| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. பட²மஸங்பே⁴ஜ்ஜஸுத்தங்
3. Paṭhamasaṃbhejjasuttaṃ
1123. ‘‘ஸெய்யதா²பி , பி⁴க்க²வே, யத்தி²மா மஹானதி³யோ ஸங்ஸந்த³ந்தி ஸமெந்தி, ஸெய்யதி²த³ங் – க³ங்கா³, யமுனா, அசிரவதீ, ஸரபூ⁴, மஹீ, ததோ புரிஸோ த்³வே வா தீணி வா உத³கபு²ஸிதானி உத்³த⁴ரெய்ய. தங் கிங் மஞ்ஞத², பி⁴க்க²வே கதமங் நு கோ² ப³ஹுதரங் – யானி த்³வே வா தீணி வா உத³கபு²ஸிதானி உப்³ப⁴தானி, யங் வா ஸங்பே⁴ஜ்ஜஉத³க’’ந்தி? ‘‘ஏததே³வ, ப⁴ந்தே, ப³ஹுதரங், யதி³த³ங் – ஸங்பே⁴ஜ்ஜஉத³கங்; அப்பமத்தகானி த்³வே வா தீணி வா உத³கபு²ஸிதானி உப்³ப⁴தானி. ஸங்க²ம்பி ந உபெந்தி , உபனித⁴ம்பி ந உபெந்தி, கலபா⁴க³ம்பி ந உபெந்தி ஸங்பே⁴ஜ்ஜஉத³கங் உபனிதா⁴ய த்³வே வா தீணி வா உத³கபு²ஸிதானி உப்³ப⁴தானீ’’தி. ‘‘ஏவமேவ கோ², பி⁴க்க²வே, அரியஸாவகஸ்ஸ…பே॰… யோகோ³ கரணீயோ’’தி. ததியங்.
1123. ‘‘Seyyathāpi , bhikkhave, yatthimā mahānadiyo saṃsandanti samenti, seyyathidaṃ – gaṅgā, yamunā, aciravatī, sarabhū, mahī, tato puriso dve vā tīṇi vā udakaphusitāni uddhareyya. Taṃ kiṃ maññatha, bhikkhave katamaṃ nu kho bahutaraṃ – yāni dve vā tīṇi vā udakaphusitāni ubbhatāni, yaṃ vā saṃbhejjaudaka’’nti? ‘‘Etadeva, bhante, bahutaraṃ, yadidaṃ – saṃbhejjaudakaṃ; appamattakāni dve vā tīṇi vā udakaphusitāni ubbhatāni. Saṅkhampi na upenti , upanidhampi na upenti, kalabhāgampi na upenti saṃbhejjaudakaṃ upanidhāya dve vā tīṇi vā udakaphusitāni ubbhatānī’’ti. ‘‘Evameva kho, bhikkhave, ariyasāvakassa…pe… yogo karaṇīyo’’ti. Tatiyaṃ.
