Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā

    1. ид̇т̇ивимаанам̣

    1. Itthivimānaṃ

    1. бийтаваг̇г̇о

    1. Pīṭhavaggo

    1. батамабийтавимаанаван̣н̣анаа

    1. Paṭhamapīṭhavimānavaṇṇanā

    д̇ад̇т̇а батамавад̇т̇усса аяам̣ адтуббад̇д̇и – бхаг̇авад̇и саавад̇т̇ияам̣ вихаранд̇з ж̇зд̇аванз анаат̇абин̣д̣игасса аараамз ран̃н̃аа басзнад̣̇инаа госалзна б̣уд̣̇д̇хаббамукасса бхигкусан̇гхасса сад̇д̇аахам̣ асад̣̇исад̣̇аанз бавад̇д̇ид̇з д̇ад̣̇ануруубзна анаат̇абин̣д̣игзна махаасздтинаа д̇аяо д̣̇ивасз, д̇ат̇аа висаакааяа махааубаасигааяа махаад̣̇аанз д̣̇иннз асад̣̇исад̣̇аанасса бавад̇д̇и сагалаж̇амб̣уд̣̇ийбз баагадаа ахоси. ат̇а махааж̇ано д̇ад̇т̇а д̇ад̇т̇а гат̇ам̣ самудтаабзси ‘‘гим̣ ну ко звам̣ ул̣ааравибхавабарижжааг̇знзва д̣̇аанам̣ махабпалад̇арам̣ бхависсад̇и, уд̣̇ааху ад̇д̇ано вибхаваануруубабарижжааг̇знаабий’’д̇и. бхигкуу д̇ам̣ гат̇ам̣ суд̇ваа бхаг̇авад̇о аарожзсум̣. бхаг̇аваа ‘‘на, бхигкавз, д̣̇зяяад̇хаммасамбад̇д̇ияаава д̣̇аанам̣ махабпалад̇арам̣ бхависсад̇и, ат̇а ко жид̇д̇абасаад̣̇асамбад̇д̇ияаа жа кзд̇д̇асамбад̇д̇ияаа жа, д̇асмаа гун̣д̣агамудтимад̇д̇амби билод̇игаамад̇д̇амби д̇ин̣абан̣н̣асант̇аарамад̇д̇амби бууд̇имуд̇д̇ахарийд̇агамад̇д̇амби виббасаннзна жзд̇асаа д̣̇агкин̣зяяабуг̇г̇алз бад̇идтаабид̇ам̣, д̇амби махабпалад̇арам̣ бхависсад̇и махааж̇уд̇игам̣ махаавибпаара’’нд̇и ааха. д̇ат̇аа хи вуд̇д̇ам̣ саггзна д̣̇зваанаминд̣̇зна –

    Tattha paṭhamavatthussa ayaṃ aṭṭhuppatti – bhagavati sāvatthiyaṃ viharante jetavane anāthapiṇḍikassa ārāme raññā pasenadinā kosalena buddhappamukhassa bhikkhusaṅghassa sattāhaṃ asadisadāne pavattite tadanurūpena anāthapiṇḍikena mahāseṭṭhinā tayo divase, tathā visākhāya mahāupāsikāya mahādāne dinne asadisadānassa pavatti sakalajambudīpe pākaṭā ahosi. Atha mahājano tattha tattha kathaṃ samuṭṭhāpesi ‘‘kiṃ nu kho evaṃ uḷāravibhavapariccāgeneva dānaṃ mahapphalataraṃ bhavissati, udāhu attano vibhavānurūpapariccāgenāpī’’ti. Bhikkhū taṃ kathaṃ sutvā bhagavato ārocesuṃ. Bhagavā ‘‘na, bhikkhave, deyyadhammasampattiyāva dānaṃ mahapphalataraṃ bhavissati, atha kho cittapasādasampattiyā ca khettasampattiyā ca, tasmā kuṇḍakamuṭṭhimattampi pilotikāmattampi tiṇapaṇṇasanthāramattampi pūtimuttaharītakamattampi vippasannena cetasā dakkhiṇeyyapuggale patiṭṭhāpitaṃ, tampi mahapphalataraṃ bhavissati mahājutikaṃ mahāvipphāra’’nti āha. Tathā hi vuttaṃ sakkena devānamindena –

    ‘‘над̇т̇и жид̇д̇з басаннамхи, аббигаа наама д̣̇агкин̣аа;

    ‘‘Natthi citte pasannamhi, appikā nāma dakkhiṇā;

    д̇ат̇ааг̇ад̇з ваа самб̣уд̣̇д̇хз, ат̇а ваа д̇асса саавагз’’д̇и. (ви. ва. 804);

    Tathāgate vā sambuddhe, atha vā tassa sāvake’’ti. (vi. va. 804);

    саа банзсаа гат̇аа сагалаж̇амб̣уд̣̇ийбз вид̇т̇ааригаа ахоси. мануссаа саман̣аб̣раахман̣агабан̣ад̣̇д̇хигаван̣иб̣б̣агаяаажагаанам̣ яат̇аавибхавам̣ д̣̇аанаани д̣̇знд̇и, г̇зхан̇г̇ан̣з баанийяам̣ убадтабзнд̇и, д̣̇ваарагодтагзсу аасанаани табзнд̇и. д̇зна жа самаязна ан̃н̃ад̇аро бин̣д̣абаад̇ажаариго т̇зро баасаад̣̇игзна абхигганд̇зна бадигганд̇зна аалогид̇зна вилогид̇зна самин̃ж̇ид̇зна басаарид̇зна огкид̇д̇ажагку ирияаабат̇асамбанно бин̣д̣ааяа жаранд̇о убагадтз гаалз ан̃н̃ад̇арам̣ г̇зхам̣ самбаабун̣и. д̇ад̇т̇згаа гулад̇хийд̇аа сад̣̇д̇хаа басаннаа т̇зрам̣ бассид̇ваа сан̃ж̇аад̇аг̇аараваб̣ахумаанаа ул̣аарабийд̇исоманассам̣ уббаад̣̇зд̇ваа г̇зхам̣ бавзсзд̇ваа бан̃жабад̇идтид̇зна ванд̣̇ид̇ваа ад̇д̇ано бийтам̣ бан̃н̃аабзд̇ваа д̇асса убари бийд̇агам̣ мадтавад̇т̇ам̣ ад̇т̇арид̇ваа ад̣̇ааси. ат̇а т̇зрз д̇ад̇т̇а нисиннз ‘‘ид̣̇ам̣ маяхам̣ уд̇д̇амам̣ бун̃н̃агкзд̇д̇ам̣ убадтид̇а’’нд̇и басаннажид̇д̇аа яат̇аавибхавам̣ аахаарзна баривиси, б̣ийж̇анин̃жа г̇ахзд̇ваа б̣ийж̇и. со т̇зро гад̇абхад̇д̇агижжо аасанад̣̇аанабхож̇анад̣̇аанаад̣̇ибадисам̣яуд̇д̇ам̣ д̇хаммим̣ гат̇ам̣ гат̇зд̇ваа баггаами. саа ид̇т̇ий д̇ам̣ ад̇д̇ано д̣̇аанам̣ д̇ан̃жа д̇хаммагат̇ам̣ бажжавзгканд̇ий бийд̇ияаа ниранд̇арам̣ пудтасарийраа худ̇ваа д̇ам̣ бийтамби т̇зрасса ад̣̇ааси.

    Sā panesā kathā sakalajambudīpe vitthārikā ahosi. Manussā samaṇabrāhmaṇakapaṇaddhikavaṇibbakayācakānaṃ yathāvibhavaṃ dānāni denti, gehaṅgaṇe pānīyaṃ upaṭṭhapenti, dvārakoṭṭhakesu āsanāni ṭhapenti. Tena ca samayena aññataro piṇḍapātacāriko thero pāsādikena abhikkantena paṭikkantena ālokitena vilokitena samiñjitena pasāritena okkhittacakkhu iriyāpathasampanno piṇḍāya caranto upakaṭṭhe kāle aññataraṃ gehaṃ sampāpuṇi. Tatthekā kuladhītā saddhā pasannā theraṃ passitvā sañjātagāravabahumānā uḷārapītisomanassaṃ uppādetvā gehaṃ pavesetvā pañcapatiṭṭhitena vanditvā attano pīṭhaṃ paññāpetvā tassa upari pītakaṃ maṭṭhavatthaṃ attharitvā adāsi. Atha there tattha nisinne ‘‘idaṃ mayhaṃ uttamaṃ puññakkhettaṃ upaṭṭhita’’nti pasannacittā yathāvibhavaṃ āhārena parivisi, bījaniñca gahetvā bīji. So thero katabhattakicco āsanadānabhojanadānādipaṭisaṃyuttaṃ dhammiṃ kathaṃ kathetvā pakkāmi. Sā itthī taṃ attano dānaṃ tañca dhammakathaṃ paccavekkhantī pītiyā nirantaraṃ phuṭṭhasarīrā hutvā taṃ pīṭhampi therassa adāsi.

    д̇ад̇о абарзна самаязна ан̃н̃ад̇арзна рог̇зна пудтаа гаалам̣ гад̇ваа д̇аавад̇им̣сабхаванз д̣̇ваад̣̇асаяож̇анигз ганагавимаанз ниб̣б̣ад̇д̇и. ажчараасахассам̣ жассаа баривааро ахоси, бийтад̣̇аанаанубхаавзна жассаа яож̇аниго ганагабаллан̇го ниб̣б̣ад̇д̇и аагаасажаарий сийгхаж̇аво убари гуудааг̇аарасан̣таано, д̇зна д̇ам̣ ‘‘бийтавимаана’’нд̇и вужжад̇и. д̇ан̃хи суван̣н̣аван̣н̣ам̣ вад̇т̇ам̣ ад̇т̇арид̇ваа д̣̇иннад̇д̇аа гаммасаригкад̇ам̣ вибхаавзнд̇ам̣ суван̣н̣амаяам̣ ахоси, бийд̇ивзг̇асса б̣алавабхаавзна сийгхаж̇авам̣, д̣̇агкин̣зяяасса жид̇д̇аруживасзна д̣̇иннад̇д̇аа яат̇ааружиг̇аамий , басаад̣̇асамбад̇д̇ияаа ул̣аарад̇ааяа саб̣б̣асова баасаад̣̇игам̣ собхаад̇исаяаяуд̇д̇ан̃жа ахоси.

    Tato aparena samayena aññatarena rogena phuṭṭhā kālaṃ katvā tāvatiṃsabhavane dvādasayojanike kanakavimāne nibbatti. Accharāsahassaṃ cassā parivāro ahosi, pīṭhadānānubhāvena cassā yojaniko kanakapallaṅko nibbatti ākāsacārī sīghajavo upari kūṭāgārasaṇṭhāno, tena taṃ ‘‘pīṭhavimāna’’nti vuccati. Tañhi suvaṇṇavaṇṇaṃ vatthaṃ attharitvā dinnattā kammasarikkhataṃ vibhāventaṃ suvaṇṇamayaṃ ahosi, pītivegassa balavabhāvena sīghajavaṃ, dakkhiṇeyyassa cittarucivasena dinnattā yathārucigāmī , pasādasampattiyā uḷāratāya sabbasova pāsādikaṃ sobhātisayayuttañca ahosi.

    ат̇згасмим̣ уссавад̣̇ивасз д̣̇звад̇аасу яат̇аасагам̣ д̣̇иб̣б̣аанубхаавзна уяяаанагийл̣анад̇т̇ам̣ нанд̣̇анаванам̣ г̇ажчанд̇ийсу саа д̣̇звад̇аа д̣̇иб̣б̣авад̇т̇анивад̇т̇аа д̣̇иб̣б̣аабхаран̣авибхуусид̇аа ажчараасахассабариваараа сагабхаванаа нигкамид̇ваа д̇ам̣ бийтавимаанам̣ абхируяха махад̇ияаа д̣̇звид̣̇д̇хияаа маханд̇зна сирисобхаг̇г̇зна саманд̇ад̇о жанд̣̇о вияа суурияо вияа жа обхаасзнд̇ий уяяаанам̣ г̇ажчад̇и. д̇зна жа самаязна ааяасмаа махаамог̇г̇аллаано хздтаа вуд̇д̇анаязнзва д̣̇зважааригам̣ жаранд̇о д̇аавад̇им̣сабхаванам̣ убаг̇ад̇о д̇ассаа д̣̇звад̇ааяа авид̣̇уурз ад̇д̇аанам̣ д̣̇ассзси. ат̇а саа д̣̇звад̇аа д̇ам̣ д̣̇исваа самуббаннаб̣алавабасаад̣̇аг̇аараваа сахасаа баллан̇гад̇о оруяха т̇зрам̣ убасан̇гамид̇ваа бан̃жабад̇идтид̇зна ванд̣̇ид̇ваа д̣̇асанакасамод̇хаанасамуж̇ж̇алам̣ ан̃ж̇алим̣ баг̇г̇аяха намассамаанаа адтааси. т̇зро гин̃жааби д̇ааяа ан̃н̃зхи жа сад̇д̇зхи яат̇уубажид̇ам̣ гусалаагусалам̣ ад̇д̇ано яат̇аагаммуубаг̇ан̃аан̣аанубхаавзна хад̇т̇ад̇алз табид̇ааамалагам̣ вияа бан̃н̃ааб̣алабхзд̣̇зна бажжагкад̇о бассад̇и, д̇ат̇ааби яасмаа д̣̇звад̇аанам̣ убабад̇д̇исамананд̇арамзва ‘‘гуд̇о ну ко ахам̣ жавид̇ваа ид̇хуубабаннаа, гим̣ ну ко гусалагаммам̣ гад̇ваа имам̣ самбад̇д̇им̣ бадилабхаамий’’д̇и ад̇ийд̇абхавам̣ яат̇уубажид̇ан̃жа гаммам̣ уд̣̇д̣̇исса язбхуяязна д̇хаммад̇аасид̣̇д̇хаа убад̇хааран̣аа , д̇ассаа жа яаат̇аавад̇о н̃аан̣ам̣ уббаж̇ж̇ад̇и, д̇асмаа д̇ааяа д̣̇звад̇ааяа гад̇агаммам̣ гат̇аабзд̇ваа сад̣̇звагасса логасса гаммапалам̣ бажжагкам̣ гаад̇угаамо –

    Athekasmiṃ ussavadivase devatāsu yathāsakaṃ dibbānubhāvena uyyānakīḷanatthaṃ nandanavanaṃ gacchantīsu sā devatā dibbavatthanivatthā dibbābharaṇavibhūsitā accharāsahassaparivārā sakabhavanā nikkhamitvā taṃ pīṭhavimānaṃ abhiruyha mahatiyā deviddhiyā mahantena sirisobhaggena samantato cando viya sūriyo viya ca obhāsentī uyyānaṃ gacchati. Tena ca samayena āyasmā mahāmoggallāno heṭṭhā vuttanayeneva devacārikaṃ caranto tāvatiṃsabhavanaṃ upagato tassā devatāya avidūre attānaṃ dassesi. Atha sā devatā taṃ disvā samuppannabalavapasādagāravā sahasā pallaṅkato oruyha theraṃ upasaṅkamitvā pañcapatiṭṭhitena vanditvā dasanakhasamodhānasamujjalaṃ añjaliṃ paggayha namassamānā aṭṭhāsi. Thero kiñcāpi tāya aññehi ca sattehi yathūpacitaṃ kusalākusalaṃ attano yathākammūpagañāṇānubhāvena hatthatale ṭhapitaāmalakaṃ viya paññābalabhedena paccakkhato passati, tathāpi yasmā devatānaṃ upapattisamanantarameva ‘‘kuto nu kho ahaṃ cavitvā idhūpapannā, kiṃ nu kho kusalakammaṃ katvā imaṃ sampattiṃ paṭilabhāmī’’ti atītabhavaṃ yathūpacitañca kammaṃ uddissa yebhuyyena dhammatāsiddhā upadhāraṇā , tassā ca yāthāvato ñāṇaṃ uppajjati, tasmā tāya devatāya katakammaṃ kathāpetvā sadevakassa lokassa kammaphalaṃ paccakkhaṃ kātukāmo –

    1.

    1.

    ‘‘бийтам̣ д̇з сован̣н̣амаяам̣ ул̣аарам̣, манож̇авам̣ г̇ажчад̇и язнагаамам̣;

    ‘‘Pīṭhaṃ te sovaṇṇamayaṃ uḷāraṃ, manojavaṃ gacchati yenakāmaṃ;

    алан̇гад̇з маляад̇харз сувад̇т̇з, обхаасаси виж̇ж̇уриваб̣бха гуудам̣.

    Alaṅkate malyadhare suvatthe, obhāsasi vijjurivabbha kūṭaṃ.

    2.

    2.

    ‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и;

    ‘‘Kena tetādiso vaṇṇo, kena te idha mijjhati;

    уббаж̇ж̇анд̇и жа д̇з бхог̇аа, яз гзжи манасо бияаа.

    Uppajjanti ca te bhogā, ye keci manaso piyā.

    3.

    3.

    ‘‘бужчаами д̇ам̣ д̣̇зви махаанубхаавз,

    ‘‘Pucchāmi taṃ devi mahānubhāve,

    мануссабхууд̇аа гимагааси бун̃н̃ам̣;

    Manussabhūtā kimakāsi puññaṃ;

    гзнааси звам̣ ж̇алид̇аанубхааваа,

    Kenāsi evaṃ jalitānubhāvā,

    ван̣н̣о жа д̇з саб̣б̣ад̣̇исаа бабхаасад̇ий’’д̇и. ааха –

    Vaṇṇo ca te sabbadisā pabhāsatī’’ti. āha –

    4.

    4.

    ‘‘саа д̣̇звад̇аа ад̇д̇аманаа, мог̇г̇аллаанзна бужчид̇аа;

    ‘‘Sā devatā attamanā, moggallānena pucchitā;

    бан̃хам̣ будтаа вияаагааси, яасса гаммассид̣̇ам̣ палам̣’’.

    Pañhaṃ puṭṭhā viyākāsi, yassa kammassidaṃ phalaṃ’’.

    5.

    5.

    ‘‘ахам̣ мануссзсу мануссабхууд̇аа, аб̣бхааг̇ад̇аанаасанагам̣ ад̣̇аасим̣;

    ‘‘Ahaṃ manussesu manussabhūtā, abbhāgatānāsanakaṃ adāsiṃ;

    абхиваад̣̇аяим̣ ан̃ж̇алигам̣ агаасим̣, яат̇аанубхааван̃жа ад̣̇ааси д̣̇аанам̣.

    Abhivādayiṃ añjalikaṃ akāsiṃ, yathānubhāvañca adāsi dānaṃ.

    6.

    6.

    ‘‘д̇зна мзд̇аад̣̇исо ван̣н̣о, д̇зна мз ид̇ха миж̇жхад̇и;

    ‘‘Tena metādiso vaṇṇo, tena me idha mijjhati;

    уббаж̇ж̇анд̇и жа мз бхог̇аа, яз гзжи манасо бияаа.

    Uppajjanti ca me bhogā, ye keci manaso piyā.

    7.

    7.

    ‘‘агкаами д̇з бхигку махаанубхаава, мануссабхууд̇аа яамагааси бун̃н̃ам̣;

    ‘‘Akkhāmi te bhikkhu mahānubhāva, manussabhūtā yamakāsi puññaṃ;

    д̇знамхи звам̣ ж̇алид̇аанубхааваа, ван̣н̣о жа мз саб̣б̣ад̣̇исаа бабхаасад̇ий’’д̇и.

    Tenamhi evaṃ jalitānubhāvā, vaṇṇo ca me sabbadisā pabhāsatī’’ti.

    1. д̇ад̇т̇а бийтанд̇и яам̣гин̃жи д̇аад̣̇исам̣ д̣̇ааругканд̇хамби аабан̣амби б̣алигаран̣абийтамби взд̇д̇аасанамби масаарагаад̣̇ивисзсанаамам̣ д̣̇аарумаяаад̣̇иаасанамби вужжад̇и. д̇ат̇аа хи ‘‘баад̣̇абийтам̣ баад̣̇агат̇алига’’нд̇и (махаава. 209; жуул̣ава. 75) зд̇т̇а баад̣̇атабанаяог̇г̇ам̣ бийтаад̣̇игам̣ д̣̇ааругканд̇хам̣ вужжад̇и, ‘‘бийтасаббий’’д̇и (ми. ба. 5.3.1) зд̇т̇а хад̇т̇зна г̇ахан̣аяог̇г̇ам̣. ‘‘бийтигаа’’д̇и бана згажжзсу ж̇анабад̣̇зсу д̣̇зсавохаарзна аабан̣ам̣. ‘‘бхууд̇абийтигаа д̣̇звагулабийтигаа’’д̇и зд̇т̇а д̣̇звад̇аанам̣ б̣алигаран̣адтаанабхууд̇ам̣ бийтам̣. ‘‘бхад̣̇д̣̇абийта’’нд̇и зд̇т̇а взд̇д̇алад̇аад̣̇ийхи убари вийд̇ам̣ аасанам̣, яам̣ санд̇хааяа вуд̇д̇ам̣ ‘‘бхад̣̇д̣̇абийтам̣ убаанаяий’’д̇и . ‘‘субан̃н̃ад̇д̇ам̣ ман̃жабийтам̣. ман̃жам̣ ваа бийтам̣ ваа гаараяамаанзнаа’’д̇и (баажи. 522) жа аад̣̇ийсу масаарагаад̣̇ибхзд̣̇ам̣ д̣̇аарумаяаад̣̇иаасанам̣. ид̇ха бана баллан̇гаагаарасан̣тид̇ам̣ д̣̇звад̇ааяа бун̃н̃аанубхааваабхиниб̣б̣ад̇д̇ам̣ яож̇анигам̣ ганагавимаанам̣ взд̣̇ид̇аб̣б̣ам̣.

    1. Tattha pīṭhanti yaṃkiñci tādisaṃ dārukkhandhampi āpaṇampi balikaraṇapīṭhampi vettāsanampi masārakādivisesanāmaṃ dārumayādiāsanampi vuccati. Tathā hi ‘‘pādapīṭhaṃ pādakathalika’’nti (mahāva. 209; cūḷava. 75) ettha pādaṭhapanayoggaṃ pīṭhādikaṃ dārukkhandhaṃ vuccati, ‘‘pīṭhasappī’’ti (mi. pa. 5.3.1) ettha hatthena gahaṇayoggaṃ. ‘‘Pīṭhikā’’ti pana ekaccesu janapadesu desavohārena āpaṇaṃ. ‘‘Bhūtapīṭhikā devakulapīṭhikā’’ti ettha devatānaṃ balikaraṇaṭṭhānabhūtaṃ pīṭhaṃ. ‘‘Bhaddapīṭha’’nti ettha vettalatādīhi upari vītaṃ āsanaṃ, yaṃ sandhāya vuttaṃ ‘‘bhaddapīṭhaṃ upānayī’’ti . ‘‘Supaññattaṃ mañcapīṭhaṃ. Mañcaṃ vā pīṭhaṃ vā kārayamānenā’’ti (pāci. 522) ca ādīsu masārakādibhedaṃ dārumayādiāsanaṃ. Idha pana pallaṅkākārasaṇṭhitaṃ devatāya puññānubhāvābhinibbattaṃ yojanikaṃ kanakavimānaṃ veditabbaṃ.

    д̇зд̇и д̇з-сад̣̇д̣̇о ‘‘на д̇з сукам̣ баж̇аананд̇и, яз на бассанд̇и нанд̣̇ана’’нд̇иаад̣̇ийсу (сам̣. ни. 1.11, 226) д̇а-сад̣̇д̣̇асса васзна бажжад̇д̇аб̣ахуважанз ааг̇ад̇о. ‘‘намо д̇з бурисааж̇ан̃н̃а, намо д̇з бурисуд̇д̇ама (д̣̇ий. ни. 3.278; су. ни. 549). намо д̇з б̣уд̣̇д̇ха вийрад̇т̇уу’’д̇и (сам̣. ни. 1.90) жа аад̣̇ийсу д̇умха-сад̣̇д̣̇асса васзна самбад̣̇аанз, д̇уяханд̇и ад̇т̇о. ‘‘гим̣ д̇з д̣̇идтам̣ гинд̇и д̇з суд̇ам̣. убад̇хий д̇з самад̇игганд̇аа, аасаваа д̇з бад̣̇аалид̇аа’’д̇и (ма. ни. 2.400; су. ни. 551) жа аад̣̇ийсу гаран̣з. ‘‘гим̣ д̇з вад̇ам̣ гим̣ бана б̣рахмажарияа’’нд̇иаад̣̇ийсу (ви. ва. 1251; ж̇аа. 1.10.92) саамиад̇т̇з. ид̇хааби саамиад̇т̇з д̣̇адтаб̣б̣о. д̇аваад̇и хи ад̇т̇о.

    Teti te-saddo ‘‘na te sukhaṃ pajānanti, ye na passanti nandana’’ntiādīsu (saṃ. ni. 1.11, 226) ta-saddassa vasena paccattabahuvacane āgato. ‘‘Namo te purisājañña, namo te purisuttama (dī. ni. 3.278; su. ni. 549). Namo te buddha vīratthū’’ti (saṃ. ni. 1.90) ca ādīsu tumha-saddassa vasena sampadāne, tuyhanti attho. ‘‘Kiṃ te diṭṭhaṃ kinti te sutaṃ. Upadhī te samatikkantā, āsavā te padālitā’’ti (ma. ni. 2.400; su. ni. 551) ca ādīsu karaṇe. ‘‘Kiṃ te vataṃ kiṃ pana brahmacariya’’ntiādīsu (vi. va. 1251; jā. 1.10.92) sāmiatthe. Idhāpi sāmiatthe daṭṭhabbo. Tavāti hi attho.

    сован̣н̣амаяанд̇и зд̇т̇а суван̣н̣а-сад̣̇д̣̇о ‘‘суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з’’д̇и (ма. ни. 1.148) жа ‘‘суван̣н̣ад̇аа сусарад̇аа’’д̇и (ку. баа. 8.11) жа звамаад̣̇ийсу чависамбад̇д̇ияам̣ ааг̇ад̇о. ‘‘гаагам̣ суван̣н̣аа бариваараяанд̇ий’’д̇иаад̣̇ийсу (ж̇аа. 1.1.77) г̇арул̣з. ‘‘суван̣н̣аван̣н̣о ган̃жанасаннибхад̇д̇ажо’’д̇иаад̣̇ийсу (д̣̇ий. ни. 3.200) ж̇аад̇аруубз. ид̇хааби ж̇аад̇аруубз зва д̣̇адтаб̣б̣о. д̇ан̃хи б̣уд̣̇д̇хаанам̣ самаанаван̣н̣ад̇ааяа собхано ван̣н̣о зд̇ассаад̇и суван̣н̣анд̇и вужжад̇и. суван̣н̣амзва сован̣н̣ам̣ яат̇аа ‘‘взгад̇ам̣ взсама’’нд̇и жа. маяа-сад̣̇д̣̇о жа ‘‘анун̃н̃аад̇абадин̃н̃аад̇аа, д̇звиж̇ж̇аа маяамасмубхо’’д̇иаад̣̇ийсу (су. ни. 599; ма. ни. 2.455) асмад̣̇ад̇т̇з ааг̇ад̇о. ‘‘маяам̣ ниссааяа хзмааяа, ж̇аад̇аман̣д̣о д̣̇арий субхаа’’д̇и зд̇т̇а бан̃н̃ад̇д̇ияам̣. ‘‘маномаяаа бийд̇ибхагкаа саяам̣бабхаа’’д̇иаад̣̇ийсу (д̣̇ий. ни. 1.39; 3.38) ниб̣б̣ад̇д̇иад̇т̇з, б̣аахирзна бажжаязна винаа манасаава ниб̣б̣ад̇д̇аад̇и маномаяаад̇и вуд̇д̇аа. ‘‘яам̣нуунаахам̣ саамам̣ жигкаллам̣ мад̣̇д̣̇ид̇ваа саб̣б̣амад̇д̇игаамаяам̣ гудигам̣ гарзяяа’’нд̇иаад̣̇ийсу (баараа. 84) вигаарад̇т̇з. ‘‘д̣̇аанамаяам̣ сийламаяа’’нд̇иаад̣̇ийсу (д̣̇ий. ни. 3.305) бад̣̇абууран̣амад̇д̇з. ид̇хааби вигаарад̇т̇з, бад̣̇абууран̣амад̇д̇з ваа д̣̇адтаб̣б̣о. яад̣̇аа хи суван̣н̣зна ниб̣б̣ад̇д̇ам̣ сован̣н̣амаяанд̇и аяамад̇т̇о, д̇ад̣̇аа суван̣н̣асса вигааро сован̣н̣амаяанд̇и вигаарад̇т̇з маяа-сад̣̇д̣̇о д̣̇адтаб̣б̣о, ‘‘ниб̣б̣ад̇д̇иад̇т̇з’’д̇иби вад̇д̇ум̣ ваддад̇иязва. яад̣̇аа бана суван̣н̣зна ниб̣б̣ад̇д̇ам̣ сован̣н̣анд̇и аяамад̇т̇о, д̇ад̣̇аа сован̣н̣амзва сован̣н̣амаяанд̇и бад̣̇абууран̣амад̇д̇з маяа-сад̣̇д̣̇о д̣̇адтаб̣б̣о.

    Sovaṇṇamayanti ettha suvaṇṇa-saddo ‘‘suvaṇṇe dubbaṇṇe sugate duggate’’ti (ma. ni. 1.148) ca ‘‘suvaṇṇatā susaratā’’ti (khu. pā. 8.11) ca evamādīsu chavisampattiyaṃ āgato. ‘‘Kākaṃ suvaṇṇā parivārayantī’’tiādīsu (jā. 1.1.77) garuḷe. ‘‘Suvaṇṇavaṇṇo kañcanasannibhattaco’’tiādīsu (dī. ni. 3.200) jātarūpe. Idhāpi jātarūpe eva daṭṭhabbo. Tañhi buddhānaṃ samānavaṇṇatāya sobhano vaṇṇo etassāti suvaṇṇanti vuccati. Suvaṇṇameva sovaṇṇaṃ yathā ‘‘vekataṃ vesama’’nti ca. Maya-saddo ca ‘‘anuññātapaṭiññātā, tevijjā mayamasmubho’’tiādīsu (su. ni. 599; ma. ni. 2.455) asmadatthe āgato. ‘‘Mayaṃ nissāya hemāya, jātamaṇḍo darī subhā’’ti ettha paññattiyaṃ. ‘‘Manomayā pītibhakkhā sayaṃpabhā’’tiādīsu (dī. ni. 1.39; 3.38) nibbattiatthe, bāhirena paccayena vinā manasāva nibbattāti manomayāti vuttā. ‘‘Yaṃnūnāhaṃ sāmaṃ cikkhallaṃ madditvā sabbamattikāmayaṃ kuṭikaṃ kareyya’’ntiādīsu (pārā. 84) vikāratthe. ‘‘Dānamayaṃ sīlamaya’’ntiādīsu (dī. ni. 3.305) padapūraṇamatte. Idhāpi vikāratthe, padapūraṇamatte vā daṭṭhabbo. Yadā hi suvaṇṇena nibbattaṃ sovaṇṇamayanti ayamattho, tadā suvaṇṇassa vikāro sovaṇṇamayanti vikāratthe maya-saddo daṭṭhabbo, ‘‘nibbattiatthe’’tipi vattuṃ vaṭṭatiyeva. Yadā pana suvaṇṇena nibbattaṃ sovaṇṇanti ayamattho, tadā sovaṇṇameva sovaṇṇamayanti padapūraṇamatte maya-saddo daṭṭhabbo.

    ул̣ааранд̇и бан̣ийд̇амби сздтамби маханд̇амби. ул̣аара-сад̣̇д̣̇о хи ‘‘буб̣б̣знаабарам̣ ул̣аарам̣ висзсам̣ ад̇хиг̇ажчад̇ий’’д̇иаад̣̇ийсу (сам̣. ни. 5.376) бан̣ийд̇з ааг̇ад̇о. ‘‘ул̣аарааяа калу бхавам̣ важчааяано саман̣ам̣ г̇од̇амам̣ басам̣сааяа басам̣сад̇ий’’д̇иаад̣̇ийсу (ма. ни. 1.288) сздтз. ‘‘ул̣аарабхог̇аа ул̣аараяасаа ол̣аарига’’нд̇и жа аад̣̇ийсу (д̇ха. са. 894, 896; ма. ни. 1.244) маханд̇з. д̇амби жа вимаанам̣ манун̃н̃абхаавзна убабхун̃ж̇анд̇аанам̣ ад̇ид̇д̇игаран̣ад̇т̇зна бан̣ийд̇ам̣, саманд̇абаасаад̣̇игад̇аад̣̇инаа басам̣сид̇ад̇ааяа сздтам̣, бамаан̣амаханд̇ад̇ааяа жа махаг̇гхад̇ааяа жа маханд̇ам̣, д̇ийхиби ад̇т̇зхи ул̣аарамзваад̇и вуд̇д̇ам̣ ул̣ааранд̇и.

    Uḷāranti paṇītampi seṭṭhampi mahantampi. Uḷāra-saddo hi ‘‘pubbenāparaṃ uḷāraṃ visesaṃ adhigacchatī’’tiādīsu (saṃ. ni. 5.376) paṇīte āgato. ‘‘Uḷārāya khalu bhavaṃ vacchāyano samaṇaṃ gotamaṃ pasaṃsāya pasaṃsatī’’tiādīsu (ma. ni. 1.288) seṭṭhe. ‘‘Uḷārabhogā uḷārayasā oḷārika’’nti ca ādīsu (dha. sa. 894, 896; ma. ni. 1.244) mahante. Tampi ca vimānaṃ manuññabhāvena upabhuñjantānaṃ atittikaraṇatthena paṇītaṃ, samantapāsādikatādinā pasaṃsitatāya seṭṭhaṃ, pamāṇamahantatāya ca mahagghatāya ca mahantaṃ, tīhipi atthehi uḷāramevāti vuttaṃ uḷāranti.

    манож̇аванд̇и зд̇т̇а манод̇и жид̇д̇ам̣. яад̣̇иби мано-сад̣̇д̣̇о саб̣б̣зсамби гусалаагусалааб̣яаагад̇ажид̇д̇аанам̣ саад̇хааран̣аваажий, ‘‘манож̇ава’’нд̇и бана вуд̇д̇ад̇д̇аа яад̇т̇а гад̇т̇ажи аарамман̣з бавад̇д̇анагасса гирияамаяажид̇д̇асса васзна взд̣̇ид̇аб̣б̣ам̣. д̇асмаа манасо вияа ж̇аво зд̇ассаад̇и манож̇авам̣ яат̇аа одтамукод̇и, ад̇ивияа сийгхаг̇амананд̇и ад̇т̇о. мано хи лахубаривад̇д̇ид̇ааяа ад̇ид̣̇уурзби висаяз кан̣знзва нибад̇ад̇и, д̇знааха бхаг̇аваа – ‘‘наахам̣, бхигкавз, ан̃н̃ам̣ згад̇хаммамби саманубассаами яам̣ звам̣ лахубаривад̇д̇ам̣, яат̇аяид̣̇ам̣, бхигкавз, жид̇д̇а’’нд̇и (а. ни. 1.48) ‘‘д̣̇ууран̇г̇амам̣ згажара’’нд̇и (д̇ха. ба. 37) жа. г̇ажчад̇ийд̇и д̇ассаа д̣̇звад̇ааяа васанавимаанад̇о уяяаанам̣ уд̣̇д̣̇исса аагаасзна г̇ажчад̇и.

    Manojavanti ettha manoti cittaṃ. Yadipi mano-saddo sabbesampi kusalākusalābyākatacittānaṃ sādhāraṇavācī, ‘‘manojava’’nti pana vuttattā yattha katthaci ārammaṇe pavattanakassa kiriyamayacittassa vasena veditabbaṃ. Tasmā manaso viya javo etassāti manojavaṃ yathā oṭṭhamukhoti, ativiya sīghagamananti attho. Mano hi lahuparivattitāya atidūrepi visaye khaṇeneva nipatati, tenāha bhagavā – ‘‘nāhaṃ, bhikkhave, aññaṃ ekadhammampi samanupassāmi yaṃ evaṃ lahuparivattaṃ, yathayidaṃ, bhikkhave, citta’’nti (a. ni. 1.48) ‘‘dūraṅgamaṃ ekacara’’nti (dha. pa. 37) ca. Gacchatīti tassā devatāya vasanavimānato uyyānaṃ uddissa ākāsena gacchati.

    язнагааманд̇и зд̇т̇а гаама-сад̣̇д̣̇о ‘‘гаамаа хи жид̇раа мад̇хураа манорамаа, вируубаруубзна мат̇знд̇и жид̇д̇а’’нд̇иаад̣̇ийсу (су. ни. 50; т̇зраг̇аа. 787) манаабияз руубаад̣̇ивисаяз ааг̇ад̇о. ‘‘чанд̣̇о гаамо рааг̇о гаамо’’д̇иаад̣̇ийсу (вибха. 564; махаани. 1; жуул̣ани. 8 аж̇ид̇амаан̣авабужчаанид̣̇д̣̇зса) чанд̣̇арааг̇з. ‘‘гилзсагаамо гаамубаад̣̇аана’’нд̇иаад̣̇ийсу (д̇ха. са. 1219; махаани. 2) саб̣б̣асмим̣ лобхз. ‘‘ад̇д̇агаамабаарижарияааяа ван̣н̣ам̣ бхаасзяяаа’’д̇иаад̣̇ийсу (баараа. 291) г̇аамад̇хаммз. ‘‘санд̇зд̇т̇а д̇аяо гулабуд̇д̇аа ад̇д̇агаамаруубаа вихаранд̇ий’’д̇иаад̣̇ийсу (ма. ни. 1.325; махаава. 466) хид̇ажчанд̣̇з. ‘‘ад̇д̇аад̇хийно абараад̇хийно бхуж̇иссо язнагаамам̣г̇амо’’д̇иаад̣̇ийсу (д̣̇ий. ни. 1.221; ма. ни. 1.426) сзрибхаавз. ид̇хааби сзрибхаавз зва д̣̇адтаб̣б̣о, д̇асмаа язнагааманд̇и яат̇ааружи, д̣̇звад̇ааяа ижчаануруубанд̇и ад̇т̇о.

    Yenakāmanti ettha kāma-saddo ‘‘kāmā hi citrā madhurā manoramā, virūparūpena mathenti citta’’ntiādīsu (su. ni. 50; theragā. 787) manāpiye rūpādivisaye āgato. ‘‘Chando kāmo rāgo kāmo’’tiādīsu (vibha. 564; mahāni. 1; cūḷani. 8 ajitamāṇavapucchāniddesa) chandarāge. ‘‘Kilesakāmo kāmupādāna’’ntiādīsu (dha. sa. 1219; mahāni. 2) sabbasmiṃ lobhe. ‘‘Attakāmapāricariyāya vaṇṇaṃ bhāseyyā’’tiādīsu (pārā. 291) gāmadhamme. ‘‘Santettha tayo kulaputtā attakāmarūpā viharantī’’tiādīsu (ma. ni. 1.325; mahāva. 466) hitacchande. ‘‘Attādhīno aparādhīno bhujisso yenakāmaṃgamo’’tiādīsu (dī. ni. 1.221; ma. ni. 1.426) seribhāve. Idhāpi seribhāve eva daṭṭhabbo, tasmā yenakāmanti yathāruci, devatāya icchānurūpanti attho.

    алан̇гад̇зд̇и алан̇гад̇аг̇ад̇д̇з, наанаавид̇харам̣сиж̇ааласамуж̇ж̇алавивид̇харад̇анавиж̇ж̇од̇ид̇зхи хад̇т̇уубаг̇абаад̣̇уубаг̇аад̣̇ибхзд̣̇зхи садтисагадабхаарабаримаан̣зхи д̣̇иб̣б̣аалан̇гаарзхи вибхуусид̇асарийрзд̇и ад̇т̇о. самб̣од̇ханз жзд̇ам̣ згаважанам̣. маляад̇харзд̇и габбаругкабаарижчад̇д̇агасанд̇аанагалад̇аад̣̇исамбхавзхи, сувисуд̣̇д̇хажаамийгаравивид̇харад̇анамаяабад̇д̇агин̃ж̇агкагзсарзхи, саманд̇ад̇о виж̇ж̇од̇амаанавибпуранд̇агиран̣анигараружирзхи д̣̇иб̣б̣агусумзхи суман̣д̣ид̇агзсахад̇т̇аад̣̇ид̇ааяа маалаабхаариний. сувад̇т̇зд̇и габбалад̇ааниб̣б̣ад̇д̇аанам̣, наанаавирааг̇аван̣н̣ависзсаанам̣ субарисуд̣̇д̇хабхаасураббабхаанам̣ ниваасануд̇д̇арияабадижчад̣̇аад̣̇ийнам̣ д̣̇иб̣б̣авад̇т̇аанам̣ васзна сунд̣̇аравад̇т̇з. обхаасасийд̇и виж̇ж̇од̇аси. виж̇ж̇уриваад̇и виж̇ж̇улад̇аа вияа. аб̣бхагууданд̇и валаахагасикарз. бхуммад̇т̇з хи зд̇ам̣ убаяог̇аважанам̣. обхаасасийд̇и ваа анд̇ог̇ад̇хахзд̇уад̇т̇аважанам̣, обхаасзсийд̇и ад̇т̇о. имасмим̣ багкз ‘‘аб̣бхагууда’’нд̇и убаяог̇ад̇т̇з зва убаяог̇аважанам̣ д̣̇адтаб̣б̣ам̣.

    Alaṅkateti alaṅkatagatte, nānāvidharaṃsijālasamujjalavividharatanavijjotitehi hatthūpagapādūpagādibhedehi saṭṭhisakaṭabhāraparimāṇehi dibbālaṅkārehi vibhūsitasarīreti attho. Sambodhane cetaṃ ekavacanaṃ. Malyadhareti kapparukkhapāricchattakasantānakalatādisambhavehi, suvisuddhacāmīkaravividharatanamayapattakiñjakkhakesarehi, samantato vijjotamānavipphurantakiraṇanikararucirehi dibbakusumehi sumaṇḍitakesahatthāditāya mālābhārinī. Suvattheti kappalatānibbattānaṃ, nānāvirāgavaṇṇavisesānaṃ suparisuddhabhāsurappabhānaṃ nivāsanuttariyapaṭicchadādīnaṃ dibbavatthānaṃ vasena sundaravatthe. Obhāsasīti vijjotasi. Vijjurivāti vijjulatā viya. Abbhakūṭanti valāhakasikhare. Bhummatthe hi etaṃ upayogavacanaṃ. Obhāsasīti vā antogadhahetuatthavacanaṃ, obhāsesīti attho. Imasmiṃ pakkhe ‘‘abbhakūṭa’’nti upayogatthe eva upayogavacanaṃ daṭṭhabbaṃ.

    аяан̃хзд̇т̇а ад̇т̇о – яат̇аа наама сан̃жхаабабхаануран̃ж̇ид̇ам̣ рад̇д̇авалаахагасикарам̣ багад̇ияааби обхаасамаанам̣ саманд̇ад̇о виж̇ж̇од̇амаанаа виж̇ж̇улад̇аа нижчаранд̇ий висзсад̇о обхаасзд̇и, звамзвам̣ субарисуд̣̇д̇хад̇абанийяамаяам̣ наанаарад̇анасамуж̇ж̇алам̣ багад̇ибабхассарам̣ имам̣ вимаанам̣ д̇вам̣ саб̣б̣аалан̇гаарзхи вибхуусид̇аа саб̣б̣асо виж̇ж̇од̇аяанд̇ийхи ад̇д̇ано сарийраббабхаахи вад̇т̇аабхаран̣обхаасзхи жа висзсад̇о обхаасзсийд̇и.

    Ayañhettha attho – yathā nāma sañjhāpabhānurañjitaṃ rattavalāhakasikharaṃ pakatiyāpi obhāsamānaṃ samantato vijjotamānā vijjulatā niccharantī visesato obhāseti, evamevaṃ suparisuddhatapanīyamayaṃ nānāratanasamujjalaṃ pakatipabhassaraṃ imaṃ vimānaṃ tvaṃ sabbālaṅkārehi vibhūsitā sabbaso vijjotayantīhi attano sarīrappabhāhi vatthābharaṇobhāsehi ca visesato obhāsesīti.

    зд̇т̇а хи ‘‘бийта’’нд̇и нид̣̇ассзд̇аб̣б̣аважанамзд̇ам̣ , ‘‘аб̣бхагууда’’нд̇и нид̣̇ассанаважанам̣. д̇ат̇аа ‘‘д̇з’’д̇и нид̣̇ассзд̇аб̣б̣аважанам̣. д̇ан̃хи ‘‘бийта’’нд̇и ид̣̇ам̣ абзгкид̇ваа саамиважанзна вуд̇д̇амби ‘‘алан̇гад̇з маляад̇харз сувад̇т̇з обхаасасий’’д̇и имаани бад̣̇аани абзгкид̇ваа бажжад̇д̇авасзна барин̣амад̇и, д̇асмаа ‘‘д̇ва’’нд̇и вуд̇д̇ам̣ ход̇и. ‘‘виж̇ж̇уриваа’’д̇и нид̣̇ассанаважанам̣. ‘‘обхаасасий’’д̇и ид̣̇ам̣ д̣̇виннамби убамзяяубамаанаанам̣ самб̣анд̇хад̣̇ассанам̣. ‘‘обхаасасий’’д̇и хи ид̣̇ам̣ ‘‘д̇ва’’нд̇и бад̣̇ам̣ абзгкид̇ваа маж̇жхимабурисавасзна вуд̇д̇ам̣, ‘‘бийта’’нд̇и ид̣̇ам̣ абзгкид̇ваа батамабурисавасзна барин̣амад̇и. жа-сад̣̇д̣̇о жзд̇т̇а луд̇д̇анид̣̇д̣̇идто д̣̇адтаб̣б̣о. ‘‘г̇ажчад̇и язнагаамам̣ обхаасасий’’д̇и жа ‘‘виж̇ж̇улад̇обхаасид̇ам̣ аб̣бхагуудам̣ вияаа’’д̇и бажжад̇д̇авасзна жзд̇ам̣ убаяог̇аважанам̣ барин̣амад̇и. д̇ат̇аа ‘‘бийта’’нд̇и висзсид̇аб̣б̣аважанамзд̇ам̣, ‘‘д̇з сован̣н̣амаяам̣ ул̣аара’’нд̇иаад̣̇и д̇асса висзсанам̣.

    Ettha hi ‘‘pīṭha’’nti nidassetabbavacanametaṃ , ‘‘abbhakūṭa’’nti nidassanavacanaṃ. Tathā ‘‘te’’ti nidassetabbavacanaṃ. Tañhi ‘‘pīṭha’’nti idaṃ apekkhitvā sāmivacanena vuttampi ‘‘alaṅkate malyadhare suvatthe obhāsasī’’ti imāni padāni apekkhitvā paccattavasena pariṇamati, tasmā ‘‘tva’’nti vuttaṃ hoti. ‘‘Vijjurivā’’ti nidassanavacanaṃ. ‘‘Obhāsasī’’ti idaṃ dvinnampi upameyyupamānānaṃ sambandhadassanaṃ. ‘‘Obhāsasī’’ti hi idaṃ ‘‘tva’’nti padaṃ apekkhitvā majjhimapurisavasena vuttaṃ, ‘‘pīṭha’’nti idaṃ apekkhitvā paṭhamapurisavasena pariṇamati. Ca-saddo cettha luttaniddiṭṭho daṭṭhabbo. ‘‘Gacchati yenakāmaṃ obhāsasī’’ti ca ‘‘vijjulatobhāsitaṃ abbhakūṭaṃ viyā’’ti paccattavasena cetaṃ upayogavacanaṃ pariṇamati. Tathā ‘‘pīṭha’’nti visesitabbavacanametaṃ, ‘‘te sovaṇṇamayaṃ uḷāra’’ntiādi tassa visesanaṃ.

    нану жа ‘‘сован̣н̣амаяа’’нд̇и вад̇ваа суван̣н̣асса аг̇г̇алохад̇ааяа сздтабхаавад̇о д̣̇иб̣б̣асса жа ид̇хаад̇хиббзд̇ад̇д̇аа ‘‘ул̣аара’’нд̇и на вад̇д̇аб̣б̣анд̇и? на, гин̃жи висзсасаб̣бхаавад̇о. яат̇зва хи мануссабарибхог̇асуван̣н̣авигад̇ид̇о расавид̣̇д̇хам̣ сздтам̣ сувисуд̣̇д̇хам̣, д̇ад̇о аагаруббаннам̣, д̇ад̇о яам̣гин̃жи д̣̇иб̣б̣ам̣ сздтам̣, звам̣ д̣̇иб̣б̣асуван̣н̣зби жаамийгарам̣, жаамийгарад̇о саад̇агумбхам̣, саад̇агумбхад̇о ж̇амб̣унад̣̇ам̣, ж̇амб̣унад̣̇ад̇о син̇г̇ийсуван̣н̣ам̣. д̇ан̃хи саб̣б̣асздтам̣. д̇знааха сагго д̣̇зваанаминд̣̇о –

    Nanu ca ‘‘sovaṇṇamaya’’nti vatvā suvaṇṇassa aggalohatāya seṭṭhabhāvato dibbassa ca idhādhippetattā ‘‘uḷāra’’nti na vattabbanti? Na, kiñci visesasabbhāvato. Yatheva hi manussaparibhogasuvaṇṇavikatito rasaviddhaṃ seṭṭhaṃ suvisuddhaṃ, tato ākaruppannaṃ, tato yaṃkiñci dibbaṃ seṭṭhaṃ, evaṃ dibbasuvaṇṇepi cāmīkaraṃ, cāmīkarato sātakumbhaṃ, sātakumbhato jambunadaṃ, jambunadato siṅgīsuvaṇṇaṃ. Tañhi sabbaseṭṭhaṃ. Tenāha sakko devānamindo –

    ‘‘муд̇д̇о муд̇д̇зхи саха бураан̣аж̇адилзхи, виббамуд̇д̇о виббамуд̇д̇зхи;

    ‘‘Mutto muttehi saha purāṇajaṭilehi, vippamutto vippamuttehi;

    син̇г̇ийнигкасаван̣н̣о, рааж̇аг̇ахам̣ баависи бхаг̇аваа’’д̇и. (махаава. 58);

    Siṅgīnikkhasavaṇṇo, rājagahaṃ pāvisi bhagavā’’ti. (mahāva. 58);

    д̇асмаа ‘‘сован̣н̣амаяа’’нд̇и вад̇вааби ‘‘ул̣аара’’нд̇и вуд̇д̇ам̣. ат̇а ваа ‘‘ул̣аара’’нд̇и ид̣̇ам̣ на д̇асса сздтабан̣ийд̇абхаавамзва санд̇хааяа вуд̇д̇ам̣, ат̇а ко маханд̇абхаавамбийд̇и вуд̇д̇овааяамад̇т̇о . зд̇т̇а жа ‘‘бийта’’нд̇иаад̣̇и паласса гаммасаригкад̇аад̣̇ассанам̣. д̇ад̇т̇ааби ‘‘сован̣н̣амаяа’’нд̇и иминаа д̇асса вимаанасса вад̇т̇усамбад̣̇ам̣ д̣̇ассзд̇и, ‘‘ул̣аара’’нд̇и иминаа собхаад̇исаяасамбад̣̇ам̣, ‘‘манож̇ава’’нд̇и иминаа г̇аманасамбад̣̇ам̣. ‘‘г̇ажчад̇и язнагаама’’нд̇и иминаа сийгхаж̇авад̇ааяа бийтасамбад̇д̇ибхаавасамбад̣̇ам̣ д̣̇ассзд̇и.

    Tasmā ‘‘sovaṇṇamaya’’nti vatvāpi ‘‘uḷāra’’nti vuttaṃ. Atha vā ‘‘uḷāra’’nti idaṃ na tassa seṭṭhapaṇītabhāvameva sandhāya vuttaṃ, atha kho mahantabhāvampīti vuttovāyamattho . Ettha ca ‘‘pīṭha’’ntiādi phalassa kammasarikkhatādassanaṃ. Tatthāpi ‘‘sovaṇṇamaya’’nti iminā tassa vimānassa vatthusampadaṃ dasseti, ‘‘uḷāra’’nti iminā sobhātisayasampadaṃ, ‘‘manojava’’nti iminā gamanasampadaṃ. ‘‘Gacchati yenakāma’’nti iminā sīghajavatāya pīṭhasampattibhāvasampadaṃ dasseti.

    ат̇а ваа ‘‘сован̣н̣амаяа’’нд̇и иминаа д̇асса бан̣ийд̇абхаавам̣ д̣̇ассзд̇и, ‘‘ул̣аара’’нд̇и иминаа взбулламахад̇д̇ам̣. ‘‘манож̇ава’’нд̇и иминаа аанубхаавамахад̇д̇ам̣. ‘‘г̇ажчад̇и язнагаама’’нд̇и иминаа вихаарасукад̇д̇ам̣ д̣̇ассзд̇и. ‘‘сован̣н̣амаяа’’нд̇и ваа иминаа д̇асса абхируубад̇ам̣ ван̣н̣абогкарад̇ан̃жа д̣̇ассзд̇и, ‘‘ул̣аара’’нд̇и иминаа д̣̇ассанийяад̇ам̣ баасаад̣̇игад̇ан̃жа д̣̇ассзд̇и, ‘‘манож̇ава’’нд̇и иминаа сийгхасамбад̣̇ам̣, ‘‘г̇ажчад̇и язнагаама’’нд̇и иминаа гад̇т̇ажи аббадихад̇ажаарад̇ам̣ д̣̇ассзд̇и.

    Atha vā ‘‘sovaṇṇamaya’’nti iminā tassa paṇītabhāvaṃ dasseti, ‘‘uḷāra’’nti iminā vepullamahattaṃ. ‘‘Manojava’’nti iminā ānubhāvamahattaṃ. ‘‘Gacchati yenakāma’’nti iminā vihārasukhattaṃ dasseti. ‘‘Sovaṇṇamaya’’nti vā iminā tassa abhirūpataṃ vaṇṇapokkharatañca dasseti, ‘‘uḷāra’’nti iminā dassanīyataṃ pāsādikatañca dasseti, ‘‘manojava’’nti iminā sīghasampadaṃ, ‘‘gacchati yenakāma’’nti iminā katthaci appaṭihatacārataṃ dasseti.

    ат̇а ваа д̇ам̣ вимаанам̣ яасса бун̃н̃агаммасса ниссанд̣̇апалам̣, д̇асса алобханиссанд̣̇ад̇ааяа сован̣н̣амаяам̣, ад̣̇осаниссанд̣̇ад̇ааяа ул̣аарам̣, амоханиссанд̣̇ад̇ааяа манож̇авам̣ г̇ажчад̇и язнагаамам̣. д̇ат̇аа д̇асса гаммасса сад̣̇д̇хааниссанд̣̇абхаавзна сован̣н̣амаяам̣, бан̃н̃ааниссанд̣̇абхаавзна ул̣аарам̣, вийрияаниссанд̣̇абхаавзна манож̇авам̣, самаад̇хиниссанд̣̇абхаавзна г̇ажчад̇и язнагаамам̣. сад̣̇д̇хаасамаад̇хиниссанд̣̇абхаавзна ваа сован̣н̣амаяам̣, самаад̇хибан̃н̃ааниссанд̣̇абхаавзна ул̣аарам̣, самаад̇хивийрияаниссанд̣̇абхаавзна манож̇авам̣, самаад̇хисад̇иниссанд̣̇абхаавзна г̇ажчад̇и язнагааманд̇и взд̣̇ид̇аб̣б̣ам̣.

    Atha vā taṃ vimānaṃ yassa puññakammassa nissandaphalaṃ, tassa alobhanissandatāya sovaṇṇamayaṃ, adosanissandatāya uḷāraṃ, amohanissandatāya manojavaṃ gacchati yenakāmaṃ. Tathā tassa kammassa saddhānissandabhāvena sovaṇṇamayaṃ, paññānissandabhāvena uḷāraṃ, vīriyanissandabhāvena manojavaṃ, samādhinissandabhāvena gacchati yenakāmaṃ. Saddhāsamādhinissandabhāvena vā sovaṇṇamayaṃ, samādhipaññānissandabhāvena uḷāraṃ, samādhivīriyanissandabhāvena manojavaṃ, samādhisatinissandabhāvena gacchati yenakāmanti veditabbaṃ.

    д̇ад̇т̇а яат̇аа ‘‘бийта’’нд̇иаад̣̇и вимаанасамбад̇д̇ид̣̇ассанавасзна д̇ассаа д̣̇звад̇ааяа бун̃н̃апалавибхавасамбад̇д̇игид̇д̇анам̣, звам̣ ‘‘алан̇гад̇з’’д̇иаад̣̇и ад̇д̇абхаавасамбад̇д̇ид̣̇ассанавасзна бун̃н̃апалавибхавасамбад̇д̇игид̇д̇анам̣. яат̇аа хи сусигкид̇асиббаажарияавиражид̇оби рад̇д̇асуван̣н̣аалан̇гааро вивид̇харам̣сиж̇ааласамуж̇ж̇аламан̣ирад̇анакажид̇о зва собхад̇и, на гзвало, звам̣ саб̣б̣ан̇г̇асамбанно жад̇урассасобханоби ад̇д̇абхааво суман̣д̣ид̇абасаад̇хид̇ова собхад̇и, на гзвало. д̇знассаа ‘‘алан̇гад̇з’’д̇иаад̣̇инаа аахаримам̣ собхаависзсам̣ д̣̇ассзд̇и, ‘‘обхаасасий’’д̇и иминаа анаахаримам̣. д̇ат̇аа буримзна вад̇д̇амаанабажжаяанимид̇д̇ам̣ собхаад̇исаяам̣ д̣̇ассзд̇и, бажчимзна ад̇ийд̇абажжаяанимид̇д̇ам̣. буримзна ваа д̇ассаа убабхог̇авад̇т̇усамбад̣̇ам̣ д̣̇ассзд̇и, бажчимзна убабхун̃ж̇анагавад̇т̇усамбад̣̇ам̣.

    Tattha yathā ‘‘pīṭha’’ntiādi vimānasampattidassanavasena tassā devatāya puññaphalavibhavasampattikittanaṃ, evaṃ ‘‘alaṅkate’’tiādi attabhāvasampattidassanavasena puññaphalavibhavasampattikittanaṃ. Yathā hi susikkhitasippācariyaviracitopi rattasuvaṇṇālaṅkāro vividharaṃsijālasamujjalamaṇiratanakhacito eva sobhati, na kevalo, evaṃ sabbaṅgasampanno caturassasobhanopi attabhāvo sumaṇḍitapasādhitova sobhati, na kevalo. Tenassā ‘‘alaṅkate’’tiādinā āharimaṃ sobhāvisesaṃ dasseti, ‘‘obhāsasī’’ti iminā anāharimaṃ. Tathā purimena vattamānapaccayanimittaṃ sobhātisayaṃ dasseti, pacchimena atītapaccayanimittaṃ. Purimena vā tassā upabhogavatthusampadaṃ dasseti, pacchimena upabhuñjanakavatthusampadaṃ.

    зд̇т̇ааха ‘‘гим̣ бана д̇ам̣ вимаанам̣ яуд̇д̇аваахам̣, уд̣̇ааху аяуд̇д̇авааха’’нд̇и? яад̣̇иби д̣̇звалогз рат̇авимаанаани яуд̇д̇аваахааниби хонд̇и ‘‘сахассаяуд̇д̇ам̣ ааж̇ан̃н̃арат̇а’’нд̇и (сам̣. ни. 1.264) аад̣̇иважанад̇о, д̇з бана д̣̇звабуд̇д̇аа зва гижжагаран̣агаалз ваахаруубзна ад̇д̇аанам̣ д̣̇ассзнд̇и яат̇аа зрааван̣о д̣̇звабуд̇д̇о гийл̣анагаалз хад̇т̇ируубзна. ид̣̇ам̣ бана ан̃н̃ан̃жа зд̣̇исам̣ аяуд̇д̇аваахам̣ д̣̇адтаб̣б̣ам̣.

    Etthāha ‘‘kiṃ pana taṃ vimānaṃ yuttavāhaṃ, udāhu ayuttavāha’’nti? Yadipi devaloke rathavimānāni yuttavāhānipi honti ‘‘sahassayuttaṃ ājaññaratha’’nti (saṃ. ni. 1.264) ādivacanato, te pana devaputtā eva kiccakaraṇakāle vāharūpena attānaṃ dassenti yathā erāvaṇo devaputto kīḷanakāle hatthirūpena. Idaṃ pana aññañca edisaṃ ayuttavāhaṃ daṭṭhabbaṃ.

    яад̣̇и звам̣ гим̣ д̇асса вимаанасса аб̣бханд̇араа вааяод̇хаад̇у г̇аманз висзсабажжаяо, уд̣̇ааху б̣аахираад̇и? аб̣бханд̇араад̇и г̇ахзд̇аб̣б̣ам̣. яат̇аа хи жанд̣̇авимаанасуурияавимаанаад̣̇ийнам̣ д̣̇зсанд̇араг̇аманз д̇ад̣̇убаж̇ийвийнам̣ сад̇д̇аанам̣ саад̇хааран̣агамманиб̣б̣ад̇д̇ам̣ ад̇ивияа сийгхаж̇авам̣ маханд̇ам̣ вааяуман̣д̣алам̣ д̇аани бзлзнд̇ам̣ бавад̇д̇зд̇и, на звам̣ д̇ам̣ бзлзд̇ваа бавад̇д̇знд̇ий б̣аахираа вааяод̇хаад̇у ад̇т̇и. яат̇аа жа бана жаггарад̇анам̣ анд̇осамудтид̇ааяа вааяод̇хаад̇уяаа васзна бавад̇д̇ад̇и. на хи д̇асса жанд̣̇авимаанаад̣̇ийнам̣ вияа б̣аахираа вааяод̇хаад̇у бзлзд̇ваа бавад̇д̇игаа ад̇т̇и ран̃н̃о жаггавад̇д̇исса жид̇д̇авасзна ‘‘бавад̇д̇ад̇у бхавам̣ жаггарад̇ана’’нд̇иаад̣̇иважанасаманананд̇арамзва бавад̇д̇анад̇о, звам̣ д̇ассаа д̣̇звад̇ааяа жид̇д̇авасзна ад̇д̇асанниссид̇ааяа вааяод̇хаад̇уяаа г̇ажчад̇ийд̇и взд̣̇ид̇аб̣б̣ам̣. д̇зна вуд̇д̇ам̣ ‘‘манож̇авам̣ г̇ажчад̇и язнагаама’’нд̇и.

    Yadi evaṃ kiṃ tassa vimānassa abbhantarā vāyodhātu gamane visesapaccayo, udāhu bāhirāti? Abbhantarāti gahetabbaṃ. Yathā hi candavimānasūriyavimānādīnaṃ desantaragamane tadupajīvīnaṃ sattānaṃ sādhāraṇakammanibbattaṃ ativiya sīghajavaṃ mahantaṃ vāyumaṇḍalaṃ tāni pelentaṃ pavatteti, na evaṃ taṃ peletvā pavattentī bāhirā vāyodhātu atthi. Yathā ca pana cakkaratanaṃ antosamuṭṭhitāya vāyodhātuyā vasena pavattati. Na hi tassa candavimānādīnaṃ viya bāhirā vāyodhātu peletvā pavattikā atthi rañño cakkavattissa cittavasena ‘‘pavattatu bhavaṃ cakkaratana’’ntiādivacanasamananantarameva pavattanato, evaṃ tassā devatāya cittavasena attasannissitāya vāyodhātuyā gacchatīti veditabbaṃ. Tena vuttaṃ ‘‘manojavaṃ gacchati yenakāma’’nti.

    2. звам̣ батамаг̇аат̇ааяа д̇ассаа д̣̇звад̇ааяа бун̃н̃апаласамбад̇д̇им̣ гид̇д̇зд̇ваа ид̣̇аани д̇ассаа гааран̣абхууд̇ам̣ бун̃н̃асамбад̣̇ам̣ вибхаавзд̇ум̣ ‘‘гзна д̇зд̇аад̣̇исо ван̣н̣о’’д̇иаад̣̇и г̇аат̇аад̣̇ваяам̣ вуд̇д̇ам̣. д̇ад̇т̇а гзнаад̇и гим̣-сад̣̇д̣̇о ‘‘гим̣ рааж̇аа яо логам̣ на рагкад̇и, гим̣ ну ко наама д̇умхз мам̣ вад̇д̇аб̣б̣ам̣ ман̃н̃ат̇аа’’д̇иаад̣̇ийсу (баараа. 424) г̇арахан̣з ааг̇ад̇о. ‘‘яам̣гин̃жи руубам̣ ад̇ийд̇аанааг̇ад̇абажжуббанна’’нд̇иаад̣̇ийсу (ма. ни. 1.244; сам̣. ни. 3.59) анияамз. ‘‘гим̣ сууд̇ха вид̇д̇ам̣ бурисасса сздта’’нд̇иаад̣̇ийсу (су. ни. 183; сам̣. ни. 1.73) бужчааяам̣. ид̇хааби бужчааяамзва д̣̇адтаб̣б̣о. ‘‘гзнаа’’д̇и жа хзд̇уад̇т̇з гаран̣аважанам̣, гзна хзд̇унаад̇и ад̇т̇о. д̇зд̇и д̇ава. зд̇аад̣̇исод̇и зд̣̇исо, зд̇арахи яат̇аад̣̇иссамаанод̇и ад̇т̇о. ван̣н̣од̇и ван̣н̣а-сад̣̇д̣̇о ‘‘гад̣̇аа сан̃н̃уул̣хаа бана д̇з, г̇ахабад̇и, имз саман̣асса г̇од̇амасса ван̣н̣аа’’д̇иаад̣̇ийсу (ма. ни. 2.77) г̇ун̣з ааг̇ад̇о. ‘‘анзгабарияааязна б̣уд̣̇д̇хасса ван̣н̣ам̣ бхаасад̇и, д̇хаммасса ван̣н̣ам̣ бхаасад̇и, сан̇гхасса ван̣н̣ам̣ бхаасад̇ий’’д̇иаад̣̇ийсу (д̣̇ий. ни. 1.4) т̇уд̇ияам̣. ‘‘ат̇а гзна ну ван̣н̣зна, г̇анд̇хат̇знод̇и вужжад̇ий’’д̇иаад̣̇ийсу (сам̣. ни. 1.234; ж̇аа. 1.6.116) гааран̣з. ‘‘д̇аяо бад̇д̇асса ван̣н̣аа’’д̇иаад̣̇ийсу (баараа. 602) бамаан̣з. ‘‘жад̇д̇ааромз, бхо г̇од̇ама, ван̣н̣аа’’д̇иаад̣̇ийсу (д̣̇ий. ни. 3.115; ма. ни. 2.379-380) ж̇аад̇ияам̣. ‘‘маханд̇ам̣ хад̇т̇ирааж̇аван̣н̣ам̣ абхинимминид̇ваа’’д̇иаад̣̇ийсу сан̣таанз. ‘‘суван̣н̣аван̣н̣оси бхаг̇аваа, сусуггад̣̇аатоси вийрияаваа’’д̇иаад̣̇ийсу (ма. ни. 2.399; су. ни. 553) чавиван̣н̣з. ид̇хааби чавиван̣н̣з зва д̣̇адтаб̣б̣о. аяан̃хзд̇т̇а ад̇т̇о – гзна гийд̣̇исзна бун̃н̃ависзсзна хзд̇убхууд̇зна д̣̇звад̇з, д̇ава зд̇аад̣̇исо звам̣вид̇хо д̣̇ваад̣̇асаяож̇анаани паран̣агаббабхо сарийраван̣н̣о ж̇аад̇од̇и?

    2. Evaṃ paṭhamagāthāya tassā devatāya puññaphalasampattiṃ kittetvā idāni tassā kāraṇabhūtaṃ puññasampadaṃ vibhāvetuṃ ‘‘kena tetādiso vaṇṇo’’tiādi gāthādvayaṃ vuttaṃ. Tattha kenāti kiṃ-saddo ‘‘kiṃ rājā yo lokaṃ na rakkhati, kiṃ nu kho nāma tumhe maṃ vattabbaṃ maññathā’’tiādīsu (pārā. 424) garahaṇe āgato. ‘‘Yaṃkiñci rūpaṃ atītānāgatapaccuppanna’’ntiādīsu (ma. ni. 1.244; saṃ. ni. 3.59) aniyame. ‘‘Kiṃ sūdha vittaṃ purisassa seṭṭha’’ntiādīsu (su. ni. 183; saṃ. ni. 1.73) pucchāyaṃ. Idhāpi pucchāyameva daṭṭhabbo. ‘‘Kenā’’ti ca hetuatthe karaṇavacanaṃ, kena hetunāti attho. Teti tava. Etādisoti ediso, etarahi yathādissamānoti attho. Vaṇṇoti vaṇṇa-saddo ‘‘kadā saññūḷhā pana te, gahapati, ime samaṇassa gotamassa vaṇṇā’’tiādīsu (ma. ni. 2.77) guṇe āgato. ‘‘Anekapariyāyena buddhassa vaṇṇaṃ bhāsati, dhammassa vaṇṇaṃ bhāsati, saṅghassa vaṇṇaṃ bhāsatī’’tiādīsu (dī. ni. 1.4) thutiyaṃ. ‘‘Atha kena nu vaṇṇena, gandhathenoti vuccatī’’tiādīsu (saṃ. ni. 1.234; jā. 1.6.116) kāraṇe. ‘‘Tayo pattassa vaṇṇā’’tiādīsu (pārā. 602) pamāṇe. ‘‘Cattārome, bho gotama, vaṇṇā’’tiādīsu (dī. ni. 3.115; ma. ni. 2.379-380) jātiyaṃ. ‘‘Mahantaṃ hatthirājavaṇṇaṃ abhinimminitvā’’tiādīsu saṇṭhāne. ‘‘Suvaṇṇavaṇṇosi bhagavā, susukkadāṭhosi vīriyavā’’tiādīsu (ma. ni. 2.399; su. ni. 553) chavivaṇṇe. Idhāpi chavivaṇṇe eva daṭṭhabbo. Ayañhettha attho – kena kīdisena puññavisesena hetubhūtena devate, tava etādiso evaṃvidho dvādasayojanāni pharaṇakappabho sarīravaṇṇo jātoti?

    гзна д̇з ид̇ха миж̇жхад̇ийд̇и гзна бун̃н̃аад̇исаязна д̇з ид̇ха имасмим̣ таанз ид̣̇аани д̇аяи лаб̣бхамаанам̣ ул̣аарам̣ сужарид̇апалам̣ иж̇жхад̇и нибпаж̇ж̇ад̇и. уббаж̇ж̇анд̇ийд̇и ниб̣б̣ад̇д̇анд̇и, авижчзд̣̇авасзна убаруубари вад̇д̇анд̇ийд̇и ад̇т̇о. бхог̇аад̇и барибхун̃ж̇ид̇аб̣б̣адтзна ‘‘бхог̇аа’’д̇и лад̣̇д̇ханаамаа вад̇т̇аабхаран̣аад̣̇ивид̇д̇уубагаран̣ависзсаа. язд̇и сааман̃н̃зна анияаманид̣̇д̣̇зсо, гзжийд̇и багаарабхзд̣̇ам̣ аамасид̇ваа анияаманид̣̇д̣̇зсо, убхаязнааби бан̣ийд̇абан̣ийд̇ад̇араад̣̇ибхзд̣̇з д̇ад̇т̇а лаб̣бхамаанз д̇аад̣̇исз бхог̇з анавасзсад̇о б̣яаабзд̇ваа сан̇г̇ан̣хаад̇и. анавасзсаб̣яаабаго хи аяам̣ нид̣̇д̣̇зсо яат̇аа ‘‘яз гзжи сан̇каараа’’д̇и. манасо бияаад̇и манасаа бияааяид̇аб̣б̣аа, манаабияаад̇и ад̇т̇о.

    Kena te idha mijjhatīti kena puññātisayena te idha imasmiṃ ṭhāne idāni tayi labbhamānaṃ uḷāraṃ sucaritaphalaṃ ijjhati nipphajjati. Uppajjantīti nibbattanti, avicchedavasena uparūpari vattantīti attho. Bhogāti paribhuñjitabbaṭṭhena ‘‘bhogā’’ti laddhanāmā vatthābharaṇādivittūpakaraṇavisesā. Yeti sāmaññena aniyamaniddeso, kecīti pakārabhedaṃ āmasitvā aniyamaniddeso, ubhayenāpi paṇītapaṇītatarādibhede tattha labbhamāne tādise bhoge anavasesato byāpetvā saṅgaṇhāti. Anavasesabyāpako hi ayaṃ niddeso yathā ‘‘ye keci saṅkhārā’’ti. Manaso piyāti manasā piyāyitabbā, manāpiyāti attho.

    зд̇т̇а жа ‘‘зд̇аад̣̇исо ван̣н̣о’’д̇и иминаа хздтаа вуд̇д̇ависзсаа д̇ассаа д̣̇звад̇ааяа ад̇д̇абхаавабарияаабаннаа ван̣н̣асамбад̣̇аа д̣̇ассид̇аа. ‘‘бхог̇аа’’д̇и иминаа убабхог̇абарибхог̇авад̇т̇убхууд̇аа д̣̇иб̣б̣аруубасад̣̇д̣̇аг̇анд̇харасаподтаб̣б̣абхзд̣̇аа гаамаг̇ун̣асамбад̣̇аа. ‘‘манасо бияаа’’д̇и иминаа д̇зсам̣ руубаад̣̇ийнам̣ идтаганд̇аманаабад̇аа. ‘‘ид̇ха миж̇жхад̇ий’’д̇и иминаа бана д̣̇иб̣б̣аааяуван̣н̣аяасасукааад̇хибад̇зяяасамбад̣̇аа д̣̇ассид̇аа. ‘‘яз гзжи манасо бияаа’’д̇и иминаа яаани ‘‘со ан̃н̃з д̣̇звз д̣̇асахи таанзхи ад̇хиг̇г̇ан̣хаад̇и д̣̇иб̣б̣зна ааяунаа д̣̇иб̣б̣зна ван̣н̣зна д̣̇иб̣б̣зна сукзна д̣̇иб̣б̣зна яасзна д̣̇иб̣б̣зна аад̇хибад̇зяязна д̣̇иб̣б̣зхи руубзхи д̣̇иб̣б̣зхи сад̣̇д̣̇зхи д̣̇иб̣б̣зхи г̇анд̇хзхи д̣̇иб̣б̣зхи расзхи д̣̇иб̣б̣зхи подтаб̣б̣зхий’’д̇и (сам̣. ни. 4.341) суд̇д̇з ааг̇ад̇аани д̣̇аса таанаани. д̇зсам̣ ид̇ха анавасзсад̇о сан̇г̇ахо д̣̇ассид̇од̇и взд̣̇ид̇аб̣б̣о.

    Ettha ca ‘‘etādiso vaṇṇo’’ti iminā heṭṭhā vuttavisesā tassā devatāya attabhāvapariyāpannā vaṇṇasampadā dassitā. ‘‘Bhogā’’ti iminā upabhogaparibhogavatthubhūtā dibbarūpasaddagandharasaphoṭṭhabbabhedā kāmaguṇasampadā. ‘‘Manaso piyā’’ti iminā tesaṃ rūpādīnaṃ iṭṭhakantamanāpatā. ‘‘Idha mijjhatī’’ti iminā pana dibbaāyuvaṇṇayasasukhaādhipateyyasampadā dassitā. ‘‘Ye keci manaso piyā’’ti iminā yāni ‘‘so aññe deve dasahi ṭhānehi adhiggaṇhāti dibbena āyunā dibbena vaṇṇena dibbena sukhena dibbena yasena dibbena ādhipateyyena dibbehi rūpehi dibbehi saddehi dibbehi gandhehi dibbehi rasehi dibbehi phoṭṭhabbehī’’ti (saṃ. ni. 4.341) sutte āgatāni dasa ṭhānāni. Tesaṃ idha anavasesato saṅgaho dassitoti veditabbo.

    3. бужчаамийд̇и бан̃хам̣ гароми, н̃аад̇умижчаамийд̇и ад̇т̇о. гааман̃жзд̇ам̣ ‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и. гимагааси бун̃н̃ам̣, гзнааси звам̣ ж̇алид̇аанубхааваа’’д̇и жа гим̣-сад̣̇д̣̇аг̇г̇ахан̣знзва ад̇т̇анд̇арасса асамбхавад̇о бужчаавасзна г̇аат̇аад̇д̇аяам̣ вуд̇д̇анд̇и вин̃н̃ааяад̇и. бужчаависзсабхааван̃аабанад̇т̇ам̣ бана ‘‘бужчаамий’’д̇и вуд̇д̇ам̣. аяан̃хи бужчаа ад̣̇идтаж̇од̇анаа д̇аава на ход̇и зд̣̇исасса ад̇т̇асса махаат̇зрасса ад̣̇идтабхааваабхаавад̇о, вимад̇ижчзд̣̇анааби на ход̇и саб̣б̣асо самуг̇гхаад̇ид̇асам̣саяад̇д̇аа, анумад̇ибужчааби на ход̇и ‘‘д̇ам̣ гим̣ ман̃н̃аси рааж̇ан̃н̃аа’’д̇иаад̣̇ийсу (д̣̇ий. ни. 2.413) вияа анумад̇иг̇ахан̣аагаарзна аббавад̇д̇ад̇д̇аа, гат̇зд̇угамяад̇аабужчааби на ход̇и д̇ассаа д̣̇звад̇ааяа гат̇зд̇угамяад̇аавасзна т̇зрзна абужчид̇ад̇д̇аа. висзсзна бана д̣̇идтасам̣санд̣̇анаад̇и взд̣̇ид̇аб̣б̣аа. свааяамад̇т̇о хздтаа адтуббад̇д̇игат̇ааяам̣ ‘‘т̇зро гин̃жаабий’’д̇иаад̣̇инаа вибхаавид̇о зва. д̇анд̇и д̇вам̣. д̇аяид̣̇ам̣ буб̣б̣аабараабзгкам̣, буб̣б̣аабзгкад̇ааяа убаяог̇згаважанам̣, бараабзгкад̇ааяа бана бажжад̇д̇згаважанам̣ д̣̇адтаб̣б̣ам̣.

    3.Pucchāmīti pañhaṃ karomi, ñātumicchāmīti attho. Kāmañcetaṃ ‘‘kena tetādiso vaṇṇo, kena te idha mijjhati. Kimakāsi puññaṃ, kenāsi evaṃ jalitānubhāvā’’ti ca kiṃ-saddaggahaṇeneva atthantarassa asambhavato pucchāvasena gāthāttayaṃ vuttanti viññāyati. Pucchāvisesabhāvañāpanatthaṃ pana ‘‘pucchāmī’’ti vuttaṃ. Ayañhi pucchā adiṭṭhajotanā tāva na hoti edisassa atthassa mahātherassa adiṭṭhabhāvābhāvato, vimaticchedanāpi na hoti sabbaso samugghātitasaṃsayattā, anumatipucchāpi na hoti ‘‘taṃ kiṃ maññasi rājaññā’’tiādīsu (dī. ni. 2.413) viya anumatigahaṇākārena appavattattā, kathetukamyatāpucchāpi na hoti tassā devatāya kathetukamyatāvasena therena apucchitattā. Visesena pana diṭṭhasaṃsandanāti veditabbā. Svāyamattho heṭṭhā aṭṭhuppattikathāyaṃ ‘‘thero kiñcāpī’’tiādinā vibhāvito eva. Tanti tvaṃ. Tayidaṃ pubbāparāpekkhaṃ, pubbāpekkhatāya upayogekavacanaṃ, parāpekkhatāya pana paccattekavacanaṃ daṭṭhabbaṃ.

    д̣̇звийд̇и зд̇т̇а д̣̇зва-сад̣̇д̣̇о ‘‘имаани д̇з д̣̇зва жад̇ураасийд̇и наг̇арасахассаани гусавад̇ийрааж̇ад̇хаанибамукаани, зд̇т̇а, д̣̇зва, чанд̣̇ам̣ гарохи ж̇ийвид̇з абзгка’’нд̇и жа аад̣̇ийсу (д̣̇ий. ни. 2.266) саммуд̇ид̣̇звавасзна ааг̇ад̇о, ‘‘д̇асса д̣̇зваад̇ид̣̇звасса, саасанам̣ саб̣б̣ад̣̇ассино’’д̇иаад̣̇ийсу висуд̣̇д̇хид̣̇звавасзна. висуд̣̇д̇хид̣̇зваанан̃хи бхаг̇авад̇о ад̇ид̣̇звабхаавз вуд̇д̇з ид̇арзсам̣ вуд̇д̇о зва ход̇ийд̇и. ‘‘жаад̇умахаарааж̇игаа д̣̇зваа д̣̇ийгхааяугаа ван̣н̣аванд̇о сукаб̣ахулаа’’д̇иаад̣̇ийсу (д̣̇ий. ни. 3.337) убабад̇д̇ид̣̇звавасзна. ид̇хааби убабад̇д̇ид̣̇звавасзнзва взд̣̇ид̇аб̣б̣о. бад̣̇ад̇т̇ад̇о бана – д̣̇иб̣б̣ад̇и ад̇д̇ано бун̃н̃ид̣̇д̇хияаа гийл̣ад̇и лал̣ад̇и бан̃жахи гаамаг̇ун̣зхи рамад̇и, ат̇а ваа хздтаа вуд̇д̇анаязна ж̇од̇ад̇и обхаасад̇и, аагаасзна вимаанзна жа г̇ажчад̇ийд̇и д̣̇звий. ‘‘д̇вам̣ д̣̇звий’’д̇и самб̣од̇ханз жзд̇ам̣ згаважанам̣. махаанубхаавзд̇и ул̣аараббабхаавз, со банассаанубхааво хздтаа д̣̇вийхи г̇аат̇аахи д̣̇ассид̇оязва.

    Devīti ettha deva-saddo ‘‘imāni te deva caturāsīti nagarasahassāni kusavatīrājadhānipamukhāni, ettha, deva, chandaṃ karohi jīvite apekkha’’nti ca ādīsu (dī. ni. 2.266) sammutidevavasena āgato, ‘‘tassa devātidevassa, sāsanaṃ sabbadassino’’tiādīsu visuddhidevavasena. Visuddhidevānañhi bhagavato atidevabhāve vutte itaresaṃ vutto eva hotīti. ‘‘Cātumahārājikā devā dīghāyukā vaṇṇavanto sukhabahulā’’tiādīsu (dī. ni. 3.337) upapattidevavasena. Idhāpi upapattidevavaseneva veditabbo. Padatthato pana – dibbati attano puññiddhiyā kīḷati laḷati pañcahi kāmaguṇehi ramati, atha vā heṭṭhā vuttanayena jotati obhāsati, ākāsena vimānena ca gacchatīti devī. ‘‘Tvaṃ devī’’ti sambodhane cetaṃ ekavacanaṃ. Mahānubhāveti uḷārappabhāve, so panassānubhāvo heṭṭhā dvīhi gāthāhi dassitoyeva.

    мануссабхууд̇аад̇и зд̇т̇а манасса уссаннад̇ааяа мануссаа, сад̇исуурабхааваб̣рахмажарияаяог̇яад̇аад̣̇иг̇ун̣авасзна убажид̇амаанасаа уггадтаг̇ун̣ажид̇д̇аа. гз бана д̇з? ж̇амб̣уд̣̇ийбаваасино сад̇д̇ависзсаа. д̇знааха бхаг̇аваа –

    Manussabhūtāti ettha manassa ussannatāya manussā, satisūrabhāvabrahmacariyayogyatādiguṇavasena upacitamānasā ukkaṭṭhaguṇacittā. Ke pana te? Jambudīpavāsino sattavisesā. Tenāha bhagavā –

    ‘‘д̇ийхи, бхигкавз, таанзхи ж̇амб̣уд̣̇ийбагаа мануссаа уд̇д̇арагуругз мануссз ад̇хиг̇г̇ан̣ханд̇и д̣̇звз жа д̇аавад̇им̣сз. гад̇амзхи д̇ийхи? суураа, сад̇иманд̇о, ид̇ха б̣рахмажарияаваасо’’д̇и (а. ни. 9.21).

    ‘‘Tīhi, bhikkhave, ṭhānehi jambudīpakā manussā uttarakuruke manusse adhiggaṇhanti deve ca tāvatiṃse. Katamehi tīhi? Sūrā, satimanto, idha brahmacariyavāso’’ti (a. ni. 9.21).

    д̇ат̇аа хи б̣уд̣̇д̇хаа бхаг̇аванд̇о бажжзгаб̣уд̣̇д̇хаа аг̇г̇асаавагаа махаасаавагаа жаггавад̇д̇ино ан̃н̃з жа махаанубхааваа сад̇д̇аа зд̇т̇зва уббаж̇ж̇анд̇и. д̇зхи самаанаруубаад̣̇ид̇ааяа бана сад̣̇д̇хим̣ барид̇д̇ад̣̇ийбаваасийхи ид̇арамахаад̣̇ийбаваасиноби ‘‘мануссаа’’д̇взва бан̃н̃ааяим̣сууд̇и згз.

    Tathā hi buddhā bhagavanto paccekabuddhā aggasāvakā mahāsāvakā cakkavattino aññe ca mahānubhāvā sattā ettheva uppajjanti. Tehi samānarūpāditāya pana saddhiṃ parittadīpavāsīhi itaramahādīpavāsinopi ‘‘manussā’’tveva paññāyiṃsūti eke.

    абарз бана бхан̣анд̇и – лобхаад̣̇ийхи алобхаад̣̇ийхи жа сахид̇асса манасса уссаннад̇ааяа мануссаа. яз хи сад̇д̇аа мануссаж̇аад̇игаа, д̇зсу висзсад̇о лобхаад̣̇аяо алобхаад̣̇аяо жа уссаннаа, д̇з лобхаад̣̇иуссаннад̇ааяа абааяамаг̇г̇ам̣, алобхаад̣̇иуссаннад̇ааяа суг̇ад̇имаг̇г̇ам̣ ниб̣б̣аанаг̇аамимаг̇г̇ан̃жа буурзнд̇и, д̇асмаа лобхаад̣̇ийхи алобхаад̣̇ийхи жа сахид̇асса манасса уссаннад̇ааяа барид̇д̇ад̣̇ийбаваасийхи сад̣̇д̇хим̣ жад̇умахаад̣̇ийбаваасино сад̇д̇ависзсаа ‘‘мануссаа’’д̇и вужжанд̇ийд̇и.

    Apare pana bhaṇanti – lobhādīhi alobhādīhi ca sahitassa manassa ussannatāya manussā. Ye hi sattā manussajātikā, tesu visesato lobhādayo alobhādayo ca ussannā, te lobhādiussannatāya apāyamaggaṃ, alobhādiussannatāya sugatimaggaṃ nibbānagāmimaggañca pūrenti, tasmā lobhādīhi alobhādīhi ca sahitassa manassa ussannatāya parittadīpavāsīhi saddhiṃ catumahādīpavāsino sattavisesā ‘‘manussā’’ti vuccantīti.

    логияаа бана ‘‘мануно абажжабхаавзна мануссаа’’д̇и вад̣̇анд̇и. ману наама батамагаббиго логамарияаад̣̇ааяа аад̣̇ибхууд̇о хид̇аахид̇авид̇хааяаго сад̇д̇аанам̣ бид̇удтаанияо, яо саасанз ‘‘махаасаммад̇о’’д̇и вужжад̇и. бажжагкад̇о барамбарааяа жа д̇асса оваад̣̇аанусаасанияам̣ тид̇аа сад̇д̇аа буд̇д̇асад̣̇исад̇ааяа ‘‘мануссаа’’д̇и вужжанд̇и. д̇ад̇о зва хи д̇з маан̣аваа ‘‘мануж̇аа’’д̇и жа вохарийяанд̇и. мануссзсу бхууд̇аа ж̇аад̇аа, мануссабхаавам̣ ваа бад̇д̇аад̇и мануссабхууд̇аа.

    Lokiyā pana ‘‘manuno apaccabhāvena manussā’’ti vadanti. Manu nāma paṭhamakappiko lokamariyādāya ādibhūto hitāhitavidhāyako sattānaṃ pituṭṭhāniyo, yo sāsane ‘‘mahāsammato’’ti vuccati. Paccakkhato paramparāya ca tassa ovādānusāsaniyaṃ ṭhitā sattā puttasadisatāya ‘‘manussā’’ti vuccanti. Tato eva hi te māṇavā ‘‘manujā’’ti ca voharīyanti. Manussesu bhūtā jātā, manussabhāvaṃ vā pattāti manussabhūtā.

    гимагааси бун̃н̃анд̇и гим̣ д̣̇аанасийлаад̣̇иббабхзд̣̇зсу гийд̣̇исам̣ буж̇ж̇абхаавапаланиб̣б̣ад̇д̇анад̇о, яад̇т̇а саяам̣ уббаннам̣, д̇ам̣ санд̇аанам̣ бунаад̇и висод̇хзд̇ийд̇и жа ‘‘бун̃н̃а’’нд̇и лад̣̇д̇ханаамам̣ сужарид̇ам̣ гусалагаммам̣ агааси, убажини ниб̣б̣ад̇д̇зсийд̇и ад̇т̇о. ж̇алид̇аанубхааваад̇и саб̣б̣асо виж̇ж̇од̇амаанабун̃н̃ид̣̇д̇хигаа.

    Kimakāsi puññanti kiṃ dānasīlādippabhedesu kīdisaṃ pujjabhāvaphalanibbattanato, yattha sayaṃ uppannaṃ, taṃ santānaṃ punāti visodhetīti ca ‘‘puñña’’nti laddhanāmaṃ sucaritaṃ kusalakammaṃ akāsi, upacini nibbattesīti attho. Jalitānubhāvāti sabbaso vijjotamānapuññiddhikā.

    гасмаа банзд̇т̇а ‘‘мануссабхууд̇аа гимагааси бун̃н̃а’’нд̇и вуд̇д̇ам̣, гим̣ ан̃н̃аасу г̇ад̇ийсу бун̃н̃агирияаа над̇т̇ийд̇и? но над̇т̇и. яасмаа нираязби наама гаамааважарагусалажид̇д̇абавад̇д̇и гад̣̇аажи лаб̣бхад̇зва, гиман̇г̇ам̣ банан̃н̃ад̇т̇а, нану авожумхаа ‘‘д̣̇идтасам̣санд̣̇анаа бужчаа’’д̇и. д̇асмаа махаат̇зро мануссад̇д̇абхаавз тад̇ваа бун̃н̃агаммам̣ гад̇ваа уббаннам̣ д̇ам̣ д̣̇исваа бхууд̇ад̇т̇авасзна бужчанд̇о ‘‘мануссабхууд̇аа гимагааси бун̃н̃а’’нд̇и авожа.

    Kasmā panettha ‘‘manussabhūtā kimakāsi puñña’’nti vuttaṃ, kiṃ aññāsu gatīsu puññakiriyā natthīti? No natthi. Yasmā nirayepi nāma kāmāvacarakusalacittapavatti kadāci labbhateva, kimaṅgaṃ panaññattha, nanu avocumhā ‘‘diṭṭhasaṃsandanā pucchā’’ti. Tasmā mahāthero manussattabhāve ṭhatvā puññakammaṃ katvā uppannaṃ taṃ disvā bhūtatthavasena pucchanto ‘‘manussabhūtā kimakāsi puñña’’nti avoca.

    ат̇а ваа ан̃н̃аасу г̇ад̇ийсу зганд̇асукад̇ааяа зганд̇ад̣̇угкад̇ааяа д̣̇угкаб̣ахулад̇ааяа жа бун̃н̃агирияааяа огаасо на сулабхаруубо саббурисуубаниссаяаад̣̇ибажжаяасамавааяасса суд̣̇уллабхабхаавад̇о. гад̣̇аажи уббаж̇ж̇амааноби яат̇аавуд̇д̇агааран̣зна ул̣ааро вибуло на жа ход̇и, мануссаг̇ад̇ияам̣ бана сукаб̣ахулад̇ааяа бун̃н̃агирияааяа огаасо сулабхаруубо саббурисуубаниссаяаад̣̇ибажжаяасамавааяасса язбхуяязна сулабхабхаавад̇о. яан̃жа д̇ад̇т̇а д̣̇угкам̣ уббаж̇ж̇ад̇и, д̇амби висзсад̇о бун̃н̃агирияааяа убаниссаяо ход̇и. д̣̇угкуубаниссаяаа хи сад̣̇д̇хаад̇и. яат̇аа хи аяогханзна сад̇т̇агз нибпаад̣̇ияамаанз д̇асса зганд̇ад̇о на аг̇г̇имхи д̇аабанам̣ уд̣̇агзна ваа д̇зманам̣ чзд̣̇анагирияаасамад̇т̇ад̇ааяа висзсабажжаяо, д̇аабзд̇ваа бана бамаан̣аяог̇ад̇о уд̣̇агад̇зманам̣ д̇ассаа висзсабажжаяо, звамзва сад̇д̇асанд̇аанасса зганд̇ад̣̇угкасаман̇г̇ид̇аа д̣̇угкаб̣ахулад̇аа зганд̇асукасаман̇г̇ид̇аа жа бун̃н̃агирияааяа на висзсабажжаяо ход̇и. сад̇и бана д̣̇угкасанд̇аабанз бамаан̣аяог̇ад̇о сукуубаб̣рууханз жа лад̣̇д̇хуубаниссаяаа бун̃н̃агирияаа уббаж̇ж̇ад̇и, уббаж̇ж̇амаанаа жа махааж̇уд̇игаа махаавибпаараа бадибагкачзд̣̇анасамад̇т̇аа жа ход̇и, д̇асмаа мануссабхааво бун̃н̃агирияааяа висзсабажжаяо . д̇зна вуд̇д̇ам̣ ‘‘мануссабхууд̇аа гимагааси бун̃н̃а’’нд̇и. сзсам̣ сувин̃н̃зяяамзва.

    Atha vā aññāsu gatīsu ekantasukhatāya ekantadukkhatāya dukkhabahulatāya ca puññakiriyāya okāso na sulabharūpo sappurisūpanissayādipaccayasamavāyassa sudullabhabhāvato. Kadāci uppajjamānopi yathāvuttakāraṇena uḷāro vipulo na ca hoti, manussagatiyaṃ pana sukhabahulatāya puññakiriyāya okāso sulabharūpo sappurisūpanissayādipaccayasamavāyassa yebhuyyena sulabhabhāvato. Yañca tattha dukkhaṃ uppajjati, tampi visesato puññakiriyāya upanissayo hoti. Dukkhūpanissayā hi saddhāti. Yathā hi ayoghanena satthake nipphādiyamāne tassa ekantato na aggimhi tāpanaṃ udakena vā temanaṃ chedanakiriyāsamatthatāya visesapaccayo, tāpetvā pana pamāṇayogato udakatemanaṃ tassā visesapaccayo, evameva sattasantānassa ekantadukkhasamaṅgitā dukkhabahulatā ekantasukhasamaṅgitā ca puññakiriyāya na visesapaccayo hoti. Sati pana dukkhasantāpane pamāṇayogato sukhūpabrūhane ca laddhūpanissayā puññakiriyā uppajjati, uppajjamānā ca mahājutikā mahāvipphārā paṭipakkhachedanasamatthā ca hoti, tasmā manussabhāvo puññakiriyāya visesapaccayo . Tena vuttaṃ ‘‘manussabhūtā kimakāsi puñña’’nti. Sesaṃ suviññeyyameva.

    4. звам̣ бана т̇зрзна бужчид̇аа саа д̣̇звад̇аа бан̃хам̣ виссаж̇ж̇зси. д̇амад̇т̇ам̣ д̣̇ассзд̇ум̣ ‘‘саа д̣̇звад̇аа ад̇д̇аманаа’’д̇и г̇аат̇аа вуд̇д̇аа. гзна банааяам̣ г̇аат̇аа вуд̇д̇аа? д̇хаммасан̇г̇аахагзхи. д̇ад̇т̇а саад̇и яаа буб̣б̣з ‘‘бужчаами д̇ам̣ д̣̇зви махаанубхаавз’’д̇и вуд̇д̇аа, саа. д̣̇звад̇аад̇и д̣̇звабуд̇д̇оби б̣рахмааби д̣̇звад̇хийд̇ааби вужжад̇и. ‘‘ат̇а ко ан̃н̃ад̇араа д̣̇звад̇аа абхигганд̇ааяа рад̇д̇ияаа абхигганд̇аван̣н̣аа’’д̇иаад̣̇ийсу (сам̣. ни. 1.1; ку. баа. 5.1) хи д̣̇звабуд̇д̇о ‘‘д̣̇звад̇аа’’д̇и вуд̇д̇о д̣̇звоязва д̣̇звад̇аад̇и гад̇ваа. д̇ат̇аа ‘‘д̇аа д̣̇звад̇аа сад̇д̇асад̇аа ул̣аараа, б̣рахмавимаанаа абхинигкамид̇ваа’’д̇иаад̣̇ийсу б̣рахмаано.

    4. Evaṃ pana therena pucchitā sā devatā pañhaṃ vissajjesi. Tamatthaṃ dassetuṃ ‘‘sā devatā attamanā’’ti gāthā vuttā. Kena panāyaṃ gāthā vuttā? Dhammasaṅgāhakehi. Tattha sāti yā pubbe ‘‘pucchāmi taṃ devi mahānubhāve’’ti vuttā, sā. Devatāti devaputtopi brahmāpi devadhītāpi vuccati. ‘‘Atha kho aññatarā devatā abhikkantāya rattiyā abhikkantavaṇṇā’’tiādīsu (saṃ. ni. 1.1; khu. pā. 5.1) hi devaputto ‘‘devatā’’ti vutto devoyeva devatāti katvā. Tathā ‘‘tā devatā sattasatā uḷārā, brahmavimānā abhinikkhamitvā’’tiādīsu brahmāno.

    ‘‘абхигганд̇зна ван̣н̣зна, яаа д̇вам̣ д̇идтаси д̣̇звад̇з;

    ‘‘Abhikkantena vaṇṇena, yā tvaṃ tiṭṭhasi devate;

    обхаасзнд̇ий д̣̇исаа саб̣б̣аа, осад̇хий вияа д̇аарагаа’’д̇и. (ви. ва. 75) –

    Obhāsentī disā sabbā, osadhī viya tārakā’’ti. (vi. va. 75) –

    аад̣̇ийсу д̣̇звад̇хийд̇аа. ид̇хааби д̣̇звад̇хийд̇аа зва д̣̇адтаб̣б̣аа. ад̇д̇аманаад̇и д̇удтаманаа бийд̇исоманассзхи г̇ахид̇аманаа. бийд̇исоманассасахаг̇ад̇ан̃хи жид̇д̇ам̣ д̣̇оманассасса аногаасад̇о д̇зхи д̇ам̣ сагам̣ гад̇ваа г̇ахид̇ам̣ вияа ход̇и. ад̇д̇аманаад̇и ваа сагаманаа. анаваж̇ж̇абийд̇исоманассасамбаяуд̇д̇ан̃хи жид̇д̇ам̣ самбад̇и ааяад̇ин̃жа д̇ам̣саман̇г̇ино хид̇асукаавахад̇о ‘‘сага’’нд̇и вад̇д̇аб̣б̣ад̇ам̣ лабхад̇и, на ид̇арам̣.

    Ādīsu devadhītā. Idhāpi devadhītā eva daṭṭhabbā. Attamanāti tuṭṭhamanā pītisomanassehi gahitamanā. Pītisomanassasahagatañhi cittaṃ domanassassa anokāsato tehi taṃ sakaṃ katvā gahitaṃ viya hoti. Attamanāti vā sakamanā. Anavajjapītisomanassasampayuttañhi cittaṃ sampati āyatiñca taṃsamaṅgino hitasukhāvahato ‘‘saka’’nti vattabbataṃ labhati, na itaraṃ.

    мог̇г̇аллаанзнаад̇и мог̇г̇аллаанаг̇од̇д̇асса б̣раахман̣амахаасааласса буд̇д̇абхаавад̇о со махаат̇зро г̇од̇д̇авасзна ‘‘мог̇г̇аллаано’’д̇и бан̃н̃аад̇о, д̇зна мог̇г̇аллаанзна . бужчид̇аад̇и д̣̇идтасам̣санд̣̇анавасзна бужчид̇аа, ад̇д̇аманаа саа д̣̇звад̇аа бан̃хам̣ б̣яаагаасийд̇и яож̇анаа. ад̇д̇аманад̇аа жассаа ‘‘д̇амби наама барид̇д̇агамби гаммам̣ звам̣ махад̇ияаа д̣̇иб̣б̣асамбад̇д̇ияаа гааран̣ам̣ ахосий’’д̇и буб̣б̣зби саа ад̇д̇ано бун̃н̃апалам̣ бадижжа анд̇аранд̇араа соманассам̣ бадисам̣взд̣̇зд̇и, ид̣̇аани бана ‘‘ан̃н̃ад̇арасса т̇зрасса гад̇оби наама гааро звам̣ ул̣аарапало, аяам̣ бана б̣уд̣̇д̇хаанам̣ аг̇г̇асааваго ул̣аараг̇ун̣о махаанубхааво , имамби бассид̇ум̣ нибажжагааран̃жа гаад̇ум̣ лабхаами, мама бун̃н̃апалабадисам̣яуд̇д̇амзва жа бужчам̣ гарод̇ий’’д̇и д̣̇вийхи гааран̣зхи уббаннаа. звам̣ сан̃ж̇аад̇аб̣алавабийд̇исоманассаа саа т̇зрасса важанам̣ сирасаа самбадижчид̇ваа бан̃хам̣ будтаа б̣яаагааси.

    Moggallānenāti moggallānagottassa brāhmaṇamahāsālassa puttabhāvato so mahāthero gottavasena ‘‘moggallāno’’ti paññāto, tena moggallānena . Pucchitāti diṭṭhasaṃsandanavasena pucchitā, attamanā sā devatā pañhaṃ byākāsīti yojanā. Attamanatā cassā ‘‘tampi nāma parittakampi kammaṃ evaṃ mahatiyā dibbasampattiyā kāraṇaṃ ahosī’’ti pubbepi sā attano puññaphalaṃ paṭicca antarantarā somanassaṃ paṭisaṃvedeti, idāni pana ‘‘aññatarassa therassa katopi nāma kāro evaṃ uḷāraphalo, ayaṃ pana buddhānaṃ aggasāvako uḷāraguṇo mahānubhāvo , imampi passituṃ nipaccakārañca kātuṃ labhāmi, mama puññaphalapaṭisaṃyuttameva ca pucchaṃ karotī’’ti dvīhi kāraṇehi uppannā. Evaṃ sañjātabalavapītisomanassā sā therassa vacanaṃ sirasā sampaṭicchitvā pañhaṃ puṭṭhā byākāsi.

    бан̃ханд̇и н̃аад̇ум̣ ижчид̇ам̣ д̇ам̣ ад̇т̇ам̣ вияаагааси гат̇зси виссаж̇ж̇зси. гат̇ам̣ бана б̣яаагааси? будтаад̇и будтаагаарад̇о, бужчид̇аагаарзнзваад̇и ад̇т̇о. зд̇т̇а хи ‘‘бужчид̇аа’’д̇и вад̇ваа буна ‘‘будтаа’’д̇и важанам̣ висзсад̇т̇анияаманам̣ д̣̇адтаб̣б̣ам̣. сид̣̇д̇хз хи сад̇и аарамбхо висзсад̇т̇ан̃аабагова ход̇и. го банзсо висзсад̇т̇о? б̣яаагаран̣асса бужчаануруубад̇аа. яан̃хи гаммапалам̣ д̣̇ассзд̇ваа д̇асса гааран̣абхууд̇ам̣ гаммам̣ бужчид̇ам̣, д̇ад̣̇убхаяасса ан̃н̃аман̃н̃аануруубабхаававибхааванаа. язна жа аагаарзна бужчаа бавад̇д̇аа ад̇т̇ад̇о жа б̣яан̃ж̇анад̇о жа, д̇ад̣̇аагаарасса б̣яаагаран̣асса бужчаануруубад̇аа, д̇ат̇аа жзва виссаж̇ж̇анам̣ бавад̇д̇ам̣. ид̇и имасса висзсасса н̃аабанад̇т̇ам̣ ‘‘бужчид̇аа’’д̇и вад̇ваа буна ‘‘будтаа’’д̇и вуд̇д̇ам̣.

    Pañhanti ñātuṃ icchitaṃ taṃ atthaṃ viyākāsi kathesi vissajjesi. Kathaṃ pana byākāsi? Puṭṭhāti puṭṭhākārato, pucchitākārenevāti attho. Ettha hi ‘‘pucchitā’’ti vatvā puna ‘‘puṭṭhā’’ti vacanaṃ visesatthaniyamanaṃ daṭṭhabbaṃ. Siddhe hi sati ārambho visesatthañāpakova hoti. Ko paneso visesattho? Byākaraṇassa pucchānurūpatā. Yañhi kammaphalaṃ dassetvā tassa kāraṇabhūtaṃ kammaṃ pucchitaṃ, tadubhayassa aññamaññānurūpabhāvavibhāvanā. Yena ca ākārena pucchā pavattā atthato ca byañjanato ca, tadākārassa byākaraṇassa pucchānurūpatā, tathā ceva vissajjanaṃ pavattaṃ. Iti imassa visesassa ñāpanatthaṃ ‘‘pucchitā’’ti vatvā puna ‘‘puṭṭhā’’ti vuttaṃ.

    ‘‘бужчид̇аа’’д̇и ваа д̇ааяа д̣̇звад̇ааяа висзсанамукзна будтабхаавасса бан̃хаб̣яаагаран̣асса жа гааран̣агид̇д̇анам̣. ид̣̇ам̣ вуд̇д̇ам̣ ход̇и – ‘‘гзна д̇зд̇аад̣̇исо ван̣н̣о’’д̇иаад̣̇инаа т̇зрзна бужчийяад̇ийд̇и бужчаа, д̇ааяа д̣̇звад̇ааяа гад̇агаммам̣, д̇ассаа бужчааяа гаарид̇аа аажигкид̇аа ваад̇и саа д̣̇звад̇аа ‘‘бужчид̇аа’’д̇и вуд̇д̇аа. яасмаа бужчид̇аа бужчияамаанасса гаммасса гаарид̇аа, д̇асмаа бан̃хам̣ будтаа. яасмаа жа бужчид̇аа бужчияамаанасса гаммасса аажигканасабхааваа, д̇асмаа бан̃хам̣ б̣яаагаасийд̇и. яасса гаммассид̣̇ам̣ паланд̇и ид̣̇ам̣ ‘‘бан̃ха’’нд̇и вуд̇д̇асса ад̇т̇асса саруубад̣̇ассанам̣. аяам̣ жзд̇т̇а ад̇т̇о – ид̣̇ам̣ бужчанд̇асса бужчияамаанааяа жа бажжагкабхууд̇ам̣ ананд̇арам̣ вуд̇д̇аббагаарам̣ бун̃н̃апалам̣, яасса гаммасса д̇ам̣ н̃аад̇ум̣ ижчид̇ад̇д̇аа бан̃ханд̇и вуд̇д̇ам̣ бун̃н̃агаммам̣ б̣яаагаасийд̇и.

    ‘‘Pucchitā’’ti vā tāya devatāya visesanamukhena puṭṭhabhāvassa pañhabyākaraṇassa ca kāraṇakittanaṃ. Idaṃ vuttaṃ hoti – ‘‘kena tetādiso vaṇṇo’’tiādinā therena pucchīyatīti pucchā, tāya devatāya katakammaṃ, tassā pucchāya kāritā ācikkhitā vāti sā devatā ‘‘pucchitā’’ti vuttā. Yasmā pucchitā pucchiyamānassa kammassa kāritā, tasmā pañhaṃ puṭṭhā. Yasmā ca pucchitā pucchiyamānassa kammassa ācikkhanasabhāvā, tasmā pañhaṃ byākāsīti. Yassa kammassidaṃ phalanti idaṃ ‘‘pañha’’nti vuttassa atthassa sarūpadassanaṃ. Ayaṃ cettha attho – idaṃ pucchantassa pucchiyamānāya ca paccakkhabhūtaṃ anantaraṃ vuttappakāraṃ puññaphalaṃ, yassa kammassa taṃ ñātuṃ icchitattā pañhanti vuttaṃ puññakammaṃ byākāsīti.

    5. ахам̣ мануссзсууд̇иаад̣̇и бан̃хасса б̣яаагаран̣аагааро. д̇ад̇т̇а аханд̇и д̣̇звад̇аа ад̇д̇аанам̣ нид̣̇д̣̇исад̇и. ‘‘мануссзсуу’’д̇и вад̇ваа буна ‘‘мануссабхууд̇аа’’д̇и важанам̣ д̇ад̣̇аа ад̇д̇ани мануссаг̇ун̣аанам̣ виж̇ж̇амаанад̇аад̣̇ассанад̇т̇ам̣. яо хи мануссаж̇аад̇игова самаано баан̣аад̇ибаад̇аад̣̇им̣ агад̇д̇аб̣б̣ам̣ гад̇ваа д̣̇ан̣д̣аарахо д̇ад̇т̇а д̇ад̇т̇а рааж̇аад̣̇ид̇о хад̇т̇ажчзд̣̇аад̣̇игаммагааран̣ам̣ баабун̣анд̇о махаад̣̇угкам̣ анубхавад̇и, аяам̣ мануссанзраяиго наама. абаро мануссаж̇аад̇игова самаано буб̣б̣згад̇агаммунаа гхаасажчаад̣̇анамби на лабхад̇и, куббибаасаабхибхууд̇о д̣̇угкаб̣ахуло гад̇т̇ажи бад̇идтам̣ алабхамаано вижарад̇и, аяам̣ мануссабзд̇о наама. абаро мануссаж̇аад̇игова самаано бараад̇хийнавуд̇д̇и барзсам̣ бхаарам̣ ваханд̇о бхиннамарияаад̣̇о ваа анаажаарам̣ аажарид̇ваа барзхи санд̇аж̇ж̇ид̇о маран̣абхаяабхийд̇о г̇ахананиссид̇о д̣̇угкаб̣ахуло вижарад̇и хид̇аахид̇ам̣ аж̇аананд̇о нид̣̇д̣̇ааж̇игхажчаад̣̇угкавинод̣̇анаад̣̇ибаро, аяам̣ мануссад̇иражчаано наама. яо бана ад̇д̇ано хид̇аахид̇ам̣ ж̇аананд̇о гаммапалам̣ сад̣̇д̣̇аханд̇о хирод̇д̇аббасамбанно д̣̇аяаабанно саб̣б̣асад̇д̇зсу сам̣взг̇аб̣ахуло агусалагаммабат̇з бариваж̇ж̇знд̇о гусалагаммабат̇з самаажаранд̇о бун̃н̃агирияавад̇т̇ууни барибуурзд̇и, аяам̣ мануссад̇хаммз бад̇идтид̇о барамад̇т̇ад̇о мануссо наама. аяамби д̇аад̣̇исаа ахоси. д̇зна вуд̇д̇ам̣ ‘‘мануссзсу мануссабхууд̇аа’’д̇и. мануссз сад̇д̇анигааяз мануссабхаавам̣ бад̇д̇аа мануссад̇хамман̃жа аббахааяа тид̇аад̇и ад̇т̇о.

    5.Ahaṃ manussesūtiādi pañhassa byākaraṇākāro. Tattha ahanti devatā attānaṃ niddisati. ‘‘Manussesū’’ti vatvā puna ‘‘manussabhūtā’’ti vacanaṃ tadā attani manussaguṇānaṃ vijjamānatādassanatthaṃ. Yo hi manussajātikova samāno pāṇātipātādiṃ akattabbaṃ katvā daṇḍāraho tattha tattha rājādito hatthacchedādikammakāraṇaṃ pāpuṇanto mahādukkhaṃ anubhavati, ayaṃ manussanerayiko nāma. Aparo manussajātikova samāno pubbekatakammunā ghāsacchādanampi na labhati, khuppipāsābhibhūto dukkhabahulo katthaci patiṭṭhaṃ alabhamāno vicarati, ayaṃ manussapeto nāma. Aparo manussajātikova samāno parādhīnavutti paresaṃ bhāraṃ vahanto bhinnamariyādo vā anācāraṃ ācaritvā parehi santajjito maraṇabhayabhīto gahananissito dukkhabahulo vicarati hitāhitaṃ ajānanto niddājighacchādukkhavinodanādiparo, ayaṃ manussatiracchāno nāma. Yo pana attano hitāhitaṃ jānanto kammaphalaṃ saddahanto hirottappasampanno dayāpanno sabbasattesu saṃvegabahulo akusalakammapathe parivajjento kusalakammapathe samācaranto puññakiriyavatthūni paripūreti, ayaṃ manussadhamme patiṭṭhito paramatthato manusso nāma. Ayampi tādisā ahosi. Tena vuttaṃ ‘‘manussesu manussabhūtā’’ti. Manusse sattanikāye manussabhāvaṃ pattā manussadhammañca appahāya ṭhitāti attho.

    аб̣бхааг̇ад̇аананд̇и абхиааг̇ад̇аанам̣, самбад̇д̇аааг̇анд̇угаананд̇и ад̇т̇о. д̣̇увид̇хаа хи ааг̇анд̇угаа ад̇ит̇и аб̣бхааг̇ад̇од̇и. д̇зсу гад̇абарижаяо ааг̇анд̇уго ад̇ит̇и, агад̇абарижаяо аб̣бхааг̇ад̇о. гад̇абарижаяо агад̇абарижаяоби ваа бурзд̇арам̣ ааг̇ад̇о ад̇ит̇и, бхож̇анавзлааяам̣ убадтид̇о самбад̇и ааг̇ад̇о аб̣бхааг̇ад̇о. ниманд̇ид̇о ваа бхад̇д̇зна ад̇ит̇и, аниманд̇ид̇о аб̣бхааг̇ад̇о. аяам̣ бана агад̇абарижаяо аниманд̇ид̇о самбад̇и ааг̇ад̇о жа, д̇ам̣ санд̇хааяааха ‘‘аб̣бхааг̇ад̇аана’’нд̇и, г̇аругаарзна банзд̇т̇а б̣ахуважанам̣ вуд̇д̇ам̣. аасад̇и нисийд̣̇ад̇и зд̇т̇аад̇и аасанам̣. яам̣гин̃жи нисийд̣̇анаяог̇г̇ам̣, ид̇ха бана бийтам̣ ад̇хиббзд̇ам̣, д̇асса жа аббагад̇д̇аа анул̣аарад̇д̇аа жа ‘‘аасанага’’нд̇и ааха. ад̣̇аасинд̇и ‘‘ид̣̇амасса т̇зрасса д̣̇иннам̣ маяхам̣ махабпалам̣ бхависсад̇и махаанисам̣са’’нд̇и сан̃ж̇аад̇асоманассаа гаммам̣ гаммапалан̃жа сад̣̇д̣̇ахид̇ваа д̇асса т̇зрасса барибхог̇ад̇т̇ааяа ад̣̇аасим̣, нирабзгкабарижжааг̇авасзна барижжаж̇инд̇и ад̇т̇о.

    Abbhāgatānanti abhiāgatānaṃ, sampattaāgantukānanti attho. Duvidhā hi āgantukā atithi abbhāgatoti. Tesu kataparicayo āgantuko atithi, akataparicayo abbhāgato. Kataparicayo akataparicayopi vā puretaraṃ āgato atithi, bhojanavelāyaṃ upaṭṭhito sampati āgato abbhāgato. Nimantito vā bhattena atithi, animantito abbhāgato. Ayaṃ pana akataparicayo animantito sampati āgato ca, taṃ sandhāyāha ‘‘abbhāgatāna’’nti, garukārena panettha bahuvacanaṃ vuttaṃ. Āsati nisīdati etthāti āsanaṃ. Yaṃkiñci nisīdanayoggaṃ, idha pana pīṭhaṃ adhippetaṃ, tassa ca appakattā anuḷārattā ca ‘‘āsanaka’’nti āha. Adāsinti ‘‘idamassa therassa dinnaṃ mayhaṃ mahapphalaṃ bhavissati mahānisaṃsa’’nti sañjātasomanassā kammaṃ kammaphalañca saddahitvā tassa therassa paribhogatthāya adāsiṃ, nirapekkhapariccāgavasena pariccajinti attho.

    абхиваад̣̇аяинд̇и абхиваад̣̇анамагаасим̣, бан̃жабад̇идтид̇зна д̣̇агкин̣зяяабуг̇г̇алз ванд̣̇инд̇и анд̇о. ванд̣̇амаанаа хи д̇ам̣ д̇ааязва ванд̣̇анагирияааяа ванд̣̇ияамаанам̣ ‘‘сукиний хохи, арог̇аа хохий’’д̇иаад̣̇инаа аасиваад̣̇ам̣ ад̇т̇ад̇о вад̣̇аабзси наама. ан̃ж̇алигам̣ агаасинд̇и д̣̇асанакасамод̇хаанасамуж̇ж̇алам̣ ан̃ж̇алим̣ сираси баг̇г̇ан̣ханд̇ий г̇ун̣ависидтаанам̣ абажааяанам̣ агаасинд̇и ад̇т̇о. яат̇аанубхааванд̇и яат̇ааб̣алам̣, д̇ад̣̇аа мама виж̇ж̇амаанавибхаваануруубанд̇и ад̇т̇о. ад̣̇ааси д̣̇аананд̇и аннабаанаад̣̇ид̣̇зяяад̇хаммабарижжааг̇зна д̣̇агкин̣зяяам̣ бхож̇знд̇ий д̣̇аанамаяам̣ бун̃н̃ам̣ басавим̣.

    Abhivādayinti abhivādanamakāsiṃ, pañcapatiṭṭhitena dakkhiṇeyyapuggale vandinti anto. Vandamānā hi taṃ tāyeva vandanakiriyāya vandiyamānaṃ ‘‘sukhinī hohi, arogā hohī’’tiādinā āsivādaṃ atthato vadāpesi nāma. Añjalikaṃ akāsinti dasanakhasamodhānasamujjalaṃ añjaliṃ sirasi paggaṇhantī guṇavisiṭṭhānaṃ apacāyanaṃ akāsinti attho. Yathānubhāvanti yathābalaṃ, tadā mama vijjamānavibhavānurūpanti attho. Adāsi dānanti annapānādideyyadhammapariccāgena dakkhiṇeyyaṃ bhojentī dānamayaṃ puññaṃ pasaviṃ.

    зд̇т̇а жа ‘‘аха’’нд̇и ид̣̇ам̣ гаммасса паласса жа згасанд̇ад̇ибад̇ид̇ад̇аад̣̇ассанзна самб̣анд̇хабхаавад̣̇ассанам̣, ‘‘мануссзсу мануссабхууд̇аа’’д̇и ид̣̇ам̣ д̇ассаа бун̃н̃агирияааяа ад̇хидтаанабхууд̇асанд̇аанависзсад̣̇ассанам̣, ‘‘аб̣бхааг̇ад̇аана’’нд̇и ид̣̇ам̣ жид̇д̇асамбад̇д̇ид̣̇ассанан̃жзва кзд̇д̇асамбад̇д̇ид̣̇ассанан̃жа д̣̇аанасса вияа бадиг̇г̇ахан̣асса жа гин̃жи анабзгкид̇ваа бавад̇д̇ид̇абхаавад̣̇ийбанад̇о. ‘‘аасанагам̣ ад̣̇аасим̣ яат̇аанубхааван̃жа ад̣̇ааси д̣̇аана’’нд̇и ид̣̇ам̣ бхог̇асаарад̣̇аанад̣̇ассанам̣, ‘‘абхиваад̣̇аяим̣ ан̃ж̇алигам̣ агааси’’нд̇и ид̣̇ам̣ гааяасаарад̣̇аанад̣̇ассанам̣.

    Ettha ca ‘‘aha’’nti idaṃ kammassa phalassa ca ekasantatipatitatādassanena sambandhabhāvadassanaṃ, ‘‘manussesu manussabhūtā’’ti idaṃ tassā puññakiriyāya adhiṭṭhānabhūtasantānavisesadassanaṃ, ‘‘abbhāgatāna’’nti idaṃ cittasampattidassanañceva khettasampattidassanañca dānassa viya paṭiggahaṇassa ca kiñci anapekkhitvā pavattitabhāvadīpanato. ‘‘Āsanakaṃ adāsiṃ yathānubhāvañca adāsi dāna’’nti idaṃ bhogasāradānadassanaṃ, ‘‘abhivādayiṃ añjalikaṃ akāsi’’nti idaṃ kāyasāradānadassanaṃ.

    6. д̇знаад̇и д̇зна яат̇аавуд̇д̇зна бун̃н̃зна хзд̇убхууд̇зна. мзд̇и аяам̣ мз-сад̣̇д̣̇о ‘‘гижчзна мз ад̇хиг̇ад̇ам̣, халам̣ д̣̇аани багаасид̇у’’нд̇иаад̣̇ийсу (д̣̇ий. ни. 2.65; ма. ни. 1.281; сам̣. ни. 1.172) гаран̣з ааг̇ад̇о, маяаад̇и ад̇т̇о. ‘‘саад̇ху мз, бханд̇з, бхаг̇аваа сам̣кид̇д̇зна д̇хаммам̣ д̣̇зсзд̇уу’’д̇иаад̣̇ийсу (сам̣. ни. 3.182; а. ни. 4.257) самбад̣̇аанз, маяханд̇и ад̇т̇о. ‘‘буб̣б̣зва мз, бхигкавз, самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о’’д̇иаад̣̇ийсу (ма. ни. 1.206; сам̣. ни. 4.14; а. ни. 3.104) саамиад̇т̇з ааг̇ад̇о, ид̇хааби саамиад̇т̇з зва, мамаад̇и ад̇т̇о. свааяам̣ мз-сад̣̇д̣̇о д̇зна мз бун̃н̃знаад̇и жа мз зд̇аад̣̇исод̇и жа убхаяад̇т̇а самб̣анд̇хид̇аб̣б̣о. сзсам̣ вуд̇д̇анаяамзва.

    6.Tenāti tena yathāvuttena puññena hetubhūtena. Meti ayaṃ me-saddo ‘‘kicchena me adhigataṃ, halaṃ dāni pakāsitu’’ntiādīsu (dī. ni. 2.65; ma. ni. 1.281; saṃ. ni. 1.172) karaṇe āgato, mayāti attho. ‘‘Sādhu me, bhante, bhagavā saṃkhittena dhammaṃ desetū’’tiādīsu (saṃ. ni. 3.182; a. ni. 4.257) sampadāne, mayhanti attho. ‘‘Pubbeva me, bhikkhave, sambodhā anabhisambuddhassa bodhisattasseva sato’’tiādīsu (ma. ni. 1.206; saṃ. ni. 4.14; a. ni. 3.104) sāmiatthe āgato, idhāpi sāmiatthe eva, mamāti attho. Svāyaṃ me-saddo tena me puññenāti ca me etādisoti ca ubhayattha sambandhitabbo. Sesaṃ vuttanayameva.

    звам̣ д̇ааяа д̣̇звад̇ааяа бан̃хз б̣яаагад̇з ааяасмаа махаамог̇г̇аллаано вид̇т̇аарзна д̇хаммам̣ д̣̇зсзси. саа д̣̇зсанаа сабариваарааяа д̇ассаа д̣̇звад̇ааяа саад̇т̇игаа ахоси. т̇зро д̇ад̇о мануссалогам̣ ааг̇анд̇ваа саб̣б̣ам̣ д̇ам̣ бавад̇д̇им̣ бхаг̇авад̇о аарожзси. бхаг̇аваа д̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. г̇аат̇аа зва бана сан̇г̇ахам̣ аарул̣хаад̇и.

    Evaṃ tāya devatāya pañhe byākate āyasmā mahāmoggallāno vitthārena dhammaṃ desesi. Sā desanā saparivārāya tassā devatāya sātthikā ahosi. Thero tato manussalokaṃ āgantvā sabbaṃ taṃ pavattiṃ bhagavato ārocesi. Bhagavā taṃ aṭṭhuppattiṃ katvā sampattaparisāya dhammaṃ desesi. Gāthā eva pana saṅgahaṃ āruḷhāti.

    батамабийтавимаанаван̣н̣анаа нидтид̇аа.

    Paṭhamapīṭhavimānavaṇṇanā niṭṭhitā.




    Next: 2. д̣̇уд̇ияабийтавимаанаван̣н̣анаа • 2. Dutiyapīṭhavimānavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 1. батамабийтавимаанавад̇т̇у • 1. Paṭhamapīṭhavimānavatthu


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact