| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೩. ಪಠಮರೂಪಾರಾಮಸುತ್ತವಣ್ಣನಾ
3. Paṭhamarūpārāmasuttavaṇṇanā
೧೩೬. ಸಮ್ಮುದಿತಾ ಸಮ್ಮೋದಪ್ಪತ್ತಾ, ಪಮೋದಿತಾ ಸಞ್ಜಾತಪಮೋದಾ। ದುಕ್ಖಾತಿ ದುಕ್ಖವನ್ತೋ ಸಞ್ಜಾತದುಕ್ಖಾ। ತೇನಾಹ ‘‘ದುಕ್ಖಿತಾ’’ತಿ। ಸುಖಂ ಏತಸ್ಸ ಅತ್ಥೀತಿ ಸುಖೋ, ಸುಖೀ। ತೇನಾಹ ‘‘ಸುಖಿತೋ’’ತಿ। ಯತ್ತಕಾ ರೂಪಾದಯೋ ಧಮ್ಮಾ ಲೋಕೇ ಅತ್ಥೀತಿ ವುಚ್ಚತಿ। ಪಸ್ಸನ್ತಾನನ್ತಿ ಸಚ್ಚಪಟಿವೇಧೇನ ಸಮ್ಮದೇವ ಪಸ್ಸನ್ತಾನಂ। ‘‘ಪಚ್ಚನೀಕಂ ಹೋತೀ’’ತಿ ವತ್ವಾ ತಂ ಪಚ್ಚನೀಕಭಾವಂ ದಸ್ಸೇತುಂ ‘‘ಲೋಕೋ ಹೀ’’ತಿಆದಿ ವುತ್ತಂ। ಅಸುಭಾತಿ ‘‘ಆಹೂ’’ತಿಪದಂ ಆನೇತ್ವಾ ಸಮ್ಬನ್ಧೋ। ಸಬ್ಬಮೇತನ್ತಿ ‘‘ಸುಖಂ ದಿಟ್ಠಮರಿಯೇಭಿ…ಪೇ॰… ತದರಿಯಾ ಸುಖತೋ ವಿದೂ’’ತಿ ಚ ವುತ್ತಂ। ಸಬ್ಬಮೇತಂ ನಿಬ್ಬಾನಮೇವ ಸನ್ಧಾಯ ವುತ್ತಂ। ನಿಬ್ಬಾನಮೇವ ಹಿ ಏಕನ್ತತೋ ಸುಖಂ ನಾಮ।
136.Sammuditā sammodappattā, pamoditā sañjātapamodā. Dukkhāti dukkhavanto sañjātadukkhā. Tenāha ‘‘dukkhitā’’ti. Sukhaṃ etassa atthīti sukho, sukhī. Tenāha ‘‘sukhito’’ti. Yattakā rūpādayo dhammā loke atthīti vuccati. Passantānanti saccapaṭivedhena sammadeva passantānaṃ. ‘‘Paccanīkaṃ hotī’’ti vatvā taṃ paccanīkabhāvaṃ dassetuṃ ‘‘loko hī’’tiādi vuttaṃ. Asubhāti ‘‘āhū’’tipadaṃ ānetvā sambandho. Sabbametanti ‘‘sukhaṃ diṭṭhamariyebhi…pe… tadariyā sukhato vidū’’ti ca vuttaṃ. Sabbametaṃ nibbānameva sandhāya vuttaṃ. Nibbānameva hi ekantato sukhaṃ nāma.
ಪಞ್ಚನವುತಿಪಾಸಣ್ಡಿನೋ ತೇಸಞ್ಚ ಪಾಸಣ್ಡಿಭಾವೋ ಪಪಞ್ಚಸೂದನಿಟ್ಠಕಥಾಯಂ ಪಕಾಸಿತೋ ಏವ। ಕಿಲೇಸನೀವರಣೇನ ನಿವುತಾನನ್ತಿ ಕಿಲೇಸಖನ್ಧಾ ಕಿಲೇಸನೀವರಣಂ, ತೇನ ನಿವಾರಿತಾನಂ। ನಿಬ್ಬಾನದಸ್ಸನಂ ನಾಮ ಅರಿಯಮಗ್ಗೋ, ತೇನ ತಸ್ಸ ಪಟಿವಿಜ್ಝನಞ್ಚ ಕಾಳಮೇಘಅವಚ್ಛಾದಿತಂ ವಿಯ ಚನ್ದಮಣ್ಡಲಂ।
Pañcanavutipāsaṇḍino tesañca pāsaṇḍibhāvo papañcasūdaniṭṭhakathāyaṃ pakāsito eva. Kilesanīvaraṇena nivutānanti kilesakhandhā kilesanīvaraṇaṃ, tena nivāritānaṃ. Nibbānadassanaṃ nāma ariyamaggo, tena tassa paṭivijjhanañca kāḷameghaavacchāditaṃ viya candamaṇḍalaṃ.
ಪರಿಚ್ಛಿನ್ದಿತ್ವಾತಿ ಅಸುಭಭಾವಪರಿಚ್ಛಿನ್ದನೇನ ಸಮ್ಮಾವಿಞ್ಞಾಣದಸ್ಸನೇನ ಚ ಪರಿಚ್ಛಿನ್ದಿತ್ವಾ। ಮಗ್ಗಧಮ್ಮಸ್ಸಾತಿ ಅರಿಯಮಗ್ಗಧಮ್ಮಸ್ಸ।
Paricchinditvāti asubhabhāvaparicchindanena sammāviññāṇadassanena ca paricchinditvā. Maggadhammassāti ariyamaggadhammassa.
ಅನುಪನ್ನೇಹೀತಿ ಅನು ಅನು ಅವಿಹಾಯ ಪಟಿಪನ್ನೇಹಿ। ಕೋ ನು ಅಞ್ಞೋ ಜಾನಿತುಂ ಅರಹತಿ, ಅಞ್ಞೋ ನ ಜಾನಾತೀತಿ ದಸ್ಸೇತಿ।
Anupannehīti anu anu avihāya paṭipannehi. Ko nu añño jānituṃ arahati, añño na jānātīti dasseti.
ಪಠಮರೂಪಾರಾಮಸುತ್ತವಣ್ಣನಾ ನಿಟ್ಠಿತಾ।
Paṭhamarūpārāmasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೩. ಪಠಮರೂಪಾರಾಮಸುತ್ತಂ • 3. Paṭhamarūpārāmasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೩. ಪಠಮರೂಪಾರಾಮಸುತ್ತವಣ್ಣನಾ • 3. Paṭhamarūpārāmasuttavaṇṇanā
