| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
9. батамарааг̇асуд̇д̇ам̣
9. Paṭhamarāgasuttaṃ
68. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
68. Vuttañhetaṃ bhagavatā, vuttamarahatāti me sutaṃ –
‘‘яасса гассажи, бхигкавз, рааг̇о аббахийно, д̣̇осо аббахийно, мохо аббахийно – аяам̣ вужжад̇и, бхигкавз, ‘б̣ад̣̇д̇хо 1 маарасса бадимуггасса маарабаасо яат̇аагаамагаран̣ийяо 2 баабимад̇о’. яасса гассажи, бхигкавз, рааг̇о бахийно, д̣̇осо бахийно, мохо бахийно – аяам̣ вужжад̇и, бхигкавз, ‘аб̣ад̣̇д̇хо маарасса омуггасса маарабаасо на яат̇аа гаамагаран̣ийяо 3 баабимад̇о’’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Yassa kassaci, bhikkhave, rāgo appahīno, doso appahīno, moho appahīno – ayaṃ vuccati, bhikkhave, ‘baddho 4 mārassa paṭimukkassa mārapāso yathākāmakaraṇīyo 5 pāpimato’. Yassa kassaci, bhikkhave, rāgo pahīno, doso pahīno, moho pahīno – ayaṃ vuccati, bhikkhave, ‘abaddho mārassa omukkassa mārapāso na yathā kāmakaraṇīyo 6 pāpimato’’’ti. Etamatthaṃ bhagavā avoca. Tatthetaṃ iti vuccati –
‘‘яасса рааг̇о жа д̣̇осо жа, авиж̇ж̇аа жа вирааж̇ид̇аа;
‘‘Yassa rāgo ca doso ca, avijjā ca virājitā;
д̇ам̣ бхаавид̇ад̇д̇ан̃н̃ад̇арам̣, б̣рахмабхууд̇ам̣ д̇ат̇ааг̇ад̇ам̣;
Taṃ bhāvitattaññataraṃ, brahmabhūtaṃ tathāgataṃ;
б̣уд̣̇д̇хам̣ взрабхаяаад̇ийд̇ам̣, ааху саб̣б̣аббахааяина’’нд̇и.
Buddhaṃ verabhayātītaṃ, āhu sabbappahāyina’’nti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. навамам̣.
Ayampi attho vutto bhagavatā, iti me sutanti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 9. батамарааг̇асуд̇д̇аван̣н̣анаа • 9. Paṭhamarāgasuttavaṇṇanā
