| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൭. പഠമസമയസുത്തവണ്ണനാ
7. Paṭhamasamayasuttavaṇṇanā
൨൭. സത്തമേ വഡ്ഢേതീതി മനസോ വിവട്ടനിസ്സിതം വഡ്ഢിം ആവഹതി. മനോഭാവനീയോതി വാ മനസാ ഭാവിതോ സമ്ഭാവിതോ. യഞ്ച ആവജ്ജതോ മനസി കരോതോ ചിത്തം വിനീവരണം ഹോതി. ഇമസ്മിം പക്ഖേ കമ്മസാധനോ സമ്ഭാവനത്ഥോ ഭാവനീയ-സദ്ദോ. ‘‘ഥിനമിദ്ധവിനോദനകമ്മട്ഠാന’’ന്തി വത്വാ തദേവ വിഭാവേന്തോ ‘‘ആലോകസഞ്ഞം വാ’’തിആദിമാഹ. വീരിയാരമ്ഭവത്ഥുആദീനം വാതി ഏത്ഥ ആദി-സദ്ദേന ഇധ അവുത്താനം അതിഭോജനേ നിമിത്തഗ്ഗാഹാദീനം സങ്ഗഹോ ദട്ഠബ്ബോ. വുത്തഞ്ഹേതം ‘‘ഛ ധമ്മാ ഥിനമിദ്ധസ്സ പഹാനായ സംവത്തന്തി അതിഭോജനേ നിമിത്തഗ്ഗാഹോ, ഇരിയാപഥസമ്പരിവത്തനതാ, ആലോകസഞ്ഞാമനസികാരോ, അബ്ഭോകാസവാസോ, കല്യാണമിത്തതാ, സപ്പായകഥാ’’തി (ഇതിവു॰ അട്ഠ॰ ൧൧൧). അന്തരായസദ്ദപരിയായോ ഇധ അന്തരാ-സദ്ദോതി ആഹ ‘‘അനന്തരായേനാ’’തി.
27. Sattame vaḍḍhetīti manaso vivaṭṭanissitaṃ vaḍḍhiṃ āvahati. Manobhāvanīyoti vā manasā bhāvito sambhāvito. Yañca āvajjato manasi karoto cittaṃ vinīvaraṇaṃ hoti. Imasmiṃ pakkhe kammasādhano sambhāvanattho bhāvanīya-saddo. ‘‘Thinamiddhavinodanakammaṭṭhāna’’nti vatvā tadeva vibhāvento ‘‘ālokasaññaṃ vā’’tiādimāha. Vīriyārambhavatthuādīnaṃ vāti ettha ādi-saddena idha avuttānaṃ atibhojane nimittaggāhādīnaṃ saṅgaho daṭṭhabbo. Vuttañhetaṃ ‘‘cha dhammā thinamiddhassa pahānāya saṃvattanti atibhojane nimittaggāho, iriyāpathasamparivattanatā, ālokasaññāmanasikāro, abbhokāsavāso, kalyāṇamittatā, sappāyakathā’’ti (itivu. aṭṭha. 111). Antarāyasaddapariyāyo idha antarā-saddoti āha ‘‘anantarāyenā’’ti.
പഠമസമയസുത്തവണ്ണനാ നിട്ഠിതാ.
Paṭhamasamayasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൭. പഠമസമയസുത്തം • 7. Paṭhamasamayasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൭. പഠമസമയസുത്തവണ്ണനാ • 7. Paṭhamasamayasuttavaṇṇanā
