| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
7. பட²மஸமயஸுத்தவண்ணனா
7. Paṭhamasamayasuttavaṇṇanā
27. ஸத்தமே மனோபா⁴வனீயஸ்ஸாதி எத்த² மனங் பா⁴வேதி வட்³டே⁴தீதி மனோபா⁴வனீயோ. த³ஸ்ஸனாயாதி த³ஸ்ஸனத்த²ங். நிஸ்ஸரணந்தி நிக்³க³மனங் வூபஸமனங். த⁴ம்மங் தே³ஸேதீதி காமராக³ப்பஜஹனத்தா²ய அஸுப⁴கம்மட்டா²னங் கதே²தி. து³தியவாராதீ³ஸு ப்³யாபாத³ப்பஹானாய மெத்தாகம்மட்டா²னங், தி²னமித்³த⁴ப்பஹானாய தி²னமித்³த⁴வினோத³னகம்மட்டா²னங், ஆலோகஸஞ்ஞங் வா வீரியாரம்ப⁴வத்து²ஆதீ³னங் வா அஞ்ஞதரங், உத்³த⁴ச்சகுக்குச்சப்பஹானாய ஸமத²கம்மட்டா²னங், விசிகிச்சா²பஹானாய திண்ணங் ரதனானங் கு³ணகத²ங் கதெ²ந்தோ த⁴ம்மங் தே³ஸேதீதி வேதி³தப்³போ³. ஆக³ம்மாதி ஆரப்³ப⁴. மனஸிகரோதோதி ஆரம்மணவஸேன சித்தே கரொந்தஸ்ஸ. அனந்தரா ஆஸவானங் க²யோ ஹோதீதி அனந்தராயேன ஆஸவானங் க²யோ ஹோதி.
27. Sattame manobhāvanīyassāti ettha manaṃ bhāveti vaḍḍhetīti manobhāvanīyo. Dassanāyāti dassanatthaṃ. Nissaraṇanti niggamanaṃ vūpasamanaṃ. Dhammaṃ desetīti kāmarāgappajahanatthāya asubhakammaṭṭhānaṃ katheti. Dutiyavārādīsu byāpādappahānāya mettākammaṭṭhānaṃ, thinamiddhappahānāya thinamiddhavinodanakammaṭṭhānaṃ, ālokasaññaṃ vā vīriyārambhavatthuādīnaṃ vā aññataraṃ, uddhaccakukkuccappahānāya samathakammaṭṭhānaṃ, vicikicchāpahānāya tiṇṇaṃ ratanānaṃ guṇakathaṃ kathento dhammaṃ desetīti veditabbo. Āgammāti ārabbha. Manasikarototi ārammaṇavasena citte karontassa. Anantarā āsavānaṃ khayo hotīti anantarāyena āsavānaṃ khayo hoti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. பட²மஸமயஸுத்தங் • 7. Paṭhamasamayasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7. பட²மஸமயஸுத்தவண்ணனா • 7. Paṭhamasamayasuttavaṇṇanā
