๑-๔. ปฐมปุเพฺพสโมฺพธสุตฺตาทิวณฺณนา

1-4. Paṭhamapubbesambodhasuttādivaṇṇanā

๑๓-๑๖. ทฺวีสุปิ สุเตฺตสุ อายตนานํ วเสน เทสนา เอกรสาวาติ ‘‘ปฐมทุติเยสู’’ติ เอกชฺฌํ ปทุทฺธาโร กโตฯ อาหิโต อหํมาโน เอตฺถาติ อตฺตา, อตฺตภาโวฯ อตฺตานมธิ อชฺฌตฺตํ, ตปฺปริยาปนฺนตฺตา ตตฺถ ภวานิ อชฺฌตฺติกานิ, เตสํ อชฺฌตฺติกานํฯ อชฺฌตฺตญฺจ นาม อชฺฌตฺตชฺฌตฺตํ , นิยกชฺฌตฺตํ, โคจรชฺฌตฺตํ, วิสยชฺฌตฺตนฺติ จตุพฺพิธํฯ ตตฺถ อชฺฌตฺตชฺฌตฺตํ อชฺฌเตฺต ภวนฺติ อชฺฌตฺติกนฺติ อาห ‘‘อชฺฌตฺตชฺฌตฺตวเสน อชฺฌตฺติกาน’’นฺติฯ เตสํ จกฺขาทีนํ อชฺฌเตฺตสุปิ อชฺฌตฺติกภาโว อธิกสิเนหวตฺถุตายาติ อาห ‘‘ฉนฺทราคสฺส อธิมตฺตพลวตายา’’ติฯ อิทานิ ตตฺถ ตมตฺถํ ปฎิโยคินา สทฺธิํ อุทาหรณวเสน ทเสฺสโนฺต ‘‘มนุสฺสานํ หี’’ติอาทิมาหฯ ตํ อุตฺตานเมวฯ พาหิรานีติ อชฺฌตฺติกโต พหิ ภวานิฯ

13-16. Dvīsupi suttesu āyatanānaṃ vasena desanā ekarasāvāti ‘‘paṭhamadutiyesū’’ti ekajjhaṃ paduddhāro kato. Āhito ahaṃmāno etthāti attā, attabhāvo. Attānamadhi ajjhattaṃ, tappariyāpannattā tattha bhavāni ajjhattikāni, tesaṃ ajjhattikānaṃ. Ajjhattañca nāma ajjhattajjhattaṃ , niyakajjhattaṃ, gocarajjhattaṃ, visayajjhattanti catubbidhaṃ. Tattha ajjhattajjhattaṃ ajjhatte bhavanti ajjhattikanti āha ‘‘ajjhattajjhattavasena ajjhattikāna’’nti. Tesaṃ cakkhādīnaṃ ajjhattesupi ajjhattikabhāvo adhikasinehavatthutāyāti āha ‘‘chandarāgassa adhimattabalavatāyā’’ti. Idāni tattha tamatthaṃ paṭiyoginā saddhiṃ udāharaṇavasena dassento ‘‘manussānaṃ hī’’tiādimāha. Taṃ uttānameva. Bāhirānīti ajjhattikato bahi bhavāni.

ปฐมปุเพฺพสโมฺพธสุตฺตาทิวณฺณนา นิฎฺฐิตาฯ

Paṭhamapubbesambodhasuttādivaṇṇanā niṭṭhitā.

Next: ๕-๖. ปฐมโนเจอสฺสาทสุตฺตาทิวณฺณนา • 5-6. Paṭhamanoceassādasuttādivaṇṇanā

อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑-๔. ปฐมปุเพฺพสโมฺพธสุตฺตาทิวณฺณนา • 1-4. Paṭhamapubbesambodhasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact