| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. батамасаман̣аб̣раахман̣асуд̇д̇ам̣
5. Paṭhamasamaṇabrāhmaṇasuttaṃ
1075. ‘‘яз хи гзжи, бхигкавз, ад̇ийд̇амад̣̇д̇хаанам̣ саман̣аа ваа б̣раахман̣аа ваа яат̇аабхууд̇ам̣ абхисамб̣ож̇жхим̣су, саб̣б̣з д̇з жад̇д̇аари арияасажжаани яат̇аабхууд̇ам̣ абхисамб̣ож̇жхим̣су. яз хи гзжи, бхигкавз, анааг̇ад̇амад̣̇д̇хаанам̣ саман̣аа ваа б̣раахман̣аа ваа яат̇аабхууд̇ам̣ абхисамб̣ож̇жхиссанд̇и, саб̣б̣з д̇з жад̇д̇аари арияасажжаани яат̇аабхууд̇ам̣ абхисамб̣ож̇жхиссанд̇и. яз хи гзжи, бхигкавз, зд̇арахи саман̣аа ваа б̣раахман̣аа ваа яат̇аабхууд̇ам̣ абхисамб̣ож̇жханд̇и, саб̣б̣з д̇з жад̇д̇аари арияасажжаани яат̇аабхууд̇ам̣ абхисамб̣ож̇жханд̇и.
1075. ‘‘Ye hi keci, bhikkhave, atītamaddhānaṃ samaṇā vā brāhmaṇā vā yathābhūtaṃ abhisambojjhiṃsu, sabbe te cattāri ariyasaccāni yathābhūtaṃ abhisambojjhiṃsu. Ye hi keci, bhikkhave, anāgatamaddhānaṃ samaṇā vā brāhmaṇā vā yathābhūtaṃ abhisambojjhissanti, sabbe te cattāri ariyasaccāni yathābhūtaṃ abhisambojjhissanti. Ye hi keci, bhikkhave, etarahi samaṇā vā brāhmaṇā vā yathābhūtaṃ abhisambojjhanti, sabbe te cattāri ariyasaccāni yathābhūtaṃ abhisambojjhanti.
‘‘гад̇амаани жад̇д̇аари? д̣̇угкам̣ арияасажжам̣…бз… д̣̇угканирод̇хаг̇ааминий бадибад̣̇аа арияасажжам̣. яз хи гзжи, бхигкавз, ад̇ийд̇амад̣̇д̇хаанам̣ саман̣аа ваа б̣раахман̣аа ваа яат̇аабхууд̇ам̣ абхисамб̣ож̇жхим̣су…бз… абхисамб̣ож̇жхиссанд̇и…бз… абхисамб̣ож̇жханд̇и, саб̣б̣з д̇з имаани жад̇д̇аари арияасажжаани яат̇аабхууд̇ам̣ абхисамб̣ож̇жханд̇и.
‘‘Katamāni cattāri? Dukkhaṃ ariyasaccaṃ…pe… dukkhanirodhagāminī paṭipadā ariyasaccaṃ. Ye hi keci, bhikkhave, atītamaddhānaṃ samaṇā vā brāhmaṇā vā yathābhūtaṃ abhisambojjhiṃsu…pe… abhisambojjhissanti…pe… abhisambojjhanti, sabbe te imāni cattāri ariyasaccāni yathābhūtaṃ abhisambojjhanti.
‘‘д̇асмаад̇иха , бхигкавз, ‘ид̣̇ам̣ д̣̇угка’нд̇и яог̇о гаран̣ийяо…бз… ‘аяам̣ д̣̇угканирод̇хаг̇ааминий бадибад̣̇аа’д̇и яог̇о гаран̣ийяо’’д̇и. бан̃жамам̣.
‘‘Tasmātiha , bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. батамагулабуд̇д̇асуд̇д̇аад̣̇иван̣н̣анаа • 3. Paṭhamakulaputtasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. батамагулабуд̇д̇асуд̇д̇аад̣̇иван̣н̣анаа • 3. Paṭhamakulaputtasuttādivaṇṇanā
