| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. д̣̇уд̇ияабан̣н̣аасагам̣
2. Dutiyapaṇṇāsakaṃ
(6) 1. бун̃н̃аабхисанд̣̇аваг̇г̇о
(6) 1. Puññābhisandavaggo
1. батамабун̃н̃аабхисанд̣̇асуд̇д̇аван̣н̣анаа
1. Paṭhamapuññābhisandasuttavaṇṇanā
51. д̣̇уд̇ияасса батамз бун̃н̃аабхисанд̣̇аад̇и бун̃н̃асса абхисанд̣̇аа, бун̃н̃аббад̇д̇ияод̇и ад̇т̇о. гусалаабхисанд̣̇аад̇и д̇ассзва взважанам̣. д̇з банзд̇з сукам̣ аахаранд̇ийд̇и сукассаахаараа. судту аг̇г̇аанам̣ руубаад̣̇ийнам̣ д̣̇ааяагаад̇и соваг̇г̇игаа. суко нзсам̣ вибаагод̇и сукавибаагаа. саг̇г̇з убабад̇д̇и саг̇г̇о, саг̇г̇ааяа сам̣вад̇д̇анд̇ийд̇и саг̇г̇асам̣вад̇д̇анигаа. жийварам̣ барибхун̃ж̇амаанод̇и жийварад̇т̇ааяа вад̇т̇ам̣ лабхид̇ваа суужисуд̇д̇аад̣̇ийнам̣ абхаавзна д̇ам̣ нигкибанд̇оби гаронд̇оби баарубанд̇оби ж̇ин̣н̣агаалз бажжад̇т̇аран̣ам̣ гаронд̇оби бажжад̇т̇арид̇умби асаггун̣зяяам̣ бхуумад̇т̇аран̣ам̣ гаронд̇оби бхуумад̇т̇аран̣асса ананужчавигам̣ паалзд̇ваа баад̣̇абун̃чанам̣ гаронд̇оби ‘‘барибхун̃ж̇амаано’’д̇взва вужжад̇и. яад̣̇аа бана ‘‘баад̣̇абун̃чанамби на саггаа ид̣̇а’’нд̇и саммаж̇ж̇ид̇ваа чад̣д̣ид̇ам̣ ход̇и, д̇ад̣̇аа барибхун̃ж̇амаано наама на ход̇и. аббамаан̣ам̣ жзд̇осамаад̇хинд̇и арахад̇д̇апаласамаад̇хим̣. аббамаан̣о д̇асса бун̃н̃аабхисанд̣̇од̇и иминаа д̣̇ааяагасса бун̃н̃ажзд̇анааяа аббамаан̣ад̇ам̣ гат̇зд̇и. д̇асса хи ‘‘кийн̣аасаво мз жийварам̣ барибхун̃ж̇ад̇ий’’д̇и бунаббунам̣ ануссаран̣авасзна бавад̇д̇аа бун̃н̃ажзд̇анаа аббамаан̣аа ход̇и. д̇ам̣ санд̇хааязд̇ам̣ вуд̇д̇ам̣. бин̣д̣абаад̇аад̣̇ийсу бана яо бин̣д̣абаад̇ам̣ барибхун̃ж̇ид̇ваа сад̇д̇аахамби д̇знзва яаабзд̇и, ан̃н̃ам̣ на барибхун̃ж̇ад̇и, со сад̇д̇аахамби д̇ам̣язва бин̣д̣абаад̇ам̣ барибхун̃ж̇амаано наама ход̇и. згасмим̣ бана сзнаасанз рад̇д̇идтаанад̣̇иваадтаанаад̣̇ийсу жан̇гаманд̇оби яаава д̇ам̣ сзнаасанам̣ бахааяа ан̃н̃ам̣ на г̇ан̣хаад̇и, д̇аава барибхун̃ж̇амаано наама ход̇и. згзна бана бхзсаж̇ж̇зна б̣яаад̇химхи вуубасанд̇з яаава ан̃н̃ам̣ бхзсаж̇ж̇ам̣ на барибхун̃ж̇ад̇и, д̇аавад̣̇зва барибхун̃ж̇амаано наама ход̇и.
51. Dutiyassa paṭhame puññābhisandāti puññassa abhisandā, puññappattiyoti attho. Kusalābhisandāti tasseva vevacanaṃ. Te panete sukhaṃ āharantīti sukhassāhārā. Suṭṭhu aggānaṃ rūpādīnaṃ dāyakāti sovaggikā. Sukho nesaṃ vipākoti sukhavipākā. Sagge upapatti saggo, saggāya saṃvattantīti saggasaṃvattanikā. Cīvaraṃ paribhuñjamānoti cīvaratthāya vatthaṃ labhitvā sūcisuttādīnaṃ abhāvena taṃ nikkhipantopi karontopi pārupantopi jiṇṇakāle paccattharaṇaṃ karontopi paccattharitumpi asakkuṇeyyaṃ bhūmattharaṇaṃ karontopi bhūmattharaṇassa ananucchavikaṃ phāletvā pādapuñchanaṃ karontopi ‘‘paribhuñjamāno’’tveva vuccati. Yadā pana ‘‘pādapuñchanampi na sakkā ida’’nti sammajjitvā chaḍḍitaṃ hoti, tadā paribhuñjamāno nāma na hoti. Appamāṇaṃ cetosamādhinti arahattaphalasamādhiṃ. Appamāṇo tassa puññābhisandoti iminā dāyakassa puññacetanāya appamāṇataṃ katheti. Tassa hi ‘‘khīṇāsavo me cīvaraṃ paribhuñjatī’’ti punappunaṃ anussaraṇavasena pavattā puññacetanā appamāṇā hoti. Taṃ sandhāyetaṃ vuttaṃ. Piṇḍapātādīsu pana yo piṇḍapātaṃ paribhuñjitvā sattāhampi teneva yāpeti, aññaṃ na paribhuñjati, so sattāhampi taṃyeva piṇḍapātaṃ paribhuñjamāno nāma hoti. Ekasmiṃ pana senāsane rattiṭṭhānadivāṭṭhānādīsu caṅkamantopi yāva taṃ senāsanaṃ pahāya aññaṃ na gaṇhāti, tāva paribhuñjamāno nāma hoti. Ekena pana bhesajjena byādhimhi vūpasante yāva aññaṃ bhesajjaṃ na paribhuñjati, tāvadeva paribhuñjamāno nāma hoti.
б̣ахубхзраванд̇и б̣ахуухи бхзраваарамман̣зхи саманнааг̇ад̇ам̣. рад̇анавараананд̇и сад̇д̇аннамби варарад̇анаанам̣. аалаяанд̇и ниваасадтаанам̣. бут̇уу саванд̇ийд̇и б̣ахугаа худ̇ваа санд̣̇амаанаа. сзсамзд̇т̇а уд̇д̇аанамзва.
Bahubheravanti bahūhi bheravārammaṇehi samannāgataṃ. Ratanavarānanti sattannampi vararatanānaṃ. Ālayanti nivāsaṭṭhānaṃ. Puthū savantīti bahukā hutvā sandamānā. Sesamettha uttānameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. батамабун̃н̃аабхисанд̣̇асуд̇д̇ам̣ • 1. Paṭhamapuññābhisandasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. батамабун̃н̃аабхисанд̣̇асуд̇д̇аван̣н̣анаа • 1. Paṭhamapuññābhisandasuttavaṇṇanā
