| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. яамагаваг̇г̇о
2. Yamakavaggo
1-4. батамабуб̣б̣зсамб̣од̇хасуд̇д̇аад̣̇иван̣н̣анаа
1-4. Paṭhamapubbesambodhasuttādivaṇṇanā
13-16. яамагаваг̇г̇асса батамад̣̇уд̇иязсу аж̇жхад̇д̇игаананд̇и аж̇жхад̇д̇аж̇жхад̇д̇авасзна аж̇жхад̇д̇игаанам̣. со бана нзсам̣ аж̇жхад̇д̇игабхааво чанд̣̇арааг̇асса ад̇химад̇д̇аб̣алавад̇ааяа взд̣̇ид̇аб̣б̣о. мануссаанан̃хи анд̇огхарам̣ вияа ча аж̇жхад̇д̇игааяад̇анаани, гхаруубажаарам̣ вияа ча б̣аахирааяад̇анаани. яат̇аа нзсам̣ буд̇д̇ад̣̇аарад̇ханад̇хан̃н̃абун̣н̣з анд̇огхарз чанд̣̇арааг̇о ад̇химад̇д̇аб̣алаваа ход̇и, д̇ад̇т̇а гассажи бависид̇ум̣ на д̣̇знд̇и, аббамад̇д̇зна бхааж̇анасад̣̇д̣̇амад̇д̇знааби ‘‘гим̣ зд̇а’’нд̇и? вад̇д̇ааро бхаванд̇и. звамзвам̣ часу аж̇жхад̇д̇игзсу ааяад̇анзсу ад̇химад̇д̇аб̣алавачанд̣̇арааг̇од̇и. ид̇и имааяа чанд̣̇арааг̇аб̣алавад̇ааяа д̇аани ‘‘аж̇жхад̇д̇игааний’’д̇и вуд̇д̇аани. гхаруубажаарз бана но д̇ат̇аа б̣алаваа ход̇и, д̇ад̇т̇а жаранд̇з мануссзби жад̇уббад̣̇ааниби на сахасаа ниваарзнд̇и. гин̃жааби на ниваарзнд̇и, анижчанд̇аа бана басубажчимад̇д̇амби г̇ахид̇ум̣ на д̣̇знд̇и. ид̇и нзсам̣ д̇ад̇т̇а на ад̇химад̇д̇аб̣алавачанд̣̇арааг̇о ход̇и. руубаад̣̇ийсуби д̇ат̇зва на ад̇химад̇д̇аб̣алавачанд̣̇арааг̇о, д̇асмаа д̇аани ‘‘б̣аахирааний’’д̇и вуд̇д̇аани. вид̇т̇аарад̇о бана аж̇жхад̇д̇игаб̣аахирагат̇аа висуд̣̇д̇химаг̇г̇з вуд̇д̇аава. сзсам̣ д̣̇вийсуби суд̇д̇зсу хздтаа вуд̇д̇анаяамзва. д̇ат̇аа д̇ад̇ияажад̇уд̇т̇зсу.
13-16. Yamakavaggassa paṭhamadutiyesu ajjhattikānanti ajjhattajjhattavasena ajjhattikānaṃ. So pana nesaṃ ajjhattikabhāvo chandarāgassa adhimattabalavatāya veditabbo. Manussānañhi antogharaṃ viya cha ajjhattikāyatanāni, gharūpacāraṃ viya cha bāhirāyatanāni. Yathā nesaṃ puttadāradhanadhaññapuṇṇe antoghare chandarāgo adhimattabalavā hoti, tattha kassaci pavisituṃ na denti, appamattena bhājanasaddamattenāpi ‘‘kiṃ eta’’nti? Vattāro bhavanti. Evamevaṃ chasu ajjhattikesu āyatanesu adhimattabalavachandarāgoti. Iti imāya chandarāgabalavatāya tāni ‘‘ajjhattikānī’’ti vuttāni. Gharūpacāre pana no tathā balavā hoti, tattha carante manussepi catuppadānipi na sahasā nivārenti. Kiñcāpi na nivārenti, anicchantā pana pasupacchimattampi gahituṃ na denti. Iti nesaṃ tattha na adhimattabalavachandarāgo hoti. Rūpādīsupi tatheva na adhimattabalavachandarāgo, tasmā tāni ‘‘bāhirānī’’ti vuttāni. Vitthārato pana ajjhattikabāhirakathā visuddhimagge vuttāva. Sesaṃ dvīsupi suttesu heṭṭhā vuttanayameva. Tathā tatiyacatutthesu.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
1. батамабуб̣б̣зсамб̣од̇хасуд̇д̇ам̣ • 1. Paṭhamapubbesambodhasuttaṃ
2. д̣̇уд̇ияабуб̣б̣зсамб̣од̇хасуд̇д̇ам̣ • 2. Dutiyapubbesambodhasuttaṃ
3. батамаассаад̣̇абариязсанасуд̇д̇ам̣ • 3. Paṭhamaassādapariyesanasuttaṃ
4. д̣̇уд̇ияаассаад̣̇абариязсанасуд̇д̇ам̣ • 4. Dutiyaassādapariyesanasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-4. батамабуб̣б̣зсамб̣од̇хасуд̇д̇аад̣̇иван̣н̣анаа • 1-4. Paṭhamapubbesambodhasuttādivaṇṇanā
