| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৫. পঠমসমজীৰীসুত্তং
5. Paṭhamasamajīvīsuttaṃ
৫৫. এৰং মে সুতং – একং সমযং ভগৰা ভগ্গেসু ৰিহরতি সুসুমারগিরে 1 ভেসকল়াৰনে 2 মিগদাযে। অথ খো ভগৰা পুব্বণ্হসমযং নিৰাসেত্ৰা পত্তচীৰরমাদায যেন নকুলপিতুনো গহপতিস্স নিৰেসনং তেনুপসঙ্কমি; উপসঙ্কমিত্ৰা পঞ্ঞত্তে আসনে নিসীদি। অথ খো নকুলপিতা চ গহপতি নকুলমাতা চ গহপতানী যেন ভগৰা তেনুপসঙ্কমিংসু; উপসঙ্কমিত্ৰা ভগৰন্তং অভিৰাদেত্ৰা একমন্তং নিসীদিংসু। একমন্তং নিসিন্নো খো নকুলপিতা গহপতি ভগৰন্তং এতদৰোচ –
55. Evaṃ me sutaṃ – ekaṃ samayaṃ bhagavā bhaggesu viharati susumāragire 3 bhesakaḷāvane 4 migadāye. Atha kho bhagavā pubbaṇhasamayaṃ nivāsetvā pattacīvaramādāya yena nakulapituno gahapatissa nivesanaṃ tenupasaṅkami; upasaṅkamitvā paññatte āsane nisīdi. Atha kho nakulapitā ca gahapati nakulamātā ca gahapatānī yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinno kho nakulapitā gahapati bhagavantaṃ etadavoca –
‘‘যতো মে, ভন্তে, নকুলমাতা গহপতানী দহরস্সেৰ দহরা আনীতা, নাভিজানামি নকুলমাতরং গহপতানিং মনসাপি অতিচরিতা, কুতো পন কাযেন! ইচ্ছেয্যাম মযং, ভন্তে, দিট্ঠে চেৰ ধম্মে অঞ্ঞমঞ্ঞং পস্সিতুং অভিসম্পরাযঞ্চ অঞ্ঞমঞ্ঞং পস্সিতু’’ন্তি। নকুলমাতাপি খো গহপতানী ভগৰন্তং এতদৰোচ – ‘‘যতোহং, ভন্তে, নকুলপিতুনো গহপতিস্স দহরস্সেৰ দহরা আনীতা, নাভিজানামি নকুলপিতরং গহপতিং মনসাপি অতিচরিতা, কুতো পন কাযেন! ইচ্ছেয্যাম মযং, ভন্তে , দিট্ঠে চেৰ ধম্মে অঞ্ঞমঞ্ঞং পস্সিতুং অভিসম্পরাযঞ্চ অঞ্ঞমঞ্ঞং পস্সিতু’’ন্তি।
‘‘Yato me, bhante, nakulamātā gahapatānī daharasseva daharā ānītā, nābhijānāmi nakulamātaraṃ gahapatāniṃ manasāpi aticaritā, kuto pana kāyena! Iccheyyāma mayaṃ, bhante, diṭṭhe ceva dhamme aññamaññaṃ passituṃ abhisamparāyañca aññamaññaṃ passitu’’nti. Nakulamātāpi kho gahapatānī bhagavantaṃ etadavoca – ‘‘yatohaṃ, bhante, nakulapituno gahapatissa daharasseva daharā ānītā, nābhijānāmi nakulapitaraṃ gahapatiṃ manasāpi aticaritā, kuto pana kāyena! Iccheyyāma mayaṃ, bhante , diṭṭhe ceva dhamme aññamaññaṃ passituṃ abhisamparāyañca aññamaññaṃ passitu’’nti.
‘‘উভো সদ্ধা ৰদঞ্ঞূ চ, সঞ্ঞতা ধম্মজীৰিনো।
‘‘Ubho saddhā vadaññū ca, saññatā dhammajīvino;
তে হোন্তি জানিপতযো, অঞ্ঞমঞ্ঞং পিযংৰদা॥
Te honti jānipatayo, aññamaññaṃ piyaṃvadā.
‘‘অত্থাসং পচুরা হোন্তি, ফাসুকং উপজাযতি।
‘‘Atthāsaṃ pacurā honti, phāsukaṃ upajāyati;
অমিত্তা দুম্মনা হোন্তি, উভিন্নং সমসীলিনং॥
Amittā dummanā honti, ubhinnaṃ samasīlinaṃ.
‘‘ইধ ধম্মং চরিত্ৰান, সমসীলব্বতা উভো।
‘‘Idha dhammaṃ caritvāna, samasīlabbatā ubho;
নন্দিনো দেৰলোকস্মিং, মোদন্তি কামকামিনো’’তি॥ পঞ্চমং।
Nandino devalokasmiṃ, modanti kāmakāmino’’ti. pañcamaṃ;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৫-৬. সমজীৰীসুত্তদ্ৰযৰণ্ণনা • 5-6. Samajīvīsuttadvayavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৫-৬. সমজীৰীসুত্তাদিৰণ্ণনা • 5-6. Samajīvīsuttādivaṇṇanā
