| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៧. បឋមសមយសុត្តវណ្ណនា
7. Paṭhamasamayasuttavaṇṇanā
២៧. សត្តមេ វឌ្ឍេតីតិ មនសោ វិវដ្ដនិស្សិតំ វឌ្ឍិំ អាវហតិ។ មនោភាវនីយោតិ វា មនសា ភាវិតោ សម្ភាវិតោ។ យញ្ច អាវជ្ជតោ មនសិ ករោតោ ចិត្តំ វិនីវរណំ ហោតិ។ ឥមស្មិំ បក្ខេ កម្មសាធនោ សម្ភាវនត្ថោ ភាវនីយ-សទ្ទោ។ ‘‘ថិនមិទ្ធវិនោទនកម្មដ្ឋាន’’ន្តិ វត្វា តទេវ វិភាវេន្តោ ‘‘អាលោកសញ្ញំ វា’’តិអាទិមាហ។ វីរិយារម្ភវត្ថុអាទីនំ វាតិ ឯត្ថ អាទិ-សទ្ទេន ឥធ អវុត្តានំ អតិភោជនេ និមិត្តគ្គាហាទីនំ សង្គហោ ទដ្ឋព្ពោ។ វុត្តញ្ហេតំ ‘‘ឆ ធម្មា ថិនមិទ្ធស្ស បហានាយ សំវត្តន្តិ អតិភោជនេ និមិត្តគ្គាហោ, ឥរិយាបថសម្បរិវត្តនតា, អាលោកសញ្ញាមនសិការោ, អព្ភោកាសវាសោ, កល្យាណមិត្តតា, សប្បាយកថា’’តិ (ឥតិវុ. អដ្ឋ. ១១១)។ អន្តរាយសទ្ទបរិយាយោ ឥធ អន្តរា-សទ្ទោតិ អាហ ‘‘អនន្តរាយេនា’’តិ។
27. Sattame vaḍḍhetīti manaso vivaṭṭanissitaṃ vaḍḍhiṃ āvahati. Manobhāvanīyoti vā manasā bhāvito sambhāvito. Yañca āvajjato manasi karoto cittaṃ vinīvaraṇaṃ hoti. Imasmiṃ pakkhe kammasādhano sambhāvanattho bhāvanīya-saddo. ‘‘Thinamiddhavinodanakammaṭṭhāna’’nti vatvā tadeva vibhāvento ‘‘ālokasaññaṃ vā’’tiādimāha. Vīriyārambhavatthuādīnaṃ vāti ettha ādi-saddena idha avuttānaṃ atibhojane nimittaggāhādīnaṃ saṅgaho daṭṭhabbo. Vuttañhetaṃ ‘‘cha dhammā thinamiddhassa pahānāya saṃvattanti atibhojane nimittaggāho, iriyāpathasamparivattanatā, ālokasaññāmanasikāro, abbhokāsavāso, kalyāṇamittatā, sappāyakathā’’ti (itivu. aṭṭha. 111). Antarāyasaddapariyāyo idha antarā-saddoti āha ‘‘anantarāyenā’’ti.
បឋមសមយសុត្តវណ្ណនា និដ្ឋិតា។
Paṭhamasamayasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៧. បឋមសមយសុត្តំ • 7. Paṭhamasamayasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៧. បឋមសមយសុត្តវណ្ណនា • 7. Paṭhamasamayasuttavaṇṇanā
