| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༢. པཋམསམཱདྷིསུཏྟཾ
2. Paṭhamasamādhisuttaṃ
༩༢. ‘‘ཙཏྟཱརོམེ , བྷིཀྑཝེ, པུགྒལཱ སནྟོ སཾཝིཛྫམཱནཱ ལོཀསྨིཾ། ཀཏམེ ཙཏྟཱརོ? ཨིདྷ, བྷིཀྑཝེ, ཨེཀཙྩོ པུགྒལོ ལཱབྷཱི ཧོཏི ཨཛ྄ཛྷཏྟཾ ཙེཏོསམཐསྶ, ན ལཱབྷཱི ཨདྷིཔཉྙཱདྷམྨཝིཔསྶནཱཡ། ཨིདྷ པན, བྷིཀྑཝེ, ཨེཀཙྩོ པུགྒལོ ལཱབྷཱི ཧོཏི ཨདྷིཔཉྙཱདྷམྨཝིཔསྶནཱཡ, ན ལཱབྷཱི ཨཛ྄ཛྷཏྟཾ ཙེཏོསམཐསྶ། ཨིདྷ པན, བྷིཀྑཝེ, ཨེཀཙྩོ པུགྒལོ ན ཙེཝ ལཱབྷཱི ཧོཏི ཨཛ྄ཛྷཏྟཾ ཙེཏོསམཐསྶ ན ཙ ལཱབྷཱི ཨདྷིཔཉྙཱདྷམྨཝིཔསྶནཱཡ། ཨིདྷ པན, བྷིཀྑཝེ, ཨེཀཙྩོ པུགྒལོ ལཱབྷཱི ཙེཝ ཧོཏི ཨཛ྄ཛྷཏྟཾ ཙེཏོསམཐསྶ ལཱབྷཱི ཙ ཨདྷིཔཉྙཱདྷམྨཝིཔསྶནཱཡ། ཨིམེ ཁོ, བྷིཀྑཝེ, ཙཏྟཱརོ པུགྒལཱ སནྟོ སཾཝིཛྫམཱནཱ ལོཀསྨི’’ནྟི། དུཏིཡཾ།
92. ‘‘Cattārome , bhikkhave, puggalā santo saṃvijjamānā lokasmiṃ. Katame cattāro? Idha, bhikkhave, ekacco puggalo lābhī hoti ajjhattaṃ cetosamathassa, na lābhī adhipaññādhammavipassanāya. Idha pana, bhikkhave, ekacco puggalo lābhī hoti adhipaññādhammavipassanāya, na lābhī ajjhattaṃ cetosamathassa. Idha pana, bhikkhave, ekacco puggalo na ceva lābhī hoti ajjhattaṃ cetosamathassa na ca lābhī adhipaññādhammavipassanāya. Idha pana, bhikkhave, ekacco puggalo lābhī ceva hoti ajjhattaṃ cetosamathassa lābhī ca adhipaññādhammavipassanāya. Ime kho, bhikkhave, cattāro puggalā santo saṃvijjamānā lokasmi’’nti. Dutiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༢. པཋམསམཱདྷིསུཏྟཝཎྞནཱ • 2. Paṭhamasamādhisuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༢. ཨསུརསུཏྟཱདིཝཎྞནཱ • 1-2. Asurasuttādivaṇṇanā
