| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਪਠਮਰੂਪਾਰਾਮਸੁਤ੍ਤવਣ੍ਣਨਾ
3. Paṭhamarūpārāmasuttavaṇṇanā
੧੩੬. ਤਤਿਯੇ ਰੂਪਸਮ੍ਮੁਦਿਤਾਤਿ ਰੂਪੇ ਸਮ੍ਮੁਦਿਤਾ ਪਮੋਦਿਤਾ। ਦੁਕ੍ਖਾਤਿ ਦੁਕ੍ਖਿਤਾ। ਸੁਖੋਤਿ ਨਿਬ੍ਬਾਨਸੁਖੇਨ ਸੁਖਿਤੋ। ਕੇવਲਾਤਿ ਸਕਲਾ। ਯਾવਤਤ੍ਥੀਤਿ વੁਚ੍ਚਤੀਤਿ ਯਤ੍ਤਕਾ ਅਤ੍ਥੀਤਿ વੁਚ੍ਚਤਿ। ਏਤੇ વੋਤਿ ਏਤ੍ਥ વੋ-ਕਾਰੋ ਨਿਪਾਤਮਤ੍ਤਂ। ਪਚ੍ਚਨੀਕਮਿਦਂ ਹੋਤਿ, ਸਬ੍ਬਲੋਕੇਨ ਪਸ੍ਸਤਨ੍ਤਿ ਯਂ ਇਦਂ ਪਸ੍ਸਨ੍ਤਾਨਂ ਪਣ੍ਡਿਤਾਨਂ ਦਸ੍ਸਨਂ, ਤਂ ਸਬ੍ਬਲੋਕੇਨ ਪਚ੍ਚਨੀਕਂ ਹੋਤਿ વਿਰੁਦ੍ਧਂ। ਲੋਕੋ ਹਿ ਪਞ੍ਚਕ੍ਖਨ੍ਧੇ ਨਿਚ੍ਚਾ ਸੁਖਾ ਅਤ੍ਤਾ ਸੁਭਾਤਿ ਮਞ੍ਞਤਿ, ਪਣ੍ਡਿਤਾ ਅਨਿਚ੍ਚਾ ਦੁਕ੍ਖਾ ਅਨਤ੍ਤਾ ਅਸੁਭਾਤਿ। ਸੁਖਤੋ ਆਹੂਤਿ ਸੁਖਨ੍ਤਿ ਕਥੇਨ੍ਤਿ। ਸੁਖਤੋ વਿਦੂਤਿ ਸੁਖਨ੍ਤਿ ਜਾਨਨ੍ਤਿ। ਸਬ੍ਬਮੇਤਂ ਨਿਬ੍ਬਾਨਮੇવ ਸਨ੍ਧਾਯ વੁਤ੍ਤਂ।
136. Tatiye rūpasammuditāti rūpe sammuditā pamoditā. Dukkhāti dukkhitā. Sukhoti nibbānasukhena sukhito. Kevalāti sakalā. Yāvatatthīti vuccatīti yattakā atthīti vuccati. Ete voti ettha vo-kāro nipātamattaṃ. Paccanīkamidaṃ hoti, sabbalokena passatanti yaṃ idaṃ passantānaṃ paṇḍitānaṃ dassanaṃ, taṃ sabbalokena paccanīkaṃ hoti viruddhaṃ. Loko hi pañcakkhandhe niccā sukhā attā subhāti maññati, paṇḍitā aniccā dukkhā anattā asubhāti. Sukhato āhūti sukhanti kathenti. Sukhato vidūti sukhanti jānanti. Sabbametaṃ nibbānameva sandhāya vuttaṃ.
ਸਮ੍ਮੂਲ਼੍ਹੇਤ੍ਥਾਤਿ ਏਤ੍ਥ ਨਿਬ੍ਬਾਨੇ ਸਮ੍ਮੂਲ਼੍ਹਾ। ਅવਿਦ੍ਦਸੂਤਿ ਬਾਲਾ। ਸਬ੍ਬੇਪਿ ਹਿ ਛਨ੍ਨવੁਤਿਪਾਸਣ੍ਡਿਨੋ ‘‘ਨਿਬ੍ਬਾਨਂ ਪਾਪੁਣਿਸ੍ਸਾਮਾ’’ਤਿ ਸਞ੍ਞਿਨੋ ਹੋਨ੍ਤਿ, ਤੇ ਪਨ ‘‘ਨਿਬ੍ਬਾਨਂ ਨਾਮ ਇਦ’’ਨ੍ਤਿਪਿ ਨ ਜਾਨਨ੍ਤਿ। ਨਿવੁਤਾਨਨ੍ਤਿ ਕਿਲੇਸਨੀવਰਣੇਨ ਨਿવੁਤਾਨਂ ਪਰਿਯੋਨਦ੍ਧਾਨਂ। ਅਨ੍ਧਕਾਰੋ ਅਪਸ੍ਸਤਨ੍ਤਿ ਅਪਸ੍ਸਨ੍ਤਾਨਂ ਅਨ੍ਧਕਾਰੋ ਹੋਤਿ। ਕਿਂ ਤਂ ਏવਂ ਹੋਤਿ? ਨਿਬ੍ਬਾਨਂ વਾ ਨਿਬ੍ਬਾਨਦਸ੍ਸਨਂ વਾ ਅਪਸ੍ਸਨ੍ਤਾਨਞ੍ਹਿ ਬਾਲਾਨਂ ਨਿਬ੍ਬਾਨਮ੍ਪਿ ਨਿਬ੍ਬਾਨਦਸ੍ਸਨਮ੍ਪਿ ਕਾਲ਼ਮੇਘਅવਚ੍ਛਾਦਿਤਂ વਿਯ ਚਨ੍ਦਮਣ੍ਡਲਂ ਕਟਾਹੇਨ ਪਟਿਕੁਜ੍ਜਿਤਪਤ੍ਤੋ વਿਯ ਚ ਨਿਚ੍ਚਕਾਲਂ ਤਮੋ ਚੇવ ਅਨ੍ਧਕਾਰੋ ਚ ਸਮ੍ਪਜ੍ਜਤਿ।
Sammūḷhetthāti ettha nibbāne sammūḷhā. Aviddasūti bālā. Sabbepi hi channavutipāsaṇḍino ‘‘nibbānaṃ pāpuṇissāmā’’ti saññino honti, te pana ‘‘nibbānaṃ nāma ida’’ntipi na jānanti. Nivutānanti kilesanīvaraṇena nivutānaṃ pariyonaddhānaṃ. Andhakāro apassatanti apassantānaṃ andhakāro hoti. Kiṃ taṃ evaṃ hoti? Nibbānaṃ vā nibbānadassanaṃ vā apassantānañhi bālānaṃ nibbānampi nibbānadassanampi kāḷameghaavacchāditaṃ viya candamaṇḍalaṃ kaṭāhena paṭikujjitapatto viya ca niccakālaṃ tamo ceva andhakāro ca sampajjati.
ਸਤਞ੍ਚ વਿવਟਂ ਹੋਤਿ, ਆਲੋਕੋ ਪਸ੍ਸਤਾਮਿવਾਤਿ ਸਤਞ੍ਚ ਸਪ੍ਪੁਰਿਸਾਨਂ ਪਞ੍ਞਾਦਸ੍ਸਨੇਨ ਪਸ੍ਸਨ੍ਤਾਨਂ ਨਿਬ੍ਬਾਨਂ ਆਲੋਕੋ વਿਯ વਿવਟਂ ਹੋਤਿ। ਸਨ੍ਤਿਕੇ ਨ વਿਜਾਨਨ੍ਤਿ, ਮਗਾ ਧਮ੍ਮਸ੍ਸ ਅਕੋવਿਦਾਤਿ ਯਂ ਅਤ੍ਤਨੋ ਸਰੀਰੇ ਕੇਸੇ વਾ ਲੋਮਾਦੀਸੁ વਾ ਅਞ੍ਞਤਰਕੋਟ੍ਠਾਸਂ ਪਰਿਚ੍ਛਿਨ੍ਦਿਤ੍વਾ ਅਨਨ੍ਤਰਮੇવ ਅਧਿਗਨ੍ਤਬ੍ਬਤੋ ਅਤ੍ਤਨੋ વਾ ਖਨ੍ਧਾਨਂ ਨਿਰੋਧਮਗ੍ਗਤੋ ਸਨ੍ਤਿਕੇ ਨਿਬ੍ਬਾਨਂ। ਤਂ ਏવਂ ਸਨ੍ਤਿਕੇ ਸਮਾਨਮ੍ਪਿ ਮਗ੍ਗਭੂਤਾ ਜਨਾ ਮਗ੍ਗਾਮਗ੍ਗਧਮ੍ਮਸ੍ਸ ਚਤੁਸਚ੍ਚਧਮ੍ਮਸ੍ਸ વਾ ਅਕੋવਿਦਾ ਨ ਜਾਨਨ੍ਤਿ।
Satañca vivaṭaṃ hoti, āloko passatāmivāti satañca sappurisānaṃ paññādassanena passantānaṃ nibbānaṃ āloko viya vivaṭaṃ hoti. Santike na vijānanti, magā dhammassa akovidāti yaṃ attano sarīre kese vā lomādīsu vā aññatarakoṭṭhāsaṃ paricchinditvā anantarameva adhigantabbato attano vā khandhānaṃ nirodhamaggato santike nibbānaṃ. Taṃ evaṃ santike samānampi maggabhūtā janā maggāmaggadhammassa catusaccadhammassa vā akovidā na jānanti.
ਮਾਰਧੇਯ੍ਯਾਨੁਪਨ੍ਨੇਹੀਤਿ ਤੇਭੂਮਕવਟ੍ਟਂ ਮਾਰਸ੍ਸ ਨਿવਾਸਟ੍ਠਾਨਂ ਅਨੁਪਨ੍ਨੇਹਿ। ਕੋ ਨੁ ਅਞ੍ਞਤ੍ਰ ਅਰਿਯੇਭੀਤਿ ਠਪੇਤ੍વਾ ਅਰਿਯੇ ਕੋ ਨੁ ਅਞ੍ਞੋ ਨਿਬ੍ਬਾਨਪਦਂ ਜਾਨਿਤੁਂ ਅਰਹਤਿ। ਸਮ੍ਮਦਞ੍ਞਾਯ ਪਰਿਨਿਬ੍ਬਨ੍ਤੀਤਿ ਅਰਹਤ੍ਤਪਞ੍ਞਾਯ ਸਮ੍ਮਾ ਜਾਨਿਤ੍વਾ ਅਨਨ੍ਤਰਮੇવ ਅਨਾਸવਾ ਹੁਤ੍વਾ ਕਿਲੇਸਪਰਿਨਿਬ੍ਬਾਨੇਨ ਪਰਿਨਿਬ੍ਬਨ੍ਤਿ। ਅਥ વਾ ਸਮ੍ਮਦਞ੍ਞਾਯ ਅਨਾਸવਾ ਹੁਤ੍વਾ ਅਨ੍ਤੇ ਖਨ੍ਧਪਰਿਨਿਬ੍ਬਾਨੇਨ ਪਰਿਨਿਬ੍ਬਾਯਨ੍ਤਿ।
Māradheyyānupannehīti tebhūmakavaṭṭaṃ mārassa nivāsaṭṭhānaṃ anupannehi. Konu aññatra ariyebhīti ṭhapetvā ariye ko nu añño nibbānapadaṃ jānituṃ arahati. Sammadaññāya parinibbantīti arahattapaññāya sammā jānitvā anantarameva anāsavā hutvā kilesaparinibbānena parinibbanti. Atha vā sammadaññāya anāsavā hutvā ante khandhaparinibbānena parinibbāyanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਪਠਮਰੂਪਾਰਾਮਸੁਤ੍ਤਂ • 3. Paṭhamarūpārāmasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਪਠਮਰੂਪਾਰਾਮਸੁਤ੍ਤવਣ੍ਣਨਾ • 3. Paṭhamarūpārāmasuttavaṇṇanā
