੧-੪. ਪਠਮਪੁਬ੍ਬੇਸਮ੍ਬੋਧਸੁਤ੍ਤਾਦਿવਣ੍ਣਨਾ

1-4. Paṭhamapubbesambodhasuttādivaṇṇanā

੧੩-੧੬. ਦ੍વੀਸੁਪਿ ਸੁਤ੍ਤੇਸੁ ਆਯਤਨਾਨਂ વਸੇਨ ਦੇਸਨਾ ਏਕਰਸਾવਾਤਿ ‘‘ਪਠਮਦੁਤਿਯੇਸੂ’’ਤਿ ਏਕਜ੍ਝਂ ਪਦੁਦ੍ਧਾਰੋ ਕਤੋ। ਆਹਿਤੋ ਅਹਂਮਾਨੋ ਏਤ੍ਥਾਤਿ ਅਤ੍ਤਾ, ਅਤ੍ਤਭਾવੋ। ਅਤ੍ਤਾਨਮਧਿ ਅਜ੍ਝਤ੍ਤਂ, ਤਪ੍ਪਰਿਯਾਪਨ੍ਨਤ੍ਤਾ ਤਤ੍ਥ ਭવਾਨਿ ਅਜ੍ਝਤ੍ਤਿਕਾਨਿ, ਤੇਸਂ ਅਜ੍ਝਤ੍ਤਿਕਾਨਂ। ਅਜ੍ਝਤ੍ਤਞ੍ਚ ਨਾਮ ਅਜ੍ਝਤ੍ਤਜ੍ਝਤ੍ਤਂ , ਨਿਯਕਜ੍ਝਤ੍ਤਂ, ਗੋਚਰਜ੍ਝਤ੍ਤਂ, વਿਸਯਜ੍ਝਤ੍ਤਨ੍ਤਿ ਚਤੁਬ੍ਬਿਧਂ। ਤਤ੍ਥ ਅਜ੍ਝਤ੍ਤਜ੍ਝਤ੍ਤਂ ਅਜ੍ਝਤ੍ਤੇ ਭવਨ੍ਤਿ ਅਜ੍ਝਤ੍ਤਿਕਨ੍ਤਿ ਆਹ ‘‘ਅਜ੍ਝਤ੍ਤਜ੍ਝਤ੍ਤવਸੇਨ ਅਜ੍ਝਤ੍ਤਿਕਾਨ’’ਨ੍ਤਿ। ਤੇਸਂ ਚਕ੍ਖਾਦੀਨਂ ਅਜ੍ਝਤ੍ਤੇਸੁਪਿ ਅਜ੍ਝਤ੍ਤਿਕਭਾવੋ ਅਧਿਕਸਿਨੇਹવਤ੍ਥੁਤਾਯਾਤਿ ਆਹ ‘‘ਛਨ੍ਦਰਾਗਸ੍ਸ ਅਧਿਮਤ੍ਤਬਲવਤਾਯਾ’’ਤਿ। ਇਦਾਨਿ ਤਤ੍ਥ ਤਮਤ੍ਥਂ ਪਟਿਯੋਗਿਨਾ ਸਦ੍ਧਿਂ ਉਦਾਹਰਣવਸੇਨ ਦਸ੍ਸੇਨ੍ਤੋ ‘‘ਮਨੁਸ੍ਸਾਨਂ ਹੀ’’ਤਿਆਦਿਮਾਹ। ਤਂ ਉਤ੍ਤਾਨਮੇવ। ਬਾਹਿਰਾਨੀਤਿ ਅਜ੍ਝਤ੍ਤਿਕਤੋ ਬਹਿ ਭવਾਨਿ।

13-16. Dvīsupi suttesu āyatanānaṃ vasena desanā ekarasāvāti ‘‘paṭhamadutiyesū’’ti ekajjhaṃ paduddhāro kato. Āhito ahaṃmāno etthāti attā, attabhāvo. Attānamadhi ajjhattaṃ, tappariyāpannattā tattha bhavāni ajjhattikāni, tesaṃ ajjhattikānaṃ. Ajjhattañca nāma ajjhattajjhattaṃ , niyakajjhattaṃ, gocarajjhattaṃ, visayajjhattanti catubbidhaṃ. Tattha ajjhattajjhattaṃ ajjhatte bhavanti ajjhattikanti āha ‘‘ajjhattajjhattavasena ajjhattikāna’’nti. Tesaṃ cakkhādīnaṃ ajjhattesupi ajjhattikabhāvo adhikasinehavatthutāyāti āha ‘‘chandarāgassa adhimattabalavatāyā’’ti. Idāni tattha tamatthaṃ paṭiyoginā saddhiṃ udāharaṇavasena dassento ‘‘manussānaṃ hī’’tiādimāha. Taṃ uttānameva. Bāhirānīti ajjhattikato bahi bhavāni.

ਪਠਮਪੁਬ੍ਬੇਸਮ੍ਬੋਧਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।

Paṭhamapubbesambodhasuttādivaṇṇanā niṭṭhitā.

Next: ੫-੬. ਪਠਮਨੋਚੇਅਸ੍ਸਾਦਸੁਤ੍ਤਾਦਿવਣ੍ਣਨਾ • 5-6. Paṭhamanoceassādasuttādivaṇṇanā

ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧-੪. ਪਠਮਪੁਬ੍ਬੇਸਮ੍ਬੋਧਸੁਤ੍ਤਾਦਿવਣ੍ਣਨਾ • 1-4. Paṭhamapubbesambodhasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact