| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
2. යමකවග්‌ගො
2. Yamakavaggo
1-4. පඨමපුබ්‌බෙසම්‌බොධසුත්‌තාදිවණ්‌ණනා
1-4. Paṭhamapubbesambodhasuttādivaṇṇanā
13-16. ද්‌වීසුපි සුත්‌තෙසු ආයතනානං වසෙන දෙසනා එකරසාවාති ‘‘පඨමදුතියෙසූ’’ති එකජ්‌ඣං පදුද්‌ධාරො කතො. ආහිතො අහංමානො එත්‌ථාති අත්‌තා, අත්‌තභාවො. අත්‌තානමධි අජ්‌ඣත්‌තං, තප්‌පරියාපන්‌නත්‌තා තත්‌ථ භවානි අජ්‌ඣත්‌තිකානි, තෙසං අජ්‌ඣත්‌තිකානං. අජ්‌ඣත්‌තඤ්‌ච නාම අජ්‌ඣත්‌තජ්‌ඣත්‌තං , නියකජ්‌ඣත්‌තං, ගොචරජ්‌ඣත්‌තං, විසයජ්‌ඣත්‌තන්‌ති චතුබ්‌බිධං. තත්‌ථ අජ්‌ඣත්‌තජ්‌ඣත්‌තං අජ්‌ඣත්‌තෙ භවන්‌ති අජ්‌ඣත්‌තිකන්‌ති ආහ ‘‘අජ්‌ඣත්‌තජ්‌ඣත්‌තවසෙන අජ්‌ඣත්‌තිකාන’’න්‌ති. තෙසං චක්‌ඛාදීනං අජ්‌ඣත්‌තෙසුපි අජ්‌ඣත්‌තිකභාවො අධිකසිනෙහවත්‌ථුතායාති ආහ ‘‘ඡන්‌දරාගස්‌ස අධිමත්‌තබලවතායා’’ති. ඉදානි තත්‌ථ තමත්‌ථං පටියොගිනා සද්‌ධිං උදාහරණවසෙන දස්‌සෙන්‌තො ‘‘මනුස්‌සානං හී’’තිආදිමාහ. තං උත්‌තානමෙව. බාහිරානීති අජ්‌ඣත්‌තිකතො බහි භවානි.
13-16. Dvīsupi suttesu āyatanānaṃ vasena desanā ekarasāvāti ‘‘paṭhamadutiyesū’’ti ekajjhaṃ paduddhāro kato. Āhito ahaṃmāno etthāti attā, attabhāvo. Attānamadhi ajjhattaṃ, tappariyāpannattā tattha bhavāni ajjhattikāni, tesaṃ ajjhattikānaṃ. Ajjhattañca nāma ajjhattajjhattaṃ , niyakajjhattaṃ, gocarajjhattaṃ, visayajjhattanti catubbidhaṃ. Tattha ajjhattajjhattaṃ ajjhatte bhavanti ajjhattikanti āha ‘‘ajjhattajjhattavasena ajjhattikāna’’nti. Tesaṃ cakkhādīnaṃ ajjhattesupi ajjhattikabhāvo adhikasinehavatthutāyāti āha ‘‘chandarāgassa adhimattabalavatāyā’’ti. Idāni tattha tamatthaṃ paṭiyoginā saddhiṃ udāharaṇavasena dassento ‘‘manussānaṃ hī’’tiādimāha. Taṃ uttānameva. Bāhirānīti ajjhattikato bahi bhavāni.
පඨමපුබ්‌බෙසම්‌බොධසුත්‌තාදිවණ්‌ණනා නිට්‌ඨිතා.
Paṭhamapubbesambodhasuttādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya
1. පඨමපුබ්‌බෙසම්‌බොධසුත්‌තං • 1. Paṭhamapubbesambodhasuttaṃ
2. දුතියපුබ්‌බෙසම්‌බොධසුත්‌තං • 2. Dutiyapubbesambodhasuttaṃ
3. පඨමඅස්‌සාදපරියෙසනසුත්‌තං • 3. Paṭhamaassādapariyesanasuttaṃ
4. දුතියඅස්‌සාදපරියෙසනසුත්‌තං • 4. Dutiyaassādapariyesanasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1-4. පඨමපුබ්‌බෙසම්‌බොධසුත්‌තාදිවණ්‌ණනා • 1-4. Paṭhamapubbesambodhasuttādivaṇṇanā
