| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. பட²மஸப்³பு³பாதா³னபரியாதா³னஸுத்தங்
9. Paṭhamasabbupādānapariyādānasuttaṃ
61. ‘‘ஸப்³பு³பாதா³னபரியாதா³னாய வோ, பி⁴க்க²வே, த⁴ம்மங் தே³ஸெஸ்ஸாமி. தங் ஸுணாத². கதமோ ச, பி⁴க்க²வே, ஸப்³பு³பாதா³னபரியாதா³னாய த⁴ம்மோ? சக்கு²ஞ்ச படிச்ச ரூபே ச உப்பஜ்ஜதி சக்கு²விஞ்ஞாணங். திண்ணங் ஸங்க³தி ப²ஸ்ஸோ. ப²ஸ்ஸபச்சயா வேத³னா. ஏவங் பஸ்ஸங், பி⁴க்க²வே, ஸுதவா அரியஸாவகோ சக்கு²ஸ்மிம்பி நிப்³பி³ந்த³தி, ரூபேஸுபி நிப்³பி³ந்த³தி, சக்கு²விஞ்ஞாணேபி நிப்³பி³ந்த³தி, சக்கு²ஸம்ப²ஸ்ஸேபி நிப்³பி³ந்த³தி, வேத³னாயபி நிப்³பி³ந்த³தி. நிப்³பி³ந்த³ங் விரஜ்ஜதி; விராகா³ விமுச்சதி; விமொக்கா² ‘பரியாதி³ன்னங் 1 மே உபாதா³ன’ந்தி பஜானாதி…பே॰… ஜிவ்ஹஞ்ச படிச்ச ரஸே ச உப்பஜ்ஜதி ஜிவ்ஹாவிஞ்ஞாணங்…பே॰… மனஞ்ச படிச்ச த⁴ம்மே ச உப்பஜ்ஜதி மனோவிஞ்ஞாணங். திண்ணங் ஸங்க³தி ப²ஸ்ஸோ. ப²ஸ்ஸபச்சயா வேத³னா. ஏவங் பஸ்ஸங், பி⁴க்க²வே, ஸுதவா அரியஸாவகோ மனஸ்மிம்பி நிப்³பி³ந்த³தி, த⁴ம்மேஸுபி நிப்³பி³ந்த³தி, மனோவிஞ்ஞாணேபி நிப்³பி³ந்த³தி மனோஸம்ப²ஸ்ஸேபி நிப்³பி³ந்த³தி, வேத³னாயபி நிப்³பி³ந்த³தி. நிப்³பி³ந்த³ங் விரஜ்ஜதி; விராகா³ விமுச்சதி; விமொக்கா² ‘பரியாதி³ன்னங் மே உபாதா³ன’ந்தி பஜானாதி. அயங் கோ², பி⁴க்க²வே, ஸப்³பு³பாதா³னபரியாதா³னாய த⁴ம்மோ’’தி. நவமங்.
61. ‘‘Sabbupādānapariyādānāya vo, bhikkhave, dhammaṃ desessāmi. Taṃ suṇātha. Katamo ca, bhikkhave, sabbupādānapariyādānāya dhammo? Cakkhuñca paṭicca rūpe ca uppajjati cakkhuviññāṇaṃ. Tiṇṇaṃ saṅgati phasso. Phassapaccayā vedanā. Evaṃ passaṃ, bhikkhave, sutavā ariyasāvako cakkhusmimpi nibbindati, rūpesupi nibbindati, cakkhuviññāṇepi nibbindati, cakkhusamphassepi nibbindati, vedanāyapi nibbindati. Nibbindaṃ virajjati; virāgā vimuccati; vimokkhā ‘pariyādinnaṃ 2 me upādāna’nti pajānāti…pe… jivhañca paṭicca rase ca uppajjati jivhāviññāṇaṃ…pe… manañca paṭicca dhamme ca uppajjati manoviññāṇaṃ. Tiṇṇaṃ saṅgati phasso. Phassapaccayā vedanā. Evaṃ passaṃ, bhikkhave, sutavā ariyasāvako manasmimpi nibbindati, dhammesupi nibbindati, manoviññāṇepi nibbindati manosamphassepi nibbindati, vedanāyapi nibbindati. Nibbindaṃ virajjati; virāgā vimuccati; vimokkhā ‘pariyādinnaṃ me upādāna’nti pajānāti. Ayaṃ kho, bhikkhave, sabbupādānapariyādānāya dhammo’’ti. Navamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6. அவிஜ்ஜாவக்³க³வண்ணனா • 6. Avijjāvaggavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. அவிஜ்ஜாவக்³க³வண்ணனா • 6. Avijjāvaggavaṇṇanā
