| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
5. батамасахасзяяасигкаабад̣̇аван̣н̣анаа
5. Paṭhamasahaseyyasikkhāpadavaṇṇanā
50. ‘‘на сахасзяяам̣ габбзд̇аб̣б̣а’’нд̇и бхаававасзна вуд̇д̇ам̣, гзсужи ‘‘на сахасзяяаа габбзд̇аб̣б̣аа’’д̇и баато, на габбзд̇аб̣б̣аа бхигкунаад̇и бан̃н̃ад̇д̇анд̇и ад̇хиббааяо. ‘‘абассзнам̣ ваад̇и вааяимаман̃жагамзва ход̇ий’’д̇и ликид̇ам̣. яам̣ зд̇зсам̣ на габбад̇и, д̇ам̣ д̇зсамбийд̇и убаж̇жхааяаад̣̇ийнам̣ санд̇игам̣ аг̇анд̇ваа сахасзяяам̣ габбзяяаад̇и баатасзсо.
50. ‘‘Na sahaseyyaṃ kappetabba’’nti bhāvavasena vuttaṃ, kesuci ‘‘na sahaseyyā kappetabbā’’ti pāṭho, na kappetabbā bhikkhunāti paññattanti adhippāyo. ‘‘Apassenaṃ vāti vāyimamañcakameva hotī’’ti likhitaṃ. Yaṃ etesaṃ na kappati, taṃ tesampīti upajjhāyādīnaṃ santikaṃ agantvā sahaseyyaṃ kappeyyāti pāṭhaseso.
52. ‘‘анубасамбанно наама бхигкум̣ табзд̇ваа авасзсо’д̇и вуд̇д̇ад̇д̇аа маад̇уг̇аамо анубасамбаннод̇и жад̇уд̇т̇арад̇д̇ияам̣ маад̇уг̇аамо д̣̇взби сахасзяяаабад̇д̇ияо ж̇анзд̇ийд̇и абарз’’д̇и вуд̇д̇ам̣, ‘‘бхигкум̣ табзд̇ваа…бз… баннод̇и баарааж̇игавад̇т̇убхууд̇о д̇иражчаанабурисо ад̇хиббзд̇о’’д̇и жа, убхаяамби виймам̣сид̇аб̣б̣ам̣. д̣̇уд̇ияасигкаабад̣̇з маад̇уг̇аамо наамаад̇и мануссид̇т̇им̣язва г̇ахзд̇ваа яагкий бзд̇ий д̇иражчаанаг̇ад̇аа баарааж̇игавад̇т̇убхууд̇аа на г̇ахид̇аа д̇зсу д̣̇уггадад̇д̇аа. ‘‘сажз бана ад̇д̇аноби сигкаабад̣̇з д̣̇уггадам̣ бхавзяяа, ат̇а гасмаа батамасигкаабад̣̇з баажид̇д̇ияа’’нд̇и жа вуд̇д̇ам̣. ‘‘абаригкид̇д̇з бамукз анаабад̇д̇ий’’д̇и сийхал̣адтагат̇ааважанам̣, д̇ассад̇т̇ам̣ д̣̇ийбзд̇ум̣ анд̇хагадтагат̇ааяам̣ ‘‘бхуумияам̣ винаа ж̇аг̇ад̇ияаа бамукам̣ санд̇хааяа гат̇ид̇а’’нд̇и вуд̇д̇ам̣. буна васад̇ийд̇и жад̇уд̇т̇ад̣̇ивасз васад̇и. бхигкунибаннзд̇и бхигкумхи нибаннз. саннибад̇ид̇аман̣д̣абам̣ наама махаавихаарз саннибаад̇адтаанам̣. ‘‘д̇ийн̣и жа д̣̇ивасаани д̣̇уггадакзд̇д̇з васид̇ваа жад̇уд̇т̇з д̣̇ивасз сахасзяяаабад̇д̇ибахонагз саяад̇и, баажид̇д̇иязваа’’д̇и згажжз вад̣̇анд̇и гира, д̇ам̣ на яуд̇д̇ам̣.
52. ‘‘Anupasampanno nāma bhikkhuṃ ṭhapetvā avaseso’ti vuttattā mātugāmo anupasampannoti catuttharattiyaṃ mātugāmo dvepi sahaseyyāpattiyo janetīti apare’’ti vuttaṃ, ‘‘bhikkhuṃ ṭhapetvā…pe… pannoti pārājikavatthubhūto tiracchānapuriso adhippeto’’ti ca, ubhayampi vīmaṃsitabbaṃ. Dutiyasikkhāpade mātugāmo nāmāti manussitthiṃyeva gahetvā yakkhī petī tiracchānagatā pārājikavatthubhūtā na gahitā tesu dukkaṭattā. ‘‘Sace pana attanopi sikkhāpade dukkaṭaṃ bhaveyya, atha kasmā paṭhamasikkhāpade pācittiya’’nti ca vuttaṃ. ‘‘Aparikkhitte pamukhe anāpattī’’ti sīhaḷaṭṭhakathāvacanaṃ, tassatthaṃ dīpetuṃ andhakaṭṭhakathāyaṃ ‘‘bhūmiyaṃ vinā jagatiyā pamukhaṃ sandhāya kathita’’nti vuttaṃ. Puna vasatīti catutthadivase vasati. Bhikkhunipanneti bhikkhumhi nipanne. Sannipatitamaṇḍapaṃ nāma mahāvihāre sannipātaṭṭhānaṃ. ‘‘Tīṇi ca divasāni dukkaṭakhette vasitvā catutthe divase sahaseyyāpattipahonake sayati, pācittiyevā’’ti ekacce vadanti kira, taṃ na yuttaṃ.
батамасахасзяяасигкаабад̣̇аван̣н̣анаа нидтид̇аа.
Paṭhamasahaseyyasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. сахасзяяасигкаабад̣̇аван̣н̣анаа • 5. Sahaseyyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. сахасзяяасигкаабад̣̇аван̣н̣анаа • 5. Sahaseyyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. сахасзяяасигкаабад̣̇аван̣н̣анаа • 5. Sahaseyyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. сахасзяяасигкаабад̣̇ам̣ • 5. Sahaseyyasikkhāpadaṃ
