| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
5. батамасахасзяяасигкаабад̣̇аван̣н̣анаа
5. Paṭhamasahaseyyasikkhāpadavaṇṇanā
ид̇ха ‘‘бхигкум̣ табзд̇ваа авасзсо анубасамбанно наамаа’’д̇и (баажи. 52) важанад̇о д̇иражчаанаг̇ад̇оби анубасамбанноязва, со жа ко на саб̣б̣о, мзт̇унад̇хаммаабад̇д̇ияаа вад̇т̇убхууд̇оваад̇и ааха ‘‘анд̇амасо’’д̇иаад̣̇и. д̇асса жа барижчзд̣̇о мзт̇унад̇хаммаабад̇д̇ияаа вуд̇д̇анаязнзва взд̣̇ид̇аб̣б̣о. д̣̇ирад̇д̇ад̇ирад̇д̇анд̇и зд̇т̇а д̣̇ирад̇д̇аважанзна на гожи висзсад̇т̇о лаб̣бхад̇и, гзвалам̣ логавохааравасзна б̣яан̃ж̇анасилидтад̇ааяа, мукаарул̣хад̇ааяа звам̣ вуд̇д̇анд̇и взд̣̇ид̇аб̣б̣ам̣. д̣̇виннам̣ ваа д̇ин̣н̣ам̣ ваа рад̇д̇ийнанд̇и бана важанад̇т̇амад̇д̇ад̣̇ассанад̇т̇ам̣ вуд̇д̇ам̣, ниранд̇арад̇ирад̇д̇ад̣̇ассанад̇т̇ам̣ ваа д̣̇ирад̇д̇аг̇г̇ахан̣ам̣ гад̇анд̇и д̣̇адтаб̣б̣ам̣. сахасзяяанд̇и згад̇о сзяяам̣. сзяяаад̇и жа гааяаббасааран̣асан̇каад̇ам̣ саяанамби вужжад̇и ‘‘саяанам̣ сзяяаа’’д̇и гад̇ваа, яасмим̣ сзнаасанз саяанд̇и, д̇амби ‘‘саяанд̇и зд̇т̇аад̇и сзяяаа’’д̇и гад̇ваа. д̇ад̣̇убхаяамби ид̇ха сааман̃н̃зна, згасзсанаязна ваа г̇ахид̇анд̇и ааха ‘‘саб̣б̣ажчаннабарижчаннз’’д̇иаад̣̇и.
Idha ‘‘bhikkhuṃ ṭhapetvā avaseso anupasampanno nāmā’’ti (pāci. 52) vacanato tiracchānagatopi anupasampannoyeva, so ca kho na sabbo, methunadhammāpattiyā vatthubhūtovāti āha ‘‘antamaso’’tiādi. Tassa ca paricchedo methunadhammāpattiyā vuttanayeneva veditabbo. Dirattatirattanti ettha dirattavacanena na koci visesattho labbhati, kevalaṃ lokavohāravasena byañjanasiliṭṭhatāya, mukhāruḷhatāya evaṃ vuttanti veditabbaṃ. Dvinnaṃ vā tiṇṇaṃ vā rattīnanti pana vacanatthamattadassanatthaṃ vuttaṃ, nirantaratirattadassanatthaṃ vā dirattaggahaṇaṃ katanti daṭṭhabbaṃ. Sahaseyyanti ekato seyyaṃ. Seyyāti ca kāyappasāraṇasaṅkhātaṃ sayanampi vuccati ‘‘sayanaṃ seyyā’’ti katvā, yasmiṃ senāsane sayanti, tampi ‘‘sayanti etthāti seyyā’’ti katvā. Tadubhayampi idha sāmaññena, ekasesanayena vā gahitanti āha ‘‘sabbacchannaparicchanne’’tiādi.
д̇ад̇т̇а яам̣ сзнаасанам̣ убари бан̃жахи чад̣̇анзхи (баажи. адта. 51), ан̃н̃зна ваа гзнажи анд̇амасо вад̇т̇знааби саб̣б̣амзва барижчаннам̣, бхуумид̇о бадтааяа яаава чад̣̇анам̣ аахажжа, анаахажжааби ваа саб̣б̣анд̇имзна барияааязна д̣̇ияад̣дхахад̇т̇уб̣б̣зд̇хзна баагаарзна ваа ан̃н̃зна ваа гзнажи анд̇амасо вад̇т̇знааби баригкид̇д̇ам̣, ид̣̇ам̣ саб̣б̣ажчаннасаб̣б̣абарижчаннам̣ наама. яасса бана убари б̣ахуд̇арам̣ таанам̣ чаннам̣, аббам̣ ажчаннам̣, саманд̇ад̇о жа б̣ахуд̇арам̣ баригкид̇д̇ам̣, аббам̣ абаригкид̇д̇ам̣, ид̣̇ам̣ язбхуяязна чаннам̣ язбхуяязна барижчаннам̣ наама. д̇асмим̣ саб̣б̣ажчаннабарижчаннз, язбхуяязна чаннабарижчаннз ваа.
Tattha yaṃ senāsanaṃ upari pañcahi chadanehi (pāci. aṭṭha. 51), aññena vā kenaci antamaso vatthenāpi sabbameva paricchannaṃ, bhūmito paṭṭhāya yāva chadanaṃ āhacca, anāhaccāpi vā sabbantimena pariyāyena diyaḍḍhahatthubbedhena pākārena vā aññena vā kenaci antamaso vatthenāpi parikkhittaṃ, idaṃ sabbacchannasabbaparicchannaṃ nāma. Yassa pana upari bahutaraṃ ṭhānaṃ channaṃ, appaṃ acchannaṃ, samantato ca bahutaraṃ parikkhittaṃ, appaṃ aparikkhittaṃ, idaṃ yebhuyyena channaṃ yebhuyyena paricchannaṃ nāma. Tasmiṃ sabbacchannaparicchanne, yebhuyyena channaparicchanne vā.
вид̣̇ахзяяаад̇и гарзяяа, д̇ан̃жа ко ад̇т̇ад̇о самбаад̣̇ананд̇и ааха ‘‘самбаад̣̇зяяаа’’д̇и. аяан̃хзд̇т̇а сан̇кзбад̇т̇о ‘‘сзнаасанасан̇каад̇ам̣ сзяяам̣ бависид̇ваа гааяаббасааран̣асан̇каад̇ам̣ сзяяам̣ габбзяяа вид̣̇ахзяяа самбаад̣̇зяяаа’’д̇и. д̣̇ияад̣дхахад̇т̇уб̣б̣зд̇хо вад̣дхагихад̇т̇зна г̇ахзд̇аб̣б̣о. згуубажаарод̇и валан̃ж̇анад̣̇ваарасса згад̇д̇ам̣ санд̇хааяа вуд̇д̇ам̣. сад̇аг̇аб̣бхам̣ ваа жад̇усаалам̣ згуубажаарам̣ ход̇ийд̇и самб̣анд̇хо. д̇ад̇т̇а ваад̇и буримабуримад̣̇ивасз яад̇т̇а вудтам̣, д̇асмим̣язва сзнаасанз ваа. ан̃н̃ад̇т̇а ваа д̇аад̣̇исзд̇и яат̇аавуд̇д̇алагкан̣зна саманнааг̇ад̇з ан̃н̃асмим̣ буб̣б̣з авудтасзнаасанз ваа. д̇зна ваад̇и язна саха буримабуримад̣̇ивасз вудтам̣, д̇зна ваа. ан̃н̃зна ваад̇и язна саха буримабуримасмим̣ д̣̇ивасз вудтам̣, д̇ад̇о ан̃н̃зна ваа. сан̇кзбод̇и сан̇кзбаван̣н̣анаа. яад̣̇и звам̣ вид̇т̇ааро гат̇ам̣ взд̣̇ид̇аб̣б̣од̇и ааха ‘‘вид̇т̇ааро банаа’’д̇иаад̣̇и.
Vidaheyyāti kareyya, tañca kho atthato sampādananti āha ‘‘sampādeyyā’’ti. Ayañhettha saṅkhepattho ‘‘senāsanasaṅkhātaṃ seyyaṃ pavisitvā kāyappasāraṇasaṅkhātaṃ seyyaṃ kappeyya vidaheyya sampādeyyā’’ti. Diyaḍḍhahatthubbedho vaḍḍhakihatthena gahetabbo. Ekūpacāroti valañjanadvārassa ekattaṃ sandhāya vuttaṃ. Satagabbhaṃ vā catusālaṃ ekūpacāraṃ hotīti sambandho. Tattha vāti purimapurimadivase yattha vuṭṭhaṃ, tasmiṃyeva senāsane vā. Aññattha vā tādiseti yathāvuttalakkhaṇena samannāgate aññasmiṃ pubbe avuṭṭhasenāsane vā. Tena vāti yena saha purimapurimadivase vuṭṭhaṃ, tena vā. Aññena vāti yena saha purimapurimasmiṃ divase vuṭṭhaṃ, tato aññena vā. Saṅkhepoti saṅkhepavaṇṇanā. Yadi evaṃ vitthāro kathaṃ veditabboti āha ‘‘vitthāro panā’’tiādi.
убад̣дхажчаннабарижчаннаад̣̇ийсууд̇и аад̣̇исад̣̇д̣̇зна ‘‘саб̣б̣ажчаннз жуул̣агабарижчаннз д̣̇уггадам̣, язбхуяязна чаннз жуул̣агабарижчаннз д̣̇уггадам̣, саб̣б̣абарижчаннз жуул̣агажчаннз д̣̇уггадам̣, язбхуяязна барижчаннз жуул̣агажчаннз д̣̇уггада’’нд̇и (баажи. адта. 53) адтагат̇ааяам̣ вуд̇д̇аанам̣ г̇ахан̣ам̣. д̇ад̇ияааяа рад̇д̇ияаа бураарун̣аа нигкамид̇ваа буна васанд̇ассаад̇и д̇ад̇ияааяа рад̇д̇ияаа арун̣ад̇о бурзд̇арамзва нигкамид̇ваа арун̣ам̣ б̣ахи удтаабзд̇ваа жад̇уд̇т̇ад̣̇ивасз ад̇т̇ан̇г̇ад̇з суурияз буна васанд̇асса. саб̣б̣ажчаннасаб̣б̣аабарижчаннаад̣̇ийсууд̇и зд̇т̇а бана аад̣̇исад̣̇д̣̇зна ‘‘саб̣б̣абарижчаннз саб̣б̣аажчаннз, язбхуяязна ажчаннз язбхуяязна абарижчаннз’’д̇и (баажи. 54) баал̣ияам̣ ааг̇ад̇аанам̣, ‘‘убад̣дхажчаннз жуул̣агабарижчаннз анаабад̇д̇и, убад̣дхабарижчаннз жуул̣агажчаннз анаабад̇д̇и, жуул̣агажчаннз жуул̣агабарижчаннз анаабад̇д̇ий’’д̇и (баажи. адта. 53) адтагат̇ааяам̣ ааг̇ад̇аанан̃жа г̇ахан̣ам̣.
Upaḍḍhacchannaparicchannādīsūti ādisaddena ‘‘sabbacchanne cūḷakaparicchanne dukkaṭaṃ, yebhuyyena channe cūḷakaparicchanne dukkaṭaṃ, sabbaparicchanne cūḷakacchanne dukkaṭaṃ, yebhuyyena paricchanne cūḷakacchanne dukkaṭa’’nti (pāci. aṭṭha. 53) aṭṭhakathāyaṃ vuttānaṃ gahaṇaṃ. Tatiyāya rattiyā purāruṇā nikkhamitvā puna vasantassāti tatiyāya rattiyā aruṇato puretarameva nikkhamitvā aruṇaṃ bahi uṭṭhāpetvā catutthadivase atthaṅgate sūriye puna vasantassa. Sabbacchannasabbāparicchannādīsūti ettha pana ādisaddena ‘‘sabbaparicchanne sabbaacchanne, yebhuyyena acchanne yebhuyyena aparicchanne’’ti (pāci. 54) pāḷiyaṃ āgatānaṃ, ‘‘upaḍḍhacchanne cūḷakaparicchanne anāpatti, upaḍḍhaparicchanne cūḷakacchanne anāpatti, cūḷakacchanne cūḷakaparicchanne anāpattī’’ti (pāci. aṭṭha. 53) aṭṭhakathāyaṃ āgatānañca gahaṇaṃ.
батамасахасзяяасигкаабад̣̇аван̣н̣анаа нидтид̇аа.
Paṭhamasahaseyyasikkhāpadavaṇṇanā niṭṭhitā.
