| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೭. ಪಠಮಸಮಯಸುತ್ತವಣ್ಣನಾ
7. Paṭhamasamayasuttavaṇṇanā
೨೭. ಸತ್ತಮೇ ಮನೋಭಾವನೀಯಸ್ಸಾತಿ ಏತ್ಥ ಮನಂ ಭಾವೇತಿ ವಡ್ಢೇತೀತಿ ಮನೋಭಾವನೀಯೋ। ದಸ್ಸನಾಯಾತಿ ದಸ್ಸನತ್ಥಂ। ನಿಸ್ಸರಣನ್ತಿ ನಿಗ್ಗಮನಂ ವೂಪಸಮನಂ। ಧಮ್ಮಂ ದೇಸೇತೀತಿ ಕಾಮರಾಗಪ್ಪಜಹನತ್ಥಾಯ ಅಸುಭಕಮ್ಮಟ್ಠಾನಂ ಕಥೇತಿ। ದುತಿಯವಾರಾದೀಸು ಬ್ಯಾಪಾದಪ್ಪಹಾನಾಯ ಮೇತ್ತಾಕಮ್ಮಟ್ಠಾನಂ, ಥಿನಮಿದ್ಧಪ್ಪಹಾನಾಯ ಥಿನಮಿದ್ಧವಿನೋದನಕಮ್ಮಟ್ಠಾನಂ, ಆಲೋಕಸಞ್ಞಂ ವಾ ವೀರಿಯಾರಮ್ಭವತ್ಥುಆದೀನಂ ವಾ ಅಞ್ಞತರಂ, ಉದ್ಧಚ್ಚಕುಕ್ಕುಚ್ಚಪ್ಪಹಾನಾಯ ಸಮಥಕಮ್ಮಟ್ಠಾನಂ, ವಿಚಿಕಿಚ್ಛಾಪಹಾನಾಯ ತಿಣ್ಣಂ ರತನಾನಂ ಗುಣಕಥಂ ಕಥೇನ್ತೋ ಧಮ್ಮಂ ದೇಸೇತೀತಿ ವೇದಿತಬ್ಬೋ। ಆಗಮ್ಮಾತಿ ಆರಬ್ಭ। ಮನಸಿಕರೋತೋತಿ ಆರಮ್ಮಣವಸೇನ ಚಿತ್ತೇ ಕರೋನ್ತಸ್ಸ। ಅನನ್ತರಾ ಆಸವಾನಂ ಖಯೋ ಹೋತೀತಿ ಅನನ್ತರಾಯೇನ ಆಸವಾನಂ ಖಯೋ ಹೋತಿ।
27. Sattame manobhāvanīyassāti ettha manaṃ bhāveti vaḍḍhetīti manobhāvanīyo. Dassanāyāti dassanatthaṃ. Nissaraṇanti niggamanaṃ vūpasamanaṃ. Dhammaṃ desetīti kāmarāgappajahanatthāya asubhakammaṭṭhānaṃ katheti. Dutiyavārādīsu byāpādappahānāya mettākammaṭṭhānaṃ, thinamiddhappahānāya thinamiddhavinodanakammaṭṭhānaṃ, ālokasaññaṃ vā vīriyārambhavatthuādīnaṃ vā aññataraṃ, uddhaccakukkuccappahānāya samathakammaṭṭhānaṃ, vicikicchāpahānāya tiṇṇaṃ ratanānaṃ guṇakathaṃ kathento dhammaṃ desetīti veditabbo. Āgammāti ārabbha. Manasikarototi ārammaṇavasena citte karontassa. Anantarā āsavānaṃ khayo hotīti anantarāyena āsavānaṃ khayo hoti.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೭. ಪಠಮಸಮಯಸುತ್ತಂ • 7. Paṭhamasamayasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೭. ಪಠಮಸಮಯಸುತ್ತವಣ್ಣನಾ • 7. Paṭhamasamayasuttavaṇṇanā
