| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༢. དུཏིཡཔཎྞཱསཀཾ
2. Dutiyapaṇṇāsakaṃ
(༦) ༡. པུཉྙཱབྷིསནྡཝགྒོ
(6) 1. Puññābhisandavaggo
༡. པཋམཔུཉྙཱབྷིསནྡསུཏྟཝཎྞནཱ
1. Paṭhamapuññābhisandasuttavaṇṇanā
༥༡. དུཏིཡསྶ པཋམེ པུཉྙཱབྷིསནྡཱཏི ཝཱ པུཉྙནདིཡོ། ཨཝིཙྪེདེན ནིཙྩཾ པཝཏྟིཡམཱནཱནི ཧི པུཉྙཱནི ཨབྷིསནྡནཊྛེན ‘‘པུཉྙཱབྷིསནྡཱ’’ཏི ཝུཏྟཱ། ཨཔརིམིཏནྟི ཨཱལ༹ྷཀགཎནཱཡ ཨཔརིམིཏཾ, ཡོཛནཝསེན པནསྶ པརིམཱཎཾ ཨཏྠི། ཏཐཱ ཧི ཧེཊྛཱ མཧཱཔཐཝིཡཱ ཨུཔརི ཨཱཀཱསེན པརཏོ ཙཀྐཝཱལ༹པབྦཏེན མཛ྄ཛྷེ ཏཏྠ ཏཏྠ ཋིཏེཧི དཱིཔཔབྦཏཔརིཡནྟེཧི པརིཙྪིནྣཏྟཱ ཡོཛནཏོ སཀྐཱ པམཱཎཾ ཀཱཏུཾ། བྷེརཝཱརམྨཎེཧཱིཏི སཝིཉྙཱཎཀཱཝིཉྙཱཎཀེཧི བྷེརཝཱརམྨཎེཧི། ཏཐཱ ཧི ཏཾ མཧཱསརཱིརམཙྪཀུམྦྷཱིལཡཀྑརཀྑསམཧཱནཱགདཱནཝཱདཱིནཾ སཝིཉྙཱཎཀཱནཾ ཝལ༹ཝཱམུཁཔཱཏཱལཱདཱིནཾ ཨཝིཉྙཱཎཀཱནཉྩ བྷེརཝཱརམྨཎཱནཾ ཝསེན ‘‘བཧུབྷེརཝ’’ནྟི ཝུཙྩཏི། སེསམེཏྠ ཨུཏྟཱནམེཝ།
51. Dutiyassa paṭhame puññābhisandāti vā puññanadiyo. Avicchedena niccaṃ pavattiyamānāni hi puññāni abhisandanaṭṭhena ‘‘puññābhisandā’’ti vuttā. Aparimitanti āḷhakagaṇanāya aparimitaṃ, yojanavasena panassa parimāṇaṃ atthi. Tathā hi heṭṭhā mahāpathaviyā upari ākāsena parato cakkavāḷapabbatena majjhe tattha tattha ṭhitehi dīpapabbatapariyantehi paricchinnattā yojanato sakkā pamāṇaṃ kātuṃ. Bheravārammaṇehīti saviññāṇakāviññāṇakehi bheravārammaṇehi. Tathā hi taṃ mahāsarīramacchakumbhīlayakkharakkhasamahānāgadānavādīnaṃ saviññāṇakānaṃ vaḷavāmukhapātālādīnaṃ aviññāṇakānañca bheravārammaṇānaṃ vasena ‘‘bahubherava’’nti vuccati. Sesamettha uttānameva.
པཋམཔུཉྙཱབྷིསནྡསུཏྟཝཎྞནཱ ནིཊྛིཏཱ།
Paṭhamapuññābhisandasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡. པཋམཔུཉྙཱབྷིསནྡསུཏྟཾ • 1. Paṭhamapuññābhisandasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡. པཋམཔུཉྙཱབྷིསནྡསུཏྟཝཎྞནཱ • 1. Paṭhamapuññābhisandasuttavaṇṇanā
