| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
නමො තස්‌ස භගවතො අරහතො සම්‌මාසම්‌බුද්‌ධස්‌ස
Namo tassa bhagavato arahato sammāsambuddhassa
අඞ්‌ගුත්‌තරනිකායෙ
Aṅguttaranikāye
සත්‌තකනිපාත-අට්‌ඨකථා
Sattakanipāta-aṭṭhakathā
පණ්‌ණාසකං
Paṇṇāsakaṃ
1. ධනවග්‌ගො
1. Dhanavaggo
1-5. පඨමපියසුත්‌තාදිවණ්‌ණනා
1-5. Paṭhamapiyasuttādivaṇṇanā
1-5. සත්‌තකනිපාතස්‌ස පඨමෙ අනවඤ්‌ඤත්‌තිකාමොති අභිඤ්‌ඤාතභාවකාමො. තතියෙ යොනිසො විචිනෙ ධම්‌මන්‌ති උපායෙන චතුසච්‌චධම්‌මං විචිනාති. පඤ්‌ඤායත්‌ථං විපස්‌සතීති සහවිපස්‌සනාය මග්‌ගපඤ්‌ඤාය සච්‌චධම්‌මං විපස්‌සති. පජ්‌ජොතස්‌සෙවාති දීපස්‌සෙව. විමොක්‌ඛො හොති චෙතසොති තස්‌ස ඉමෙහි බලෙහි සමන්‌නාගතස්‌ස ඛීණාසවස්‌ස දීපනිබ්‌බානං විය චරිමකචිත්‌තස්‌ස වත්‌ථාරම්‌මණෙහි විමොක්‌ඛො හොති, ගතට්‌ඨානං න පඤ්‌ඤායති. චතුත්‌ථෙ සද්‌ධො හොතීතිආදීනි පඤ්‌චකනිපාතෙ වණ්‌ණිතානෙව. පඤ්‌චමෙ ධනානීති අදාලිද්‌දියකරණට්‌ඨෙන ධනානි.
1-5. Sattakanipātassa paṭhame anavaññattikāmoti abhiññātabhāvakāmo. Tatiye yoniso vicine dhammanti upāyena catusaccadhammaṃ vicināti. Paññāyatthaṃ vipassatīti sahavipassanāya maggapaññāya saccadhammaṃ vipassati. Pajjotassevāti dīpasseva. Vimokkho hoti cetasoti tassa imehi balehi samannāgatassa khīṇāsavassa dīpanibbānaṃ viya carimakacittassa vatthārammaṇehi vimokkho hoti, gataṭṭhānaṃ na paññāyati. Catutthe saddho hotītiādīni pañcakanipāte vaṇṇitāneva. Pañcame dhanānīti adāliddiyakaraṇaṭṭhena dhanāni.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
1. පඨමපියසුත්‌තං • 1. Paṭhamapiyasuttaṃ
2. දුතියපියසුත්‌තං • 2. Dutiyapiyasuttaṃ
3. සංඛිත්‌තබලසුත්‌තං • 3. Saṃkhittabalasuttaṃ
4. විත්‌ථතබලසුත්‌තං • 4. Vitthatabalasuttaṃ
5. සංඛිත්‌තධනසුත්‌තං • 5. Saṃkhittadhanasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1. ධනවග්‌ගවණ්‌ණනා • 1. Dhanavaggavaṇṇanā
