| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៣-៥. បឋមសមិទ្ធិមារបញ្ហាសុត្តាទិវណ្ណនា
3-5. Paṭhamasamiddhimārapañhāsuttādivaṇṇanā
៦៥-៦៧. តតិយេ សមិទ្ធីតិ អត្តភាវស្ស សមិទ្ធតាយ ឯវំ លទ្ធនាមោ។ តស្ស កិរ ថេរស្ស អត្តភាវោ អភិរូបោ អហោសិ បាសាទិកោ, ឧក្ខិត្តមាលាបុដោ វិយ អលង្កតមាលាគព្ភោ វិយ ច សព្ពាការបារិបូរិយា សមិទ្ធោ។ តស្មា សមិទ្ធិត្វេវ សង្ខំ គតោ។ មារោតិ មរណំ បុច្ឆតិ។ មារបញ្ញត្តីតិ មារោតិ បញ្ញត្តិ នាមំ នាមធេយ្យំ។ អត្ថិ តត្ថ មារោ វា មារបញ្ញត្តិ វាតិ តត្ថ មរណំ វា មរណន្តិ ឥទំ នាមំ វា អត្ថីតិ ទស្សេតិ។ ចតុត្ថំ ឧត្តានមេវ, តថា បញ្ចមំ។
65-67. Tatiye samiddhīti attabhāvassa samiddhatāya evaṃ laddhanāmo. Tassa kira therassa attabhāvo abhirūpo ahosi pāsādiko, ukkhittamālāpuṭo viya alaṅkatamālāgabbho viya ca sabbākārapāripūriyā samiddho. Tasmā samiddhitveva saṅkhaṃ gato. Māroti maraṇaṃ pucchati. Mārapaññattīti māroti paññatti nāmaṃ nāmadheyyaṃ. Atthi tattha māro vā mārapaññatti vāti tattha maraṇaṃ vā maraṇanti idaṃ nāmaṃ vā atthīti dasseti. Catutthaṃ uttānameva, tathā pañcamaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya
៣. បឋមសមិទ្ធិមារបញ្ហាសុត្តំ • 3. Paṭhamasamiddhimārapañhāsuttaṃ
៤. សមិទ្ធិសត្តបញ្ហាសុត្តំ • 4. Samiddhisattapañhāsuttaṃ
៥. សមិទ្ធិទុក្ខបញ្ហាសុត្តំ • 5. Samiddhidukkhapañhāsuttaṃ
