| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. батамапаласуд̇д̇ам̣
4. Paṭhamaphalasuttaṃ
980. ‘‘аанаабаанассад̇и , бхигкавз, бхаавид̇аа б̣ахулийгад̇аа махабпалаа ход̇и махаанисам̣саа. гат̇ам̣ бхаавид̇аа жа, бхигкавз, аанаабаанассад̇и гат̇ам̣ б̣ахулийгад̇аа махабпалаа ход̇и махаанисам̣саа? ид̇ха, бхигкавз, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа нисийд̣̇ад̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа. со сад̇ова ассасад̇и, сад̇ова бассасад̇и…бз… ‘бадиниссаг̇г̇аанубассий ассасиссаамий’д̇и сигкад̇и, ‘бадиниссаг̇г̇аанубассий бассасиссаамий’д̇и сигкад̇и. звам̣ бхаавид̇аа ко, бхигкавз, аанаабаанассад̇и звам̣ б̣ахулийгад̇аа махабпалаа ход̇и махаанисам̣саа. звам̣ бхаавид̇ааяа ко, бхигкавз, аанаабаанассад̇ияаа звам̣ б̣ахулийгад̇ааяа д̣̇виннам̣ палаанам̣ ан̃н̃ад̇арам̣ палам̣ баадиган̇кам̣ – д̣̇идтзва д̇хаммз ан̃н̃аа, сад̇и ваа убаад̣̇исзсз анааг̇аамид̇аа’’д̇и. жад̇уд̇т̇ам̣.
980. ‘‘Ānāpānassati , bhikkhave, bhāvitā bahulīkatā mahapphalā hoti mahānisaṃsā. Kathaṃ bhāvitā ca, bhikkhave, ānāpānassati kathaṃ bahulīkatā mahapphalā hoti mahānisaṃsā? Idha, bhikkhave, bhikkhu araññagato vā rukkhamūlagato vā suññāgāragato vā nisīdati pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā. So satova assasati, satova passasati…pe… ‘paṭinissaggānupassī assasissāmī’ti sikkhati, ‘paṭinissaggānupassī passasissāmī’ti sikkhati. Evaṃ bhāvitā kho, bhikkhave, ānāpānassati evaṃ bahulīkatā mahapphalā hoti mahānisaṃsā. Evaṃ bhāvitāya kho, bhikkhave, ānāpānassatiyā evaṃ bahulīkatāya dvinnaṃ phalānaṃ aññataraṃ phalaṃ pāṭikaṅkhaṃ – diṭṭheva dhamme aññā, sati vā upādisese anāgāmitā’’ti. Catutthaṃ.
