавааран̣аа на ход̇и, звамид̇хааби б̣ахукийрарасаад̣̇ийсу бхад̇д̇зсу ‘‘кийрам̣ г̇ан̣хат̇аа’’д̇иаад̣̇ийни вад̇ваа кийраад̣̇ийни ваа д̣̇зд̇у кийраад̣̇имиссагабхад̇д̇ам̣ ваа, убхаяат̇ааби бавааран̣ааяа на бхавид̇аб̣б̣ам̣, д̇асмаа ‘‘висум̣ гад̇ваа д̣̇зд̇ий’’д̇и д̇знаагаарзна д̣̇знд̇ам̣ санд̇хааяа вуд̇д̇ам̣, на бана бхад̇д̇амиссагам̣ гад̇ваа д̣̇ияяамаанам̣ бадигкибад̇о бавааран̣аа ход̇ийд̇и д̣̇ассанад̇т̇анд̇и г̇ахзд̇аб̣б̣ам̣. яад̣̇и бана бхад̇д̇амиссагам̣ гад̇ваа д̣̇ияяамаанз бавааран̣аа ход̇ийд̇и ад̇хиббааязна адтагат̇ааяам̣ ‘‘висум̣ гад̇ваа д̣̇зд̇ий’’д̇и вуд̇д̇ам̣, звам̣ сад̇и адтагат̇ааязвзд̇т̇а бамаан̣анд̇и г̇ахзд̇аб̣б̣ам̣, на бана гааран̣анд̇арам̣ г̇авзсид̇аб̣б̣ам̣.
‘‘Visuṃkatvā detīti bhattassa upari ṭhitaṃ rasādiṃ visuṃ gahetvā detī’’ti tīsupi gaṇṭhipadesu vuttaṃ. Kenaci pana ‘‘yathā bhattasitthaṃ na patati, tathā gāḷhaṃ hatthena pīḷetvā parissāvetvā detī’’ti vuttaṃ. Tathāpi kāraṇaṃ na dissati. Yathā hi bhattamissakaṃ yāguṃ āharitvā ‘‘yāguṃ gaṇhathā’’ti vatvā yāgumissakaṃ bhattampi dentaṃ paṭikkhipato pavāraṇā na hoti, evamidhāpi bahukhīrarasādīsu bhattesu ‘‘khīraṃ gaṇhathā’’tiādīni vatvā khīrādīni vā detu khīrādimissakabhattaṃ vā, ubhayathāpi pavāraṇāya na bhavitabbaṃ, tasmā ‘‘visuṃ katvā detī’’ti tenākārena dentaṃ sandhāya vuttaṃ, na pana bhattamissakaṃ katvā diyyamānaṃ paṭikkhipato pavāraṇā hotīti dassanatthanti gahetabbaṃ. Yadi pana bhattamissakaṃ katvā diyyamāne pavāraṇā hotīti adhippāyena aṭṭhakathāyaṃ ‘‘visuṃ katvā detī’’ti vuttaṃ, evaṃ sati aṭṭhakathāyevettha pamāṇanti gahetabbaṃ, na pana kāraṇantaraṃ gavesitabbaṃ.
сажз уггудигам̣ нисинно баад̣̇з амун̃жид̇вааби бхуумияам̣ нисийд̣̇ад̇и, ирияаабат̇ам̣ вигобзнд̇о наама ход̇ийд̇и уггудигаасанам̣ авигобзд̇ваава сукзна нисийд̣̇ид̇ум̣ ‘‘д̇асса бана хздтаа…бз… нисийд̣̇анагам̣ д̣̇аад̇аб̣б̣а’’нд̇и вуд̇д̇ам̣. ‘‘аасанам̣ ажаалзд̇ваад̇и бийтз пудтогаасад̇о аанисад̣̇амам̣сам̣ аможзд̇ваа, анудтахид̇ваад̇и вуд̇д̇ам̣ ход̇и, ад̣̇иннаад̣̇аанз вияа таанаажааванам̣ на г̇ахзд̇аб̣б̣а’’нд̇и д̇ийсуби г̇ан̣тибад̣̇зсу вуд̇д̇ам̣.
Sace ukkuṭikaṃ nisinno pāde amuñcitvāpi bhūmiyaṃ nisīdati, iriyāpathaṃ vikopento nāma hotīti ukkuṭikāsanaṃ avikopetvāva sukhena nisīdituṃ ‘‘tassa pana heṭṭhā…pe… nisīdanakaṃ dātabba’’nti vuttaṃ. ‘‘Āsanaṃ acāletvāti pīṭhe phuṭṭhokāsato ānisadamaṃsaṃ amocetvā, anuṭṭhahitvāti vuttaṃ hoti, adinnādāne viya ṭhānācāvanaṃ na gahetabba’’nti tīsupi gaṇṭhipadesu vuttaṃ.
агаббияагад̇анд̇и зд̇т̇а агаббияагад̇ассзва анад̇ирид̇д̇абхаавад̇о габбияам̣ агаараабзд̇ваа д̇асмим̣ бад̇д̇з багкид̇д̇амуулапалаад̣̇иязва ад̇ирид̇д̇ам̣ на ход̇и, сзсам̣ бана бад̇д̇абарияаабаннам̣ ад̇ирид̇д̇амзва ход̇и, барибхун̃ж̇ид̇ум̣ ваддад̇и. д̇ам̣ бана муулапалаад̣̇им̣ барибхун̃ж̇ид̇угаамзна д̇ад̇о нийхарид̇ваа габбияам̣ гаараабзд̇ваа ан̃н̃асмим̣ бхааж̇анз табзд̇ваа ад̇ирид̇д̇ам̣ гаараабзд̇ваа бхун̃ж̇ид̇аб̣б̣ам̣.
Akappiyakatanti ettha akappiyakatasseva anatirittabhāvato kappiyaṃ akārāpetvā tasmiṃ patte pakkhittamūlaphalādiyeva atirittaṃ na hoti, sesaṃ pana pattapariyāpannaṃ atirittameva hoti, paribhuñjituṃ vaṭṭati. Taṃ pana mūlaphalādiṃ paribhuñjitukāmena tato nīharitvā kappiyaṃ kārāpetvā aññasmiṃ bhājane ṭhapetvā atirittaṃ kārāpetvā bhuñjitabbaṃ.
со буна гаад̇ум̣ на лабхад̇ийд̇и д̇асмим̣язва бхааж̇анз гарияамаанам̣ батамам̣ гад̇зна сад̣̇д̇хим̣ гад̇ам̣ ход̇ийд̇и буна соязва гаад̇ум̣ на лабхад̇и, ан̃н̃о лабхад̇и. ан̃н̃асмим̣ бана бхааж̇анз д̇зна ваа ан̃н̃зна ваа гаад̇ум̣ ваддад̇и. д̇знааха ‘‘язна агад̇ам̣, д̇зна гаад̇аб̣б̣ам̣. яан̃жа агад̇ам̣, д̇ам̣ гаад̇аб̣б̣а’’нд̇и. д̇знабийд̇и зд̇т̇а би-сад̣̇д̣̇о на гзвалам̣ ан̃н̃зна ваад̇и имамад̇т̇ам̣ д̣̇ийбзд̇и. звам̣ гад̇анд̇и ан̃н̃асмим̣ бхааж̇анз гад̇ам̣. бзсзд̇ваад̇и анубасамбаннасса хад̇т̇з бзсзд̇ваа. имасса винаяагаммабхаавад̇о ‘‘анубасамбаннасса хад̇т̇з тид̇ам̣ на гаарзд̇аб̣б̣а’’нд̇и вуд̇д̇ам̣.
So puna kātuṃ na labhatīti tasmiṃyeva bhājane kariyamānaṃ paṭhamaṃ katena saddhiṃ kataṃ hotīti puna soyeva kātuṃ na labhati, añño labhati. Aññasmiṃ pana bhājane tena vā aññena vā kātuṃ vaṭṭati. Tenāha ‘‘yena akataṃ, tena kātabbaṃ. Yañca akataṃ, taṃ kātabba’’nti. Tenapīti ettha pi-saddo na kevalaṃ aññena vāti imamatthaṃ dīpeti. Evaṃ katanti aññasmiṃ bhājane kataṃ. Pesetvāti anupasampannassa hatthe pesetvā. Imassa vinayakammabhāvato ‘‘anupasampannassa hatthe ṭhitaṃ na kāretabba’’nti vuttaṃ.
сажз бана аамисасам̣садтаанийд̇и зд̇т̇а сажз мукаг̇ад̇знаби анад̇ирид̇д̇зна аамисзна сам̣садтаани хонд̇и , баажид̇д̇ияамзваад̇и взд̣̇ид̇аб̣б̣ам̣. д̇асмаа баваарид̇зна бхож̇анам̣ ад̇ирид̇д̇ам̣ гаараабзд̇ваа бхун̃ж̇анд̇знаби яат̇аа агад̇зна миссам̣ на ход̇и, звам̣ мукан̃жа хад̇т̇ан̃жа суд̣̇д̇хам̣ гад̇ваа бхун̃ж̇ид̇аб̣б̣ам̣. гин̃жааби аббаваарид̇асса бурзбхад̇д̇ам̣ яаамагаалигаад̣̇ийни аахаарад̇т̇ааяа барибхун̃ж̇ад̇оби анаабад̇д̇и, баваарид̇асса бана бавааран̣амуулагам̣ д̣̇уггадам̣ ход̇иязваад̇и ‘‘яаамагаалигам̣…бз… аж̇жхохаарз аабад̇д̇и д̣̇уггадассаа’’д̇и баал̣ияам̣ вуд̇д̇ам̣.
Sace pana āmisasaṃsaṭṭhānīti ettha sace mukhagatenapi anatirittena āmisena saṃsaṭṭhāni honti , pācittiyamevāti veditabbaṃ. Tasmā pavāritena bhojanaṃ atirittaṃ kārāpetvā bhuñjantenapi yathā akatena missaṃ na hoti, evaṃ mukhañca hatthañca suddhaṃ katvā bhuñjitabbaṃ. Kiñcāpi appavāritassa purebhattaṃ yāmakālikādīni āhāratthāya paribhuñjatopi anāpatti, pavāritassa pana pavāraṇamūlakaṃ dukkaṭaṃ hotiyevāti ‘‘yāmakālikaṃ…pe… ajjhohāre āpatti dukkaṭassā’’ti pāḷiyaṃ vuttaṃ.
241. гааязна бхун̃ж̇анад̇о ваажааяа аан̣аабзд̇ваа ад̇ирид̇д̇ам̣ агаараабанад̇о жа аабаж̇ж̇ад̇ийд̇и ‘‘гааяаваажад̇о’’д̇и вуд̇д̇ам̣. сзсамзд̇т̇а уд̇д̇аанамзва. баваарид̇абхааво, аамисасса анад̇ирид̇д̇ад̇аа, гаалз аж̇жхохаран̣анд̇и имаани банзд̇т̇а д̇ийн̣и ан̇г̇аани.
241. Kāyena bhuñjanato vācāya āṇāpetvā atirittaṃ akārāpanato ca āpajjatīti ‘‘kāyavācato’’ti vuttaṃ. Sesamettha uttānameva. Pavāritabhāvo, āmisassa anatirittatā, kāle ajjhoharaṇanti imāni panettha tīṇi aṅgāni.
батамабавааран̣аасигкаабад̣̇аван̣н̣анаа нидтид̇аа.
Paṭhamapavāraṇāsikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. батамабавааран̣асигкаабад̣̇аван̣н̣анаа • 5. Paṭhamapavāraṇasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. батамабавааран̣асигкаабад̣̇аван̣н̣анаа • 5. Paṭhamapavāraṇasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. батамабавааран̣аасигкаабад̣̇аван̣н̣анаа • 5. Paṭhamapavāraṇāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. батамабавааран̣асигкаабад̣̇ам̣ • 5. Paṭhamapavāraṇasikkhāpadaṃ
