Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

    3. батамаруубаараамасуд̇д̇ам̣

    3. Paṭhamarūpārāmasuttaṃ

    136. ‘‘руубаараамаа, бхигкавз, д̣̇звамануссаа руубарад̇аа руубасаммуд̣̇ид̇аа. руубавибарин̣аамавирааг̇анирод̇хаа д̣̇угкаа, бхигкавз, д̣̇звамануссаа вихаранд̇и. сад̣̇д̣̇аараамаа, бхигкавз , д̣̇звамануссаа сад̣̇д̣̇арад̇аа сад̣̇д̣̇асаммуд̣̇ид̇аа. сад̣̇д̣̇авибарин̣аамавирааг̇анирод̇хаа д̣̇угкаа, бхигкавз, д̣̇звамануссаа вихаранд̇и. г̇анд̇хаараамаа… расаараамаа… подтаб̣б̣аараамаа… д̇хаммаараамаа, бхигкавз, д̣̇звамануссаа д̇хаммарад̇аа д̇хаммасаммуд̣̇ид̇аа. д̇хаммавибарин̣аамавирааг̇анирод̇хаа д̣̇угкаа, бхигкавз, д̣̇звамануссаа вихаранд̇и. д̇ат̇ааг̇ад̇о жа ко, бхигкавз, арахам̣ саммаасамб̣уд̣̇д̇хо руубаанам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнавам̣ жа ниссаран̣ан̃жа яат̇аабхууд̇ам̣ вид̣̇ид̇ваа на руубаараамо на руубарад̇о на руубасаммуд̣̇ид̇о. руубавибарин̣аамавирааг̇анирод̇хаа суко, бхигкавз, д̇ат̇ааг̇ад̇о вихарад̇и. сад̣̇д̣̇аанам̣… г̇анд̇хаанам̣… расаанам̣… подтаб̣б̣аанам̣… д̇хаммаанам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ вид̣̇ид̇ваа на д̇хаммаараамо, на д̇хаммарад̇о, на д̇хаммасаммуд̣̇ид̇о. д̇хаммавибарин̣аамавирааг̇анирод̇хаа суко, бхигкавз, д̇ат̇ааг̇ад̇о вихарад̇и’’. ид̣̇амавожа бхаг̇аваа. ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –

    136. ‘‘Rūpārāmā, bhikkhave, devamanussā rūparatā rūpasammuditā. Rūpavipariṇāmavirāganirodhā dukkhā, bhikkhave, devamanussā viharanti. Saddārāmā, bhikkhave , devamanussā saddaratā saddasammuditā. Saddavipariṇāmavirāganirodhā dukkhā, bhikkhave, devamanussā viharanti. Gandhārāmā… rasārāmā… phoṭṭhabbārāmā… dhammārāmā, bhikkhave, devamanussā dhammaratā dhammasammuditā. Dhammavipariṇāmavirāganirodhā dukkhā, bhikkhave, devamanussā viharanti. Tathāgato ca kho, bhikkhave, arahaṃ sammāsambuddho rūpānaṃ samudayañca atthaṅgamañca assādañca ādīnavaṃ ca nissaraṇañca yathābhūtaṃ viditvā na rūpārāmo na rūparato na rūpasammudito. Rūpavipariṇāmavirāganirodhā sukho, bhikkhave, tathāgato viharati. Saddānaṃ… gandhānaṃ… rasānaṃ… phoṭṭhabbānaṃ… dhammānaṃ samudayañca atthaṅgamañca assādañca ādīnavañca nissaraṇañca yathābhūtaṃ viditvā na dhammārāmo, na dhammarato, na dhammasammudito. Dhammavipariṇāmavirāganirodhā sukho, bhikkhave, tathāgato viharati’’. Idamavoca bhagavā. Idaṃ vatvāna sugato athāparaṃ etadavoca satthā –

    ‘‘руубаа сад̣̇д̣̇аа расаа г̇анд̇хаа, пассаа д̇хаммаа жа гзвалаа;

    ‘‘Rūpā saddā rasā gandhā, phassā dhammā ca kevalā;

    идтаа ганд̇аа манаабаа жа, яаавад̇ад̇т̇ийд̇и вужжад̇и.

    Iṭṭhā kantā manāpā ca, yāvatatthīti vuccati.

    ‘‘сад̣̇звагасса логасса, зд̇з во сукасаммад̇аа;

    ‘‘Sadevakassa lokassa, ete vo sukhasammatā;

    яад̇т̇а жзд̇з нируж̇жханд̇и, д̇ам̣ д̇зсам̣ д̣̇угкасаммад̇ам̣.

    Yattha cete nirujjhanti, taṃ tesaṃ dukkhasammataṃ.

    ‘‘сукам̣ 1 д̣̇идтамариязбхи, саггааяасса нирод̇ханам̣;

    ‘‘Sukhaṃ 2 diṭṭhamariyebhi, sakkāyassa nirodhanaṃ;

    бажжанийгамид̣̇ам̣ ход̇и, саб̣б̣алогзна бассад̇ам̣.

    Paccanīkamidaṃ hoti, sabbalokena passataṃ.

    ‘‘яам̣ барз сукад̇о ааху, д̇ад̣̇арияаа ааху д̣̇угкад̇о;

    ‘‘Yaṃ pare sukhato āhu, tadariyā āhu dukkhato;

    яам̣ барз д̣̇угкад̇о ааху, д̇ад̣̇арияаа сукад̇о вид̣̇уу.

    Yaṃ pare dukkhato āhu, tadariyā sukhato vidū.

    ‘‘басса д̇хаммам̣ д̣̇урааж̇аанам̣, саммуул̣хзд̇т̇а авид̣̇д̣̇асу;

    ‘‘Passa dhammaṃ durājānaṃ, sammūḷhettha aviddasu;

    нивуд̇аанам̣ д̇амо ход̇и, анд̇хагааро абассад̇ам̣.

    Nivutānaṃ tamo hoti, andhakāro apassataṃ.

    ‘‘сад̇ан̃жа вивадам̣ ход̇и, аалого бассад̇аами;

    ‘‘Satañca vivaṭaṃ hoti, āloko passatāmi;

    санд̇игз на виж̇аананд̇и, маг̇г̇аа 3 д̇хаммасса аговид̣̇аа.

    Santike na vijānanti, maggā 4 dhammassa akovidā.

    ‘‘бхаварааг̇абарзд̇збхи , бхаварааг̇аанусаарийбхи 5;

    ‘‘Bhavarāgaparetebhi , bhavarāgānusārībhi 6;

    маарад̇хзяяаанубаннзхи, нааяам̣ д̇хаммо сусамб̣уд̇хо.

    Māradheyyānupannehi, nāyaṃ dhammo susambudho.

    ‘‘го ну ан̃н̃ад̇ра мариязбхи, бад̣̇ам̣ самб̣уд̣̇д̇хумарахад̇и;

    ‘‘Ko nu aññatra mariyebhi, padaṃ sambuddhumarahati;

    яам̣ бад̣̇ам̣ саммад̣̇ан̃н̃ааяа, бариниб̣б̣анд̇и анаасаваа’’д̇и. д̇ад̇ияам̣;

    Yaṃ padaṃ sammadaññāya, parinibbanti anāsavā’’ti. tatiyaṃ;




    Next: 4. д̣̇уд̇ияаруубаараамасуд̇д̇ам̣ • 4. Dutiyarūpārāmasuttaṃ




    Footnotes:
    1. суканд̇и (сий.)
    2. sukhanti (sī.)
    3. маг̇аа (сий.)
    4. magā (sī.)
    5. бхавасод̇аанусаарибхи (сяаа. гам̣. бий.), бхавасод̇аанусаарихи (сий.)
    6. bhavasotānusāribhi (syā. kaṃ. pī.), bhavasotānusārihi (sī.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. батамаруубаараамасуд̇д̇аван̣н̣анаа • 3. Paṭhamarūpārāmasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. батамаруубаараамасуд̇д̇аван̣н̣анаа • 3. Paṭhamarūpārāmasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact