| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౭. పఠమరుక్ఖసుత్తం
7. Paṭhamarukkhasuttaṃ
౫౩౭. ‘‘సేయ్యథాపి భిక్ఖవే, యే కేచి జమ్బుదీపకా రుక్ఖా, జమ్బూ తేసం అగ్గమక్ఖాయతి; ఏవమేవ ఖో భిక్ఖవే, యే కేచి బోధిపక్ఖియా ధమ్మా, పఞ్ఞిన్ద్రియం తేసం అగ్గమక్ఖాయతి, యదిదం – బోధాయ. కతమే చ, భిక్ఖవే, బోధిపక్ఖియా ధమ్మా? సద్ధిన్ద్రియం, భిక్ఖవే, బోధిపక్ఖియో ధమ్మో, తం బోధాయ సంవత్తతి. వీరియిన్ద్రియం…పే॰… సతిన్ద్రియం…పే॰… సమాధిన్ద్రియం…పే॰… పఞ్ఞిన్ద్రియం బోధిపక్ఖియో ధమ్మో, తం బోధాయ సంవత్తతి. సేయ్యథాపి, భిక్ఖవే, యే కేచి జమ్బుదీపకా రుక్ఖా, జమ్బూ తేసం అగ్గమక్ఖాయతి; ఏవమేవ ఖో, భిక్ఖవే, యే కేచి బోధిపక్ఖియా ధమ్మా, పఞ్ఞిన్ద్రియం తేసం అగ్గమక్ఖాయతి, యదిదం – బోధాయా’’తి. సత్తమం.
537. ‘‘Seyyathāpi bhikkhave, ye keci jambudīpakā rukkhā, jambū tesaṃ aggamakkhāyati; evameva kho bhikkhave, ye keci bodhipakkhiyā dhammā, paññindriyaṃ tesaṃ aggamakkhāyati, yadidaṃ – bodhāya. Katame ca, bhikkhave, bodhipakkhiyā dhammā? Saddhindriyaṃ, bhikkhave, bodhipakkhiyo dhammo, taṃ bodhāya saṃvattati. Vīriyindriyaṃ…pe… satindriyaṃ…pe… samādhindriyaṃ…pe… paññindriyaṃ bodhipakkhiyo dhammo, taṃ bodhāya saṃvattati. Seyyathāpi, bhikkhave, ye keci jambudīpakā rukkhā, jambū tesaṃ aggamakkhāyati; evameva kho, bhikkhave, ye keci bodhipakkhiyā dhammā, paññindriyaṃ tesaṃ aggamakkhāyati, yadidaṃ – bodhāyā’’ti. Sattamaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౭. బోధిపక్ఖియవగ్గో • 7. Bodhipakkhiyavaggo
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౭. బోధిపక్ఖియవగ్గవణ్ణనా • 7. Bodhipakkhiyavaggavaṇṇanā
