១-៤. បឋមបុព្ពេសម្ពោធសុត្តាទិវណ្ណនា

1-4. Paṭhamapubbesambodhasuttādivaṇṇanā

១៣-១៦. ទ្វីសុបិ សុត្តេសុ អាយតនានំ វសេន ទេសនា ឯករសាវាតិ ‘‘បឋមទុតិយេសូ’’តិ ឯកជ្ឈំ បទុទ្ធារោ កតោ។ អាហិតោ អហំមានោ ឯត្ថាតិ អត្តា, អត្តភាវោ។ អត្តានមធិ អជ្ឈត្តំ, តប្បរិយាបន្នត្តា តត្ថ ភវានិ អជ្ឈត្តិកានិ, តេសំ អជ្ឈត្តិកានំ។ អជ្ឈត្តញ្ច នាម អជ្ឈត្តជ្ឈត្តំ , និយកជ្ឈត្តំ, គោចរជ្ឈត្តំ, វិសយជ្ឈត្តន្តិ ចតុព្ពិធំ។ តត្ថ អជ្ឈត្តជ្ឈត្តំ អជ្ឈត្តេ ភវន្តិ អជ្ឈត្តិកន្តិ អាហ ‘‘អជ្ឈត្តជ្ឈត្តវសេន អជ្ឈត្តិកាន’’ន្តិ។ តេសំ ចក្ខាទីនំ អជ្ឈត្តេសុបិ អជ្ឈត្តិកភាវោ អធិកសិនេហវត្ថុតាយាតិ អាហ ‘‘ឆន្ទរាគស្ស អធិមត្តពលវតាយា’’តិ។ ឥទានិ តត្ថ តមត្ថំ បដិយោគិនា សទ្ធិំ ឧទាហរណវសេន ទស្សេន្តោ ‘‘មនុស្សានំ ហី’’តិអាទិមាហ។ តំ ឧត្តានមេវ។ ពាហិរានីតិ អជ្ឈត្តិកតោ ពហិ ភវានិ។

13-16. Dvīsupi suttesu āyatanānaṃ vasena desanā ekarasāvāti ‘‘paṭhamadutiyesū’’ti ekajjhaṃ paduddhāro kato. Āhito ahaṃmāno etthāti attā, attabhāvo. Attānamadhi ajjhattaṃ, tappariyāpannattā tattha bhavāni ajjhattikāni, tesaṃ ajjhattikānaṃ. Ajjhattañca nāma ajjhattajjhattaṃ , niyakajjhattaṃ, gocarajjhattaṃ, visayajjhattanti catubbidhaṃ. Tattha ajjhattajjhattaṃ ajjhatte bhavanti ajjhattikanti āha ‘‘ajjhattajjhattavasena ajjhattikāna’’nti. Tesaṃ cakkhādīnaṃ ajjhattesupi ajjhattikabhāvo adhikasinehavatthutāyāti āha ‘‘chandarāgassa adhimattabalavatāyā’’ti. Idāni tattha tamatthaṃ paṭiyoginā saddhiṃ udāharaṇavasena dassento ‘‘manussānaṃ hī’’tiādimāha. Taṃ uttānameva. Bāhirānīti ajjhattikato bahi bhavāni.

បឋមបុព្ពេសម្ពោធសុត្តាទិវណ្ណនា និដ្ឋិតា។

Paṭhamapubbesambodhasuttādivaṇṇanā niṭṭhitā.

Next: ៥-៦. បឋមនោចេអស្សាទសុត្តាទិវណ្ណនា • 5-6. Paṭhamanoceassādasuttādivaṇṇanā

អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១-៤. បឋមបុព្ពេសម្ពោធសុត្តាទិវណ្ណនា • 1-4. Paṭhamapubbesambodhasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact