| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
7. பட²மஸமயஸுத்தவண்ணனா
7. Paṭhamasamayasuttavaṇṇanā
27. ஸத்தமே வட்³டே⁴தீதி மனஸோ விவட்டனிஸ்ஸிதங் வட்³டி⁴ங் ஆவஹதி. மனோபா⁴வனீயோதி வா மனஸா பா⁴விதோ ஸம்பா⁴விதோ. யஞ்ச ஆவஜ்ஜதோ மனஸி கரோதோ சித்தங் வினீவரணங் ஹோதி. இமஸ்மிங் பக்கே² கம்மஸாத⁴னோ ஸம்பா⁴வனத்தோ² பா⁴வனீய-ஸத்³தோ³. ‘‘தி²னமித்³த⁴வினோத³னகம்மட்டா²ன’’ந்தி வத்வா ததே³வ விபா⁴வெந்தோ ‘‘ஆலோகஸஞ்ஞங் வா’’திஆதி³மாஹ. வீரியாரம்ப⁴வத்து²ஆதீ³னங் வாதி எத்த² ஆதி³-ஸத்³தே³ன இத⁴ அவுத்தானங் அதிபோ⁴ஜனே நிமித்தக்³கா³ஹாதீ³னங் ஸங்க³ஹோ த³ட்ட²ப்³போ³. வுத்தஞ்ஹேதங் ‘‘ச² த⁴ம்மா தி²னமித்³த⁴ஸ்ஸ பஹானாய ஸங்வத்தந்தி அதிபோ⁴ஜனே நிமித்தக்³கா³ஹோ, இரியாபத²ஸம்பரிவத்தனதா, ஆலோகஸஞ்ஞாமனஸிகாரோ, அப்³போ⁴காஸவாஸோ, கல்யாணமித்ததா, ஸப்பாயகதா²’’தி (இதிவு॰ அட்ட²॰ 111). அந்தராயஸத்³த³பரியாயோ இத⁴ அந்தரா-ஸத்³தோ³தி ஆஹ ‘‘அனந்தராயேனா’’தி.
27. Sattame vaḍḍhetīti manaso vivaṭṭanissitaṃ vaḍḍhiṃ āvahati. Manobhāvanīyoti vā manasā bhāvito sambhāvito. Yañca āvajjato manasi karoto cittaṃ vinīvaraṇaṃ hoti. Imasmiṃ pakkhe kammasādhano sambhāvanattho bhāvanīya-saddo. ‘‘Thinamiddhavinodanakammaṭṭhāna’’nti vatvā tadeva vibhāvento ‘‘ālokasaññaṃ vā’’tiādimāha. Vīriyārambhavatthuādīnaṃ vāti ettha ādi-saddena idha avuttānaṃ atibhojane nimittaggāhādīnaṃ saṅgaho daṭṭhabbo. Vuttañhetaṃ ‘‘cha dhammā thinamiddhassa pahānāya saṃvattanti atibhojane nimittaggāho, iriyāpathasamparivattanatā, ālokasaññāmanasikāro, abbhokāsavāso, kalyāṇamittatā, sappāyakathā’’ti (itivu. aṭṭha. 111). Antarāyasaddapariyāyo idha antarā-saddoti āha ‘‘anantarāyenā’’ti.
பட²மஸமயஸுத்தவண்ணனா நிட்டி²தா.
Paṭhamasamayasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. பட²மஸமயஸுத்தங் • 7. Paṭhamasamayasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7. பட²மஸமயஸுத்தவண்ணனா • 7. Paṭhamasamayasuttavaṇṇanā
