| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. батамаруубаараамасуд̇д̇аван̣н̣анаа
3. Paṭhamarūpārāmasuttavaṇṇanā
136. д̇ад̇ияз руубасаммуд̣̇ид̇аад̇и руубз саммуд̣̇ид̇аа бамод̣̇ид̇аа. д̣̇угкаад̇и д̣̇угкид̇аа. сукод̇и ниб̣б̣аанасукзна сукид̇о. гзвалаад̇и сагалаа. яаавад̇ад̇т̇ийд̇и вужжад̇ийд̇и яад̇д̇агаа ад̇т̇ийд̇и вужжад̇и. зд̇з вод̇и зд̇т̇а во-гааро нибаад̇амад̇д̇ам̣. бажжанийгамид̣̇ам̣ ход̇и, саб̣б̣алогзна бассад̇анд̇и яам̣ ид̣̇ам̣ бассанд̇аанам̣ бан̣д̣ид̇аанам̣ д̣̇ассанам̣, д̇ам̣ саб̣б̣алогзна бажжанийгам̣ ход̇и вируд̣̇д̇хам̣. лого хи бан̃жагканд̇хз нижжаа сукаа ад̇д̇аа субхаад̇и ман̃н̃ад̇и, бан̣д̣ид̇аа анижжаа д̣̇угкаа анад̇д̇аа асубхаад̇и. сукад̇о аахууд̇и суканд̇и гат̇знд̇и. сукад̇о вид̣̇ууд̇и суканд̇и ж̇аананд̇и. саб̣б̣амзд̇ам̣ ниб̣б̣аанамзва санд̇хааяа вуд̇д̇ам̣.
136. Tatiye rūpasammuditāti rūpe sammuditā pamoditā. Dukkhāti dukkhitā. Sukhoti nibbānasukhena sukhito. Kevalāti sakalā. Yāvatatthīti vuccatīti yattakā atthīti vuccati. Ete voti ettha vo-kāro nipātamattaṃ. Paccanīkamidaṃ hoti, sabbalokena passatanti yaṃ idaṃ passantānaṃ paṇḍitānaṃ dassanaṃ, taṃ sabbalokena paccanīkaṃ hoti viruddhaṃ. Loko hi pañcakkhandhe niccā sukhā attā subhāti maññati, paṇḍitā aniccā dukkhā anattā asubhāti. Sukhato āhūti sukhanti kathenti. Sukhato vidūti sukhanti jānanti. Sabbametaṃ nibbānameva sandhāya vuttaṃ.
саммуул̣хзд̇т̇аад̇и зд̇т̇а ниб̣б̣аанз саммуул̣хаа. авид̣̇д̣̇асууд̇и б̣аалаа. саб̣б̣зби хи чаннавуд̇ибаасан̣д̣ино ‘‘ниб̣б̣аанам̣ баабун̣иссаамаа’’д̇и сан̃н̃ино хонд̇и, д̇з бана ‘‘ниб̣б̣аанам̣ наама ид̣̇а’’нд̇иби на ж̇аананд̇и. нивуд̇аананд̇и гилзсанийваран̣зна нивуд̇аанам̣ барияонад̣̇д̇хаанам̣. анд̇хагааро абассад̇анд̇и абассанд̇аанам̣ анд̇хагааро ход̇и. гим̣ д̇ам̣ звам̣ ход̇и? ниб̣б̣аанам̣ ваа ниб̣б̣аанад̣̇ассанам̣ ваа абассанд̇аанан̃хи б̣аалаанам̣ ниб̣б̣аанамби ниб̣б̣аанад̣̇ассанамби гаал̣амзгхааважчаад̣̇ид̇ам̣ вияа жанд̣̇аман̣д̣алам̣ гадаахзна бадигуж̇ж̇ид̇абад̇д̇о вияа жа нижжагаалам̣ д̇амо жзва анд̇хагааро жа самбаж̇ж̇ад̇и.
Sammūḷhetthāti ettha nibbāne sammūḷhā. Aviddasūti bālā. Sabbepi hi channavutipāsaṇḍino ‘‘nibbānaṃ pāpuṇissāmā’’ti saññino honti, te pana ‘‘nibbānaṃ nāma ida’’ntipi na jānanti. Nivutānanti kilesanīvaraṇena nivutānaṃ pariyonaddhānaṃ. Andhakāro apassatanti apassantānaṃ andhakāro hoti. Kiṃ taṃ evaṃ hoti? Nibbānaṃ vā nibbānadassanaṃ vā apassantānañhi bālānaṃ nibbānampi nibbānadassanampi kāḷameghaavacchāditaṃ viya candamaṇḍalaṃ kaṭāhena paṭikujjitapatto viya ca niccakālaṃ tamo ceva andhakāro ca sampajjati.
сад̇ан̃жа вивадам̣ ход̇и, аалого бассад̇аамиваад̇и сад̇ан̃жа саббурисаанам̣ бан̃н̃аад̣̇ассанзна бассанд̇аанам̣ ниб̣б̣аанам̣ аалого вияа вивадам̣ ход̇и. санд̇игз на виж̇аананд̇и, маг̇аа д̇хаммасса аговид̣̇аад̇и яам̣ ад̇д̇ано сарийрз гзсз ваа ломаад̣̇ийсу ваа ан̃н̃ад̇арагодтаасам̣ барижчинд̣̇ид̇ваа ананд̇арамзва ад̇хиг̇анд̇аб̣б̣ад̇о ад̇д̇ано ваа канд̇хаанам̣ нирод̇хамаг̇г̇ад̇о санд̇игз ниб̣б̣аанам̣. д̇ам̣ звам̣ санд̇игз самаанамби маг̇г̇абхууд̇аа ж̇анаа маг̇г̇аамаг̇г̇ад̇хаммасса жад̇усажжад̇хаммасса ваа аговид̣̇аа на ж̇аананд̇и.
Satañca vivaṭaṃ hoti, āloko passatāmivāti satañca sappurisānaṃ paññādassanena passantānaṃ nibbānaṃ āloko viya vivaṭaṃ hoti. Santike na vijānanti, magā dhammassa akovidāti yaṃ attano sarīre kese vā lomādīsu vā aññatarakoṭṭhāsaṃ paricchinditvā anantarameva adhigantabbato attano vā khandhānaṃ nirodhamaggato santike nibbānaṃ. Taṃ evaṃ santike samānampi maggabhūtā janā maggāmaggadhammassa catusaccadhammassa vā akovidā na jānanti.
маарад̇хзяяаанубаннзхийд̇и д̇збхуумагаваддам̣ маарасса ниваасадтаанам̣ анубаннзхи. го ну ан̃н̃ад̇ра ариязбхийд̇и табзд̇ваа арияз го ну ан̃н̃о ниб̣б̣аанабад̣̇ам̣ ж̇аанид̇ум̣ арахад̇и. саммад̣̇ан̃н̃ааяа бариниб̣б̣анд̇ийд̇и арахад̇д̇абан̃н̃ааяа саммаа ж̇аанид̇ваа ананд̇арамзва анаасаваа худ̇ваа гилзсабариниб̣б̣аанзна бариниб̣б̣анд̇и. ат̇а ваа саммад̣̇ан̃н̃ааяа анаасаваа худ̇ваа анд̇з канд̇хабариниб̣б̣аанзна бариниб̣б̣ааяанд̇и.
Māradheyyānupannehīti tebhūmakavaṭṭaṃ mārassa nivāsaṭṭhānaṃ anupannehi. Konu aññatra ariyebhīti ṭhapetvā ariye ko nu añño nibbānapadaṃ jānituṃ arahati. Sammadaññāya parinibbantīti arahattapaññāya sammā jānitvā anantarameva anāsavā hutvā kilesaparinibbānena parinibbanti. Atha vā sammadaññāya anāsavā hutvā ante khandhaparinibbānena parinibbāyanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. батамаруубаараамасуд̇д̇ам̣ • 3. Paṭhamarūpārāmasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. батамаруубаараамасуд̇д̇аван̣н̣анаа • 3. Paṭhamarūpārāmasuttavaṇṇanā
