| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. பட²மபுப்³பா³ராமஸுத்தங்
5. Paṭhamapubbārāmasuttaṃ
515. ஏவங் மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி புப்³பா³ராமே மிகா³ரமாதுபாஸாதே³. தத்ர கோ² ப⁴க³வா பி⁴க்கூ² ஆமந்தேஸி – ‘‘கதினங் நு கோ², பி⁴க்க²வே, இந்த்³ரியானங் பா⁴விதத்தா ப³ஹுலீகதத்தா கீ²ணாஸவோ பி⁴க்கு² அஞ்ஞங் ப்³யாகரோதி – ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாமீ’’தி?
515. Evaṃ me sutaṃ – ekaṃ samayaṃ bhagavā sāvatthiyaṃ viharati pubbārāme migāramātupāsāde. Tatra kho bhagavā bhikkhū āmantesi – ‘‘katinaṃ nu kho, bhikkhave, indriyānaṃ bhāvitattā bahulīkatattā khīṇāsavo bhikkhu aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti?
ப⁴க³வங்மூலகா நோ, ப⁴ந்தே, த⁴ம்மா…பே॰… ‘‘ஏகஸ்ஸ கோ², பி⁴க்க²வே, இந்த்³ரியஸ்ஸ பா⁴விதத்தா ப³ஹுலீகதத்தா கீ²ணாஸவோ பி⁴க்கு² அஞ்ஞங் ப்³யாகரோதி – ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாமீதி. கதமஸ்ஸ ஏகஸ்ஸ பஞ்ஞிந்த்³ரியஸ்ஸ பஞ்ஞவதோ , பி⁴க்க²வே, அரியஸாவகஸ்ஸ தத³ன்வயா ஸத்³தா⁴ ஸண்டா²தி, தத³ன்வயங் வீரியங் ஸண்டா²தி, தத³ன்வயா ஸதி ஸண்டா²தி, தத³ன்வயோ ஸமாதி⁴ ஸண்டா²தி. இமஸ்ஸ கோ², பி⁴க்க²வே, ஏகஸ்ஸ இந்த்³ரியஸ்ஸ பா⁴விதத்தா ப³ஹுலீகதத்தா கீ²ணாஸவோ பி⁴க்கு² அஞ்ஞங் ப்³யாகரோதி – ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாமீ’’தி. பஞ்சமங்.
Bhagavaṃmūlakā no, bhante, dhammā…pe… ‘‘ekassa kho, bhikkhave, indriyassa bhāvitattā bahulīkatattā khīṇāsavo bhikkhu aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmīti. Katamassa ekassa paññindriyassa paññavato , bhikkhave, ariyasāvakassa tadanvayā saddhā saṇṭhāti, tadanvayaṃ vīriyaṃ saṇṭhāti, tadanvayā sati saṇṭhāti, tadanvayo samādhi saṇṭhāti. Imassa kho, bhikkhave, ekassa indriyassa bhāvitattā bahulīkatattā khīṇāsavo bhikkhu aññaṃ byākaroti – ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāmī’’ti. Pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. பட²மபுப்³பா³ராமஸுத்தவண்ணனா • 5. Paṭhamapubbārāmasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. பட²மபுப்³பா³ராமஸுத்தவண்ணனா • 5. Paṭhamapubbārāmasuttavaṇṇanā
