| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
5. батамабавааран̣асигкаабад̣̇аван̣н̣анаа
5. Paṭhamapavāraṇasikkhāpadavaṇṇanā
236. яаавад̣̇ад̇т̇абавааран̣ааяа баваарид̇аа гин̃жааби ‘‘баваарид̇аа’’ижжзва ад̇хиббзд̇аа адтуббад̇д̇ияаава, ат̇а ко бажчимаава ид̇хаад̇хиббзд̇аа.
236.Yāvadatthapavāraṇāyapavāritā kiñcāpi ‘‘pavāritā’’icceva adhippetā aṭṭhuppattiyāva, atha kho pacchimāva idhādhippetā.
237. ‘‘аламзд̇ам̣ саб̣б̣а’’нд̇и вуд̇д̇ад̇д̇аа ад̇ирид̇д̇ам̣ наама ход̇и. бхигкусса ид̣̇амби д̇з ад̇хигам̣, ид̇о ан̃н̃ам̣ на лажчад̇ийд̇и гира ад̇т̇о.
237.‘‘Alametaṃ sabba’’nti vuttattā atirittaṃ nāma hoti. Bhikkhussa idampi te adhikaṃ, ito aññaṃ na lacchatīti kira attho.
238-9. ‘‘асанам̣ бан̃н̃ааяад̇ий’’д̇и зд̇знзва ‘‘бхуд̇д̇аавий’’д̇и зд̇асса сид̣̇д̇хад̇д̇аа висум̣ ад̇т̇асид̣̇д̇хи над̇т̇и. яад̣̇и ад̇т̇и, ан̇г̇аанам̣ чаггад̇д̇ад̣̇ассананд̇и. вуд̇д̇амби жзд̇анд̇иаад̣̇и бавааран̣ан̇г̇аанам̣ бан̃жагад̇д̇ад̣̇ассанам̣. варагод̇и яо гожи вараго. ‘‘бавааран̣ам̣ бана ж̇анзд̇иязваад̇и висум̣ сид̇т̇ам̣ вод̣̇агам̣ гаронд̇и, бавааран̣ам̣ на ж̇анзд̇и. яааг̇ум̣ ваа биванд̇о батамам̣ уд̣̇агам̣ бивад̇и, ваддад̇и. авасидтам̣ хздтаасид̇т̇ам̣ бавааран̣ам̣ на ж̇анзд̇ий’’д̇и ликид̇ам̣. убад̇иссад̇т̇зро ‘‘ж̇анзд̇иязваа’’д̇и вад̣̇ад̇и, д̇ам̣ на ижчанд̇и аажарияаа. бхаж̇ж̇ид̇абидтанд̇и д̇ан̣д̣улажун̣н̣амзва. бхаж̇ж̇ид̇асад̇д̇уяо бин̣д̣зд̇ваа гад̇амод̣̇аго сад̇д̇умод̣̇аго.
238-9. ‘‘Asanaṃ paññāyatī’’ti eteneva ‘‘bhuttāvī’’ti etassa siddhattā visuṃ atthasiddhi natthi. Yadi atthi, aṅgānaṃ chakkattadassananti. Vuttampi cetantiādi pavāraṇaṅgānaṃ pañcakattadassanaṃ. Varakoti yo koci varako. ‘‘Pavāraṇaṃ pana janetiyevāti visuṃ sitthaṃ vodakaṃ karonti, pavāraṇaṃ na janeti. Yāguṃ vā pivanto paṭhamaṃ udakaṃ pivati, vaṭṭati. Avasiṭṭhaṃ heṭṭhāsitthaṃ pavāraṇaṃ na janetī’’ti likhitaṃ. Upatissatthero ‘‘janetiyevā’’ti vadati, taṃ na icchanti ācariyā. Bhajjitapiṭṭhanti taṇḍulacuṇṇameva. Bhajjitasattuyo piṇḍetvā katamodako sattumodako.
‘‘яааг̇усид̇т̇амад̇д̇аанзва д̣̇вз…бз… бадигкибад̇и, на баваарзд̇ий’’д̇и вуд̇д̇ад̇д̇аа баражан̇гамажчаад̣̇аяо багкибид̇ваа баггаяааг̇ум̣ биванд̇о сажз ан̃н̃ам̣ д̇аад̣̇исам̣язва бадигкибад̇и, бавааран̣аа на ход̇ийд̇и гира д̇хаммасирид̇т̇зро. сажз ан̃н̃ам̣ бадигкибад̇и, на баваарзд̇и. гасмаа? асанасан̇каад̇асса виббагад̇абхож̇анассаабхаавад̇о. бхож̇анасаалааяам̣ бхун̃ж̇анд̇о жз, ад̇д̇ано абаабун̣анагодтаасам̣ абхихадам̣ бадигкибад̇и, на баваарзд̇и. гаамам̣ бадигкибад̇и, бад̇д̇з бана аараамиго аагирад̇и, д̇ад̇о бхун̃ж̇ид̇ум̣ на ваддад̇и. ид̣̇ан̃хи б̣уд̣̇д̇хаббадигудтаанзсанааяа уббаннзязва сан̇г̇ахам̣ г̇ажчад̇и. яат̇аа хи сан̇гхад̇о уд̣̇д̇хадабин̣д̣ам̣ д̣̇уссийло д̣̇зд̇и, д̇ам̣ бадигкибад̇и, на баваарзд̇и, звам̣самбад̣̇амид̣̇ам̣. ‘‘висабхааг̇о лаж̇ж̇ий жз д̣̇зд̇и, д̇ам̣ д̇зна самбхог̇ам̣ агад̇д̇угаамад̇ааяа бадигкибад̇и, баваарзд̇ийд̇и абарз’’д̇и вуд̇д̇ам̣. баривзсанааяаад̇и бхад̇д̇аг̇г̇з. ‘‘мам̣сзна расам̣, мам̣сан̃жа расан̃жа мам̣сарасанд̇и аабаж̇ж̇анад̇о ‘мам̣сараса’нд̇и вуд̇д̇з бадигкзбад̇о ход̇и, мам̣сасса расам̣ мам̣сарасанд̇и виг̇г̇ахо наад̇хиббзд̇о’’д̇и вуд̇д̇ам̣. мам̣сагарамб̣аго наама…бз… ваддад̇ийд̇и суд̣̇д̇хаяааг̇у зва ход̇и. аббавааран̣амиссагагарамб̣агоязва ход̇и, д̇асмаа на баваарзд̇и, д̇зна вуд̇д̇ам̣ барад̇о ‘‘ид̣̇ан̃жа гарамб̣агзна на самаанзд̇аб̣б̣а’’нд̇иаад̣̇и, д̇асмаа ‘‘д̇ам̣ абхихарид̇ваа ган̃ж̇ияам̣ г̇ан̣хат̇аа’д̇и вад̣̇анд̇ам̣ бадигкибад̇и, бавааран̣аа на ход̇ий’’д̇и жа ‘‘миссагаяааг̇ум̣ г̇ан̣хат̇аа’д̇и авуд̇д̇ад̇д̇аа ‘саммиссид̇ам̣ висум̣ гад̇ваа д̣̇зд̇ий’д̇и вуд̇д̇ад̇д̇аа’’д̇и жа вуд̇д̇ам̣, яасмаа яааг̇умиссаганд̇и зд̇т̇а бад̣̇ад̣̇ваяз бавааран̣аарахасса наамаг̇г̇ахан̣ам̣ над̇т̇и, д̇асмаа д̇ад̇ра жз яааг̇у б̣ахуд̇араа ваа ход̇и самасамаа ваа, на баваарзд̇и. гасмаа? д̇ад̇т̇а абхихаарагабадигкзбагаанам̣ яааг̇усан̃н̃ад̇д̇аа. яааг̇у жз манд̣̇аа, бхад̇д̇ам̣ б̣ахуд̇арам̣, баваарзд̇и. гасмаа? д̇зсам̣ убхиннамби д̇ад̇т̇а бхиннасан̃н̃ад̇д̇аад̇и д̇агго аажарияасса. бхад̇д̇амиссагз бавааран̣аарахасса наамасса саб̣бхаавад̇о саб̣б̣ад̣̇аа баваарзд̇и зва. миссагз бана вуд̇д̇анаязна гааран̣ам̣ вад̇д̇аб̣б̣ам̣. висум̣ гад̇ваа д̣̇зд̇ийд̇и яат̇аа бхад̇д̇асидтам̣ на бад̇ад̇и, д̇ат̇аа г̇аал̣хам̣ хад̇т̇зна бийл̣зд̇ваа бариссаавзд̇ваа д̣̇зд̇и.
‘‘Yāgusitthamattāneva dve…pe… paṭikkhipati, na pavāretī’’ti vuttattā paracaṅkamacchādayo pakkhipitvā pakkayāguṃ pivanto sace aññaṃ tādisaṃyeva paṭikkhipati, pavāraṇā na hotīti kira dhammasiritthero. Sace aññaṃ paṭikkhipati, na pavāreti. Kasmā? Asanasaṅkhātassa vippakatabhojanassābhāvato. Bhojanasālāyaṃ bhuñjanto ce, attano apāpuṇanakoṭṭhāsaṃ abhihaṭaṃ paṭikkhipati, na pavāreti. Kāmaṃ paṭikkhipati, patte pana ārāmiko ākirati, tato bhuñjituṃ na vaṭṭati. Idañhi buddhappaṭikuṭṭhaanesanāya uppanneyeva saṅgahaṃ gacchati. Yathā hi saṅghato uddhaṭapiṇḍaṃ dussīlo deti, taṃ paṭikkhipati, na pavāreti, evaṃsampadamidaṃ. ‘‘Visabhāgo lajjī ce deti, taṃ tena sambhogaṃ akattukāmatāya paṭikkhipati, pavāretīti apare’’ti vuttaṃ. Parivesanāyāti bhattagge. ‘‘Maṃsena rasaṃ, maṃsañca rasañca maṃsarasanti āpajjanato ‘maṃsarasa’nti vutte paṭikkhepato hoti, maṃsassa rasaṃ maṃsarasanti viggaho nādhippeto’’ti vuttaṃ. Maṃsakarambako nāma…pe… vaṭṭatīti suddhayāgu eva hoti. Appavāraṇamissakakarambakoyeva hoti, tasmā na pavāreti, tena vuttaṃ parato ‘‘idañca karambakena na samānetabba’’ntiādi, tasmā ‘‘taṃ abhiharitvā kañjiyaṃ gaṇhathā’ti vadantaṃ paṭikkhipati, pavāraṇā na hotī’’ti ca ‘‘missakayāguṃ gaṇhathā’ti avuttattā ‘sammissitaṃ visuṃ katvā detī’ti vuttattā’’ti ca vuttaṃ, yasmā yāgumissakanti ettha padadvaye pavāraṇārahassa nāmaggahaṇaṃ natthi, tasmā tatra ce yāgu bahutarā vā hoti samasamā vā, na pavāreti. Kasmā? Tattha abhihārakapaṭikkhepakānaṃ yāgusaññattā. Yāgu ce mandā, bhattaṃ bahutaraṃ, pavāreti. Kasmā? Tesaṃ ubhinnampi tattha bhinnasaññattāti takko ācariyassa. Bhattamissake pavāraṇārahassa nāmassa sabbhāvato sabbadā pavāreti eva. Missake pana vuttanayena kāraṇaṃ vattabbaṃ. Visuṃ katvā detīti yathā bhattasiṭṭhaṃ na patati, tathā gāḷhaṃ hatthena pīḷetvā parissāvetvā deti.
агаббияагад̇анд̇и зд̇т̇а ‘‘габбияам̣ агаараабид̇зхи гад̣̇алибпалаад̣̇ийхи сад̣̇д̇хим̣ ад̇ирид̇д̇ам̣ габбияам̣ гаараабзд̇вааби д̇ам̣ гад̣̇алибпалаад̣̇им̣ табзд̇ваа авасзсам̣ бхун̃ж̇ид̇ум̣ ваддад̇и. амиссагарасад̇д̇аа буна д̇аани габбияам̣ гаараабзд̇ваа ан̃н̃асмим̣ бхааж̇анз табзд̇ваа ад̇ирид̇д̇ам̣ гаарзд̇ваа бхун̃ж̇ид̇ум̣ ваддад̇и. гасмаа? буб̣б̣з д̇зсу винаяагаммасса анаарул̣хад̇д̇аа’’д̇и вад̣̇анд̇и. ‘‘бхуд̇д̇аавинаа жа баваарид̇зна аасанаа вудтид̇зна гад̇а’’нд̇и важанад̇о бхуд̇д̇аавинаа аббаваарид̇зна аасанаа вудтид̇зна гад̇д̇аб̣б̣анд̇и сид̣̇д̇хам̣, д̇асмаа ‘‘баад̇ова ад̣̇д̇хаанам̣ г̇ажчанд̇зсу д̣̇вийсу зго баваарид̇о авудтид̇о д̇ад̇т̇а нисийд̣̇ад̇и, со ид̇арзна бин̣д̣ааяа жарид̇ваа лад̣̇д̇хам̣ бхигкам̣ ад̇д̇анаа абхуд̇вааби ‘аламзд̇ам̣ саб̣б̣а’нд̇и гаад̇ум̣ лабхад̇и зваа’’д̇и вуд̇д̇ам̣, д̇ам̣ суггабагкз ‘‘бхуд̇д̇аавинаа гад̇ам̣ ход̇ий’’д̇и иминаава сид̣̇д̇хам̣, д̇асмим̣ багкз ад̇д̇ано сад̇д̇ан̇г̇аани на буурзнд̇и, ган̣хабагкз бадибхааг̇зна сад̇д̇а вуд̇д̇аанийд̇и взд̣̇ид̇аб̣б̣ам̣. бхуд̇д̇аавинаа аббаваарид̇зна аасанаа вудтид̇зна, авудтид̇зна ваа гад̇ам̣ ход̇и, ваддад̇и. ‘‘баваарид̇зна аасанаа авудтид̇знзваа’’д̇и имам̣ бана ад̇т̇авигаббам̣ д̣̇ийбзд̇ум̣ ‘‘сад̇д̇ан̇г̇аани вуд̇д̇ааний’’д̇иби вад̇д̇ум̣ ваддад̇и. со буна гаад̇ум̣ на лабхад̇и батамам̣ гад̇асса буна д̇знзва гад̇д̇аб̣б̣аббасан̇г̇ад̇о. яан̃жа агад̇ам̣, д̇ам̣ гад̇д̇аб̣б̣анд̇и хи вуд̇д̇ам̣. ат̇а сова батамо буна гад̇д̇угаамо ход̇и, ан̃н̃асмим̣ бхааж̇анз буб̣б̣з агад̇ам̣ гаад̇ум̣ лабхад̇и. д̣̇уд̇ияо батамабхааж̇анзби гаад̇ум̣ лабхад̇и. ‘‘язна агад̇ам̣, д̇зна гаад̇аб̣б̣а’’нд̇и хи вуд̇д̇ам̣. имамзвад̇т̇ам̣ санд̇хааяа ‘‘язна яам̣ батамам̣ габбияам̣ гад̇ам̣, д̇амзва со буна гаад̇ум̣ на лабхад̇и, ан̃н̃зна гаад̇аб̣б̣а’’нд̇и ликид̇ам̣. д̇ад̇т̇а д̇анд̇и д̇ам̣ батамам̣ гад̇анд̇и ад̇т̇о. бзсзд̇ваа гаарзд̇аб̣б̣анд̇и зд̇т̇а анубасамбанно жз г̇ад̇о, д̇ад̇радтзна згзна бхигкунаа бадиг̇г̇аахзд̇ваа абарзна гаарзд̇аб̣б̣анд̇и д̇ад̇т̇а згова звамзва гаад̇ум̣ на лабхад̇ийд̇и. ‘‘яам̣ гин̃жи г̇илаанам̣ уд̣̇д̣̇иссаа’д̇иаад̣̇иважанад̇о вихаараад̣̇ийсу г̇илаанасса баабун̣анагодтаасамби г̇илаанаад̇ирид̇д̇ам̣ наама, д̇асмаа ваддад̇ий’’д̇и вад̣̇анд̇и. аахаарад̇т̇ааяаад̇и вигаалз зваад̇и згз.
Akappiyakatanti ettha ‘‘kappiyaṃ akārāpitehi kadalipphalādīhi saddhiṃ atirittaṃ kappiyaṃ kārāpetvāpi taṃ kadalipphalādiṃ ṭhapetvā avasesaṃ bhuñjituṃ vaṭṭati. Amissakarasattā puna tāni kappiyaṃ kārāpetvā aññasmiṃ bhājane ṭhapetvā atirittaṃ kāretvā bhuñjituṃ vaṭṭati. Kasmā? Pubbe tesu vinayakammassa anāruḷhattā’’ti vadanti. ‘‘Bhuttāvinā ca pavāritena āsanā vuṭṭhitena kata’’nti vacanato bhuttāvinā appavāritena āsanā vuṭṭhitena kattabbanti siddhaṃ, tasmā ‘‘pātova addhānaṃ gacchantesu dvīsu eko pavārito avuṭṭhito tattha nisīdati, so itarena piṇḍāya caritvā laddhaṃ bhikkhaṃ attanā abhutvāpi ‘alametaṃ sabba’nti kātuṃ labhati evā’’ti vuttaṃ, taṃ sukkapakkhe ‘‘bhuttāvinā kataṃ hotī’’ti imināva siddhaṃ, tasmiṃ pakkhe attano sattaṅgāni na pūrenti, kaṇhapakkhe paṭibhāgena satta vuttānīti veditabbaṃ. Bhuttāvinā appavāritena āsanā vuṭṭhitena, avuṭṭhitena vā kataṃ hoti, vaṭṭati. ‘‘Pavāritena āsanā avuṭṭhitenevā’’ti imaṃ pana atthavikappaṃ dīpetuṃ ‘‘sattaṅgāni vuttānī’’tipi vattuṃ vaṭṭati. So puna kātuṃ na labhati paṭhamaṃ katassa puna teneva kattabbappasaṅgato. Yañca akataṃ, taṃ kattabbanti hi vuttaṃ. Atha sova paṭhamo puna kattukāmo hoti, aññasmiṃ bhājane pubbe akataṃ kātuṃ labhati. Dutiyo paṭhamabhājanepi kātuṃ labhati. ‘‘Yena akataṃ, tena kātabba’’nti hi vuttaṃ. Imamevatthaṃ sandhāya ‘‘yena yaṃ paṭhamaṃ kappiyaṃ kataṃ, tameva so puna kātuṃ na labhati, aññena kātabba’’nti likhitaṃ. Tattha tanti taṃ paṭhamaṃ katanti attho. Pesetvā kāretabbanti ettha anupasampanno ce gato, tatraṭṭhena ekena bhikkhunā paṭiggāhetvā aparena kāretabbanti tattha ekova evameva kātuṃ na labhatīti. ‘‘Yaṃ kiñci gilānaṃ uddissā’tiādivacanato vihārādīsu gilānassa pāpuṇanakoṭṭhāsampi gilānātirittaṃ nāma, tasmā vaṭṭatī’’ti vadanti. Āhāratthāyāti vikāle evāti eke.
241. гааяагаммам̣ аж̇жхохаран̣ад̇о. важийгаммам̣ ваажааяа ‘‘ад̇ирид̇д̇ам̣ гарот̇а бханд̇з’’д̇и агаараабанзнаад̇и взд̣̇ид̇аб̣б̣ам̣.
241. Kāyakammaṃ ajjhoharaṇato. Vacīkammaṃ vācāya ‘‘atirittaṃ karotha bhante’’ti akārāpanenāti veditabbaṃ.
батамабавааран̣асигкаабад̣̇аван̣н̣анаа нидтид̇аа.
Paṭhamapavāraṇasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. батамабавааран̣асигкаабад̣̇аван̣н̣анаа • 5. Paṭhamapavāraṇasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. батамабавааран̣аасигкаабад̣̇аван̣н̣анаа • 5. Paṭhamapavāraṇāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. батамабавааран̣аасигкаабад̣̇аван̣н̣анаа • 5. Paṭhamapavāraṇāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. батамабавааран̣асигкаабад̣̇ам̣ • 5. Paṭhamapavāraṇasikkhāpadaṃ
