| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๗. ปฐมสมยสุตฺตวณฺณนา
7. Paṭhamasamayasuttavaṇṇanā
๒๗. สตฺตเม วเฑฺฒตีติ มนโส วิวฎฺฎนิสฺสิตํ วฑฺฒิํ อาวหติฯ มโนภาวนีโยติ วา มนสา ภาวิโต สมฺภาวิโตฯ ยญฺจ อาวชฺชโต มนสิ กโรโต จิตฺตํ วินีวรณํ โหติฯ อิมสฺมิํ ปเกฺข กมฺมสาธโน สมฺภาวนโตฺถ ภาวนีย-สโทฺทฯ ‘‘ถินมิทฺธวิโนทนกมฺมฎฺฐาน’’นฺติ วตฺวา ตเทว วิภาเวโนฺต ‘‘อาโลกสญฺญํ วา’’ติอาทิมาหฯ วีริยารมฺภวตฺถุอาทีนํ วาติ เอตฺถ อาทิ-สเทฺทน อิธ อวุตฺตานํ อติโภชเน นิมิตฺตคฺคาหาทีนํ สงฺคโห ทฎฺฐโพฺพฯ วุตฺตเญฺหตํ ‘‘ฉ ธมฺมา ถินมิทฺธสฺส ปหานาย สํวตฺตนฺติ อติโภชเน นิมิตฺตคฺคาโห, อิริยาปถสมฺปริวตฺตนตา, อาโลกสญฺญามนสิกาโร, อโพฺภกาสวาโส, กลฺยาณมิตฺตตา, สปฺปายกถา’’ติ (อิติวุ. อฎฺฐ. ๑๑๑)ฯ อนฺตรายสทฺทปริยาโย อิธ อนฺตรา-สโทฺทติ อาห ‘‘อนนฺตราเยนา’’ติฯ
27. Sattame vaḍḍhetīti manaso vivaṭṭanissitaṃ vaḍḍhiṃ āvahati. Manobhāvanīyoti vā manasā bhāvito sambhāvito. Yañca āvajjato manasi karoto cittaṃ vinīvaraṇaṃ hoti. Imasmiṃ pakkhe kammasādhano sambhāvanattho bhāvanīya-saddo. ‘‘Thinamiddhavinodanakammaṭṭhāna’’nti vatvā tadeva vibhāvento ‘‘ālokasaññaṃ vā’’tiādimāha. Vīriyārambhavatthuādīnaṃ vāti ettha ādi-saddena idha avuttānaṃ atibhojane nimittaggāhādīnaṃ saṅgaho daṭṭhabbo. Vuttañhetaṃ ‘‘cha dhammā thinamiddhassa pahānāya saṃvattanti atibhojane nimittaggāho, iriyāpathasamparivattanatā, ālokasaññāmanasikāro, abbhokāsavāso, kalyāṇamittatā, sappāyakathā’’ti (itivu. aṭṭha. 111). Antarāyasaddapariyāyo idha antarā-saddoti āha ‘‘anantarāyenā’’ti.
ปฐมสมยสุตฺตวณฺณนา นิฎฺฐิตาฯ
Paṭhamasamayasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๗. ปฐมสมยสุตฺตํ • 7. Paṭhamasamayasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๗. ปฐมสมยสุตฺตวณฺณนา • 7. Paṭhamasamayasuttavaṇṇanā
