| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. батамасаман̣аб̣раахман̣асуд̇д̇ам̣
6. Paṭhamasamaṇabrāhmaṇasuttaṃ
476. ‘‘бан̃жимаани, бхигкавз, инд̣̇рияаани. гад̇амаани бан̃жа? сад̣̇д̇хинд̣̇рияам̣…бз… бан̃н̃инд̣̇рияам̣. яз хи гзжи, бхигкавз, саман̣аа ваа б̣раахман̣аа ваа имзсам̣ бан̃жаннам̣ инд̣̇рияаанам̣ ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ наббаж̇аананд̇и, на мз д̇з, бхигкавз, саман̣аа ваа б̣раахман̣аа ваа саман̣зсу ваа саман̣асаммад̇аа б̣раахман̣зсу ваа б̣раахман̣асаммад̇аа, на жа банзд̇з ааяасманд̇о сааман̃н̃ад̇т̇ам̣ ваа б̣рахман̃н̃ад̇т̇ам̣ ваа д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇и.
476. ‘‘Pañcimāni, bhikkhave, indriyāni. Katamāni pañca? Saddhindriyaṃ…pe… paññindriyaṃ. Ye hi keci, bhikkhave, samaṇā vā brāhmaṇā vā imesaṃ pañcannaṃ indriyānaṃ assādañca ādīnavañca nissaraṇañca yathābhūtaṃ nappajānanti, na me te, bhikkhave, samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā, na ca panete āyasmanto sāmaññatthaṃ vā brahmaññatthaṃ vā diṭṭheva dhamme sayaṃ abhiññā sacchikatvā upasampajja viharanti.
‘‘яз жа ко гзжи 1, бхигкавз, саман̣аа ваа б̣раахман̣аа ваа имзсам̣ бан̃жаннам̣ инд̣̇рияаанам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ баж̇аананд̇и, д̇з ко мз, бхигкавз, саман̣аа ваа б̣раахман̣аа ваа саман̣зсу жзва саман̣асаммад̇аа б̣раахман̣зсу жа б̣раахман̣асаммад̇аа; д̇з жа банааяасманд̇о сааман̃н̃ад̇т̇ан̃жа б̣рахман̃н̃ад̇т̇ан̃жа д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇ий’’д̇и. чадтам̣.
‘‘Ye ca kho keci 2, bhikkhave, samaṇā vā brāhmaṇā vā imesaṃ pañcannaṃ indriyānaṃ samudayañca atthaṅgamañca assādañca ādīnavañca nissaraṇañca yathābhūtaṃ pajānanti, te kho me, bhikkhave, samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatā; te ca panāyasmanto sāmaññatthañca brahmaññatthañca diṭṭheva dhamme sayaṃ abhiññā sacchikatvā upasampajja viharantī’’ti. Chaṭṭhaṃ.
Footnotes:
