| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
७. पठमसमयसुत्तवण्णना
7. Paṭhamasamayasuttavaṇṇanā
२७. सत्तमे वड्ढेतीति मनसो विवट्टनिस्सितं वड्ढिं आवहति। मनोभावनीयोति वा मनसा भावितो सम्भावितो। यञ्च आवज्जतो मनसि करोतो चित्तं विनीवरणं होति। इमस्मिं पक्खे कम्मसाधनो सम्भावनत्थो भावनीय-सद्दो। ‘‘थिनमिद्धविनोदनकम्मट्ठान’’न्ति वत्वा तदेव विभावेन्तो ‘‘आलोकसञ्ञं वा’’तिआदिमाह। वीरियारम्भवत्थुआदीनं वाति एत्थ आदि-सद्देन इध अवुत्तानं अतिभोजने निमित्तग्गाहादीनं सङ्गहो दट्ठब्बो। वुत्तञ्हेतं ‘‘छ धम्मा थिनमिद्धस्स पहानाय संवत्तन्ति अतिभोजने निमित्तग्गाहो, इरियापथसम्परिवत्तनता, आलोकसञ्ञामनसिकारो, अब्भोकासवासो, कल्याणमित्तता, सप्पायकथा’’ति (इतिवु॰ अट्ठ॰ १११)। अन्तरायसद्दपरियायो इध अन्तरा-सद्दोति आह ‘‘अनन्तरायेना’’ति।
27. Sattame vaḍḍhetīti manaso vivaṭṭanissitaṃ vaḍḍhiṃ āvahati. Manobhāvanīyoti vā manasā bhāvito sambhāvito. Yañca āvajjato manasi karoto cittaṃ vinīvaraṇaṃ hoti. Imasmiṃ pakkhe kammasādhano sambhāvanattho bhāvanīya-saddo. ‘‘Thinamiddhavinodanakammaṭṭhāna’’nti vatvā tadeva vibhāvento ‘‘ālokasaññaṃ vā’’tiādimāha. Vīriyārambhavatthuādīnaṃ vāti ettha ādi-saddena idha avuttānaṃ atibhojane nimittaggāhādīnaṃ saṅgaho daṭṭhabbo. Vuttañhetaṃ ‘‘cha dhammā thinamiddhassa pahānāya saṃvattanti atibhojane nimittaggāho, iriyāpathasamparivattanatā, ālokasaññāmanasikāro, abbhokāsavāso, kalyāṇamittatā, sappāyakathā’’ti (itivu. aṭṭha. 111). Antarāyasaddapariyāyo idha antarā-saddoti āha ‘‘anantarāyenā’’ti.
पठमसमयसुत्तवण्णना निट्ठिता।
Paṭhamasamayasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ७. पठमसमयसुत्तं • 7. Paṭhamasamayasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ७. पठमसमयसुत्तवण्णना • 7. Paṭhamasamayasuttavaṇṇanā
