| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. ануруд̣̇д̇хасам̣яуд̇д̇ам̣
8. Anuruddhasaṃyuttaṃ
1. рахог̇ад̇аваг̇г̇о
1. Rahogatavaggo
1. батамарахог̇ад̇асуд̇д̇ам̣
1. Paṭhamarahogatasuttaṃ
899. звам̣ мз суд̇ам̣ – згам̣ самаяам̣ ааяасмаа ануруд̣̇д̇хо саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ааяасмад̇о ануруд̣̇д̇хасса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘язсам̣ гзсан̃жи жад̇д̇ааро сад̇ибадтаанаа вирад̣̇д̇хаа, вирад̣̇д̇хо д̇зсам̣ арияо маг̇г̇о саммаа д̣̇угкагкаяаг̇аамий. язсам̣ гзсан̃жи жад̇д̇ааро сад̇ибадтаанаа аарад̣̇д̇хаа, аарад̣̇д̇хо д̇зсам̣ арияо маг̇г̇о саммаа д̣̇угкагкаяаг̇аамий’’д̇и.
899. Evaṃ me sutaṃ – ekaṃ samayaṃ āyasmā anuruddho sāvatthiyaṃ viharati jetavane anāthapiṇḍikassa ārāme. Atha kho āyasmato anuruddhassa rahogatassa paṭisallīnassa evaṃ cetaso parivitakko udapādi – ‘‘yesaṃ kesañci cattāro satipaṭṭhānā viraddhā, viraddho tesaṃ ariyo maggo sammā dukkhakkhayagāmī. Yesaṃ kesañci cattāro satipaṭṭhānā āraddhā, āraddho tesaṃ ariyo maggo sammā dukkhakkhayagāmī’’ti.
ат̇а ко ааяасмаа махаамог̇г̇аллаано ааяасмад̇о ануруд̣̇д̇хасса жзд̇асаа жзд̇обаривид̇аггаман̃н̃ааяа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзва – ааяасмад̇о ануруд̣̇д̇хасса саммукз баад̇урахоси. ат̇а ко ааяасмаа махаамог̇г̇аллаано ааяасманд̇ам̣ ануруд̣̇д̇хам̣ зд̇ад̣̇авожа – ‘‘гид̇д̇аавад̇аа ну ко, аавусо ануруд̣̇д̇ха, бхигкуно жад̇д̇ааро сад̇ибадтаанаа аарад̣̇д̇хаа хонд̇ий’’д̇и?
Atha kho āyasmā mahāmoggallāno āyasmato anuruddhassa cetasā cetoparivitakkamaññāya – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evameva – āyasmato anuruddhassa sammukhe pāturahosi. Atha kho āyasmā mahāmoggallāno āyasmantaṃ anuruddhaṃ etadavoca – ‘‘kittāvatā nu kho, āvuso anuruddha, bhikkhuno cattāro satipaṭṭhānā āraddhā hontī’’ti?
‘‘ид̇хаавусо, бхигку аж̇жхад̇д̇ам̣ гааяз самуд̣̇аяад̇хаммаанубассий вихарад̇и, аж̇жхад̇д̇ам̣ гааяз ваяад̇хаммаанубассий вихарад̇и, аж̇жхад̇д̇ам̣ гааяз самуд̣̇аяаваяад̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. б̣ахид̣̇д̇хаа гааяз самуд̣̇аяад̇хаммаанубассий вихарад̇и, б̣ахид̣̇д̇хаа гааяз ваяад̇хаммаанубассий вихарад̇и, б̣ахид̣̇д̇хаа гааяз самуд̣̇аяаваяад̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. аж̇жхад̇д̇аб̣ахид̣̇д̇хаа гааяз самуд̣̇аяад̇хаммаанубассий вихарад̇и, аж̇жхад̇д̇аб̣ахид̣̇д̇хаа гааяз ваяад̇хаммаанубассий вихарад̇и, аж̇жхад̇д̇аб̣ахид̣̇д̇хаа гааяз самуд̣̇аяаваяад̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣.
‘‘Idhāvuso, bhikkhu ajjhattaṃ kāye samudayadhammānupassī viharati, ajjhattaṃ kāye vayadhammānupassī viharati, ajjhattaṃ kāye samudayavayadhammānupassī viharati ātāpī sampajāno satimā, vineyya loke abhijjhādomanassaṃ. Bahiddhā kāye samudayadhammānupassī viharati, bahiddhā kāye vayadhammānupassī viharati, bahiddhā kāye samudayavayadhammānupassī viharati ātāpī sampajāno satimā, vineyya loke abhijjhādomanassaṃ. Ajjhattabahiddhā kāye samudayadhammānupassī viharati, ajjhattabahiddhā kāye vayadhammānupassī viharati, ajjhattabahiddhā kāye samudayavayadhammānupassī viharati ātāpī sampajāno satimā, vineyya loke abhijjhādomanassaṃ.
‘‘со сажз ааган̇кад̇и – ‘аббадигуулз бадигууласан̃н̃ий вихарзяяа’нд̇и, бадигууласан̃н̃ий д̇ад̇т̇а вихарад̇и; сажз ааган̇кад̇и – ‘бадигуулз аббадигууласан̃н̃ий вихарзяяа’нд̇и, аббадигууласан̃н̃ий д̇ад̇т̇а вихарад̇и; сажз ааган̇кад̇и – ‘аббадигуулз жа бадигуулз жа бадигууласан̃н̃ий вихарзяяа’нд̇и, бадигууласан̃н̃ий д̇ад̇т̇а вихарад̇и; сажз ааган̇кад̇и – ‘бадигуулз жа аббадигуулз жа аббадигууласан̃н̃ий вихарзяяа’нд̇и, аббадигууласан̃н̃ий д̇ад̇т̇а вихарад̇и; сажз ааган̇кад̇и – ‘аббадигуулан̃жа бадигуулан̃жа д̇ад̣̇убхаяам̣ абхиниваж̇ж̇зд̇ваа убзгкаго вихарзяяам̣ сад̇о самбаж̇аано’д̇и, убзгкаго д̇ад̇т̇а вихарад̇и сад̇о самбаж̇аано.
‘‘So sace ākaṅkhati – ‘appaṭikūle paṭikūlasaññī vihareyya’nti, paṭikūlasaññī tattha viharati; sace ākaṅkhati – ‘paṭikūle appaṭikūlasaññī vihareyya’nti, appaṭikūlasaññī tattha viharati; sace ākaṅkhati – ‘appaṭikūle ca paṭikūle ca paṭikūlasaññī vihareyya’nti, paṭikūlasaññī tattha viharati; sace ākaṅkhati – ‘paṭikūle ca appaṭikūle ca appaṭikūlasaññī vihareyya’nti, appaṭikūlasaññī tattha viharati; sace ākaṅkhati – ‘appaṭikūlañca paṭikūlañca tadubhayaṃ abhinivajjetvā upekkhako vihareyyaṃ sato sampajāno’ti, upekkhako tattha viharati sato sampajāno.
‘‘аж̇жхад̇д̇ам̣ взд̣̇анаасу самуд̣̇аяад̇хаммаанубассий вихарад̇и, аж̇жхад̇д̇ам̣ взд̣̇анаасу ваяад̇хаммаанубассий вихарад̇и, аж̇жхад̇д̇ам̣ взд̣̇анаасу самуд̣̇аяаваяад̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣ . б̣ахид̣̇д̇хаа взд̣̇анаасу самуд̣̇аяад̇хаммаанубассий вихарад̇и, б̣ахид̣̇д̇хаа взд̣̇анаасу ваяад̇хаммаанубассий вихарад̇и, б̣ахид̣̇д̇хаа взд̣̇анаасу самуд̣̇аяаваяад̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. аж̇жхад̇д̇аб̣ахид̣̇д̇хаа взд̣̇анаасу самуд̣̇аяад̇хаммаанубассий вихарад̇и, аж̇жхад̇д̇аб̣ахид̣̇д̇хаа взд̣̇анаасу ваяад̇хаммаанубассий вихарад̇и, аж̇жхад̇д̇аб̣ахид̣̇д̇хаа взд̣̇анаасу самуд̣̇аяаваяад̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣.
‘‘Ajjhattaṃ vedanāsu samudayadhammānupassī viharati, ajjhattaṃ vedanāsu vayadhammānupassī viharati, ajjhattaṃ vedanāsu samudayavayadhammānupassī viharati ātāpī sampajāno satimā, vineyya loke abhijjhādomanassaṃ . Bahiddhā vedanāsu samudayadhammānupassī viharati, bahiddhā vedanāsu vayadhammānupassī viharati, bahiddhā vedanāsu samudayavayadhammānupassī viharati ātāpī sampajāno satimā, vineyya loke abhijjhādomanassaṃ. Ajjhattabahiddhā vedanāsu samudayadhammānupassī viharati, ajjhattabahiddhā vedanāsu vayadhammānupassī viharati, ajjhattabahiddhā vedanāsu samudayavayadhammānupassī viharati ātāpī sampajāno satimā, vineyya loke abhijjhādomanassaṃ.
‘‘со сажз ааган̇кад̇и – ‘аббадигуулз бадигууласан̃н̃ий вихарзяяа’нд̇и, бадигууласан̃н̃ий д̇ад̇т̇а вихарад̇и; сажз ааган̇кад̇и – ‘бадигуулз аббадигууласан̃н̃ий вихарзяяа’нд̇и, аббадигууласан̃н̃ий д̇ад̇т̇а вихарад̇и; сажз ааган̇кад̇и – ‘аббадигуулз жа бадигуулз жа бадигууласан̃н̃ий вихарзяяа’нд̇и, бадигууласан̃н̃ий д̇ад̇т̇а вихарад̇и; сажз ааган̇кад̇и – ‘бадигуулз жа аббадигуулз жа аббадигууласан̃н̃ий вихарзяяа’нд̇и, аббадигууласан̃н̃ий д̇ад̇т̇а вихарад̇и; сажз ааган̇кад̇и – ‘аббадигуулан̃жа бадигуулан̃жа д̇ад̣̇убхаяам̣ абхиниваж̇ж̇зд̇ваа убзгкаго вихарзяяам̣ сад̇о самбаж̇аано’д̇и, убзгкаго д̇ад̇т̇а вихарад̇и сад̇о самбаж̇аано.
‘‘So sace ākaṅkhati – ‘appaṭikūle paṭikūlasaññī vihareyya’nti, paṭikūlasaññī tattha viharati; sace ākaṅkhati – ‘paṭikūle appaṭikūlasaññī vihareyya’nti, appaṭikūlasaññī tattha viharati; sace ākaṅkhati – ‘appaṭikūle ca paṭikūle ca paṭikūlasaññī vihareyya’nti, paṭikūlasaññī tattha viharati; sace ākaṅkhati – ‘paṭikūle ca appaṭikūle ca appaṭikūlasaññī vihareyya’nti, appaṭikūlasaññī tattha viharati; sace ākaṅkhati – ‘appaṭikūlañca paṭikūlañca tadubhayaṃ abhinivajjetvā upekkhako vihareyyaṃ sato sampajāno’ti, upekkhako tattha viharati sato sampajāno.
‘‘аж̇жхад̇д̇ам̣ жид̇д̇з…бз… б̣ахид̣̇д̇хаа жид̇д̇з…бз… аж̇жхад̇д̇аб̣ахид̣̇д̇хаа жид̇д̇з самуд̣̇аяад̇хаммаанубассий вихарад̇и… аж̇жхад̇д̇аб̣ахид̣̇д̇хаа жид̇д̇з ваяад̇хаммаанубассий вихарад̇и… аж̇жхад̇д̇аб̣ахид̣̇д̇хаа жид̇д̇з самуд̣̇аяаваяад̇хаммаанубассий вихарад̇и аад̇аабий…бз… абхиж̇жхаад̣̇оманассам̣.
‘‘Ajjhattaṃ citte…pe… bahiddhā citte…pe… ajjhattabahiddhā citte samudayadhammānupassī viharati… ajjhattabahiddhā citte vayadhammānupassī viharati… ajjhattabahiddhā citte samudayavayadhammānupassī viharati ātāpī…pe… abhijjhādomanassaṃ.
‘‘со сажз ааган̇кад̇и – ‘аббадигуулз бадигууласан̃н̃ий вихарзяяа’нд̇и , бадигууласан̃н̃ий д̇ад̇т̇а вихарад̇и…бз… убзгкаго д̇ад̇т̇а вихарад̇и сад̇о самбаж̇аано.
‘‘So sace ākaṅkhati – ‘appaṭikūle paṭikūlasaññī vihareyya’nti , paṭikūlasaññī tattha viharati…pe… upekkhako tattha viharati sato sampajāno.
‘‘аж̇жхад̇д̇ам̣ д̇хаммзсу…бз… б̣ахид̣̇д̇хаа д̇хаммзсу…бз… аж̇жхад̇д̇аб̣ахид̣̇д̇хаа д̇хаммзсу самуд̣̇аяад̇хаммаанубассий вихарад̇и… аж̇жхад̇д̇аб̣ахид̣̇д̇хаа д̇хаммзсу ваяад̇хаммаанубассий вихарад̇и… аж̇жхад̇д̇аб̣ахид̣̇д̇хаа д̇хаммзсу самуд̣̇аяаваяад̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣.
‘‘Ajjhattaṃ dhammesu…pe… bahiddhā dhammesu…pe… ajjhattabahiddhā dhammesu samudayadhammānupassī viharati… ajjhattabahiddhā dhammesu vayadhammānupassī viharati… ajjhattabahiddhā dhammesu samudayavayadhammānupassī viharati ātāpī sampajāno satimā, vineyya loke abhijjhādomanassaṃ.
‘‘со сажз ааган̇кад̇и – ‘аббадигуулз бадигууласан̃н̃ий вихарзяяа’нд̇и, бадигууласан̃н̃ий д̇ад̇т̇а вихарад̇и…бз… убзгкаго д̇ад̇т̇а вихарад̇и сад̇о самбаж̇аано. зд̇д̇аавад̇аа ко, аавусо, бхигкуно жад̇д̇ааро сад̇ибадтаанаа аарад̣̇д̇хаа хонд̇ий’’д̇и. батамам̣.
‘‘So sace ākaṅkhati – ‘appaṭikūle paṭikūlasaññī vihareyya’nti, paṭikūlasaññī tattha viharati…pe… upekkhako tattha viharati sato sampajāno. Ettāvatā kho, āvuso, bhikkhuno cattāro satipaṭṭhānā āraddhā hontī’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-2. батамарахог̇ад̇асуд̇д̇аад̣̇иван̣н̣анаа • 1-2. Paṭhamarahogatasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-2. батамарахог̇ад̇асуд̇д̇аад̣̇иван̣н̣анаа • 1-2. Paṭhamarahogatasuttādivaṇṇanā
