| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਪਠਮਰੂਪਾਰਾਮਸੁਤ੍ਤવਣ੍ਣਨਾ
3. Paṭhamarūpārāmasuttavaṇṇanā
੧੩੬. ਸਮ੍ਮੁਦਿਤਾ ਸਮ੍ਮੋਦਪ੍ਪਤ੍ਤਾ, ਪਮੋਦਿਤਾ ਸਞ੍ਜਾਤਪਮੋਦਾ। ਦੁਕ੍ਖਾਤਿ ਦੁਕ੍ਖવਨ੍ਤੋ ਸਞ੍ਜਾਤਦੁਕ੍ਖਾ। ਤੇਨਾਹ ‘‘ਦੁਕ੍ਖਿਤਾ’’ਤਿ। ਸੁਖਂ ਏਤਸ੍ਸ ਅਤ੍ਥੀਤਿ ਸੁਖੋ, ਸੁਖੀ। ਤੇਨਾਹ ‘‘ਸੁਖਿਤੋ’’ਤਿ। ਯਤ੍ਤਕਾ ਰੂਪਾਦਯੋ ਧਮ੍ਮਾ ਲੋਕੇ ਅਤ੍ਥੀਤਿ વੁਚ੍ਚਤਿ। ਪਸ੍ਸਨ੍ਤਾਨਨ੍ਤਿ ਸਚ੍ਚਪਟਿવੇਧੇਨ ਸਮ੍ਮਦੇવ ਪਸ੍ਸਨ੍ਤਾਨਂ। ‘‘ਪਚ੍ਚਨੀਕਂ ਹੋਤੀ’’ਤਿ વਤ੍વਾ ਤਂ ਪਚ੍ਚਨੀਕਭਾવਂ ਦਸ੍ਸੇਤੁਂ ‘‘ਲੋਕੋ ਹੀ’’ਤਿਆਦਿ વੁਤ੍ਤਂ। ਅਸੁਭਾਤਿ ‘‘ਆਹੂ’’ਤਿਪਦਂ ਆਨੇਤ੍વਾ ਸਮ੍ਬਨ੍ਧੋ। ਸਬ੍ਬਮੇਤਨ੍ਤਿ ‘‘ਸੁਖਂ ਦਿਟ੍ਠਮਰਿਯੇਭਿ…ਪੇ॰… ਤਦਰਿਯਾ ਸੁਖਤੋ વਿਦੂ’’ਤਿ ਚ વੁਤ੍ਤਂ। ਸਬ੍ਬਮੇਤਂ ਨਿਬ੍ਬਾਨਮੇવ ਸਨ੍ਧਾਯ વੁਤ੍ਤਂ। ਨਿਬ੍ਬਾਨਮੇવ ਹਿ ਏਕਨ੍ਤਤੋ ਸੁਖਂ ਨਾਮ।
136.Sammuditā sammodappattā, pamoditā sañjātapamodā. Dukkhāti dukkhavanto sañjātadukkhā. Tenāha ‘‘dukkhitā’’ti. Sukhaṃ etassa atthīti sukho, sukhī. Tenāha ‘‘sukhito’’ti. Yattakā rūpādayo dhammā loke atthīti vuccati. Passantānanti saccapaṭivedhena sammadeva passantānaṃ. ‘‘Paccanīkaṃ hotī’’ti vatvā taṃ paccanīkabhāvaṃ dassetuṃ ‘‘loko hī’’tiādi vuttaṃ. Asubhāti ‘‘āhū’’tipadaṃ ānetvā sambandho. Sabbametanti ‘‘sukhaṃ diṭṭhamariyebhi…pe… tadariyā sukhato vidū’’ti ca vuttaṃ. Sabbametaṃ nibbānameva sandhāya vuttaṃ. Nibbānameva hi ekantato sukhaṃ nāma.
ਪਞ੍ਚਨવੁਤਿਪਾਸਣ੍ਡਿਨੋ ਤੇਸਞ੍ਚ ਪਾਸਣ੍ਡਿਭਾવੋ ਪਪਞ੍ਚਸੂਦਨਿਟ੍ਠਕਥਾਯਂ ਪਕਾਸਿਤੋ ਏવ। ਕਿਲੇਸਨੀવਰਣੇਨ ਨਿવੁਤਾਨਨ੍ਤਿ ਕਿਲੇਸਖਨ੍ਧਾ ਕਿਲੇਸਨੀવਰਣਂ, ਤੇਨ ਨਿવਾਰਿਤਾਨਂ। ਨਿਬ੍ਬਾਨਦਸ੍ਸਨਂ ਨਾਮ ਅਰਿਯਮਗ੍ਗੋ, ਤੇਨ ਤਸ੍ਸ ਪਟਿવਿਜ੍ਝਨਞ੍ਚ ਕਾਲ਼ਮੇਘਅવਚ੍ਛਾਦਿਤਂ વਿਯ ਚਨ੍ਦਮਣ੍ਡਲਂ।
Pañcanavutipāsaṇḍino tesañca pāsaṇḍibhāvo papañcasūdaniṭṭhakathāyaṃ pakāsito eva. Kilesanīvaraṇena nivutānanti kilesakhandhā kilesanīvaraṇaṃ, tena nivāritānaṃ. Nibbānadassanaṃ nāma ariyamaggo, tena tassa paṭivijjhanañca kāḷameghaavacchāditaṃ viya candamaṇḍalaṃ.
ਪਰਿਚ੍ਛਿਨ੍ਦਿਤ੍વਾਤਿ ਅਸੁਭਭਾવਪਰਿਚ੍ਛਿਨ੍ਦਨੇਨ ਸਮ੍ਮਾવਿਞ੍ਞਾਣਦਸ੍ਸਨੇਨ ਚ ਪਰਿਚ੍ਛਿਨ੍ਦਿਤ੍વਾ। ਮਗ੍ਗਧਮ੍ਮਸ੍ਸਾਤਿ ਅਰਿਯਮਗ੍ਗਧਮ੍ਮਸ੍ਸ।
Paricchinditvāti asubhabhāvaparicchindanena sammāviññāṇadassanena ca paricchinditvā. Maggadhammassāti ariyamaggadhammassa.
ਅਨੁਪਨ੍ਨੇਹੀਤਿ ਅਨੁ ਅਨੁ ਅવਿਹਾਯ ਪਟਿਪਨ੍ਨੇਹਿ। ਕੋ ਨੁ ਅਞ੍ਞੋ ਜਾਨਿਤੁਂ ਅਰਹਤਿ, ਅਞ੍ਞੋ ਨ ਜਾਨਾਤੀਤਿ ਦਸ੍ਸੇਤਿ।
Anupannehīti anu anu avihāya paṭipannehi. Ko nu añño jānituṃ arahati, añño na jānātīti dasseti.
ਪਠਮਰੂਪਾਰਾਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Paṭhamarūpārāmasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਪਠਮਰੂਪਾਰਾਮਸੁਤ੍ਤਂ • 3. Paṭhamarūpārāmasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਪਠਮਰੂਪਾਰਾਮਸੁਤ੍ਤવਣ੍ਣਨਾ • 3. Paṭhamarūpārāmasuttavaṇṇanā
